اتكلم

دكتور :حالات الوفيات اللى تم احتيازها فى مشرحة المستشفى كانت فى انتظار طبعا فحص من قبل الطب الشرعى فى خلال هذ الفتره اكتظ فناء المستشفى بعدد كبير من الاهالى وحصل نوع من الاستثارة فى صباح الخميس نتج عن هذه الاثارة طبعا اعمال عنف وشغب وتخريب لمستشفى نجع حمادى على سبيل المثال دا قسم العلاج الطبيعى من الداخل متكسر الزجاج اهو حضرتك فناء المستشفى جنينة المستشفى تم تحطيم والمظلات بيها عربة العيادة المتنقله وهى عربة تقوم بتقديم الخدمة الطبية للمناطق المعزولة ومجهزة للمناطق المحرومة من الخدمة الطبية تم تكسيرها فيه حضرتك عربية الطب الشرعى تم احراقها فيه عربه سيارة لاحد الاطباء فى المستشفى عاد من سوهاج ليجد عربته طبعا فى حالة سيئة .
مواطن:تحوا المحل خدوا كل اللى فيه ساعدك واللى مقردوش ياخدوه كسروه وعفسوه جدام المحل المسلمين فى الساعه دى بعد ما دول اخدوا من المحل اللى عايزيته طبعا فيه ناس مش قادره تخش تحوش بعد ما مشيوا ساعدك واحد منهم راح سحب الباب وريح جاب قفل من بيته وراح قفل بس خاف على البقايا اللى لا تذكر فى المحل
مواطن: معايا اخويا جاى من الصالحه مالوش صالح بالمشاكل دى خالص بيمنع الناس اللى تخش تخرب فى الشارع هو والشباب من حجه ناس داخله على خراب يمنعها ولا ميمنعهاش ؟ من حجهم يمنعوها ازاى النهاردة الساعه 6 يجيى ياخدوه من البيت وهو نايم ؟
مواطنة: كان شغال فى الغاضرة ونزل يعيد راح لخطيبته فى البهجورة هو جه يسلم على اخته هنا فى نجع حمادى متجوزه هنا راح هنا قبلوه فى نجع حمادى راحو خدوه
مواطن: احنا بننتظر بعض بنعيد على بعض وكلام من ده انا بجد مش عارف اتصل باى واحد زميلى او صديقى مكسوف اجوله ايه ؟ اجوله البقاء لله ولا كل سنة وانت طيب
مواطنة: انا خايفه طبعا جايه من بيتنا خايفه يعنى زى ما بيجولوا فيه مظاهرات فيه صرب هيحصل يعنى كنا جاعدين وراضيين بصراحة
مواطن: البلد كلها حالها واجف علشان اللى حصل ده كله خايف خايف يعنى سوا اجباط سوا مسلمين خايف من التعذيب وخايف من الحكاوى ودا المفروض ما يحصلش ابدا لا مؤاخذه يعنى
مواطنة: ايه لزمة السلاح ؟ انت عايش فى امان ايه لزمة السلاح ؟ انت جاعد هنا فى اسرائيل علشان السلاح ؟ هيدخلوا عليك ؟
مواطن: حسبى الله ونعم الوكيل اللى كان السبب فى الفتنة دى حسبى الله ونعم الوكيل لانه احنا كلنا واحد والرب واحد وكل الاولاد حوا وادم
لميس الحديدى: مساء الخير النهاردة مش هنتكلم عن ما حدث فى نجع حمادى التقريراللى قام به زميلنا وليد عبد الرحمن بنشكره عليه دا كان كل ما نتحدث عليه عن نجع حمادى نريد ان نتكلم او نتحدث اونناقش ماذا بعد نجع حمادى اليومين اللى فاتوا رجعت تانى كلمة المواطنة الحقيقه لما بسمع ومحرم بيه فى اسكات المواطنة دى بضحك وافتكر كده افلام بتاعة اسماعيل ياسين وكانها كلمة نخفى بيها عوراتنا وكاننها كلمة نتشبس بها لنخفى بيها واقعا نحن لا نريد ان نقر به هل لدينا مشاكل طائفيه ؟ نعم لدينا مشاكل طائفيه هل لدينا توتر بين المسيحين والمسلمين ؟ نعم لدينا توتر بين المسلمين والمسيحيين هل حاول احد طوال السنوات اللى فاتت؟ وانا هقولك الاحداث من السنين اللى فاتت ان يعالج السبب الحقيقى ؟ لا احنا بندى اسبرينه هنا بنادوله هنا ومعانا اطباء بقى هيقوللنا المسكنات ومهدئات هنا ونهدى هنا ونبوس اللحه وزى ما اخواتنا المسيحيين بيقوله اللى فى القلب فى القلب يا كنيسه تظل الجراح هى هى المشاكل هى هى من ايام الخانكة من ايام70 و 72 احداث الخانكه الفتنة الطائفية الزاوية الحمرا 81 احداث عين شمس 85 امبابة 91 اسيوط 94 الكشح 1 والكشح 2 ومحرم بيك فى اسكندرية وقصة المسرحية اللى اتعملت واحداث العياط 2007 واسنا وقسطنطين يعنى لو حكتلكم حكايات كتيرة الخطيرة ان هناك تصاعد وتيرة خطيرة فى الاشهراوفى السنتين الماضية فيه وتيرة متضاعدة اى حد بتاع علم اجتماع سياسى لابد ان يدرس ان هناك وتيرة متصاعدة بنعمل ايه ؟ ولا حاجة بنغيرمناهج التعليم ؟ لا بنفكرنرشح اقباط اكتر؟ لا بنجيبهم بقى فى المسلسلات مش عارفه ننقل القداس على الهوى مجموعة من الاشياء اللطيفة كده التى بتدوا بصراحة يعنى كانها تعامل كوميدى مع قضية رئيسية وانا بعمل شوية بحث علشان يعنى استطيع ان احاور ضيوفى وقع فى ايدى تقريرالعطيفى تقريرالعطيفى هوالتقريرالذى كتبه اويعنى لجنة الدكتورجمال العطيفى وكيل مجلس الشعب سنة 72 وكانت هذه اللجنة التى شكلها السيد رئيس الجمهورية السيد انورالسادات الراحل انورالسادات للبحث فى اوقاع الخانكة والحقيقه لما اقرا التقريرالتقرير دا كان فيه بقى فيه مين من اعضائه كان فيه عضوية محمد فؤاد ابو هميله -البرت برسوم سلامة -كمال الشاذلى - الدكتور رشدى سعيد عبد المنصف- حسن زيد والمهندس محب سليم التقريرده لو شيلنا الخانكه وحطينا نجع حمادى هو نفسه وكان التاريخ يعيد نفسه وكاننا لا نتعلم ولا نقرا التاريخ نفس الحكاية هتشيل الخانكة بقصتها ومشاكلها والبيت اللى بقى كنيسه والقصة بتاعة الخانكه واحط نجع حمادى نفس الحكاية والنتائج هى نفسها بناء الكنائس التعليم والمناهج مشاكل الاقباط فى التعليم والدعوة والتبشير3 قضايا هى لب القضية يمكن دلوقتى يزيد عليهم التعينات وكام حاجة كده طبقا يعنى لمغييرات الاحداث لكن هذا هو التقرير يا ريت بس اعضاء مجلس الشعب زميلنا يعنى يقروا كيف تكتب التقارير ؟ وكيف يتم تقصى الحقائق ؟ لكن الحقيقة قريت شىء من اجمل ما قرات فى تقصى حقائق محترم من مجموعه محترمة من الاساتذة والنواب انا هقف هنا واقول بس النهاردة كان فيه لجنة فى مجلس الشعب وهاجمت فيها النائبة جورجت قلينى بشدة محافظ قنا السيد مجدى ايوب وقالت ان كثيرمن المسيحيين لا يحبون مجدى ايوب وان كثيرمن المسيحيين غاضبون على محافظ قنا وتفضل القضية هو المهم يكون المحافظ مسلم ولا مسيحى ؟ ولا المهم يكون المحافظ قادر على تنفيذ العدل وقادرعلى تحقيق العدل وعلى ادارة المنظومة دى قضية مهمة جدا لان احنا بنقول طب نجيب محافظ مسيحى وخلاص عملنا الكوتة ظبطنا النظام الى هنا يقف كلامى ويعنى بيشرفنى ان يكون معى فى هذه الجلسه الدكتورة منى مكرم عبيد الاستاذه بالجامعة الامريكية وعضو مجلس الشعب سابقا والعائدة الى حزب الوفد والدكتور محمد حسن الحفناوى عضو الامانه العامة بالحزب الوطنى وعضو المجلس الاعلى للشئون الاسلاميه لجنة الحوار والانبا مرقص اسقف شبرا الخيمة وتوابعها اهلا بيك والدكتور نجيب جبرائيل رئيس الاتحاد المصرى لحقوق الانسان لا اريد ان اتحدث عن حادث نجع حمادى ارجوكم ما بعد نجع حمادى لكن ابدا بالدكتور منى وكان يعنى هناك مقوله لعمها مكرم عبيد نحن مسلمون وطنا ونصارى دينا اللهم ما اجعلنا المسلمين لك وللوطن نصارى اللهم اجعلنا نصارى لك وللوطن مسلمين لم نعد كذلك
د/منى مكرم عبيد:لم نعد كذلك للاسف
لميس الحديدى:ليه؟
د/منى مكرم عبيد: اولا اول سؤال يتسال بعد الاحداث الحزينة اين الدولة ؟ اين الدولة ؟ انتى لسه بتحكى عن احداث الخانكه 72 لغاية النهاردة مفيش ولا قضية اتحكمت ولا قضية اتحسمت طب دا يعنى ايه ؟ دى رسالة للعاوزبقى يخرب البلد يكمل بدل ما فيش ولا محاسبة ولا شفافية ولا يحزنون دا من ناحية الناحية التانية انا عايزاقول مقوله قالها الاستاذ حسنين هيكل الاستاذ الكبيرقالك ايه ؟ ان فى مصرامرين لابد ان يكون الرئيس مسئولا عنهما بشكل شخصى مياه النيل والعلاقة بين المسلمين والمسيحيين فيهما يكمن مصير مصر ودا اللى احنا شايفينه النهاردة لابد ان احنا منستهنش بالحصل فى نجع حمادى احنا مش هنتكلم عن الكلام دا دلوقتى علشان كله اتقال هل فيه تحقيقات سياسيه وجنائية حصلت على اعلى مستوى ؟ مفيش
لميس الحديدى:الحزب الوطنى راح عزا امبارح .
د/منى مكرم عبيد:كتر خيره كترخيره المهم النهاردة ان كل اللى بيهدد السلام الاجتماعى بياخد جزاء ولا مبابيخدش ؟ يعنى اللى حصل ده رصاص فى قلب مصر فى عقله وفى قلب الوطن
لميس الحديدى:انبا مرقص يعنى لديك غضب مكتوم؟ قول بصراحة
الانبا مرقص:لا شك الموضوع احنا بنعالج دايما النتائج ولا ننظرللجذور لها سنين طويلة محدش عايز يدخل بصراحة ويحلها
لميس الحديدى:هو البابا معتكف ولا؟
الانبا مرقص:لا لا البابا ولا معتكف ولا حاجة دا هو بيروح الدير طبيعى يوم العيد تانى يوم العيد وبيقضى
لميس الحديدى:لكنه ليس معتكف من الغضب يعنى ؟
الانبا مرقص:جه امبارح من الدير مفيش حاجة اه لكن طبعا البابا مش مبسوط مفيش كلام دا ولاد اتقتلوا
لميس الحديدى:اه بس شفنا يعنى البابا وشيخ الازهر والحمد الله كل شىء ماشى تمام
الانبا مرقص:سيدنا البابا دايما يفصل بين الاحداث فى العيد اه يستقبل المهنئين لكن لكن اللى جواه فى القلب متمزق من الالام اللى حصلت
لميس الحديدى:لو لك ان تحدد لى المشاكل من وجهة نظرك وانت رجل دين؟
الانبا مرقص:انا الحقيقة بقول ان الامور ديه لها جذورقى قلب كل انسان هنا موجود فى مصرهقول امثلة بسيطة يعنى مثلا المسلم ما يعرفش حاجة عن المسيحى ولا يعرف حاجة عن دينه ويسمع اقوال يقول المسيحيين دول كفرة الكتاب بتاعهم ده كتاب محرف ولا مزيف ولا زى ما بيقولوا وهوصغير بيستقى المعلومة ديه فيعمل ايه لما يكبر يلاقيه جنبه فلازم يبتعد عنه ويتجنبه اويعاديه وهو صغيربيستقى المعلومة ديه خاصة لما نيجى نشوف فى برامج التليفزيون مثلا نلاقى احاديث كتيرة ونلاقى تعاليم كتيرة جدا للاسلام فالمسلم يعتزبنفسه وبيشوف دينه فى التليفزيون فى جميع القنوات ينبسط وبيتعلم دينه
لميس الحديدى: ايوه بس الخطاب متبادل يعنى خلينى بس اقف هنا لان الخطاب متبادل لان المسلم بيتعلم ايضا انه يجب ان يحترم الكتاب.
