حديث المدينة

مفيد فوزى :هحكى ليكوا حكايه ممكن تحصل فى بيتك وممكن تحصل فى بنتك الولد اتعرف على البنت البنت استلطفتة اتقابلوا قال لها انا جاى لك علشان خاطراخطبك قالت له جميل قال لها بس عايز شوية ذهب اصورهم بس علشان هعمل هنا محل ذهب فى مصر راحت جابت كل الذهب بتاع عيلتها ووديتهوله قعد وبدأوا علشان خاطر يصوروا واتقابلوا فى قهوة والبقية هيحكى ليها لكم المسئول عن جرائم الانترنت الشاب بيتكلم على المدونات عنده قدرة انه يقول أرائه بكل حرية فيها احيانا افكار معقولة وفيها احيانا افكار ما ينبغى ان تظهر ولا تطلع لان فيها السب والقذف واستخدام مش محترم اعود مرة اخرى للانترنت واجزم ان الانترنت اداة تثقيف واداة معرفة واداة سياحة بالمعلومات واداة معلومات اجزم بهذا بالعشرة وادرك ادراكا عميقا ان التكنولوجيا تعطينا اجمل ما فى الحياة من ثمرات العلم لا يمكن مصادرتة ولا يمكن نيجى ابدا فى وجة العمل ونتصدرابدا انما القضية الحقيقية هى الاستخدام الامن للتكنولوجيا الاستخدام الامن لشبكة الانترنت البيوت تسيب الولاد يخشوا على اى مواقع على فكرة زمان كانت الام لما يتجى واحدة صحبتها للبنت تقول لها ما تخلصينا يا اختى من صحبتك دى الساعة بقت 11 وعاوزين ننام تقول لها طيب يا ماما وتنزل تقول لصحبتها هى هتنام هتنام فهى هتنام فانتى اتكلى على الله لكن البنت نفسها اللى مشت صحبتها هههه اللى مشت صحبتها ممكن تطلع فى اوضتها وتقابل 100 شاب و100 بنت ويفضلوا يتكلمواللصبح ومحدش بيعرف بيتكلموا فى ايه ممكن القيم تذوب ممكن قناعة بازدراء الاديان انا عايزانبه الى مصايب هذا الجهاز ولما اقول بنبه لمصايب الجهاز معناه ان انا بتعرض لسلبياتة مع الاحترام الكامل لايجابياتة ان الانترنت وسيلة معرفية لكن احيانا ما يتحولش الى وسيلة معرفية بيخش ولاد عندهم 17 -18 - 20 سنة قراصنة على شبكات الانترنت ويخشوا على الناس ومدخراتهم وفلوسهم وحساباتهم وده ايضا هيحكية المسئول عن جرائم الانترنت حبيت اقول ان احنا للمرة الثانية نعود الى الانترنت متهما خصوصا لما تبقى فى جرائم تدمر البيت او تدمر حياتك او تدمر سمعة انسان ما اسهل ذلك ليه لان الشخص اللى على النت غالبا ما تعرفهوش ده مختفى مختفى وما تقدرش تعرف هو مين ومن هنا تاتى الخطورة ما المطلوب لماذا لا نقدم هذه الحلقة للمرة الثانية لكى نقول للبيت المصرى خد بالك خد حذرك فى بيتك انترنت لا تترك الامر كده حبل على الغارب لآ تنبة الى المواقع وتنبة ايه اللى بيخش عقول ولاد وتبة الى نفسك مش ورقة تيجى لك من بنك تروح على طول خارر كده مدى كل المعلومات وبعدين تحصل لك بلوى مسيحة اناقش الامر واطرحة بين اطراف القضية صوت وصورة فى حديث المدينة ومعكم مفيد فوزى
فاصل
مفيد فوزى :المستشار اشرف خفاجى قد يبدو لبعض الناس ان احنا لما نعمل برنامج فى حديث المدينة اسمة الانترنت متهما قد يبدو فى نظر البعض ان احنا بنصادر تكنولوجيا المعرفة وقد يبدو ايضا للبعض ان احنا بنتهمة باشياء كثيرة ربما ليست فية على الاطلاق ولكن انا اتصور اذا اذنت لى ان المعنى الحقيقى وراء هذا البحث هو الاستخدام الامن للتكنولوجيا هذا هو المراد يعنى لسنا نصادر ولسنا نتهم اتهامات كده جزافية لكن هناك جرائم بدليل انه حضرتك نائب رئيس جمعية لمكافحة جرائم الانترنت هذه الجمعية مثلا عمرها اد ايه ؟
المستشار/ اشرف خفاجى : والله عمرها حوالى تقريبا 5 سنين
مفيد فوزى :5 سنين يعنى كانها نشأت بالتزامن مع نشاط الانترنت فى مصر
المستشار/اشرف خفاجى : ايوه
مفيد فوزى : امتى ابتديتوا تحسوا ضرورة ميلاد هذه الجمعية ؟
المستشار/ اشرف خفاجى : احنا بنشتغل فيها تقريبا يمكن من سنة 2010
مفيد فوزى :اه
المستشار/ اشرف خفاجى : وكانت احنا كنا عاملين مجموعة بتشتغل عشان نعمل جمعيات لقانون الانترنت علشان تقاوم اوتوعى المجتمع بالمشاكل ونحس المشرع على وضع القوانين والتشريعات
مفيد فوزى :الا توجد تشريعات ؟
المستشار/ اشرف خفاجى: مفيش تشريعات لسة
مفيد فوزى : حتى الان ؟
المستشار/ اشرف خفاجى : فى طبعا التوقيع الالكترونى حاليا ظهر وابتدى يتفعل
مفيد فوزى :اه
المستشار / اشرف خفاجى : فى قانون الاتصالات بياأخذ جزء طبعا انما مفيش قوانين عقابية مفيش دخلت قوانين الاجراءات الخاصة بالجريمة الالكترونية
مفيد فوزى :ابرز ما فى الجرائم الالكترونية ايه تشوية الرموز وتشوية الناس؟
المستشار / اشرف خفاجى :اه طبعا تشوية الرموز وتشوية الناس وطبعا جرائم السرقة سرقة البنوك وكل دى جرائم انتشرت كثير لسة فى قضية قريب اللى هى بين امريكا والمصريين وبعض الدول العربية اللى هى اتقبض عليهم بالفعل
مفيد فوزى : دى يمكن تتبعها على شبكة النت .
