حديث المدينة

مفيد فوزى:مساء الفل فاكرين المطرب الشعبى الجميل محمد رشدى سفير الحس الشعبى لما غنى فى يوم من الايام صياد رحت اصطاد صادونى انا اتصور بكل تواضع ان الحياة الانسان فيها صياد ما علينا لمانشوف ان انسان يمسك صنارة يدوية اوماكينة ويقعد على النيل يصطاد سمك طبيعى ومبلوعة لو كان الانسان ده نفسة فى الغابة هيصطاد غزال مبلوعة انما انه يصيد تمساح هو ده اللى غريب لان ممكن التمساح يبكى بدموع مشهورة قوى عند الستات دموع التماسيح حتى دموع التمساح لن تشفع ان الراجل يصطاده اندهشت فتحاورت
فاصل
مفيد فوزى : التمساح ده حى ؟
نوبى : حى
مفيد فوزى : حى طب ايه يثب لى انه حى هورية لك دلوقتى اهو بهزر معاة
مفيد فوزى : بتهزر معاة؟
نوبى : طبعا الهزار على كده
مفيد فوزى : بتهزروا ؟
نوبى : اى حد لو عملة حاجة ما يتحركش معاة
مفيد فوزى : يعنى استنى يعنى الله الله الله يعنى انا لو مديت ايدى يعنى انا دلوقتى لو مديت ايدى وعملت حطيت هنا هيحس؟
نوبى : هيحس طبعا
مفيد فوزى : امال ليه بيقولوا دايما ان ده فلان جلده زى التمساح يعنى ايه جلدة زى التمساح
نوبى : التمساح ناشف شوية
مفيد فوزى : اه سيمك شوية
نوبى : سميك شوية
مفيد فوزى : طيب يعنى هو يقدر دلوقتى يحس حركتى انا بالذات
نوبى : حس بيك من فترة طويلة يعنى وبيشوف بعينة بيتحرك على 140 درجة
مفيد فوزى : على كام
نوبى : اللفة الكاملة على 90 درجة
مفيد فوزى : يعنى عينة زى الكاميرا
نوبى : اه عينة زى الكاميرا بيلف حوالين
مفيد فوزى : طب ما انا عمال اهو
نوبى : شايفنى هو عارفنى
مفيد فوزى : وان لو انت اللى عملت كده هيتحرك
نوبى : باحط له عصايا
مفيد فوزى : طب استنى كده انفخ له هوف هوف هوف طب دا ولا حاجة خالص دا ولا محترمنى ابدا هه مش محترمنى يعنى ولا حاسس بيا
نوبى : هو شايف بس يعنى
مفيد فوزى : يعنى انا مش حاطتنى فى اعتبارة
نوبى :لأ دا شايفك وكل حاجة بس ايه هزاة معايا عارفنى انا شخصيا
مفيد فوزى : اتفضل اتفضل اتفضل هزر اتفضل هزر
نوبى : انا بالعصايا شوف
مفيد فوزى : اه ايه بقى حصل له ايه فهمنى ده مفترس هههههه
نوبى : مفترس اه طبعا اه
مفيد فوزى : يعنى لو واحد معتوة حط ايدة جوا الفك ده
نوبى : خلص
مفيد فوزى : يخلص
نوبى : مشكلتة ان هوبيمسك سنانة زى ما بيجول بيعمل عاشق ومعشوق فى نفس اللحظة
مفيد فوزى : فى ثورة يهتم ان هو يدخل على اسنانة طب ماترفع شويا خلى الكاميرا تطل والا
نوبى : ماشى
مفيد فوزى : والا هوممكن يحس بالكاميرا
نوبى : لألألأ عادى
مفيد فوزى : اه ما تخفش اه انا هبعد بس كفايه كفايه كفايه هو يقدر ينط
نوبى :لالالأ
مفيد فوزى : ما ينطش
نوبى : ما ينطش لالالأ ما تخفش
مفيد فوزى : اه عنية دى بقى ايه هزر بس فى حدود النفخ بس انما مش فى حدود تمد ايدك هوالتمساح بيعيش فى مية
نوبى : طبعا مية فى النيل بس هو ايه مية
مفيد فوزى : ده تمساح ايه نيلى
نوبى : تمساح نيلى ايوا
مفيد فوزى : وده مختلف
نوبى : طبعا تمساح افريقى يااما نيلى يعنى ده مش مختلف يعنى
مفيد فوزى : التمساح اد ا يه
نوبى : طولة يعنى
مفيد فوزى : اه
نوبى : 6متر و8 متر و10 متر حسب
مفيد فوزى : ده طولة اد ايه
نوبى : ده مترين الا 10 سم ده 190 سم
مفيد فوزى : اه ال جلدة
نوبى : الملمس
مفيد فوزى : الملمس ده عبارة عن ايه
نوبى : ده عبارة عن زى ماتقول ايه طاقة شمسية
مفيد فوزى : طاقة شمسية
نوبى : زى الطاقة الشمسية بتصل الحرارة بتتوزع على الجسم كلة ده جسمة دمة بارد فى الشتاء لو دمة بارد
مفيد فوزى : ايوا انا كنت بادور على الحتة دى لية التمساح دمة بارد
نوبى : هو معرفش التمساح دمة بارد يعنى زى ما بيقولوا ايه لانه بيخش جوا النيل بياخد فترة طويلة
مفيد فوزى : مين اللى اصطاد ده
نوبى : احنابنجيبة من الصيادين صغير كده
مفيد فوزى : وبيتربى
نوبى : بيتربى فى البيت
مفيد فوزى : الله يعنى التماسيح بتتربى فى البيوت
نوبى : طبعا اه عايز مراعاة خاصة
مفيد فوزى : عايز مراعاة خاصة
نوبى : زى العيل اه يعنى تهتم به وتغير له المية وتأكلة زى العيل الصغير تهتم به