الانبا مرقص:يعنى انا كمسيحى اما بشوف الدين الاسلامى بشوفوه بيتعلموه وبيفهموا كويس قوى من التليفزيون لان التليفزيون بيجيب نخبة هى اللى بتعلم طب ماذا عن المسيحى؟ ما بيتعلمش دينه فى التليفزيون والمسلم يقول الله ما دام ما بيجبوش سيرة الدين المسيحى فى التليفزيون المصرى يبقى دا حاجة عايزة اعادة نظرمش لاقى نفسه المسيحى فى التليفزيون والمسلم بيلاقى نفسه فبتديله حاجات فى البرامج المدرسيه والمناهج حتى فى الانشطة تلاقى فى تمييزواضح
لميس الحديدى: قضية بناء الكنائس واضح انها لب المصيبة؟
الانبا مرقص:مش لب المصيبة دى احد المسببات يعنى اقول لحضرتك مثلا نيجى نقرا التعينات فى الجرايد تعيين مستشاريين يجى بعض المسيحيين يقرا يلاقى 400 مستشار متعين فيهم اتنين مسيحيين تقول الله هما المسحيين دول مالهمش كيان فى الشرطه يلاقى تعينات فى الشرطة بيدورعلى مسيحيين فيه ما بيلقاش فبيتاثرمن جوه تعينات فى الجامعات رؤساء الجامعات ورؤساء الكليات ميلاقيش نفسه فدى بتحز جواه مفيش شك يجى يبنى كينسه حضرتك عارفه بنى الكينسه دا طريق طويل جدا
لميس الحديدى:ما يمكن نسبة وتناسب يعنى بصراحه عدد المسلمين اكبر من عدد المسيحيين
الانبا مرقص:لا انا بس لما بحب ابنى كينسه عندى شروط كثيره بنى الجامع مفيهوش شروط وبعدين لما اجى ابنى مبنى جوا الكنيسه خدمات دى مشكله اخرى
لميس الحديدى:طب انا هقف هنا عند بناء الكنائس دكتور حفناوى انا هخليك ترد على كل هذا فى النهاية بس اسمع من دكتور جبرائيل .
د/نجيب جبرائيل :الحقيقه احنا بنقول ان احنا بنعيش مناخ فيه فرزطائفى سبب هذا الفرز الطائفى تركمات مش اقل من 4 عقود من الزمن غذاها عدة روافد التعليم الثقافة المناهج الاعلام الرسمى الاعلام الرسمى مش بطريق مباشر هو من الخطا ايضا ان نختزل مشاكل الاقباط فى مصرفى مجرد عدم وجود قرارموحد لبناء دورالعبادة لا انا بقول ان هذا المناخ وهذا الفرزالطائفى ادى الى استعلاء الكثيرين المتشددين واداهم الفرصة ان هما يعملوا زى ما حصل فى نجع حمادى
لميس الحديدى:لا المتشددين دول من الطرفين بس علشان نكون بس ايه واضحين.
د/نجيب جبرائيل :انا هقول لحضرتك حاجة يعنى كيف ان انا كمواطن مسيحى كمواطن مصرى مش هقول مسيحى كمواطن مصرى قبطى يعيش فى ظل قانون او قرارات استثنائيه من 1860 تسمى خط الهمايونى
لميس الحديدى: اه بس دا خلص 2005 فى 2005 الخط الهمايونى دا اتلغى واستبدل بى موافقة المحافظه على
د/نجيب جبرائيل :انا رجل قانون بناء الكينسة الجديدة لابد ان يصدر بها قرارجمهورى حتى الان ترميم دورة مياه او جدارفى الكنيسة قايل للسقوط يصدربها قرارمن السيد المحافظ دا التغييراللى حصل كان الاول كله قرارجمهورى بس التغييراللى حصل فى هذا الشان انا دلوقتى لما اشوف مناهج يعنى فيه منهج مثلا فى تالته اعدادى اسمه الدراسات الاجتماعيه الدراسات الاجتماعيه كما لو كنت حضرتك بتدرسى دين اسلامى دا على الطلبة المسيحيين والمسلمين كله عن السيرة النبوية الفتوحات الاسلامية لم ياتى بحرف واحد حتى عن اى ثقافة مسيحيه التاريخ القبطى حوصر فقط بين ان عمرو ابن العاص دخل مصر استقبل هل التاريخ القبطى اللى عمره 200 واكتر من الزمن انه ينحصر فى مجرد حقبه زمنيه قصيرة جدا وريقات متناثرات فى كتب التاريخ اليس من الغريب ان لا يوجد قسم اللغه القبطيه فى كلية الاداب؟ بينما يوجد قسم اللغه العبريه قسم اللغة الفارسيه يعنى بقول انى دى مجموعة تراكمات المشكلة مش نجع حمادى وحضرتك سردتى حوادث من سنة 72 يعنى حضرتك تتصورى انه لاول مره بيناقش الملف الطائفى من 72 لم يناقشوا واتحدى الملف الطائفى والفتنة الطائفيه فى مصر من 72 وحتى الان
لميس الحديدى: دكتورحفناوى لم يناقش الملف الطائفى داخل الحزب الوطنى بصفة رسمية او غيررسميه ؟
د/محمد حسن الحفناوى:يعنى هى عندما تناقش الاحزاب مشاكل الخاصة بالوطن مش لازم يكون دا بشكل رسمى
لميس الحديدى: انا مش مهتمية بصفة رسمية او غيررسمية
د/محمد حسن الحفناوى:هناك دراسات ودراسات جاده بلجان متخصصه وعلى مستوى راقى
لميس الحديدى:يعنى هل فكرة المواطنة هى فكرة جاده على اجندة الحزب الوطنى الحاكم فى مصر بشكل اساسى ؟
د/محمد حسن الحفناوى:حضرتك حضرتى مؤتمرات الحزب الم يكن المواطنة عندما توضع فى صدر الدستور معناها ان هناك اهتماما مركزا ومكثفا طبقا لمفهومها ؟ انما لابد ان يكون الحزب مهتما وعلى دراسة يعنى مكثفة لهذا الموقف ليه ؟ انت ذكرت خيط مهم قوى القضية مش قضية بناء كنائس دا يحل المشكله ؟ يبقى احنا زى ما قلت او قالت الاستاذة لميس انت بتدى مسكن والحصوة موجودة
لميس الحديدى:ماذا اذنا يحل المشكله ؟
د/محمد حسن الحفناوى:اللى يحل المشكلة انك انت تنزل لارض الواقع وتشخص واحنا كلنا مشخصين كويس قوى لكن العلاج شوية متاخر مش حاسم مش واقع
لميس الحديدى:انت تتحدث عن المجتمع عن تغيير المجتمع؟