المستشار / اشرف خفاجى : طبعا عندنا فى ادارة الوثائق والمعلومات فى مصر ادارة قوية جدا بس هى الناس معندهاش وعى نروح نشتكى فين يعنى مش هروح قسم الشرطة العادى الضابط غير مؤهل هناك انما يروح ادارة الوثائق والمعلومات فى ادارة لمكافحة جرائم الشركات بيقدم بلاغة 44 وبيقدروا يوصلوا لحالات كثيرة جدا
مفيد فوزى : الوعى العام بالجريمة الالكترونية هل هو موجود؟
المستشار / اشرف خفاجى : لآ
مفيد فوزى : مش موجود ؟
المستشار / اشرف خفاجى : اه واكتشفنا ان اغلب الهاكر او اغلب مجرم المعلومات
مفيد فوزى :القرصنة ؟
المستشار / اشرف خفاجى :اه حكايتة فى الاصل هوايه انه مجرد بيثبت قدرات على انه بيقدر يخترق الموقع ده وبعد كدا يبتدى يتطور ان مثلا يخش على البنوك يبتدى يستفيد اويوصل من هذا الاكلا م انه يتكسب من ورائة فا مفيش وعى ودايما بنوعى الشباب بنقول لهم ايه انه اوعى تكون متصور انك متخفى وراء الجهاز لآ انهاردة فى وسائل حديثة هيقدر يوصل لك ويقبض عليك والاب بيفاجئ احيانا انه دخل المباحث اتقبض على ابنة ويسأل ابنة انت عملت ايه ما هو ابنة احيانا بيعمل ايه بيشترى حاجات ووالدة شايفة فا بيسألة يقولة ببيع برامج معلوما ت باعمل كذا وبيبقى فرحان به ان الولد عقليتة لكن فى الاخر بيلاقى المباحث جية له وبتقبض عليه وبيبقى شاب لان الاحصائيات بتقول ان المجرم المعلوماتى سنة بيبقى 25 سنة يعنى بيبتدى مثلا نقول من 18 سنة لغايه 40 سنة فى المتوسط 25 سنة مهواش مجرم عادى
مفيد فوزى :انت بتسمية مجرم معلوماتى ايه طبيعتة؟
المستشار/ اشرف خفاجى: طبيعتة انه ذكى جدا اثنين عنده قدرات خاصة بالنسبة للاجهزة التعامل مع الاجهزة مع البرامج بيقدر يتوصل الى انة يخترق المواقع فده بيبقى عنده قدرات فائقة هو مش بالضرورة قوى ان هوممكن يكون متعلم ولكن مش تعليم عالى بس هو تفوق مش شرط يكون خريج كليه كذا بالعكس هو ممكن يكون تفوق فى الاعمال التقنية الحديثة فبالتالى هو ممكن ياخد صفات خاصة عشان كده دائما باقول ايه ان دول لازم يكون لهم سجون خاصة
مفيد فوزى :اللواء محمود الرشيدى الناس اللى بتشوفنا حاليا يهمها تطمن ان هذه الشبكة شبكة الانترنت مش هيجيلها نوم منها من الشبكة دى بلاوى لا على العيلة ولا على الراجل لو عنده حسابات ولا اى شئ و علشان كده انا باكلم حضرتك على الاستخدام غير الامن لشبكة الانتر نت مع التقدير التام للعلم والتكنولوجيا انما فى بعض الاحيان التكنولوجيا دى كما تعلم ممكن تودى فى داهية ولا فى نهايه الامر المعرفة عند اطراف الاصابع وكل الناس ما بتستخدمش هذه المعرفة حسسنى بان الداخليه فى عيون قاعدة يقظة لهذه البلاوى
المستشار/ اشرف خفاجى :نرجع شوية كده مع تقدم التكنولوجيا للمعلومات والاتصالات منذ سنوات واستخدام شبكة الانترنت وتوسع الحكومة فى مجال سياسية الحكومة الالكترونية ومعظم الخدمات او السرفس اللى بتقدمها الحكومة عبر شبكة الانترنت كان هناك اتجاة قوى لدى وزارة الداخليه ومعالى السيد الوزير فى انشاء ادارة متخصصة لتأمين هذه التعاملات على شبكة الانترنت
مفيد فوزى : عمرها اد ايه الادارة ؟
المستشار/ اشرف خفاجى: عمرها حوالى 8 - 9 سنين
مفيد فوزى : يعنى انت منذ ان بدأت شبكة الانترنت تنتشر ؟
المستشار/ اشرف خفاجى: وقبل ان تنتشر فى مهدها الاول وقبل ان تنتشر عالميا فى بدء تعميم استخدامها داخل البلاد كان وزارة الداخليه لها السبق فى انشاء ادارة متخصصة ادارة مكافحة الحاسبات وشبكة المعلومات وهذه الادارة معنية لحمايه المواطنين ومواجهة اى تصرف غير امن على شبكة الانترنت اى عمل غير مشروع او مخالف او غير مرخص بية لشبكة الانترنت
مفيد فوزى : هل فى تشريع قانونى لهذا ؟
المستشار / اشرف خفاجى : بالنسبة للتشريعات القانونية الخاصة بمواجهة كافة انواع الجرائم المعلوماتية هناك العديد من التشريعات القومية عندنا قانون العقوبات العام سنة 37 فى العديد من المواد
مفيد فوزى :سنة كام ؟
المستشار / اشرف خفاجى : 37 ده قديم ودخل عليه بعض التعديلات الحديثة الاصل بتاعة دخل عليه كثيرمن التحديثات لان كثير من جرائم السب والقذف والتشهير بتتطلب توافر العلانية وما الى ذلك وبالتالى تطبق عليها العديد من هذه القوانين عندنا قوانين الاتصالات قانون الاتصالات لسنة 2003 قانون الاتصالات دوت قانون جديد ومنظم لتناول شبكات المعلومات والاتصال داخل جمهورية مصر العربية
مفيد فوزى :الاستاذة سحر الجعارة الكاتبة الصحفية المعروفة اثارت نقطة قالت هل صحيح انه تعامل ما ينشر فى الصحف بنفس الطريقة التى تعامل بها ما ينشر فى المدونات هل القانون يحسابهن واحد
المستشار / اشرف خفاجى :اعتقد ان فى المدونات هناك حرية مطلقة تماما ولا رقيب عليها اطلاقا وبالتالى لما حضرتك تتصفح كاى مواطن عادى شبكة الانترنت هناك العديد من المدونات اللى هما اللوكالاز اللى بيطلق عليها
مفيد فوزى : منطقك ايه احنا كدولة ؟
المستشار/ اشرف خفاجى : كدولة لا نتدخل اطلاقا
مفيد فوزى : ولا بالشلل ولا بنحلل؟
المستشار / اشرف خفاجى : طبعا بنرصد بنشوف علشان يبقى فى تقييم موقف
مفيد فوزى :ده اللى عايز اقوله.