مفيد فوزى : هو بيعرفك بقى يعنى بتبقى بينك وبينة عشرة
نوبى : ايوا عشرة ومعرفة
مفيد فوزى : بيعيش اد ايه التمساح
نوبى : بيعيش من 80 الى 90 ل 100 كده يعنى
مفيد فوزى : 100 ايه
نوبى : 100 سنة
مفيد فوزى : التمساح معمر
نوبى : يعيش لحد 100 سنة
مفيد فوزى : انت يعنى ده ايه دى مخالب والا ايه
نوبى : ده مخالب طبعا بيتحرك بية وبيضغك علية الحركة على ضوافرة
مفيد فوزى : تسمح تنزل ده علشان نشوفة وهو بيتحرك كده ويقف
نوبى : ماشى
مفيد فوزى : الحقيقة اناعايز اقولك علشان اكون مخلص معاك انه انا ايه باستمرار عندى تنبؤات سخيفة يعنى عندى سيناريوهات سيئة يعنى ابقى جى مبسوط وسعيد وباصور عن النوبيين وحياة النوبيين تبص تلاقى حاجة طلعت تحصل ان الاخ ده
يروح طالع قافز على الميكروفون تتصور طبعا ههه هياخد ايه وايدى اروح رميها اناهرمى له الميكروفون فى بقة 00
هو بياكل الحديد
نوبى : لأ هيمسكة ويحس ان ده حديد هيسبها لو حاسس ان ده ايد هيلف كده
مفيد فوزى : يعنى هو هو ممكن يحس اللحم ويحس الحديد
نوبى : يحس الحديد
مفيد فوزى : هو بياكل ايه الاخ
نوبى : بياكل لحمة بياكل كبدة بياكل سمك بياكل اللحوم كلها
مفيد فوزى : ده مزوى يعنى
نوبى : اه اه بياكل لحوم بس
مفيد فوزى : مين اللى بيوكلة
نوبى : انا اللى بوكلة بوكلة فى الصيف يوم بعد يوم وفى الشتاء كل 10 ايام كل 15 يوم مرة
مفيد فوزى : كل 15 يوم مرة
نوبى : وبيصوم 45 يوم
مفيد فوزى : هو اه
نوبى : فى الشتاء يعنى
مفيد فوزى : فى قصة شهيرة جدا اللى دخل التمساح وصام فية وعاش فية انت عندك فكرة فى ناس ممكن تعيش فى التمساح جوا
نوبى : لأ جوا التمساح يعنى لألأ
مفيد فوزى : مش ممكن مفيش ده اه مش ممكن عنية فين بقى لوسمحت قولى شاور لى على عينة اوعى بس ما تقربش من عينة قوى
نوبى : عنية هنا اهو ومناخيرة
مفيد فوزى : هوعنده حاسة الشم
نوبى : اه حسة الشم قوية جدا معندوش لسان التمساح
مفيد فوزى : التمساح ملوش لسان
نوبى : ملوش لسان ملوش لسان ملوش لسان لانه بيبلع بياخد فريستة وبيبلعها خالص
مفيد فوزى : الله ده سعيد على كده
نوبى : سعيد الحظ
مفيد فوزى : اه طبعا هوايه اللى عامل جايب الهم والبلاوى للبنى ادم 000 لسانة
نوبى : اه
مفيد فوزى : مش كده ده اللى جايب له الهم
نوبى : طبعا
مفيد فوزى : التمساح واضح انه ملوش لسان وده ايه تانى من الحيوانات اللى زى دى البحرية ملهاش لسان
نوبى : متهيأ لى الحيوانات البحرية كلها ملهاش لسان
مفيد فوزى : بتتكاثر ازاى فهمنى
نوبى :التكاثر بتعها طبعا
مفيد فوزى : وده ذكر والا انثى
نوبى : ده انثى
مفيد فوزى : بتعرف ازاى
نوبى : بيكشفوا طبعا
مفيد فوزى : بيكشفوا
نوبى :اه علية يعنى
مفيد فوزى : وانت طول اليوم راقد كده
نوبى : راقد مستكن كده هودايما كده يستكن كده وواقف على الشط طبعا يفتح بقة كده
مفيد فوزى : وانتوا اصطدتوة ازاى
نوبى : الصيادين جابوه
مفيد فوزى : صياد التمساح ده ايه اهم حاجة فية يعنى فى اسلوبة فى طريقتة
نوبى : طبعا صياد التمساح بياخد الصغير مش كبير لما بيجى
مفيد فوزى : مايقدرش يعنى ما يقدرش يصيد حاجة زى كده
نوبى : لأ بيجى بشبكة لازم يصطاد
مفيد فوزى : قولى وزنة اد ايه ده
نوبى : ده تقريبا ما يقلش عن 50 - 60 كيلو يعنى ما يقلش عن كده
مفيد فوزى : ده ملوش لحمة يتاكل ولا اى شئ
نوبى : لأ احنا بصراحة ما جربناش نذوق اللحمة بتعتة قبل كده
مفيد فوزى : عمرك اكلت لحم التمساح
نوبى : سمعت فى ناس بيكلوة فى افريقيا شرق اسيا وكده بس احنا هنا كاقرى نوبة ما قدرناش اوماشفناش حد
مفيد فوزى : قولى التمساح يجى له اكتئاب
نوبى : بالتأكيد
مفيد فوزى : بيجي له اكتئاب
نوبى : يعنى هو طول عمرة قاعد على الشط ممكن تحس ان هو
مفيد فوزى : قولى ده فين الدكر بتاعة
نوبى :الدكر بتاعة معنديش دى انثى انا كنت جايب 3 - 4 كبروا ونزلتهم فى البحيرة فى اللى مات يعنى
مفيد فوزى : وهو انثى التمساح لازم تعيش مع الذكر
نوبى : هوالمفروض علشان التزاوج يعنى
مفيد فوزى : وايه مواسم التزاوج والا انت معندكش فكرة