د/محمد حسن الحفناوى:فلما اجى اقولك ان القضية فى رايى فى النهاية كلها قضية جهل دا ملخص القضية دى كلها
لميس الحديدى: طب من المسئول عن الجهل ؟ التعليم مسئول عن الجهل ؟
د/محمد حسن الحفناوى:لسه هقول اذنا انت عندك 3 محاور علشان تدخل ولازم ال 3 محاورتبقى فعاله مش بقالك 20 سنة بتقول بنبوس فى بعض ونحضر حفلات الافطار ونحضرحفلات الكنيسة وبنخرج وكان شيئا لم يكن ولا يزال النار تحت الرماد مش دا التشخيص الحقيقى انا عندى لابد البدايه من التعليم ومن ابتدائى لازم لازم اخد الاطفال دول زى ما بيطلعوا فى اليابان يزوروا الكينسه ويقابلوك ويحضنوك الولاد التانيين الاقباط يرحوا المسجد ويقابلوا الشيخ
لميس الحديدى: كان زمان كده يعنى على سنى انا مثلا كنت بخش الكنائس
د/محمد حسن الحفناوى:لما اجى امهد ممكن قوى اللى بيدرس مدرس قبطى ودا مدرس مسلم ويحب الاتنين لما اجى للاعلام نفسه التداول الاعلامى انا فاكر زمان فيلم لعماد حمدى وكان عنده حد بيجوزه واتزنق وخد حاجة من الخزنه
لميس الحديدى:ام العروسة
د/محمد حسن الحفناوى:ام العروسة فجرجس جه قالوا خلاص انا سددت لك انت ليه هما مش جايين علشان كده هما جايين علشان انت عامل دوشه دا يساوى اللى انتم بتعملوه دا فى 20 سنة لانك لمست على قاع المجتمع على البسطاء
لميس الحديدى:اه بس انا بتقولى حاجة مهمة جدا ان الناس اتغيرت بتقول للناس ان المواطن المصرى ان هذا المواطن اللى كان شقيق وقريب ولصيق ببعضه اتغير
د/محمد حسن الحفناوى:شوفى الامه دى هتفضل فى خطر زى ما قال الاستاذ هيكل انك لوستى النيل وانك دخلتى فيروس الفتنة الطائفيه فى مصر
لميس الحديدى:اليس هذا الفيروس موجود ؟
د/محمد حسن الحفناوى:تكون الامه فى خطر الفيروس دا اللى هو الفتنة الطائفيه مفيش عنف فى الشارع ؟
لميس الحديدى: لا وفيه سلاح فيه الصعيد
د/محمد حسن الحفناوى:مفيش ثارما بين مسلم ومسلم ؟ مفيش واحد خطف بنت مسلمة راحوا ودبحوا الاسرة المسلمة ؟مفيش مسلم نزل على عيال دبحهم؟
لميس الحديدى:انا هسال دكتورة دلوقتى على الفقر بالذات فى الصعيد وكيف يون مؤثر؟ لكن هسال حضرتك تانى اليست الدولة مسئولة بشكل اساسى وانا احدثك طبعا انت لست الدولة ولكن فى الناهية انت تمثل الحزب الوطنى الحاكم اليست الدولة مسئولة بشكل اساسى عن تدهوراليات التعليم عن خطباء المساجد والكنائس مش بس بالزج بالشكل ده لكن بالاهمال والسلبيه
د/محمد حسن الحفناوى:شوفى احنا عندنا اتجاهات للتشديد جدا للناس اللى بيزرعوا بذور الفتنه فى مصرلان دا انا شايف انه خطركامل وانا اعتقد ما يثيرالفتنة الطائفية عامدا متعمدا لابد ان يوضع تحت خيانة وطن
د/منى مكرم عبيد: طب ايه اللى بيتعمل ؟ دا اللى عايزين نساله هل فيه تحقيقات؟
د/محمد حسن الحفناوى:طبعا دا النائب العام النهاردة
د/منى مكرم عبيد: ايوه احنا بنتكلم من 72
د/نجيب جبرائيل :حتى الان انا قدمت انا شخصيا 10 بلاغات ضد ناس كتبوا ازدرياء الاديان الى اخره القانون بتاع 98 مقرر عقوبات تعاقب كل من يزدرى او يحرض او يكره او يشوه كل دا موجود انا قدمت عشرات البلاغات وعشرات الكتب للنائب العام لم يقدم احد للمحاكمة حتى الان بتهمة ازدراء دين معين
د/محمد حسن الحفناوى:علشان انت يا سيادة المستشار بتبص من زواية معينة الواد ده قال على كذا فى الاية الفلانية عندكوا فى الانجيل
لميس الحديدى: طب ما انت عندك القس ذكريا بطرس يعنى الله ينور يعنى
د/محمد حسن الحفناوى:يعنى فى النهاية انا وانت فى الاخر قلب واحد على مصرمش مستنيين شوية عيال يكسروا ولا كده لا لتطرف مسيحى ولا لتطرف اسلامى انما لما تيجى انت تبصلها ان الواد ده يجيبوا دلوقتى من البيت لانه قال على مش عارف ايه ايه انت بتحسبها كده يجيبوه بقى يحاسبوه فى حسابات اخرى يا اخى دا على مجتمع مش هسالك حاجة نوعية ال 3 عيال اللى عملوا الجريمة دى نوعيتهم ايه ؟
د/نجيب جبرائيل :اجراميه
د/محمد حسن الحفناوى:اجراميه مش اجراميه وبس عيال جهله ومجرمين عندهم الرغبة فى....
د/منى مكرم عبيد: ما هو من ايه ؟ من الاعلام من المناهج الدراسية
د/نجيب جبرائيل :مرحش ليه جامع وعمل كده ؟ مرحش كده جامع وقتل ناس ؟
د/محمد حسن الحفناوى:ومين قالك ان التكسير اللى حصل دا....
لميس الحديدى: وهناك ارهاب ايضا على مسلمين نقطة نظام لا اعتقد ان العلاج هو علاج امنى العلاج هو علاج مجتمعى انا الحقيقه انى اخد ده واعلقه من رجليه لكن يا دكتورة معظم هذه الاحوال معظم هذه القضايا فى الصعيد 95% منها فى الصعيد دا معناه ان الجهل والفقروضعف التنمية اسمع تحليل الدكتورة فى قضية الفقر والتنمية فى الصعيد هل هى سبب اساسى فى هذا العنف ؟
د/منى مكرم عبيد: مقدرش اقول ان دا سبب اساسى طبعا دا من الاسباب ان النهاردة عندك شعب بائس ومغرم بالانتحار
لميس الحديدى:يعنى مش قوى مش مغرم قوى بالانتحار.