المستشار / اشرف خفاجى : بالضبط يا افندم لان اعتراض على القيادات لما يتردد فى الشارع المصرى لما يتردد فى اذهان اللبلوجارز من نقاط قد تكون هناك عندهم بعض المعلومات قد تكون هناك عندهم بعض الرؤى والافكار يتم عرضها لتقييم موقف للوضع
مفيد فوزى : اه دى نقطة مهمة جدا اول مرة كنت باعرفها اذا من الناحية السياسة انت بتاخذ اللى بيطلع على المدونات وتحللة
المستشار / اشرف خفاجى : لازم يدرس.
مفيد فوزى :لازم يدرس .
المستشار / اشرف خفاجى : لازم يدرس .
مفيد فوزى :ويرصد ويعرف.
المستشار / اشرف خفاجى : ويرصد ولكن عايز اقول حاجة يرصد بمعنى ال CONTETANT بمعنى المحتوى بتاعة اما برضه علشان اوضح للسادة الحضور ان البلوجاز نفسهم كون ان هما مين هو اللى عمل دوت للعلم من الصعوبة بمكان الوصول الى العديد معظمهم بيشتغل من خلف بروكسى او حاجة بتحمية ومعظم السايت اللى بيشتغلوا فيها وبيؤدوا فيها الACTVETS الانشطة بتاعتهم دى بتتم بمواقع الكترونية خارجية من الخارج هذه المواقع بتحميهم من الرصد ومعرفة ال IB بتاعهم هقول لحضرتك حاجة النقد حق متاح للناقد
مفيد فوزى :تمام
المستشار / اشرف خفاجى : حق لكل انسان حضرتك عارف كده تماما واستاذ فى هذه الناحية ولكن النقد المحدود الذى لا يتناول اعراض الاخرين لا يتناول هتك حرماتهم
مفيد فوزى :اخر جرايم وصلت لحضرتك ايه لوسمحت من غيرالاسماء ؟
المستشار / اشرف خفاجى : هقول لحضرتك حاجة
مفيد فوزى :اتفضل
المستشار / اشرف خفاجى :هقول مثالين مهمين جدا
مفيد فوزى :اتفضل
المستشار / اشرف خفاجى : العديد من اولادنا ومن شبابنا اللى هما كل المستقبل اللى هو الجيل اللى الدولة بتعتمد عليه فى التنمية الادارية بتاعت التنمية الادارية المصرية الشباب بتعامل مع شبكة الانترنت بدون وعى وبدون اتخاذ اجراءات حمايه بلا مبالاة بيستغلها فيما ينفعة وفيما يضرة احدى الفتيات وكانت تتردد على بعض مواقع الدردشة تعرضت لاحد الشباب بتتكلم فى VERCHNAL LINE عالم افتراضى
مفيد فوزى :تمام
المستشار / اشرف خفاجى :عالم افتراضى تعرفت عليه وتعرف عليها ووصل الحال انه قال لها هاتزوجك قالت طب لو سمحت ممكن تكلم بابا قال انا هكلم بابا انشاء الله هكلمة فى التليفون وفعلا كلم والدتها فى التليفون وقال لها انا قاعد فى ايطاليا وهنزل مصر ان شاء الله وطلب ايد بنتك قالت له اهلا سهلا وبعد شوية قال لها انا اتعرضت لحادث نصب الدهب بتاعى اتسرق فا انا لو سمحتى هنزل مصرمع وكيل اعمالى علشان اخلص الموضوع بتاع الخطوبة بتعتك وارجع ايطاليا ثانى قالت له مفيش مشاكل نزل مع وكيل اعمالة كلمها قال لها بصى انا دلوقتى فى مشكلة هاخذ تصريح ان انا بتعامل فى الذهب هبتدى انا لازم يبقى عندى مجموعة من الذهب هصورها واقدمها لمصلحة الذهب ليعطونى تصريح قصة كده معينة هحتاج منك مجموعة دهب كده اصورها بس انا عارف هى شوية ولكن معلش تقبلى عشان بس اخذ التصريح قالت له طيب قال لها بس اوعى تقولى لحد
قال له لا دا انا هجيب لك الذهب واجيب لك دهب اخواتى بس هى نص ساعة
مفيد فوزى :هما شافو بعض ؟
المستشار/ اشرف خفاجى : ما شفوش بعض ON LINEانا باقول لحضرتك جابوا الدهب جابت الدهب بتاع اخوتها ومامتها بس نص ساعة لان لوقلتى انا باطلب ده هيقولوا عليا حرامى تمام ثقة دخل قلبها الراجل بييقول لها انا مش حرامى نزل قابلها فى الكافية وهو قعد فى الجزء الاول ومعاة وكيل اعماله انت جبتى الدهب طب نصور ومشى علشان تاخذية وتمشى على طول قام مطلع الذهب الشنطة اللى فيها لذهب زميلة او وكيل اعمالة قال لا احنا هنصور هنا هيقولوا علينا ان احنا سارقين ذهب قالت طب شايف ايه قالة اخذة اصورة فى العربية واجيبة على طول هما قعدوا يشربوا الشاى ووكيل اعمالة نزل وبيتكلم معاه بعد ما اتكلم معاة قال لها هو اتاخر ومعهوش كمان موبايل اخذ موبايلها كما ن قال لها دقيقة واحدة ام اتصل بزميلة قال له انت خلصت قال له اه خصلت شوية ولسة فى شوية قال لة طب ما تجيبهم قال له لا ما اقدرش اطلعهم لك علشان لو سبت بقيت الذهب فى العربية ممكن اللى هنا يتسرق واخد با لحضرتك معايا
مفيد فوزى :واخد جدا
المستشار / اشرف خفاجى : يتسرق
مفيد فوزى :اه ههههههههه وانت راجل جيد سيناريست حكايه غريبة قوى
المستشار/ اشرف خفاجى : اه ده فى اغرب من كده
مفيد فوزى :انا مستمع دا انا مديك ودانى كلها علشان الناس تعرف الهدف الناس تعرف احنا وصلنا يا افندم عند السيكوانس بتاع ......