نوبى : انا اللى عرفتة بيتكسر فى شهر 6 و7
مفيد فوزى : فين فى المية والا فين
نوبى : فى البحيرة
مفيد فوزى : فى البحيرة
نوبى :ايوا
مفيد فوزى : فى المكان ده لأ
نوبى :لألأ
مفيد فوزى : يعنى انت لو جبت ذكر هنا ملوش قيمة
نوبى :لأ لانه فى موعد الفقص بيحط البيض على الشط فى الر مل بيدفنها فى الرمل
مفيد فوزى : بيدفن البيضة فى الرمل
نوبى : اه
مفيد فوزى : وبعدين
نوبى : بعد كده بتفقص فى اواخر 7
مفيد فوزى : اه
نوبى : فى اواخر 7 كده وبينزل على النيل
مفيد فوزى : اخر سؤال اتعلمت ايه من التمساح انت معاشرة ليك كام سنة
نوبى : ده بقالة 10 سنين معايا اتعلمت الصبر
مفيد فوزى : اتعلمت الصبر
نوبى : الصبر ايوا يعنى التمساح صبور خالص بيبص على فريستة لفترة محددة يعنى يحس يستكن فية لحد ما يجيب هدفة
بطريق مستقيم
مفيد فوزى : ايوا بس ده متنح لاحوالة
نوبى : لألأ هو ده الاستكمال بيشوف على حالة محددة وبيبص عليها
مفيد فوزى : اسمة ايه مسمية ايه
نوبى : يعنى الوما وجالوما كده يعنى
مفيد فوزى : بالوما
نوبى : ده الوما الثانى جالوما
مفيد فوزى : ده الوما يا الوما الوما رد عليا رد يا الوما يعنى واضح ان انا جاى من البندر هه
نوبى : هو عارف طبعا
مفيد فوزى : اه يا الوما ده شكلة غريب جدا ايه مكان اللسان اللى فاضى
نوبى : مفيش فاضى
مفيد فوزى : كام سنة عندة
نوبى : تقريبا 26 حاجة زى كده 26 فوق وتحت لكن تقريبا ما اعرفش لانة طبعا لو حطيت فى سنانة عصايه بيتكسر بيطلع غيرها على طول مش زى العيل بيطلع مرة واحدة
مفيد فوزى : تفتكر التمساح سعيد
نوبى : ما اظنش لان التمساح اللى عندى مش هيكون سعيد
مفيد فوزى : لية
نوبى : لانه حاسس ا ن هو محبوس يعنى مش موطنة الاصلى او مكانة الاصلى
مفيد فوزى : قصدك معتقل
نوبى : اه يعنى حاسس نفسة مش
مفيد فوزى : معتقل بلا اسباب
نوبى : اه يعنى حاسس نفسة
مفيد فوزى : ايوا ما انت معتقلة بلا اسباب عندك حيثيات الاعتقال
نوبى : لأ هو احنا كانوبة طبعا قاعدين على الشاطئ بيتوقف على الشط على الجزر فا حاجة عادية بعد ما اتبنى السد العالى ماحسناش بنشوف التمساح فا انت زى لمؤاخذة فى ناس بيربوا الكلاب
مفيد فوزى : اه بتفكروا نفسكم يعنى ده يعتبر ذكرى
نوبى : ذكرى وحاجة طبيعية يعنى زى القطة زى الكلب زى حيوان اى حيوان يعنى فى البيت عادى
مفيد فوزى :انتوا بتهتموا النوبيين بايه تانى غير التسماح
نوبى : عندنا هو التماسيح بالذات فى القرية النوبية قرية كبيرة فا فيها حيشان فعايز مكان واسع فا بنهتم شوية بية
مفيد فوزى : قولى لية الستات لما يعيطوا اويبكوا فى بعض الذكريات العاطفية او غير العاطفية لية يقولوا دموعهم زى دموع التماسيح
نوبى :هو التمساح دموعة يعنى
مفيد فوزى :كاذبة
نوبى :كاذبة يعنى مش معقولة
مفيد فوزى : هوالتمساح لة دموع عمرك ما شفت دموعة
نوبى :لا ما شفتش بصراحة
مفيد فوزى : يعنى دى تهمة الصقت بالتمساح
نوبى :اونطا كده
مفيد فوزى : اونطا
نوبى :اونطا كده التمساح لا بيعيط ولا بينزل دموع ولا حاجة
مفيد فوزى : ده احسن
نوبى : هو له صوت كده بالذات التمساح له صوت زئير زى الاسد
مفيد فوزى : طب ما هوده يمكن البكاء
نوبى : لأ زى ما تقول ايه له فترة محددة اللى هو ما لقا ش الذكر بيطلع صوت او الانثى سواء كده او كده
مفيد فوزى : يعلن
نوبى : اه
مفيد فوزى : بشجاعة بشجاعة
نوبى : بشجاعة
مفيد فوزى : على عكس الانسان
نوبى : يعنى
مفيد فوزى : التمساح اصدق
نوبى : اه صادق شوية
فاصل
مفيد فوزى : الترسينة كلمة بالاسبانية نطيرها عندنا البلكونة استبينا كلمة باليونانية نطيرها عندنا اتفقنا حتى الكلمات النوبية لها نظير
كلمة نوبى بتص تلاقيها بالضبط ليها نظير عربى عربى يعنى اللهجة العامية الصياد يجمع الكلمات النوبية ونظيرها صياد كلمات
نوبى : اهلا وسهلا بكم طبعا عندنا فى مصر القطر المصرى كلمة وحوى يا وحوى وحوى يا وحوى اى روح
مفيد فوزى : انه بيتقال فى رمضان
نوبى : فى رمضان لما بيشيلوا الفوانيس وبيدوروا وحوى يا وحوى حى واحاوى
مفيد فوزى : كلمة نوبية