د/منى مكرم عبيد: يعنى مثلا الدولة مهتمة بنالس اللى فوق والناس اللى تحت راحوا فين ؟ الاس اللى تحت دى الاغلبيه النهاردة 90% النهاردة معظمهم الشباب 60% من الشعب المصرى تحت ال30 او تحت ال25 سنة عندهم امل عندهم فرص عمل عندهم سكن عندهم ايه ؟
لميس الحديدى:دا على المسلم وعلى المسيحى
د/منى مكرم عبيد: انا مقلتش المسيحى او المسلم بقول المجتمع النهاردة فيه فقر فيه مش حقد فيه احباط فظيع بين الشباب النهاردة
لميس الحديدى:دكتور حفناوى هل انتم فى الحزب الوطنى ستدفعوا بقانون دور العباده فى الدورة القادمة يعنى فيه مجموعه من القوانين مهة جدا بالنسبة للاقباط
د/محمد حسن الحفناوى: الحزب الوطنى حزب كبير قوى وقد تتعدد فيه الاراء وقد تعارض داخل اطار حزبى هناك مجموعه انا منها بانه يجب ان ننظر الى مفهوم فتح دور العباده الكنائس انما لازم اقولك وانت اخويا فى الوطن ان خد بالك ان كان فيه حد من ابائنا قال انا نفسى اعمل كينسه فى كل شارع وممكن تبقى زاوية زى اللى بيعمولوها فى المساجد تولعلى البلد بقى ولا ايه خليك معايا مع علشان تبقى الامور مدروسة انا لازم اخرج من الحلقه دى فبناءا عليه انت بتيص نظرة هناك جهات واجهزة خاصة بامن هذه الدولة بتحسب حسابات قد تكون فى بعض الاحيان ليست سليمة قد يكون لما تقع مع بعضينا تبديل عايزاها تتعمل هنا طب ما تخليها هنا يعنى ايه المشكلة يعنى ؟ وبالتالى يصبح ان احنا قاعدين مع بعض كمجموعه مصرية فى النهاية
لميس الحديدى:طب ليه ما بنقعدش مع بعض هو دا السؤال ؟
د/منى مكرم عبيد: القانون هيحكمنى ويحكم غيرى القانون اعلان القانون
د/نجيب جبرائيل :انا متاكد ان الحزب الوطنى شغله الشاغل هو المواطنة والرئيس مبارك شغله الشاغل هو المواطنة وانا قعدت مع قيادات كتير من الحزب الوطنى
لميس الحديدى:بس انا مختلفه مع فكرة ان الريس لازم ينزل ويوافق على كل كينسة او مينفعش مينفعش
د/نجيب جبرائيل :اناعايزاقولك على حاجة شغلكم الشاغل هوالمواطنة وانا قعدت مع قيادات الحزب وقالوا احنا مشغولين لكن تحكمهم عنصر الملائمة والموائمة امتى ؟ لازم نقعد 15 سنة 20 سنة ولازم ولادى يشوف القانون
لميس الحديدى:ليه البطريريكيه متقدمش كل سنة ودا كان موجود فى لجنة العطيفى تقرير العطيفى مثلا خطة تقول انا عايزة ابنى 5 كنائس وتقدمها كل سنة وتقول يا جماعه
د/منى مكرم عبيد: طب وليه ميتحطش قانون احنا هنقعد نتكلم على بناء الكنائس ما نتكلم على المناهج الدراسيه دى
الانبا مرقص:لم يصدر مثل هذا القانون خلقت مناخ بيشعر بيه المسلم انه زى اخوه المسيحى مفيش فرق لما يشوف كينسه فى اى مكان
د/منى مكرم عبيد: المواطنة يعنى المساواه
الانبا مرقص:الكفاءة المصريه هى الحكم وليس الدين
لميس الحديدى:دى مشكلة الكفاءة.
د/محمد حسن الحفناوى: التنفيذ على مستوى امه تصضل نسبة الجهل فيها والتخلف اللى انتى بتقولى عليه والفقر
د/منى مكرم عبيد:طب الخطاب الدينى
د/محمد حسن الحفناوى:اكمل يا دكتورة طب انتى عضوة فى حزب عملتى ايه؟
د/منى مكرم عبيد:لا لا لا انا مبقولش ان مفيش مسئولية على الاحزاب
لميس الحديدى:انا ملاحظة ان هناك فارق ما بين متنورين داخل الحزب الوطنى زى الدكتور حفناوى وبين التنفيذ فعلا لا يوجد تنفيذ التنفيذ لكل الكلام ده مش موجود على الارض
د/منى مكرم عبيد:احنا اللى بيضيقنا احيانا بعضنا داخل الحزب ان المعدل بتاع الحركة احيانا بيتخذ الكثيرمن الوقت اكثر مما يجب
لميس الحديدى:يعنى انتم كحزب يعنى يا دكتور ل ستطلبون من وزير التعليم الجيد وتقولوا من فضلك راجع المناهج بلاش انا فاكرة ايام ما كنا فى المدرسه كان فى وقت حصة الدين كنا بنقعد ناخد الدين بتاعنا الدين الاسلامى وكان اصدقائنا المسيحيات كانه بيطلعوا ياخدوا دين مسيحى دا لسه موجود ولا متهيالى خلاص كده
د/محمد حسن الحفناوى:ايوه موجود احنا كنا اقترحنا وقلنا هل مصردولة دينية ؟
لميس الحديدى:لا مصر دولة مدنية
د/محمد حسن الحفناوى:احنا مصريين دولة مدنية ومش علمانيه انما احنا مصر دولة مدنية تسكنها اغلبية مسلمة صح الدين فيها لله والوطن للجميع امشوا بالشعارده نزلوه الشارع وعلموا فى نفس الوقت ان اللى مش معترف باليهوديه ثم المسيحيه ثم الاسلام دينه مختل اسلاميا
لميس الحديدى:انا هسال حضرتك يعنى اعيب برضه على الكينسة انها بتاخد الشباب لى للكينسة وليس للوطن بمعنى لما حد بيبقى عنده مشكلة بتقولوا الجالى انا كا كينسه و لا تلجا لى جمعيات حقوق الانسان و لاتلجا للمجلس القومى للانسان و تلجا للدولة
الانبا مرقص:انا بالعكس انا مش عايزة يجينى لان عندى اعباء اخرى لكن هو بيجينى ليه لانه راح الاماكن التانية ملقاش حل
لميس الحديدى:لا لان الولاءات دلوقتى اصبحت للكنيسة وللمسجد وليس للوطن .