المستشار/ اشرف خفاجى : قاله الدهب اللى خلص
مفيد فوزى :بالموبايل بتاعها ؟
المستشار/ اشرف خفاجى : بالموبايل بتعها بالموبايل كلمة هو رايح يعنى مقطعها
مفيد فوزى :اه
المستشار/ اشرف خفاجى : واخد دهبها وموبايلها
مفيد فوزى :اه
المستشار / اشرف خفاجى : نزل عشان قال لها بس هجيب منه نص الدهب واطلع عشان تتطمنى
مفيد فوزى :وهى قاعدة فى القهوة ؟
المستشار / اشرف خفاجى : وهى قاعدة فى القهوة جت تشتكى عملنا الاجراءات بتاعتنا من خلال التواصل مع شبكة الانترنت بقولها لكل هاكرز وكل نصاب وكل محتال يحاول استخدام الانترنت استخدام غيرامن
مفيد فوزى :اه
المستشار/ اشرف خفاجى :ان جهاز الشرطة له بالمرصاد .
مفيد فوزى :قدرتوا تجيبوه؟
المستشار/ اشرف خفاجى : قدرنا نجيبة
مفيد فوزى :والله برافو عايزاقول بس كلمة صغيرة علشان بس الناس ما تعرفها ش الناس لما تحصل حاجة زى كده يعنى ست البيت اول لما حصل ده افتكر انها راحت قسم الشرطة فا قسم الشرطة يقول لها
المستشار/ اشرف خفاجى : حضرتك اشرت الى نقطة مهمة خالص يمكن انا بشكرك عليها السادة المواطنين جميعا هناك ادارة متخصصة لمكافحة الاستخدام غير الامن عبر شبكة الانترنت
مفيد فوزى :بترجاك نمرهذا المكان الاول تقوله والاستاذ احمد معوض هيحطة على الشاشة
المستشار/ اشرف خفاجى :او اكثر من كده اكثر من كده عفوا
مفيد فوزى :اه اه
المستشار / اشرف خفاجى :ان هذه الادارة المتخصصة تنتقل من الاستخدام غير الامن لشبكة الانترنت مقرها وزارة الداخليه الويب سايت لوزاة الداخليه على شبكة الانترنت MOI EGYPT,GID.EGوبنتلقى منه الشكاوى الالكترونية لجميع الساده المواطنين حضرتك لو تحريت شوية كثير من الساده المواطنين قاموا بالادلاء بشكاويهم عبر الشبكة ونقوم بالاستجابة لهم هوت لاين
مفيد فوزى :كلمنى يا افندم على النصاب الشيك بعدين جبتوه؟
المستشار/ اشرف خفاجى : هقول لحضرتك برضه هنا هوت لاين خط ساخن
مفيد فوزى :اه
المستشار/ اشرف خفاجى : خط ساخن 108
مفيد فوزى :108
المستشار/ اشرف خفاجى : من اى خط
مفيد فوزى :لو حصل لاى حد مثل هذا الاشياء
المستشار/ اشرف خفاجى : 108 - 108احنا 24 ساعة فى الاسبوع بنرد عليه بندى له كل توجية بنحتاجة وما بنحتاجهوش بنتتخذ اجراءات بالنسبة لهذا النصاب
مفيد فوزى :ايوه اااااا حصل ايه يا افندم ؟
المستشار / اشرف خفاجى :عرفنا ال IBبتاعة السادة المواطنين اللى هما بيتعاملوا مع شبكة الانترنت يعلموا يعنى ايه ال IBده يعنى كل انسان بيتصل بشبكة الانترنت سواء ميديا معينة خط تليفونى معين IBاللى هما مقدمى خدمة الانترنت وصلنا له لقيناة راجل بتاع سيبرقاعد بيتردد على غرف الشاتنج روم
يمكن يلاقى اسم
مفيد فوزى :لكن هو مش قاعد فى ايطاليا ؟
المستشار / اشرف خفاجى : ايطاليه مين يا افندم ايطاليه مين
مفيد فوزى :ههههههههههه
المستشار / اشرف خفاجى : دا احنا اللى فى ايطاليا
مفيد فوزى :ههه قاعد فى مصر
المستشار / اشرف خفاجى : قاعد فى مصر وكل يوم على هذا المنوال
فاصل
مفيد فوزى :الكاتب الروائى احمد كفافى قصدت ايه برويتك حبيبى اون لاين وانا استغربت قوى حبيبى اون لاين الحب ده يعنى ارتعاشة الشفاة وعناق الاصابع وفكسات العيون ولا انا رومانسى ولا انا عايش فى عالم غيرعالمك ؟
احمد كفافى :والله نقدر نقول ان عصر الرومانسية نقدر نقول ان هو انتهى
مفيد فوزى :يعنى ايه متحزنيش ؟
احمد كفافى : انا بقول لحضرتك مش انتهى يعنى انتهى بالمعنى التقليدى هى الرومانسية موجودة لكن الشكل بتاع اللى احنا شفناة فى الاول فى الافلام القديمة وقرأناها فى الروايات الكلاسيكية للاسف انتهى مش زى زمان
مفيد فوزى :يعنى معدش في دمعة الفراق ؟
احمد كفافى :لا طبعا كل حاجة موجودة دمعة الفراق
مفيد فوزى :الاتصال الانسانى بين حبيبى حب العين اقولك ايه رمشة العين رمشة العين ليها مدلول هه يعنى معنى كده ان الصوابع عبد الحليم حافظ مسك صوابع لبنى عبد العزيز فى فيلم الوسادة الخاليه
احمد كفافى :يمكن الظروف اللى حوالينا اتغيرت
مفيد فوزى :ايه الشكل الخارجى ؟
احمد كفافى :اول حاجة انهاردة اصبح عندنا انا مش هقول على الحب الحب هو الحب فى كل الازمنة وفى كل العصور ولكن احنا بنتكلم على العلاقات الانسانية ومن ضمنها الحب الحب اللى هو يقود اخيرا الى العلاقات الانسانية الى الزواج الى الصداقة ليه اتغيرت لان انهاردة انحنا اصبح عندنا مجتمع معولم اصبح فى عندنا نوع من الاستقلاليه الفردية حتى اصبح برضه عندنا نوع من الاستقلا ليه الماليه اصبح فى حرية الاختيار وبعدين اغلب العلاقات الطبيعية تقوم على التنازل لما انت يكون عندنا حرية الاختيار للاسف العلاقات ديت بتهتز
مفيد فوزى :حبيبى اون لاين البطل عرف حبيبتة عن طريق شبكة النت .