نوبى : ده المعنى كلمة نوبية نوبية مش هيلوغروفية نوبية زمان النوبيين لما كانوا بيحتفلوا بالهلال لما بيحتفلوا بالهلال كانوا بيقولوا وى حا وى يعنى قولوا معايا كاون واى يعنى قول وى حاوى ايوة ايوة يعنى نعم مفيش ايوا ما بيقولوا ايوا من كتر ما عندنا فى مصر وى حاوى اى دوحوى قولوا معايا وكما قولوا معايا اليوحا هناك القمر معنى ذلك فى واحد ست عندها شوية كتاكيت جاعدة تعمل بيت الثعلب عندنا اسمة الشيكا بيكا - شيكا الصراخ بيكا المكار - الثعلب بياخد الصغيرين وبيجى بيهم الست كبر كتاكيت بيقولوا هبا تماطى طيتا كتوتموتو مش بيقولوا كتوماتا يا بطة كتومتوماتتت حتى الست الكبيرة بيقولوا عليها تيتا
مفيد فوزى : اه
نوبى : هبا تماتا تيتا يعنى يروح عند الكتاكيت او لما يجيبة عند الكتاكيت الصغيرين بيقول ايه من الثعالب بيقول او دوكمننا يو
مفيد فوزى : كمننا اللى بيقولها محمد هنيدى ؟
نوبى : بيقول كمننا يا بطة بيقول كمننا
مفيد فوزى : دى كلمة نوبى ؟
نوبى : ايو ايوكا يا انا بيغنى يقولوا ايوة يا انا ايوة كمننا يعنى الكمات زى الثعالب بيقولوا كده يوك كمننا يقولوا كمننا زى ما بيقول محمود اللى عندكوا
مفيد فوزى : محمد
نوبى : محمد هنيدى لأ ايوك كمننا كمننا بيو وبعدين هو اللى يقول كمننا الست بتقول سوسو يا خرابى بيقول سوسو يا خرابى يا لهوى بيقول ايه الصوت يا خرابى يا لهوى حاجات عندنا محمد هندى سو سو يا سو يعنى خرابى يا لهوى اى سوسو خرابى يا لهوى دول جم عشان ياخدوا الكتاكيت وهو لما بيقول لهم كده الثعلب بيقول علفكرا بيكا ضربديكى البيكا ايكل ايكا الاصولاحقضى على كلة من الطيور واخليكى تتغاظى اشيكا بيكا
مفيد فوزى : كلمة تانية .
نوبى : اول ما كده تتغاظ الثعلب اول ما بيقول كده الست بتقول واترارلى ترالندهلى
مفيد فوزى : تراللى
نوبى : اه
مفيد فوزى : يعنى ايه ؟
نوبى : ترا يعنى تهوى للى العقل
مفيد فوزى : كلمة نوبية ؟
نوبى : كلمة نوبية اول ما بيقول كده الثعلب انت بتقولى لى كده وحيات الكتاكيت ترابتتا بيقول ترابتتا
مفيد فوزى : يعنى ايه ؟
نوبى : بيقول للست مش هتقدرى تجيبينى اه مش هتقدرى تجيبينى تو خوشى عليه تراباتتا ترابتت توة هو ده وبعدين فى حاجة عندنا فى الايام فى الاسبوع فى النوبى فى بكاشابل كاشابل اليهود
مفيد فوزى : فى النوبى ؟
نوبى : بالنوبى علشان يوم السبت با الارض باكشابى يوم اليهود يوم الحد يقولو ا كيرابى كيرجى كيرجى كير القدوس النوبيين كانوابيقدسوا يوم الاحد قبل ايه قبل الاسلام لما كانوا ايه فى الديانة المسيحية تيراجية حتى لما بيخشوا فى الكنيسة بيقولوا سيرالاسوار كير القدوس اريتوا الحق والرحمة لكن بيقولوا ارية اريلية تيرارارا يوم الاثنين يوم الاثنين يقولوا منجالية منجالية يوم الزينة حتى ليا اخت كانت اسمها منجالية يعنى الزينة يوم المنجالية فى واحدة اميرة كانت موجودة اسمها كنداتى عندها توأم توأم ده يبقى معنى نوبية علشان بالعربى هو الشقيقان والاشقاء الشقيقان النوبى توأم فى البطن او ما اسمين من البطن طوأوما وبعد خادتهم تعمل لهم الزينة فين الكرنك فى الاقصر يوم ما ودتهم هناك قاموا جابوا حلاقين من اسوان الحلاقين هم الاطباء زمان وبعدين اول ما اتعمل لهم التسريح والزينة كل يوم حلاق جديد بيفتح هو بيقفل يوم الاثنين علشان كدهالحلاقين كل يوم اثنين لغايه انهاردة ما حدش بيعمل
مفيد فوزى : ايه بقى السبب؟
نوبى : السبب الست اللى راحت هناك وعملت له التسريح بتعهم هما قفلوا محلاتهم ال 3 حلاقين اللى راحوا يوم الاثنين اى حلاق جديد بيفتح محلة يقفلة
مفيد فوزى : نقلب القاموس؟
نوبى : نقلب القاموس هناك عندهم دوغرى مش كل الناس بتمشى دوغرى ما بيحولوش حتى العمى بيمشوا دغرى ما بيحودوش العمى عندنا الفرد العمى
مفيد فوزى : الاعمى اسمة دغر؟
نوبى : والزمن اسمة دغرى عشان كده تمشى زى العمى واحد يقولك عربون عربون عارف يعنى ايه امسك عار يعنى خذ بونو خلية عندك عربون يقولك خلى عندك
مفيد فوزى : عربون دى كلمة نوبية ؟
نوبى : كلمة نوبية نى اشرب النيل المشروب عشان كده تقول نهر النيل يقولوا بكاكا دسة مش بيقولوا بكاكا دسة