د/منى مكرم عبيد:دينى النهاردة بيكرس هذا التمييز بنتكلم على مسيحيين ومسلمين ما بنتكلمش على مصريين الخطاب الدينى النهاردة
لميس الحديدى:خلينا ناخد الموضوع خطوة مقبلة هو احنا المفروض نعمل ايه 1- التعليم ويجب ان نراجع مناهج التعليم وعندنا وزير جديد اتمنى ان ينظر الى مناهج التعليم لكن انا عندى سؤال بس قبل ده هل الحزب الوطنى قلق من وجود الاخوان المسلمين كفئة ضاغطة وبالتالى احيانا قد ملكيا اكتر من الملك ؟
د/محمد حسن الحفناوى:الاخوان المسلمين بعد ما حدث فى الفترات الاخيره هى فئة موجودة لها فكرها وفيه فكرامامها المهم احنا مبنعانيش من فوبيا الاخوان بالذات فى الحزب الوطنى لكن بصينا ايه اللى حاصل هنا وايه اللى حاصل هنا وايه اللى حاصل هنا لان دى دولة كبيره قوى فلابد من ايجاد حالة توازن متعملش نوع من التفتيت او التقسيم او تمزيق وطن لابد ان يكون هناك دماغ كبيرة راس دولة حكمة بتقول الدولة دى عايزة تتواجد مش معنى كده تتدبحنى او تخنقنى او مش معنى كده تايدنى فى خطواتى لانه دلوقتى انا هحمل منك انا هيحصل اللى يحصل بنت حبت ولد الولد خد البنت مش عارف من المسلم ومين المسيحى الاقى 500 ، 600 الف مسيحى معلش انت باصص كام واحد مليون تانى مسلم حقنتلى المليون ضد الالف ايه اللى بتعملوه ثم ماذا ثم الى اين ؟ دا سؤال الجماعه المثقفة اللى خايفه على البلد لكن دى الدكتورة وتقولى لازم فى التعليم يبتدى العيال فى الحضانة بدرى تلت عيال فى حكاية عيد الميلاد يبوظوا بلد يكسروا وناس تتدخل تكسر
لميس الحديدى:دكتورجبرائيل جمعيات حقوق الانسان بتعملوا ايه ؟
د/نجيب جبرائيل :انا جمعيات حقوق الانسان بنتشر وبغير ثقافة وبعمل كوادروبعمل تدريبات
لميس الحديدى:طب انا قلقانه انك تغير الثقافه لاتجاه اخر
د/نجيب جبرائيل :لا فى اليات يا استاذة لميس انا بشتغل كويس قوى انا معطل لسبب واحد لانى مفيش تشريعات بتساعدنى لما اقول ان فيه حرية عقيده والاقى حرية العقيد ما بتطبقش الا من جانب واحد لما اقول مفيش تمييز الاقى فيه تمييز يعنى حضرتك 28 جامعه لا يوجد رئيس جامعه مسيحى دا كلام مش معقول عندى 4000 قضية فى المحكمة تغيير الديانه راجل اسلم وساب ابنه الصغير قانون الحضانة بيقول يقعد 15 سنة مع امه ولا فرق بين طفل قبطى وطفل مسلم الاقى تانى يوم اترفعت دعوة اتاخد الولد وهو عنده 7 سنين من امه
لميس الحديدى:بس انا عايزة اقولك احنا كمسلمين عندنا من هذه القضايا يعنى ملايين معلقة فى المحاكم انا هخرج فاصل نسمع الانبا كيرلس مش جاهز الانبا كيرلس طيب دكتورة منى اذا كان التعليم هو قضيتنا الاساسية
د/منى مكرم عبيد:التعليم الاعلام الاعلام طبعا عايزين اعلام وطنى
لميس الحديدى:طيب انا عايزة اكلمك عن دورالاحزاب ؟
د/محمد حسن الحفناوى:يعنى دور الاعلام لما جم عملوا قناه قبطيه
لميس الحديدى:الحياة
د/محمد حسن الحفناوى:لقينا حد شتيمة هل دا هيكون المثل لقناة قبطية ؟
لميس الحديدى:ما احنا دلوقتى بقى قدمنا قناة الحياه وقناة الناس ما هوخلاص بقى ما هو كل واحد بيطلع القناة بتاعتة
د/محمد حسن الحفناوى:كلام بيجنن واللى بيسمع التانى على الجانب الاخر
لميس الحديدى:ما هو كا كينسة زى ما انت بتقولى ان انتم ما بتعاقبوش المسلم الذى يقوم بكذا وكذا وكذا برضه القس ذكريا بطرس احنا مالنا وماله واللى بيطلع على الحياه ملناش دعوة بيه برضه ما هى نفس الفكرة
الانبا مرقص:مش حكاية مالنا وماله اولا احنا ملناش سلطة عليه لانه اولا دا مستقيل من الكينسة
لميس الحديدى:ولا لينا سلطة على قناة الناس برضه نخرج فاصل اسمع الانبا كيرلس وبعد الفاصل يعنى عايزه حلول واضحة وعمليه ماذا بعد نجع حمادى ؟
فاصل
الانبا كيرلس :السبت الامورمستقره والامن متواجد فى كل مكان واتمنى ان هذا الاستمرار فى الهدوء يستمر علشان كل الناس تتطلع لمصالحها انا بارجوامن الامن يعنى ان يتحقق من كل اتهام لكل واحد ويخرج البرىءلان مرتكبى الحادث مسجل خطر ومالوش هويه دينية لان الولد دا معروف فيه كثيرمن القضايا سواءا كانت مع مسلمين او مسيحيين احنا عايشين مع بعض اديلنا 14 قرن ليه المفروض ان الدولة والمسئولين يدوروا عل الاسباب وكفانا ما سقط من ضحايا وكفانا ما حصل من تخريب الاقتصاد المصرى هى عايزة معالجة النفوس يعنى ان كان فى التدريس والمدرسين فى المناهج معالجه فى الوظايف عدم التمييز بين مسلم وقبطى المعالجه فى التعيينات يعنى يدوا فرص علشان يخلوا البطالة.