احمد كفافى :نعم حبيبى اون لاين هى عبارة بالضبط عن ترجمة لعلاقة بتقوم كده من اولها لاخرها على شبكة الانترنت او بالاخص على الشات بس هو بيقولوها التشات
مفيد فوزى :يا احمد هى علاقة ليس فيها نبض
احمد كفافى :لآ هى لآ على العكس هى علاقة كلها نبضات
مفيد فوزى :فهمنى مين فين فين على الشبكة انا انادى حبيبتى
احمد كفافى :والله انا ما اقدرش اترجم العلاقة على شبكة الانترنت لان اللى لازم يترجمها هو اللى لازم جربها هو اللى لازم عاهدها
مفيد فوزى :عشت انت تجربة على الشات شبكة الانترنت ؟
احمد كفافى :والله ليس بالضرورة
مفيد فوزى :باعتبارك كاتب روائى ؟
احمد كفافى :انا عشت انا عشت
مفيد فوزى :انت تعرف ان الكاتب الروائى يصل الصدق عنده اذا عاش تجربة معاشة
احمد كفافى :نعم بالتاكيد كلنا عشنا تجربة ولكن انا شخصيا ما اقدرش اقول ان انا عشت تجربة من اولها لاخرها على النت بس مجتمع المغتربين بالذات دى البدايه يعنى مثلا انا عشت فى فترة اغتراب طويلة وبعدين الشبا ب بعد ما بيعودوا من العمل مش بيقعد يتفرج على التليفزيون لآ او حاجة بيعملها ان هو بيقعد على الكمبيوتر يبتدى التشات والتشات بتاعة بينحصر فقط على الناس او الدائرة اللى هو يعرفها
مفيد فوزى : تسمح لى اقولك حاجة ؟
احمد كفافى :نعم
مفيد فوزى :مش فى احتمال الشات ده .....؟
احمد كفافى :نعم
مفيد فوزى :غير امن؟
احمد كفافى :نعم
مفيد فوزى :مش فى احتمال الشات غير امن ؟
احمد كفافى :والله احنا ما بنتطرقش للمشكلات الغير تقليدية للتشات
مفيد فوزى :اللى هى ايه ؟
احمد كفافى :نعم اللى هى ان واحد هيعرف واحدة عن طريق اللتشات وبعدين تنزل تقابلة دى حاجة ثانية
مفيد فوزى :انا حتى لو كنت اصغر من ذلك بكثير لو انا عشرين سنة ثلاثين سنة للوراء هحب عن طريق النت عبر التشات ازاى ؟
احمد كفافى : والله هو زى اى علاقة فى الدنيا ممكن تبدأ بطرق مختلفة يعنى مثلا ليه هنروح بعيد احنا عندنا فى الادب وحتى فى الواقع علاقات كبيرة جدا ابتدت عن طريق التليفون علاقات ثانية كثيرة ابتدت عن طريق
مفيد فوزى : بس اشوف البنى ادم استاذ احمد احيانا الواحد بشكل عام يعنى يكلم حد والحد ده يكلمة وتطلع نمرة غلط كا العادة بس فى حاجات رسمها حسن الامام وكمال الشيخ وحسين كمال سنمائيا وبعدين يستظرفوا بعض ويحسوا بصوت بعض انما بقى كده بيشوفوا بعض وقد يقرروا انه اللحظة اللى يشوفوا بعض فيها لحظة منفرة او لحظة جاذبة والا انا غلطان
احمد كفافى :لا صحيح صحيح
مفيد فوزى :مش كده وقد تستمر هناك علاقة او لا تستمر انا ادافع عن الاتصال الانسانى وليس الحب عن طريق النت ؟
احمد كفافى : نعم
مفيد فوزى : وليس حبيبى اراه
احمد كفافى :نعم
مفيد فوزى : ولكن مش اون لاين ؟
احمد كفافى :والله حضرتك هو يعنى العلاقة اللى بدات فى الروايه نفسها حبيبى اون لاين بدأء علاقة عادية جدا ان هو البطل هادى عايز يشوف البطلة هادية ولكن هو بيفاجأ يعنى بعد مجموعة من الاتصالات الحميمية بيتقرب اليها وبعدين بيسألها انتى فين .