مفيد فوزى : دا عبد المنعم ابراهيم ؟
نوبى : عبد المنعم ابراهيم بيقول بكاكا دسة فى الفيلم
مفيد فوزى : تمام
نوبى : هو بيقول ايه بكاكا دسة بكا حدث اتقال كا البيت دسا الاسمر بكاكا دسة السمرة اللى تأنسى فى دارى بكاكا دسة بالنوبى انس الوجود فى حاجة اسمها طبعا جزيرة دلكا عارفين جزيرة دلكا جزيرة واحدة فى بنت كتبت اسمها ليه لخطيبة وبعدين الاب منع البنت تروح الجزيرة قال لها ما تروحيش البت تروح الجزيرة الصبح تقول هاى دلكايعنى انا اذكرنى ما تنسانيش حاجات ايه وحاجات ا صلا من كده
مفيد فوزى : انت انت عمرك كام سنة ؟
نوبى : انا عمرى داخل فى 64 سنة
مفيد فوزى : اه جمعت القاموس ده ازاى؟
نوبى : القاموس يعنى سياتك كده بتقول معلومات وحاجات كده ااخذ من ده وااخذ من ده لوالدى
مفيد فوزى : طب فى احيانا بقولوا بعض الكلمات المصرية اصلها يونانى واحيانا اصلها ا سبانى يعنى مثلا تراسينة ؟
نوبى : تراسينة
مفيد فوزى : يعنى بلكونه ؟
نوبى : ايوا فى حاجات موجودة طبعا باليونانى
مفيد فوزى : اه
نوبى : حاجات زى كرنك حاجات زى كده زى عندنا يقولك ايه
مفيد فوزى : لما يقولك موافق؟
نوبى : موافق
مفيد فوزى : اه ليها معنى معين فى اليونانى هى نفس الكلمة اللى بتتقال فى مصر ؟
نوبى : زى عندنا فى الاقصر طيبة
مفيد فوزى : طيبة معناها ايه ؟
نوبى :بيقولوا يونانى طيبة يعنى المركز المقر طيبة طبعا بيقولوا اليونانى حاجات النيل
مفيد فوزى : اللغة دى انت بتتفاهم معاها مع حد اللى هى انت قلتها ؟
نوبى : لأ انا كنت اصلا فى الاثار زمان وبعدين كنت باجيب الناس الكبار زمان كنت باجبهم حاجات زى كده معلومات انا عندى كام وستين سنة دخلت معلومات ناس كان عندهم ايه بتبقى 100سنه و150 سنة زى والدى والناس دول
مفيد فوزى : انت فعلا قاموس متحرك؟
نوبى : وبعدين انا كل برنامج او كل جائزة سياتك موجود فى هى طبعا كنت اسمع واجلس واخد كلة يعنى عن ااخذ حاجات جميلة جدا وباعمل حاجات تانية بردوا
مفيد فوزى : سيظل الرقص والغناء من تراث الشعوب هذ1 صياد للمعنى للرقصة للنغمة للصوت يحقق احساس النوبى عندما يصرخ ويغنى ؟
فاصل
مفيد فوزى : ياترى البنت النوبية الجميلة العيون ذات القد الممشوق والرقبة النفرتيتى بتفكر ازاى ده اللى حاولت اعرف 00 حاولت اعرف البنت النوبية بتفكر ازاى ده السؤال 00 عمرك فكرتى تعملى رجيم
نوبية : بصراحة اه
مفيد فوزى : امتى ؟
نوبية : يعنى لما احس ان انا تخنت
مفيد فوزى : انت وزنك اد ايه ؟
نوبية : 75
مفيد فوزى : وانت عايزة تبقى كام ؟
نوبية : 55
مفيد فوزى : لية عايزة تخسى ؟
نوبية :احسن
مفيد فوزى : النوبيين الرجالة يحبوا الجسم الحلو ؟
نوبية : طبعا اكيد
مفيد فوزى : هه
نوبية : طبعا
مفيد فوزى : ولا بتقلدى الناس اللى فى البندر؟
نوبية : لألأ
مفيد فوزى : ايه نقدك على بنات البندربنات القاهرة ايه نقدك عليهم ؟
نوبية : مش كويسين يعنى
مفيد فوزى : ازاى ؟
نوبية : يعنى العرى اللى هما فية وكدهيعنى
مفيد فوزى : انت كارهة العرى رأيك ايه فى العرى ده ؟
نوبية : مش كويس اكيد طبعا
مفيد فوزى : اظن مش ممكن ابدا بنت فى النوبة تلبس الزى ده؟
نوبية :لآ طبعا لأ طبعا
مفيد فوزى : لا يمكن ؟
نوبية : لأ
مفيد فوزى : مين الممثل اللى بيعجبك من نجوم السينما ؟
نوبية : من نجوم السينما
مفيد فوزى : اه
نوبية : ممثل يعنى
مفيد فوزى : اه ممثل مين اللى بيعجبك انت مين ؟
نوبية : عادل امام
مفيد فوزى : عادل امام بيعجبك تفتكرى لو انا سألتك عن الحب ده يعتبر خطر فى القبيلة النوبية ما اقدرش اسالك انا عن الحب انت بتقولى الحب مستغربة ؟
نوبية : لأ انا مش مستغربة لية الحب موجود فى كل حتة
مفيد فوزى : انت حبيتى ؟
نوبية : طبعا
مفيد فوزى : انت متزوجة ؟
نوبية : لأ انا انسة
مفيد فوزى : اه وفى حياتك حب ؟
نوبية : اكيد طبعا
مفيد فوزى : الاهل عارفين ؟
نوبية : لأ مش عارفين بينى وبينهم بس مش عارفين
مفيد فوزى : دا البنات النوبيات طوروا قوى ؟
نوبية :اكيد
مفيد فوزى : هه يعنى انت بتحبى طب ما هيعرفوا دلوقتى من التليفزيون ؟