لميس الحديدى:طيب دى كانت تصريحات الانبا كيرلس الحقيقة ان ما عرفناه ان الانبا كيرلس عنده زيارة امين التنظيم المهندس احمد عز امين تنظيم الحزب الوطنى بالامس لتقديم التعازى اشتكى النائب عبد الرحيم الغول لى امين التنظيم وقال له ان عبد الرحيم الغول يستخدم شعارات دينية كثيرة من ايام الانتخابات اللى فاتت وقالوا يعنى ان هذه الشعارات تثير كثيرمن الفتنة هل لديك معلومات عن هذا يا دكتور حفناوى ؟
د/محمد حسن الحفناوى:المعنى انك انت تستخدم شعارات دينية مرفوض من خلال توجهات الحزب والحكومة انت ممنوع تستخدم فى شعاراتك امين التنظيم لما يروح بتكليف من الحزب شخصيا ليقدم واجب العزاء ويستمع الى هذا القس لابد ان يرفعه امين التنظيم الى الحزب لبد ان يتخذ اجراء فى هذا
لميس الحديدى:يعنى هل فى الترشيحات القادمة نحن فى عام انتخابات هل من الممكن ان انتم اذا ثبت ان عبد الرحيم الغول النائب الوطنى عن قنا او عن نجع حمادى ان هو اذا ثبت استخدامه الى هذ اللافتات وهذه الشعارات مش هيرشحه الحزب تانى ؟ ولا هيقول عفى الله عما سلف
د/محمد حسن الحفناوى: اذا كان هذا قد حدث من المؤكد ان الحزب الوطنى اذا كان عضو فى الحزب الوطنى بيكسر فى مفهوم الوحده الوطنية لابد ان يعاد النظرفيه
لميس الحديدى:دكتورة منى وانتى العائدة لحزب الوفد دلوقتى اولا هترشحى نفسك السنة دى ولا ايه ؟
د/منى مكرم عبيد:سابق لاوانه
لميس الحديدى:ليه سابق لاوانه ليه ؟
د/منى مكرم عبيد:لغاية ما اشوف الدوايرهتتقسم ازاى ؟
لميس الحديدى:هل حزب الوفد يعنى بصراحة كمان الاحزاب المصرية غيرسعيده بهذا الموضوع لا فى الموضوع ده ولا فى مواضيع اخرى يعنى
د/محمد حسن الحفناوى:طب فى الانتخابات النقابيه فين ؟ ما بتخشوش الجمعيات الاهليه ليه
د/منى مكرم عبيد:مين ؟
د/محمد حسن الحفناوى:انتم
لميس الحديدى:فيه احجام من الصفوة القبطيه بلاش الصفوه من الفقه المتوسطة
د/منى مكرم عبيد:ليه ؟ علشان بتحسى ان فيه تهميش ليهم وان مالهمش وجود
لميس الحديدى:يعنى محافظ قناه الحالى انا لا اعرفه لكن كنت اعرف ان مثلا المحافظ السابق لبيب اعتقد انه قد ايه عادل لبيب وهو الان محافظ الاسكندريه كان يحبه المسلمون والمسيحون معا هذه الكفاءة
د/منى مكرم عبيد:دا كان محافظ سياسى مع انه كان لواء
لميس الحديدى:واللوا دا مش وحش يعنى ماله اللوا يعنى ؟
د/نجيب جبرائيل :المشاكل تعالج معالجات امنيه عن طريق المجالس العرفيه وهذا خطا دا مش ازمة دا مواطنة المواطنة تحل المشاكل على ارضية المواطنة
د/محمد حسن الحفناوى:الاستاذ بيقول ان اللى بيخش فى القضية دى هو الامن مفيش مجتمع مدنى اللى انتم منه ومفيش فى نفس الوقت معاهد ازهرية او كنائس بتصلح ومفيش كل الناس حواليك لازم الامن يخش
لميس الحديدى:ارجع تانى للمشاركة السياسيه المشاركة السياسيه فى الاحزاب ضعيفة جدا من الاقباط الترشيح ضعيف جدا من الاقباط جتى انك تبنى كودار تبنى كوادر من تحت لفوق علشان يطلعوا بردوا عدد ضعيف يعنى المفروض ان الوفد دا يكون فيه عدد كبير من الاقباط بردوا ده فيه مشكلة
د/منى مكرم عبيد: بيقولوا صحيح ان اكبر مسئوليه تقع على الحزب الحاكم
لميس الحديدى:يا دكتورة منى كم واحد من اصدقائك الاقباط بينزلوا ينتخبوا ؟ مبينزلوش
د/منى مكرم عبيد:كام واحد من اصدقائك انتى السيدات بينزلوا ينتخبوا ؟
لميس الحديدى:انا بنزل كل مرة انتخب
د/نجيب جبرائيل :هل تعتقد فى ظل المناخ االسائد ان ممكن قبطى ينجح ؟ ده الاقباط بيصبهم الاحباط الاحباطات كثيرة عبر اكثر من انتخابات يعنى فى ال 5 سنين اللى فتت دول مش قادر تخلق كوادر قبطيه
د/محمد حسن الحفناوى:انا عندى كوادرموجودة منكم نجحت ولقت ان هناك وجودا وكيانا وانا معترف بى ده تواجد بقوة وبكثافه وطالع منهم مجموعه منهم بكره من اخونا المسيحيين انا ضد فكرة مسيحى ومسلم مبحبهاش انا احب مصرى وما بحبش مصرى
د/منى مكرم عبيد:ما تقولش اخوانا
د/محمد حسن الحفناوى:اخونا ايه ؟
د/منى مكرم عبيد:اخونا المسيحيين واخونا المسلمين قول المصريين شيل حكاية اخونا الاقباط وبتهنى اخونا الاقباط انا مفيش حاجة بتجننى غير الوحده الوطنية ونهنى اخونا الاقباط
د/محمد حسن الحفناوى:العالم المتقدم فى المجتمعات المتقدمة تنم على ان الدين قوه الامريكان فيها اليهودى والقبطى وكل البلد فى التخلف فى الجهل
لميس الحديدى:انبا مرقص لو لك واحنا بنختم البرنامج لو لك مجموعة من الطلبات واضحة جدا حضرتك شايف انها لو نفذت الدنيا تمشى كويس
الانبا مرقص:اولا المناخ العام زى ما بيقول ويؤيدوا ويحفزه وينميه الاعلام
لميس الحديدى:ما احنا اهو كويسين وزى الفل اهو جايبيين تلاته ضد واحد يعنى
د/منى مكرم عبيد:لكن شوفى بقيت البرامج على مستوى ال24 ساعه فى 10 قنوات شوفى شكلها ايه شوفى التواجد شكله ايه ؟
الانبا مرقص:شوفى التواجد اللى بيقدم شكله ايه ؟ شوفى التعليم شكله ايه ؟ حتى المسلسلات حتى الحاجات التانيه برضه المناهج التعليميه لابد ان يعاد النظر فيها التعينات التعينات فيه تعينات زى ما انا حكيتها فى الاول المسيحى فى حاجات ممنوع يخش فيها ممنوع بصراحة زى مثلا امن الدولة حد مسيحى فى امن الدولة ؟
لميس الحديدى:مش حقيقى قوى يعنى
الانبا مرقص:طب هتيلى رئيس جامعه مسيحى
د/نجيب جبرائيل :انا عاوز حاجة واحده بس نبدا بيها تدرجوا قانون مشروع بناء دور العباده حتى مش عايز نثقل عليكم بس حتى نشعر ان 15 سنة مستنيين
لميس الحديدى:لا بس هو فيه مشكلتين الحقيقة يعنى مشكلة التقييد الزائد او ....