مفيد فوزى :عبر النت ؟
احمد كفافى :عبر النت
مفيد فوزى :ليه ليه ليه بتضيف عبر النت كلمة الحميمية يمكن انا غلطان حميمية ازاى ؟
احمد كفافى :هقول لحضرتك حميمية ليه لانه عمتا انا باعرف الشخص باتصل به بتكلم معاه بيشرح لى مشكلتة وبعدين بعد كده ممكن تكون عن طريق الكتابة عن طريق
مفيد فوزى :استاذ احمد ممكن اكون كذاب.؟
احمد كفافى :افندم
مفيد فوزى :ممكن يكون تليفون كذاب وانا بكلم بنت ؟
احمد كفافى :كل شئ واضح وكل شئ جائز وكل شى ممكن ان يحدث كل حاجة جديدة طبعا بحظر منها زى ما بحظر الناس من مشاهدة التليفزيون لفترات طويلة
مفيد فوزى :فترات طويلة هتبقى فى نهايه الامر تعود على الشخص ذاتة ان انا افضل عينى ادام شاشة التليفزيون ده احيانا فى نظرية بتقول لك انك انت علشان تنام خلى فى مساحة ومسافة زمنية ما بين رؤيتك للتليفزيون وسريرك لانك ما تروحش معاك الاشعة وانت نايم مش هتنيمك انا بتكلم على ما يمكن ان يكون مدمرفى حياة الاسرة من خلال الاتشات
احمد كفافى :والله حضرتك احنا لللاسف ادام مشكلة كبيرة ان انهاردة هناك اخفاق فى تدبير العلاقات العاطفية
مفيد فوزى :حقيقية؟
احمد كفافى :هناك ايضا
مفيد فوزى :يعنى انت معترف ان فية اخفاق ومن هنا ؟
احمد كفافى :ا ومن هنا لجأ كثير من الشباب الى الانترنت بحثا عن الرفيق
مفيد فوزى :طبيب العيون الشهير حازم ياسين هو انت نظرك كام كام على كام ؟
د/ حازم ياسين : 6 على 6
مفيد فوزى :الاثنين ؟
د/ حازم ياسين :اه
مفيد فوزى :ده مين ايه ده علشان انت طبيب عيون ؟
د/ حازم ياسين :بتاعت ربنا فى طبيب عيون ما بيلبسش نضارة
مفيد فوزى : يلبس نضارة اه
د/ حازم ياسين :فى طبيب عيون ممكن يلبس نضارة ؟
مفيد فوزى : اه
د/ حازم ياسين : وممكن ما يلبسش نضارة هو لو بيلبش نضارة او بيلبس عدسة لاصقة اوما بيلبسش
مفيد فوزى : اه
د/ حازم ياسين : يبقى بوسيلة مساعدة بيشوف 6 على 6
مفيد فوزى :اه كويس فهمنى الاطفال اللى بيقعدوا على شبكة الانترنت ا لا تصاب عيونهم من الاشعاع
د/ حازم ياسين :بص حضرتك يا مفيد بيه انا تقريبا ما بيعديش عليا يوم الا لما بلاقى امهات واباء كثيرجدا بيجوا بمصاحبة اطفالهم وبيحاولوا يقولوا لى يعنى ما بين السطورانى خوف الولاد من القاعدة على الكمبيوتر
مفيد فوزى :خوف الولاد وقول له بقى يا دكتور ما يقعدش على الكمبيوتر كثير احسن نظرة هيضعف انا مش عارف الحقيقية يعنى الامهات المصريات تبعوا هذا الاكتشاف منين العالم كلة بيتجة ناحية الكمبيوتر بقيت دلوقتى علشان تقرا كتاب تقراه على الانترنت طول النهار انت قاعد فى ويب سايت او فى مواقع مختلفة الامهات المصريات عندهم اقتناع شديد ان ده بيسحب النظر اوبيضعف الابصار
مفيد فوزى :بالضبط
د. حازم ياسين :والحقيقة انه ده مخالف تماما
مفيد فوزى :حقيقة لا للصغار ولا للكبار
د/حازم ياسين :ولا اى حد والا كان العالم اللى حوالينا احنا شعب لا ندرس ولا نبحث فنقلد الاخرين الاخرين يمكن طول النهار قاعدين على الكتب
مفيد فوزى :يمكن بقول لك ده ليه لانه بحس انه بعض الاطفال انا بشوف حفيدى يبقى لازق فى الكمبيوتر فى الشاشة يبقى اقول يا ربى الاشعة اللى خارجة دى هل هى اشعة امنه ده السؤال؟
د حازم ياسين : حضرتك جيت لبيت القصيد
مفيد فوزى : اه كده
د/ حازم ياسين :بمنتهى البساطة لو حضرتك قربت ايدك من شاشة التليفزيون
مفيد فوزى : صحيح هحس حاجة تنميل كده
د/ حازم ياسين :تنميل تحس انه فية انتصاب لشعر ايدك وشوية تكتكة لانه فى شحنات طالعه من شاشة التليفزيون اعملها ادام الكمبيوتر مفيش حاجة خالص الارسال شاشة بتعرضك مش طالع عليها بس تليفزيون وبالتالى اللى حضرتك قولتة بقى قصة يقرب هى الفكرة فيها ايه المسافة ما بين العين وما بين الشاشة
مفيد فوزى : الامنة اد ايه ؟
د/ حازم ياسين :3 اضعاف مساحة الشاشة
مفيد فوزى :3 اضعاف مساحة الشاشة ؟
د/ حازم ياسين : دى نمرة واحد
مفيد فوزى :وهل الاباء او الامهات فى مصر بيدركوا هذه المعلومة
د/ حازم ياسين :احنا بنوجها لهم بالنسبة للتليفزيون يعنى لو قلنا مثلا التليفزيون ده 25 بوصة ابعد عن البوصة اضرب فى 3 علشان او 2 ونص علشان تحولة الى سم هو طبعا على بعد 3 اضعاف مساحة الشاشة يبعد عن الشاشة مثلا 2 متر 2متر ونص
مفيد فوزى :ده التليفزيون.