نوبية : مش مهم يعرفوا
مفيد فوزى : طب وبعدين ؟
نوبية : لأ ماهو هيجى ان شاء الله
مفيد فوزى : اه
نوبية :عاوزك تقولى لى لما الراجل النوبى يغازل النوبية يقول لها ايه نفسى اعرف طريقة الغزل بين الشاب النوبى والبنت النوبية
نوبية : هو بيحبها ؟
مفيد فوزى : اه
نوبية : بيقولها يا كادولى
مفيد فوزى : يا كادولى
نوبية : اه
مفيد فوزى : يعنى ايه يا كادولى ؟
نوبية : يعنى بحبك
مفيد فوزى : الله هوكلمة يا كادولى معناها انا باحبك يعنى دى اقصى كلمة تتقال للبنت النوبية
نوبية : اه طبعا
مفيد فوزى : ودى احلى كلمة تسمعها ودنك
نوبية : اه طبعا
مفيد فوزى : ايه المطربة اللى بتسمعيها فى التلفزيون ؟
نوبية : لبنانية ولا مصرية
مفيد فوزى : لا مصرية
نوبية : اصالة وجنات
مفيد فوزى : اصالة وجنات ومين اللبنانية
نوبية :اليسا
مفيد فوزى : ليه ا ليسا ؟
نوبية :يعنى اغانيها حلوة وكلها غزل وحب وكده يعنى
مفيد فوزى : انت اتعلمتى لغايه فين ؟
نوبية : حاصلة على معهد فنى تجارى
مفيد فوزى : معهد فنى تجارى فين ؟
نوبية : هنا فى اسوان
مفيد فوزى : فى اسوان ؟
نوبية : اه
مفيد فوزى : انت عنيكى حلوة ؟
نوبية : ربنا يخليك
مفيد فوزى : السمرة دى والبشرة دى هى مظهر من مظاهر البنت النوبية ؟
نوبية : اكيد طبعا
مفيد فوزى :انت بيأثر فيكى الشمس يعنى انا ممكن اقعد يومين يبان عليا الشمس ؟
نوبية : لأ انا ممكن على كده لونى يكون غمق
مفيد فوزى : كمان
نوبية : اة والله العظيم اه طبعا
مفيد فوزى : قولى لى الراجل النوبى بيفكر فى ايه فى البنت النوبية ؟
نوبية : احنا اول حاجة كده طبعا اخلاقها طبعا تكون ست بيت محترمة تصون زوجها
مفيد فوزى : اه
نوبية : بس
مفيد فوزى : انت عندك كام سنة ؟
نوبية : 21
مفيد فوزى : فكرتى تتزوجى امتى انتوا عندكوا هنا البنات النوبيات يتزوجوا فى سن كام ؟ظ
نوبية : والله هو فى اصلا بس اصلا المفروض يعنى بعد 25 وطالع تكون يعنى وضبت نفسها وكده
مفيد فوزى : 25 يعنى البنت النوبية مش بتتجوز وهى فى بدايه العمر؟
نوبية : لأ بعد 25
مفيد فوزى : انت هنا هو مناخيرك مش موجودة خالص راحت فين ؟
نوبية : مش عارفة يمكن سبتها فى البيت
مفيد فوزى : ده الجمال النوبى ؟
نوبية : يمكن سبتها فى البيت
مفيد فوزى : بالمناسبة عمرك ما عملتى عملية فكرتى فى عملية ؟
نوبية :لأ طبعا الحمد لله انا كده بطبيعتى
مفيد فوزى : لكن عمر بنت نوبية ما تعمل عملية ؟
نوبية : ما اظنش
مفيد فوزى : ايه الفرق بينك وبين بنت فى اسوان لما انا اشوف بنت اعرف منين انها نوبية والثانية اسوانية
نوبية : يعنى بنات اسوان؟
نوبية : لأ هى
مفيد فوزى : يعنى لو شفتك انا اقول انك بنت من اسوان ايه الفرق بينك وبين البنت النوبية ؟؟؟؟؟؟؟؟؟؟؟
نوبية : هو الاول اللغة
مفيد فوزى : اللغة
نوبية : اه وبعدين يعنى احنا بنبان يعنى يعنى النوبيين بيبانوا وغير كده بيبانوا وكده
مفيد فوزى : ايه الشرط الاساسى اللى بتفرضية فى الشاب النوبى لو جالك يتزوجك ؟
نوبية : صراحة الاخلاق رقم واحد
مفيد فوزى : الاخلاق قبل الشكل ؟
نوبية : اه الاخلاق نحنا ما بندورش على الشكل
مفيد فوزى : اه
نوبية : الاخلاق يعنى يصونى
مفيد فوزى : يعنى ايه ؟
نوبية : يصونى يعنى يعرف يحافظ عليا وكده
مفيد فوزى : يعرف يحافظ عليكى ؟
نوبية : اه
مفيد فوزى : انت عندك كام سنة دلوقتى ؟
نوبية : 21
مفيد فوزى : جوازك امتى ؟
نوبية : ان شاء الله لما يجى النصيب
مفيد فوزى : البنت النوبية لما بتتزوج بتخلف كثير ؟
نوبية : لأ
مفيد فوزى : يعنى انتوا مجتمع النوبة تخلف كثير؟
نوبية :لألأ ما بتخلفش كثير
مفيد فوزى : اكثر حاجة ايه ؟
نوبية : يعنى فى الخلفة
مفيد فوزى : اه
نوبية : يعنى فى بنات وفى صبيان عندنا
مفيد فوزى : يعنى قصدى كام كام كام العدد؟
نوبية : العدد الصراحة يعنى كام نفر فى ناس بتخلف 7 وفى ناس بتخلف 6
مفيد فوزى : يعنى الخصوبة فى النوبيين موجوده اه بس مش فى كلة يعنى فى ناس ممكن تلاقى مثلا عندهم نفرين بس عيلين ممكن تلاقى فى ثلاثة وفى اربعة وفى خمسة ؟