د/محمد حسن الحفناوى:يعنى لما بيجوا يبنوا جامع او يفتح زاويه ما بيمرش باجرات دلوقنى كمان بالذات اكمل لسيادتك علشان الزواية اللى بتتعمل واللب لب اللى كتير ده العملية كده زى زمان ولا يروح عاملى كده ويروح قالبلى الحارة ويروح فاتحلى الحارة فيه حظرعلى بناء مثل هذه التكوينات اكتر
الانبا مرقص:لا طب انا هقول لساعدك حاجة احنا عندنا بناء الجوامع فى شبرا الخيمة غالبيتها السلالم مخالفه لخط التنظيم
د/محمد حسن الحفناوى:فين ؟
الانبا مرقص:فى شبرا الخيمة وفى المطرية انا بتكلم عن الجوامع
د/محمد حسن الحفناوى:وانتم مفيش مخالفات ؟
الانبا مرقص:بنقدرش ما بيقيضوا على المقاول
لميس الحديدى:دكتورة منى لو انتى ليكى 3 طلبات
د/منى مكرم عبيد:اهم حاجة عندى هو التعليم علشان بتعلمى جيل بحاله بيطلع التانى بيطلع بيكره اخوه علشان بيقول عنه كافر النهاردة عندك تفسير مثلا للضالين ان هما النصارى فكانها دى مرتبطة بعقيدة الدين فمش مفروض ايه تسلم على المسيحى انا ما بقلش انت يا استاذ انا مبقلش انت انا بقول الخطاب الدينى انا بقول الخطاب الدينى اللى بيفسر بالطريقة دى انت بتكلم ناس سذج احيانا ميعرفوش
لميس الحديدى:يا دكتور هترشحوا كام قبطى ؟
د/محمد حسن الحفناوى:دى مش بالكوته انتى بتطلبى منى كوته وانا ارفض ان يكون اخوانا المسيحيين لانه مصرى زى زيه
لميس الحديدى:طب فى النساء مثلا ال 64 ست اللى هتعينوهم اول اللى هيترشحوا وهيبقى فيهم تعينات كذا واحدة قبطية كده ان شاء الاله ولا ايه ؟
د/محمد حسن الحفناوى:الحزب فى 2002 بينظر الى النوع وانتى حضرتى مجلس اعلى وحضرتى مره المؤتمر واعتقد وانى بنتحضرى المجلس الاعلى بتشوفى كام يعنى فكر مصر وقدراتها الناس دى مش جاية تطبط وتسقف مينفعش الناس دى جاية تنهض بوطن هتقولى الله طب عملتوا ايه ؟ اولها الحزب لوحده ميقدرش يعمل حاجة ولا الحكومة لازم كلنا
لميس الحديدى:هذا هو الحزب الحاكم حزب الاغلبيه دكتورجبرائيل كلمة اخيرة بس علشان وقت البرنامج اذا كان لك 3 طلبات
د/نجيب جبرائيل :3 طلبات احنا شركاء فى هذا الوطن لابد ان يكون لينا تمثيل مناسب فى البرلمان اللى جاى ان شاء الله نمرة 2 تغييروتنقية مناهج التعليم نمرة 3 ادراج مشروع قانون بناء دور العباده الموحد الان فى هذه الدورة
د/منى مكرم عبيد: والتحقيقات الجنائية والسلام الاجتماعى
لميس الحديدى: لا انا اعتقد ان الامن بالفعل ياخذ هذا الامر بجدية كونوا كان النائب العام موجود امبارح دكتورحفناوى الكلمة الاخيرة بقى؟
د/منى مكرم عبيد:لا هو علشان الحزب الحاكم ؟
لميس الحديدى:ممكن اديكى ربع كلمة فى الاخر اتفضل
د/محمد حسن الحفناوى:يعنى عايزين نقول مصر ما بتضربش بسهولة من خارجها المصريون بيجمعوا بكبسولات الهدف من الاخريين ان مصر لو وقعت هتقع المنطقة كلها وتخلص القضية هو الضرب مش من داخلها وانا ساعات بحس ان احنا بنساعد
د/منى مكرم عبيد:علشان ما بنواجهش
د/محمد حسن الحفناوى:ادينى فرصة
لميس الحديدى:دى لازم ترشح نفسها والله العظيم هزعل لو ما رشحتش نفسها
د/محمد حسن الحفناوى:طبعا دى شخصية جميلة فى نقطة حساسة جدا عايزة اقولها واحنا بناقش القضايا عايزين نهدى الناس والنفوس الخوف كله واحنا بنتكلم خصوصا واحد يجيى من الخارج ويتكلم ويحط رجل على رجل ويحط البايب ويقولى اصل المسيحيين واقباط المهجر بتدى حالة استفزازية فى منتهى الخطورة للاخرين فى الداخل ومنهم اقباط بيستفزوا ومنهم مسلمين بيستفزوا فبلاش الاستقواء او منظرة الخارج دى على جوا لان انا قاعد وجنبى جورج وجنبى جرجس والعمارة فى جرجس وجورج على مهلكم يعنى اقصد خلى
لميس الحديدى: يا دكتورحفناوى وانت قيادى فى الامانة العامة للحزب الوطنى انت ستطالب بى ايه هل ستطرح القضية الطائفية وقضية الاقباط لتصبح اهم ملفات الحزب ؟
د/محمد حسن الحفناوى:هى من ملفاتنا الهامة جدا احنا
لميس الحديدى:طب كده وبتقول من الملفات الهامة امال لوما كنتش هامة كان هيجرى ايه ؟
د/محمد حسن الحفناوى:الامور مش بتثبت وان عملية التهدئة والمسكنات ما بتنفعش دى خلايا شارده دى خلايا سرطانيه والخلايا دى اذا انتشرت هتضرب الجسم الوطنى ده وبلتالى يصبح طبعا من اهم الخلايا بالتعاون مع اخواتنا فى كل مكان
لميس الحديدى: احنا هنتعاون كلنا بس عندنا نشرة فلازم نتعاون نخرج علشان النشرة اشكركم شكرا جزيلا دكتورة لازم ترشحى نفسك يعنى هزعل قوى لو مترشحتيش
د/منى مكرم عبيد:خلاص بالامر
لميس الحديدى:بالامراشكركم شكرا جزيلا المواطنة ليست كلمة فى دستورالمواطنة فعل وحالة اجتماعية ومواطنين بيشتغلوا مع بعض وبيتعاملوا مع بعض وبيعيشوا مع بعض وبيحبوا بعض علينا دور كاعلام لكن الدولة عليها الدورالاكبرارجو من وزيرالتعليم ان ان ينظر نظرة مختلفة لمناهج التعليم بالتاكيد مناهج التعليم دى بالذات فى المرحلة الابتدائية انا بحاول اعلم ابنى حاجة تانية ان هو لان هو اللى بيتعلموا ده انا بعتقد انه بينتج شبابا من نوعا اخريعنى اتمنى ان يحصل نظرة حقيقية المواطنة ارجو ان تكةن كلمة حقيقية وليست ورقه نخفى بيها عوراتنا النهاردة الجزائر اتغلبت 3 /صفر ولا شماته اشكركم وهذه لميس الحديدى تحييكم وتصبحوا على خير .