د/ حازم ياسين :نيجى بقى فى الكمبيوتر
مفيد فوزى : نعم
د/ حازم ياسين :نمرة واحد انه هنفترض ان الكمبيوتر بتاعة بتعاك مثلا شاشتة 15 انش
مفيد فوزى : نعم
د/ حازم ياسين :اللى هو لما تضربها فى 2ونص تطلع مثلا تقريبا 3/ سم
مفيد فوزى :تمام
د/ حازم ياسين :فانت لما تقعد على بعد نص متر من الكمبيوتر خلاص معندكش مشكلة الحاجة الثانية بقى حضرتك اللاب توب اللى هى اجهزة الكمبيوتر المحمول هى الشاشة نفسها بيبقى ليها زاوية ميل
مفيد فوزى :اه
د/ حازم ياسين : وزاوية الميل دى بتؤدى الى وضوح الرؤية فى زوايا وضعف الرؤية فى زوايا اخرى
مفيد فوزى :تمام
د/ حازم ياسين :الحاجة الثانية انك لما تبقى باصص على الشاشة دى الشاشة دى ممكن تشوف فيها انعكاسات صورتك وشك او فى اتجاة ضوء جاى على الشاشة دى او جاى على وشك اذن درجة الاضاءة المحيكة بيك قربك من شاشة الكمبيوتر اواللاب توب درجة ميل اللاب توب بيدى لك الوضوح او درجة التباين او الفانكس الموجود للفينس اللى موجود هى درجة الوضوح والتباين بنخلينا دايما فى المنتصف
مفيد فوزى :يعنى لازم يبقى فى ضوء ايضا فى الغرفة ؟
د/ حازم ياسين : بس ما يبقاش مباشر
مفيد فوزى :ما بيقاش مباشر؟
د/ حازم ياسين :عشان ما يبقاش الضوء دوت على وشك
مفيد فوزى :لكن لو كان فى الضلمة المطلقة بعض الناس بتتفرض او تعمل او تشتغل على النت فى الضلمة
د/ حازم ياسين :هو مجرد ان حضرتك تزود كمية ال vainas اوالضوء بتاع الشاشة
فاصل
مفيد فوزى :قيل لنا مثلا ان فية بعض المواقع خطيرة نبهتنا ليها برضه سحر الجعارة ونبهنا لها استاذ دكتور فاضل فى علم النفس منها تزويب القيم منها ازدراء الاديان فى حاجات يعنى مريبة فى ايضا فكرة كيف تصنع قنبلة كيف تهزم يعنى معرفش يعنى عايزاقول انه انا كل هذا البرنامج هدفة كيف نتقى شر التكنولوجيا كده على بلاطة حضرتك هل هذه الاشياء اللى هى انتوا عرفنها جيدا هل بتوجهيها خصوصا ان انت ساحة العمل بتاعتك مع الشباب ؟
نجوى شعيب : اكيد احنا بنواجة كمان حالات اتجار بالبشر من خلال النت ودى قضية برضه احنا شغالين فى مناهضتها ولاقينا ان التكنولوجيا ساعدت المجرمين على ان هما يمارسوها بزيادة ويهربوا وكما ن من القانون لانه اسهل محدش عارف هما فين والا ليه ولا مين هما
مفيد فوزى :مديرالتصويرقال لحضرتك البسى النضارة علشان الشمس ما تضايقيش فانت قلتى عبارة جميلة جدا قلتى انا ما احبش استخبى وراء النضارة على فكرة مستخدم النت بيستخبى وراء النت تمام
نجوى شعيب :شاشة فعلا تمام وهقول لحضرتك من ضمن مثلا التدريبات اللى بنعملها مع الاهالى ومع الشباب ان احنا بنخلى حد كبير فى السن جدا ورا ستارة يتكلم مع الصغيرين ويخاطبهم ويتصاحب معاهم كانة بنت صغيرة وتبص تلاقى الشباب يقولة على معلوماتهم الخاصة اااا وفى الاخر تفتح الستارة تلاقى شخص تانى خالص هو ده بالضبط اللى بيحصل عند الكمبيوتر لان انت منتش عارف مين اللى بيخطبك الانترنت بيكون وسيلة وسيلة للمعلومات .
مفيد فوزى :هل فى مردود لهذا؟
نجوى شعيب :فى مردود قوى جدا المجموعة بتاعتنا بتاعت الشباب بتروح المدارس بتروح مراكز الشباب دلوقتى انتشروا فى اكثر من 9 محافظات كونوا ال coor groupالمجموعة الاساسية فى كل محافظة اصبح فى مجموعة اخرى
مفيد فوزى : ايه وجة نظرك فى الاب اللى قال لنا فى الحلقة اللى فاتت قال انا ما امنعش ولادى من مواقع معينة ومااقفلش المواقع دى وما اعملش باس وارد خاص للمواقع دى لانهم هيخترقوها هيخترقوها فبالتالى باسيب الولاد يخشوا ؟
اب : انا لو اب وعملت اغلاق ابوى خلاص انتهت المشكلة وعملت باس واد ابنى مش هيخش على المواقع اللى انا شايف انها اباحية على الرغم انه انا شايف انه ده مش صح انا شايف ان هو يخش ويغلط وانا اصحح له
نجوى شعيب :انا شايفة طبعا ده يعنى وجة نظر سلبية جدا بانة كما فى من اللى بيقدموا الخدمة بتاعت الانترنت عاملين فلترز علشان الاستتخدام العائلى
مفيد فوزى :الفلتر ده مين اللى بيعمله ؟
نجوى شعيب :فى شركة فى داتا مثلا عملة فلترممكن المشترك من بيتة يطلب الفلتر ده حسب السن بيتحط الفلترعلى بعض المواقع اللى ما يصحش برضه عايزة ارجع واقول لحضرتك مش لازم كل المدخل بتعنا خطرة خطرة خطرة احنا عايزين الاول نؤكد على الحاجات الايجابية اللى فيها وازاى الشباب يستعملها بطريقة مفيدة للبلد لهم لزيادة الاقتصاد لزيادة فرص العمل يعنى فيها نواحى ايجابية كثيرة جد
مفيد فوزى :السكينة بتقطعى بيها الزبدة وفى نفس الوقت ممكن تذبحى بيها رقبة سوزان تميم صح اقولك ايه بس مش هو كده .