مفيد فوزى : امتى البنت النوبية بتتطلق؟
نوبية : حسب النصيب بس بعد الشر انا صراحة ما سمعتش
مفيد فوزى : انا بسألك انا عايز اعرف مجتمع النوبيات امتى البنت النوبية بتتطلق ؟
نوبية : اكيد طبعا لما ماتحافظش على زوجها وتحافظ على بيتها واولادها
مفيد فوزى : هو يروح مطلقها ؟
نوبية : اكيد طبعا
مفيد فوزى : انتوا شايفين اول مرة تطلعوا تتكلموا فى التليفزيون ؟
نوبية : لآ بالعكس علنا لقاءات كثيرة قوى لما نخرج برة
مفيد فوزى : لكن اتكلمتى اتكلمتوا عن البنت النوبية ؟
نوبية : لأ طبعا اول مرة
مفيد فوزى : اول مرة تتكلموا؟
نوبية : اول مرة
فاصل
مفيد فوزى : ويبقى صائد لؤلؤ الكلمات احيانا اتساءل هل لدية منجم ذهب من الكلمات صائد اللؤلؤ جاء فى الربيع ورحل ايضا فى الربيع كأنة على موعد مع الربيع واعطانا ربيع الشعر وبعضا من خريفة هذا اللقاء جرى بينى وبين الشاعر الكبير نذار قبانى فى مارس 84 كنت باطلع ايامها فى بدايه حياتى ومشوارى بضهرى كانت لسة التقاليد التليفزيونية بخير وبحترام نذار قبانى فتح قلبة كانسان حبيت اركز فى هذا الجزء لحضراتكوا اشوفة عن نذار والمراة ياترى كيف كان يرى نذار المراة من عمق احساس الشاعر يرسم لنا عن المراة صورة بالكلمات
فاصل
مفيد فوزى : نذار قبانى نذار توفيق قبانى ابوعمر انا اعلم انك تؤمن معى ان حياة الاشياء موت لها .
نذار قبانى : صح
مفيد فوزى : انت شاعر انت ايضا كائن استثنائى ان صح التعبير وايضا تعيش دوما فى ارض التوتر والانفعال رغم هذا الهدوء؟
نذار قبانى : الطاغى
مفيد فوزى :الذى يبدو عليك وانا اعتقد حوارى معك سيكون ابحارا فى الانسا ن ربما قبل الشاعر استاذنذار حضرتك بتقول للمراة ثورى انى احبك ان تثورى تثور على ماذا؟
نذار قبانى :على كل شئ اولا على الرجل هذا الاقطاعى التاريخى الذى يحاول ان يمسك بيدة كل شئ العلم والمال والاقتصاد والزواج والاختيار حرية الاختيار المراة مهما تقدمت كان فى حكايات نسائية كثيرة لكن اعتقد انها لم تحقق شيئا من هدى شعراوى الى قاسم امين الى اليوم لان هو عادة المرأة بلاش وليس هناك فرق بين الامى او العالم او المثقف حتى المثقفين فى داخلهم ابوزيد الهلالى حتى المثقفين حتى بيروح الواحد بياخد باشبين من العالم الخارجى دكتوراةب الحقوق او بالاقتصاد السياسى ويأتى ليمارس على شقيقتة او على زوجتة نفس الفكرالاقطاعى بتاع ابو زيد الهلالى المراة يجب ان تثور دائما لانة مش حد بيخلصة حد يعنى الرجل لن يعطيها شئ اطلاقا هو رجل فاتح شركة محدودة الاسهم مملوكة للرجال فقط وهو لن يعطى اذا المراة لن تاخذ مثل ما بيقولوا يؤخذ ولا يعطى
مفيد فوزى : نعم
نذار قبانى : فخليها تحط فى بالها المراة اذا لم تاخذ اللقمة من بين اسنان الرجل فهو اكلها اكل المراة واكل اللقمة مع بعض
مفيد فوزى : انت بهذا المنطق تحول المراة الى مظلومة المظلومين ؟
نذار قبانى : جدا
مفيد فوزى : هل هى بالفعل كذلك؟
نذار قبانى : جدا طبعا وانا اعتقد مظلومة بس الرجل يحاول ان يعنى يدعى العكس يدعى انه العكس
مفيد فوزى : واين الحقيقة ؟
نذار قبانى : طبعا مع المراة
مفيد فوزى : مع المراة ؟
نذار قبانى : طبعا
مفيد فوزى : استاذ نذار اسمح لى اكلمك كاب ايه الممنوعات والمسوحات التى تسمعها وتمنع منها ابنتك سؤال مباشر ؟
نذار قبانى : والله مافى انا بعد ما شاعر بازدواجية
مفيد فوزى : نعم
نذار قبانى : انا بشعرى بحياتى بسلوكى باخلاقياتى واحدانا اعطى بنتى كل الحريات بس بنظام وسمة
مفيد فوزى : ازاى من فضلك ؟
نذار قبانى : يعنى مثلا اناعندى تعهد ممنوع التعهد اذا مفيش احد انا ما عندى مانع اما ان تنتقل من رجل الى رجل كل ربع ساعة هذا يشكل امتهان للاخلاقيات اللى انشئت عليها انا نفسى لا اقبل ان ارقد من امراة الى امراة الى امراة من دون هدف ال يعنى الدنجوان مثلا سخيف لأ فا بنتى فى ضمن طواف الاطار اللى انا انشأت علية انا اطارى متحرر كلمتى مع اصدقائى وصديقاتى اهلا وسهلا بس انا اريد ان اقول شيئا كذلك يشيغون ابنتهم يشيغون بمعناها انه يعطوها قواعد الخير والشر يعنى مش تذهب البنت بدون اى رادع انه عندما ينزلوا ابوها وامها وتتصرف فى نطاق الاطار الخلقى يعنى مش معقول ان بنت يترك لها ان تفعل ماتشاء لأ وهى لا تفعل يعنى المفهوم ان نعلم بناتنا المسئولية مسئولية تجاة اللى يصيبها اللى هى تجاة نفسها والمسئولية تجاة ابوها وامها والمسئولية تجاة المجتمع وهذا ما فية خوف وبعدين اناباعتقد ان هو المرأة المثقفة لا خوف عليها من السقوط المراة الجاهلة هى التى يخشى على سقوطها لان مفيش عندها شئ مفيش عندها كل هذا الخير وهذا
مفيد فوزى : مفيش مفيش بوصلة ؟
نذار قبانى : مفيش بوصلة هى ضائعة مثل سفينة خوبن تترنح عبر البحار
مفيد فوزى : تمام هل تقبل ان الزواج حالة روتين طويلة ؟
نذار قبانى : نعم نعم حقق يااخى فى كل العقود بما يخاف التجارة يخافض الوثاقة بالمحكمة الشرعية كل عملية توثيق الحب هو اللى يوثق نفسة
مفيد فوزى : اه السيد نذار ازاى بتقول لحبيبة نسالك الرحيل ازاى؟
نذار قبانى : هناك انادى حبيبة
مفيد فوزى : ازاى؟
نذار قبانى :لازم ترحل بس مش رحيل ابدى يعنى اقصد لازم تختفى شوية لغايه ما قضية الالتصاق انا باعتبرها ديت عملية قتل للحب الان كنا كنا ننتقل يجب المراة تعرف كيف تقترب وكيف تبتعد ان تلح على طول ان تتكلم على طول ان تكون حاضرة على طول الا تاخذ اجازة الا تسافر الا انا مثلا كشاعر وكا انسان اضايق مثلا اذا اريد ان اكتب شئء تلاقى المراة من خازن وزلان وتبص على الاوراق هذا هو بيذل فمذاج المراة اللى عم بيشاركونى فا الدكتور بيقول والله احنا عندنا مشوار وسط الساعة بنجيب غرض ونروح راجع هذه المراة بيكون مفيش عندها غرض بغض مفيش حاجة عندها تعملها
مفيد فوزى : مسافة اشواق ؟
نذار قبانى : اه ايوا بس هى تريد ان تعطيك الفرصة لتفكر فيها وهذا هو بالضبط موقفى من هذه القصيده
مفيد فوزى : ماذا قلت ؟
نذار قبانى : تسمح
مفيد فوزى : اه اتفضل
نذار قبانى: الكتاب
مفيد فوزى : اه الكتاب اتفضل انت نظرك ضعف ولا ايه ؟
نذار قبانى : طبعا ايام مع الايام
مفيد فوزى : ماذا قلت ؟
نذار قبانى : لنفترق قليلا 00 لنفترق قليلا 00 لخير هذا الحب يا حبيبى وخيرنا لنفترق قليلا لانى اريد ان تزيد فى محبتى اريد ان تكرهنى قليلا
مفيد فوزى : الله كراهية كراهية ايجابية ؟
نذار قبانى : ايوا كراهية ايجابية وحق ما لدينا من ذكرى غالية كانت على كلاينا بحق حب كان رائعا مازال منقوشا على فمينا مازال محفورا على يدينا بحق ما كتبتة اليا من رسائل ووجهك المزروع مثل وردة فى داخلى وحبك الباقى علىشاعر على اناملى بحق زكرياتنا وحزننا الجميل وابتسامنا وحبنا الذى هى اكبر من كلامنا اكبر من شفئنا بحق احلى قصة للحب فى زماننا اسألك الرحيل
مفيد فوزى : اللههههههههههههههه استاذ نذار من فضلك الدبلة هذه دبلة بلقيس ؟
نذار قبانى : نعم
مفيد فوزى: بعد رحيل بلقيس كيف تعيش تجربة الاب والام فى ان واحد ام انا قد اخطأت فى وصف الحالة ؟
نذار قبانى : لأ بالعكس انت وضعت يدك بدقة على الحالة والله يبدو لى ان حالةالحالة هى كل شئ ينفد واليوم انا اهتم بزينب وعمر طعاما وشرابا ودراستنا واجد انه ليس هناك حل اخر عندى وخياراتى محدودة والحمد لله وصلوا الى سن اصبحوا قادرين على ان يديروا السفينه لوحدهم
مفيد فوزى : عفوا اسمح لى بجرأة متواضعة هل تفكر فى الزواج؟
نذار قبانى : اعوذ بالله 00 يعنى انا باعتقد انه بعد الستين يصبح الزواج عملية بحث عن ممرضة وانا لا اريد ممرضات
فاصل
مفيد فوزى : ليه ينتعرض فى حديث المدينة لذكرى فنان شاعر اعطى الغناء اجمل ما عطاه زى نذار قبانى لية بنتعرض احيانا لذكرى ميلاد عباس محمود العقاد كابتن العبقريات استنتجت بشخصى المتواضع يمكن نغرى مشاهد انه يدور على كتاب للعقاد انه يدور على ديوان شعر لنذار قبانى يمكن نروج القراة يمكن ناخذ جزء على المية من اهتمام الناس بالكورة للاهتمام بالقراة فهناك على باب معرض فرانكفورت الدولى فى المانيا عبارة من ثلاث كلمات تقول الانسان القارئ لا يهزم لارق المعنى اعيد بثها مرة اخرى على الشاشة لكى تظل قيمة محفورة فى راسك