نجوى شعيب :سلاح ذوحدين
فاصل
تعامل الانسان مع الانترنت كثير من ضحايا الانترنت وكثير من المتهمين الليجنز طلبة جامعة وجامعات راقية جدا
مفيد فوزى :يبقى ايه الاتهام ؟
اللواء/ محمود الرشيدى : نتيجة خلاف بينهم بسيط
مفيد فوزى :خلاف ما بين الطلبة والاساتذة ؟
اللواء/ محمود الرشيدى : الاثنين
مفيد فوزى :الاثنين
اللواء/محمود الرشيدى :انهاردة احنا اذا كان المدرس فى الجامعة هى خلاص يعنى اسلوب عندنا بالنسبة لنا احنا انهاردة الطالب بيبعث ايميل للدكتورة وده حصل بالفعل وحكايات ثانية بعث للدكتور لانه ساقط لوما كنتيش هتنجحينى ابنك معايا فى الجامعة انا هشوهه بمية النار بعث لها ايميل استاذة محترمة حط الايميل بتعها علشان ممكن تجاوب على بعض الاسئلة للطلبة الكترونيا علشان لما تشوفهم تدى له الاجابة عبر الانترنت دى الاستفادة بتعتة ولكن هذا الشخص انسان ضال انسان عنده نوازع اجرامية ومش عارف ينجح ابتدى يستغل هذه التقنية بعث رسالة للدكتورة انت لو مكنتيش دكتور فى كليه الهندسة لو ما كنتيش هتنجحينى انا هشوة ابنك ابنك انهاردة لابس كذا وكذا سكتت بعث لها رسالة ثانى وابنك قاعد وانا هعمل كذا وكذا وكذا بس الدكتورة عملنا
مفيد فوزى :لجأت بقى ؟
اللواء/ محمود الرشيدى : اه طبعا لجات للادارة جينا قابلناها بحثنا البلاغ بتعها قدرنا الحمد لله نصل الى هذا الطالب المنحرف وكان بيستخدم سايبر كافية ودى مشكلة جامدة السايبر كافية
مفيد فوزى :يعنى ايه سايبر كافيية يا فندم ؟
اللواء/ محمود الرشيدى: اللى هى مقاهى الانترنت المنتشرة فى ربوع مصر
مفيد فوزى :مقاهى الانترنت ؟
اللواء/ محمود الرشيدى :اسمها سايبر كافيية
مفيد فوزى :خطورتها ايه يا فندم؟
اللواء/ محمود الرشيدى : ليها مخاطر كثيرة جدا
مفيد فوزى :اه لي ايه يا فندم؟
اللواء/ محمود الرشيدى : ليها شق ايجابى وشق سلبى هذه تكنولوجيا المعلومات والاتصالات الانترنت ليها شق ايجابى بنتواصل حضرتك الداتا بتعتك الانترنت جميلة بتتواصل ليها بنت بره ابن بره بكلمة فى الانترنت بنشوف بعض جميل قوى انما الشق السلبى بتاع هذه المقاهى تبقى فرص
مفيد فوزى :شخص نكره محدش يعرفة يقدريلعب؟
اللواء/ محمود الرشيدى : يقدريلعب ولكن هى فيها شق ايجابى برضه ان انا بادخل عايزابعث لحد رسالة عاوزابعث ملف معين انهاردة احنا فى وزارة الداخلية بنتجة نحو تعميم ميكنة الخدمات التى تقدمها الوزارة للمواطنين عبرشبكة الانترنت وعى الشاب هو داخل انهاردة علشان يستغلها بيبعث رسالة بيتحصل على معلومات على knoledgeمعين على معرفة لكن ده داخل علشان يبعث رسالة سب وقذف للدكتورة فلانة
مفيد فوزى :اللواء محمود الرشيدى انا مستخدم جديد للانترنت
اللواء/ محمود الرشيدى : خلى بالك .
مفيد فوزى :فانا وجودك مدينى راحة تامة وثقة فى هذه الادارة.
اللواء/ محمود الرشيدى :لا اطمن عاوز اوريك نقطة زى ما حضرتك شايف وانا على ثقة رجل الامن فى الشارع زى ما حضرتك شايف الدوريات الامنية فى الشارع المصرى تعليمات السيد الوزير حاسمة علشان لنا دوريات سيبيرية فى الفضاء الالكترونى
مفيد فوزى :حلو قوى .
اللواء/ محمود الرشيدى : دوريات سيبيرية
مفيد فوزى :عجبانى لغتك .
اللواء/ محمود الرشيدى : هههه
مفيد فوزى :لغتك الامنية لغة ادبية يعنى زى ما فى دوريات فى الشارع المصرى فى دوريات فى الفضاء؟
اللواء/ محمود الرشيدى : من غيراى استرس
مفيد فوزى :دى تعمل راحة تامة عند الناس اللى هيدوروا 1/8 يعنى انا عارف انك انت لك باع كبير فيما يمكن ان يسمى بمدونات النت هل انت شايف من الناحية السياسية انه ينبغى ان تحلل كل هذه المدونات للخروج منها بفكر الشباب خصوصا انه لا احد احيانا يسمع الشباب وربما ايضا ما بتوصلش ارائهم الحقيقية وربما ايضا عدم اشتغال الشباب بالسياسة فى الجامعة خلى المدونات هى الرئة او الوسيلة ولست مع المدونات على اطلاقها
جمال عيد المحامى :يا استاذ مفيد على المدونا ت على اطلاقها المدونات اصبحت ضمير هذا الشعب لدينا ربع مليون مدونة فى مصر فقط 600000 فى العالم العربى عايز يعرف الشباب همومهم ومشاكلهم واراءهم اللى فى الحقيقة اصدق من جلنا ومن الجيل اللى قبلنا لان هما اللى موجودين على الارض وبيكتبوا ما يروة شوف المدونات ولو انا مختلف معاك فكرة او موضوع على المدونات يجب انى اعرف انه موجود ومختلف معليش ان افيد عليا اسمعة واناقشة واتحاور معاه واتعلم منه فى الانترنت لا نعلم الشباب نتعلم من الشباب والمدونين المصريين فى الحقيقة سمعتهم انا لفيت نص بلاد العالم انا مدافع عنهم سمعتهم رائعة زى الجنية الدهب زى ما بيقولوا علينا نسمع الشباب واحنا مهتمين بمستقبل البلد نسمع الشباب بيتكلموا بالتلقائية وبقوة معندهمش خطوط حمرة لو تلفنا نناقشهم نعرف من الموجودين وافكارهم مهمة فى الحقيقة فى التكنولوجيا متقدمين ده جيل بادواته وافكارة وباهتماماته لو مهتمين نتواصل معاهم ونغفر ونتحلى بمساحة من التسامح
مفيد فوزى :استاذ جمال انت هذه الجريدة هل سمح ان تعبير سمح ده تعبير غلطت اعتذرعنه هل ظهرت الان ؟
جمال عيد :هذه الجريدة ظهرت امس الخميس فى مؤتمر صحفى متاخد رقم ايداع تبعا للاجراءات القانونية والحدث منه هو الجيل الاقدم اللى مرتبك فى التعامل مع المدونين
مفيد فوزى :يعنى انت ايه الهدف من الجريدة دى ؟
جمال عيد : الهدف زى ما اسلامى بيعبر هى وصلة بين جيل بين مدونين وشباب افكارهم ورؤاهم تروح لجيل معتاد على المطبوعة الورقية مش معتاد على الانترنت والكمبيوتر والفيس بوك
مفيد فوزى :يعنى انت عايز توصل ده ايضا للجريدة الورقية ؟
جمال عيد : اللى هى الانترنت تحول الى جريدة هذا كلة منقول من الانترنت يوصل الى جيل اقدم انه قبل ما تحكموا عليه ظلموة شفوه بيقول ايه
مفيد فوزى :استطيع اسألك وانت نازل كلام ايضا سيذاع وليست هناك اخبار على الجرنان المدون
جمال عيد : صعبة جدا