مفيد فوزى : هل فقد الموت جلاله اعيد السؤال مرة آخرى هل فقد الموت جلاله فاصبح داخل المقابر واحواش المقابر سكان وحياة وسوبر ماركت ومحلات ومقاهى هل وصل الامر الى حد ازعاج الموتى حتى فى نومتهم ورقادهم الابدى هل وصل الامر الى حد هؤلاء المهاجرين الى هذا المكان بعد ان اقتظت العاصمة بالناس وما عاد هناك ثقب واحد للسكنى هذه الوجوه التى اطالعها التى يعملون هنا وبعضهم لا يعمل وبعضهم يراقب على حد قول الوزيرة قابزة ابو النجا انها المرتح رصين جدا لالتقاط الارهاب 100 دولار ممكن تعمل فى واحد اى حاجة هذه القنابل الموقوتة السكانية هل تبتل اليها الدولة هل تدرك الدولة ان هناك هذا المكان الفقير المعدم فى حضن المقابر واحواش المقابر يمكن ان يكون فى لحظة من اللحظات قنابل موقوته اننى انبة لا اكثر من التنبية لا اكثر من مجرد الرصد فا المكان الذى جئتة مهمش الدولة القتهم على هذا المكان بجوار الموتى بجوار مقابر فى حضن الاحواش وتحت اقدام الموتى الذين استراحوا الى الابد من هذا الصغب صغب الحياة التى تعيشها 000 انتوا حضرتك عايشة هنا فى الحتة دى ؟ سكان المقابر : ايوا مفيد فوزى : من كام سنة ؟ احد السكان: بقالنا 30 سنة هنا 30 سنة يعنى من ساعة انا ما اتجوزت لكن قبل كده كان ابويا ووالدى كان موجود هنا مفيد فوزى : ده بيعتبر ايه افرضى حد بيبعت لك جواب من الصعيد يبعت الجواب على ايه يقول ايه ؟ احد السكان: بالتليفونات التليفونات مفيد فوزى : التليفونات؟ احد السكان: التليفونات مخلتش بس اه مفيد فوزى : بالموبايل؟ احد السكان: اه بس مفيد فوزى : وانت شغالة بالموبايل على طول؟ احد السكان: لأ جوزى انا معنديش مفيد فوزى : اه اه احد السكان: جوزى واخواتى مفيد فوزى : اه هنا يعتبر ايه حوش حوش المقابر؟ احد السكان: اه مقابر مفيد فوزى : طب وانت عايشة فين ساكنة فين؟ احد السكان: جنب المدفن مفيد فوزى : جنب المدفن احد السكان: اه تعالى مفيد فوزى : ورينى تعالى ورينى المدفن ده. احد السكان: اتفضل مفيد فوزى : اتفضلى احد السكان: تعالى اتفضل حضرتك مفيد فوزى : اه يعنى المدفن نفسة فين ؟ احد السكان: اهو مفيد فوزى : ده مدفن ؟ احد السكان: اه مفيد فوزى : ده مدفن؟ احد السكان: ابناء المنوفية اللى هما من المنوفية مفيد فوزى : وده مدفن حد هنا ؟ احد السكان: ايوا مفيد فوزى : انت ساكنة هنا ؟ احد السكان: ساكنين عندهم مفيد فوزى : ساكنة فى المدفن نفسة؟ احد السكان: اه امال هعمل ايه الاوضة اهى بتاعتى مفيد فوزى : اتفضلى معلش خلاص اتفضلى اتفضلى وده اللى كتبة الراجل ؟ احد السكان: لأ دا ابنى انا اللى كاتب القرآن ده بس كان يعنى فى سنة الولى اعدادى مفيد فوزى : اه اه احد السكان: كان صغير مفيد فوزى : الله وانتوا عايشين هنا ازاى يعنى ؟ احد السكان: والله حضرتك يعنى عشيتنا جت كده ابويا يعنى نشأ فقير جه من البلد على هنا فقير لقينا نيفسينا فى المقابر هنعمل ايه مفيش مكان نعيش ولا دخل يخلينا نشوف سكن مفيش دخل يعنى عالى يخلينا نشوف سكن كويس مفيد فوزى : مين اللى جابكوا هنا انتوا اللى ظلمتوا نفسكم ؟ احد السكان: ابويا اول ما جه من البلد مفيد فوزى : كان تربى مثلا؟ احد السكان: لأ مكنش تربى كان فلاح عادى فى البلد مفيد فوزى : اه احد السكان: وجه على هنا وعاش فى مصر واشتغل واضطر يقعد فى حوش قرافة - لما اتوفى دفناه فى البلد واحنا كملنا بقى مفيد فوزى : فى نفس حوش القرافة ؟ احد السكان: والدتى بردك اتوفت وودناها البلد فى الصعيد ففضنا لغاية هنا بقى وجوزت انا بقى بنتى برضه فى نفس المقبر هنا مفيد فوزى :جوزتى بنتك فى القرافة ؟ احد السكان: اه هعمل ايه جوزتها هنا عملت لها فرح هنا وجوزناها مفيد فوزى : عملتى فرح فى القرافة ؟ احد السكان: هعمل ايه طيب هنعمل ايه مفيد فوزى : دا المكان ده للمايتم ؟ احد السكان: طب هنعمل ايه قولى مفيش فى جيبى اللى انا اخرج ولاجوزى مثلا مش مرتاح ماديا هقولة شوف لى شقة ازاى فقيرناسب فقير يعنى هيجيب منين انا بقولك الحقيقة مفيد فوزى : وايش ياخد الريح . احد السكان: الحمد لله وعيشتنا احسن عيشة مفيد فوزى : وراضية ؟ احد السكان: الحمد لله لا اله الا الله فى اكثر من كده ما يوم والا انهاردة والا بعد ثان ممكن اموت وانزل هنا يبقى هحسبها ليه هحسبها ليه وبعدين مفيد فوزى :اسمك ايه حضرتك ؟ احد السكان: اسمى ربيعه حامد مفيد فوزى : اسمك ايه ؟ احد السكان: ربيعه حامد مفيد فوزى : ربيعة انت عايشة ليكى كام سنة ؟ احد السكان: عمرى كام مفيد فوزى : لأ عمرك كام سنة يعنى عايشة كام سنة هنا؟ احد السكان: يجى 30 سنة مفيد فوزى : عايشة فى حوش المقابر؟ احد السكان: اه مقابر مفيد فوزى : حوش قرافة يعنى مش كده يسموها ايه؟ احد السكان: حو ش قرافة مفيد فوزى : حوش قرافة بتعملى ايه حضرتك يعنى؟ احد السكان: ولا شغلة ولا مشغلة مفيد فوزى : عايشة بس كده ؟ احد السكان: اه لا شغلة ولا حاجة مفيد فوزى : اما ل يعنى عندك ولاد ؟ احد السكان: عندى اولاد مفيد فوزى : بيعملوا ايه ؟ احد السكان: قاعدين مفيد فوزى : يعنى ايه قاعدين؟ احد السكان: ولا شغالين ولا حاجة مفيد فوزى : وانتوا جيتوا هنا ازاى ؟ احد السكان: على الله مفيد فوزى : ما انا فاهم على الله ماهو كل حاجة على الله ازاى انتوا جيتوا هنا؟ احد السكان: جينا بقى تبع لقمة عيش الرجالة تبع لقمة عيش الرجالة مفيد فوزى : جوزك بيشتغل ايه؟ احد السكان: جوزى اتوفى مفيد فوزى : اه امال مين اللى بيصرف عليكى ؟ احد السكان: ابنى الصغير مفيد فوزى : بيعمل ايه ؟ احد السكان: هه مفيد فوزى : بيشتغل فى ايه ؟ احد السكان: بيشتغل مع عمة مفيد فوزى : فى ايه ؟ احد السكان: على عربية مياه مفيد فوزى : على عربية ايه ؟ احد السكان: مياه مفيد فوزى : مياه احد السكان: اه مفيد فوزى : يعنى ينقل مياه؟ احد السكان: مياه اه احد السكان سلام عليكم مفيد فوزى :سلام ورحمة الله وبركاته المهنة ايه حضرتك احد السكان تربى مفيد فوزى : كام سنة حضرتك تربى؟ احد السكان 70 سنة بقالى 30 سنة هنا مفيد فوزى : 30 سنة دفنت كام واحد؟ احد السكان كثير مفيد فوزى : تقريبا احد السكان كثير يعنى ساعات بيجى وساعات ما بيجيش ساعت يجيى بالشهر مفيش وساعات يجى ثلاثة اربعة خمسة حاجاتزى كده مفيد فوزى : انت معتز بالمهنة ؟ احد السكان طبعا مفيد فوزى : ايه رأيك فى الموت ؟ احد السكان بتاع ربنا مفيد فوزى : انت عندك كام سنة ؟ احد السكان عندى 70 سنة مفيد فوزى : لك طولة العمرعلى فكرة انت من قربك من الموت؟ احد السكان الله يخليك مفيد فوزى :على فكرة انت من قربك من الموت معدتش بتخاف من الموت؟ احد السكان لأ اخاف من ايه ده بتاع ربنا مفيد فوزى : اه احد السكان ده بتاع ربنا ده بتاع ربنا مفيد فوزى : كنت عاوز اعرف شهادتك ورأيك على الناس اللى بتشتغل جوا المقبرة ؟ احد السكان اه مفيد فوزى : وجواالاحواش اسمك انت ايه ؟ احد السكان اسمى فهمى مفيد فوزى : فهمى الموت فقد جلالة يا فهمى فاهم يعنى ايه الجملة اللى بقولها فاهمها ؟ احد السكان :ايوه ايوه مفيد فوزى : يعنى معدش للموت الجلال ده؟ احد السكان: لألألأ فى اى وقت ان كان اقرب من شرب المياه اقرب ما نجيب كوباية مياه نشربها مفيد فوزى : هو ايه ؟ احد السكان الموت مفيد فوزى : الموت ؟ احد السكان: اه مفيد فوزى : طيب ايه رايك فى الناس اللى بتشتغل وفتحة سوبر ماركت وعجلاتى وقهوة ؟ احد السكان: زى ما حضرتك شايف احنا غلبنا فى الشكاوى يعنى لما بيجلى ميت بيلف من هناك مفيد فوزى : ليه ؟ احد السكان مفيش طريق له بيجى من هنا بيجى من فوق ميفيش مفيد فوزى : ايه اللى سد الطرق دى ؟ احد السكان فى ناس بتاخذ منهم اتاوى امال انتى فاكر ايه مفيد فوزى : طب لما يبجى ناس يكونوا بيشتغلوا وجاين ناس من اهل الميت يزروة فى المواسم يقولوا لى بيفروا ؟ ساكن المقابر :اه اه المحافظة اللى حطاها بيقولك المحافظة اللى حطاها مفيد فوزى : وهو حقيقى المحافظة اللى حطاهم؟ ساكن المقابر :لأ لالالالا لأ مفيد فوزى : مش صحيح ساكن المقابر :لالالالالأ لالالالا مفيد فوزى : الصحيح ايه ؟ ساكن المقابر :الصحيح ان هما قاعدين كده عشوائى مفيد فوزى : جم واشتغلوا ؟ ساكن المقابر : اه وقعدوا مفيد فوزى : ده فى ستات بيشتغلوا قصدى عايشين فى هذا المكان ؟ ساكن المقابر : اه اه اه مفيد فوزى : اه ايه التليفون بتاعك ميت عايز؟ ساكن المقابر :الله اعلم الله اعلم كله بتاع رنبا مفيد فوزى : طبعا مفيش تراخيص ولا اى.....؟ ساكن المقابر :لالالالأ عشوائى كل دوت ولاكان ليهم مكان قبل كده رموا نفسهم فى اى مكان ويعيشوا مفيد فوزى : ويعيشوا ؟ ساكن المقابر :وهيعيشوا ويطلعوالمؤاخذ بالمواسير واللى واللى واللى مفيد فوزى : يطلعوا بالمواسير ازاى القهوة دى انها ادام مقبرة صح؟ ساكن المقابر : صح مفيد فوزى : هل انتوا واخدين ترخيص ؟ ساكن المقابر :لأ طبعا مش واخدين ترخيص مفيد فوزى : الله امال بتشتغلوا هنا ازاى؟ ساكن المقابر : زى اللى فى السوق مفيد فوزى : هه ساكن المقابر: زى اللى فى السوق اه مفيد فوزى : السوق كله مش واخد اى ترخيص ولا حاجة؟ ساكن المقابر : اه مش واخد ترخيص ولا اى حاجة مفيد فوزى : طب انت حاسس ايه طب افرض ناس جم بيزوروااصحاب المقبرة دى انتوا برضه بتستقبلوهم ؟ ساكن المقابر :بنستقبلهم طبعا حضرتك وبنوسع لهم المكان اللى هما بيخشوا فية اصحاب المقابر لو ما كانوش عارفين ان هما يدخلوا المقبرة بتعتهم ما كنوش سكتوا على الحال ده مفيد فوزى :اه يعنى انت شايف انه اده الطريقة الوحيدة 00 انتوا مادام مفيش ترتخيص افرض الدولة عملت هجوم على هذا المكان وقالت لأ مش معقول ابدا يبقى ادام المقابر اماكن لهذه القهاوى والزحمة ساكن المقابر : بس حضرتك هو فى حاجة بسيطة شوف كام مليون بيأكل من السوق عد حضرتك الناس اللى هى شغالة وعد النا س اللى بتيجى تشترى وبتستسوق من هنا مفيد فوزى :انا معاك انا معاك ده يمكن الناس كمان مش هتعرف متهيأ لهم ان وانا بتكلم بقول ان انا عند مقبرة مدفن اهو الحاج احمد مصطفى محمود الشهير باحمد الابيض انت تعرفة؟ ساكن المقابر : اه ده تاجر فى وكالة البلح مفيد فوزى : انت تعرفة ؟ ساكن المقابر : اه اعرفة حضرتك ما هو بيجى هنا يزور المقبرة فاصل مفيد فوزى : وادام المقبرة على طول القهوة؟ ساكن المقابر : اه طيب يعنى ما تجيش المسائل مفيد فوزى : ولا اية رأيك ؟ ساكن المقابر : لأ ما حضرتك بس كده تلاقى القهوة فى ضهر الحائط القهوة دى فى ضهر الحائط انت بس حضرتك تلاقى الشوارع مقفولة مفيش بنى ادم مفيد فوزى : اه ساكن المقابر : هى لو فيها اماكن للناس دى موجودة من الاول مكنش ده بقى حالنا مفيد فوزى : لو فى ايه قلت ؟ ساكن المقابر : اماكن موجودة للنا س دى مكنش بقى ده حالنا مفيد فوزى : اماكن ايه؟ ساكن المقابر : اماكن ياكلوا فيها عيش مفيد فوزى : اه ساكن المقابر : ماهو كل الناس اللى بتيجى تتكلم بتتكلم على المقابر وعلى سد البيبان هتوا لهم اماكن عشان يقوفوا لسد البيبان دى مش اكتر من كده كام واحدبينزل ياكل عيش كام واحد بيسترزق من اول سواقين التوكسة لحدالصنيعية لحد الناس اللى هى بتلم التحف كذا حاجة يعنى مش كذا فرد كذا فرد بياكل من السوق ساكن المقابر : لاجانب بيجوا يخدوا حاجات من هنا برضه وفى ناس بتاكل عيش كثير جدافى المنطقة والسوق ده ماكل ناس كثير جدا لازم تشوفوا لها مكان يكون كويس ياكلوا فيه منه عيش بدل المكان ده شوية كده مفيد فوزى : هما الناس اللى بيشتغلوا فرضوا نفسهم لما ما لاقوش ؟ ساكن المقابر :مش فرضوا حضرتك هما نقلوهم هنا فى المكان ده فاضى مفيد فوزى : مين اللى نقلوهم ؟ ساكن المقابر :هما اصلا تحت كان سوقهم فى الامام تحت عند الامام الشافعى بعد كده جم نقولهم الحى نفسة بتاع المحافة جه نقلهم هنا جه نقلهم وقفوا هنا مفيد فوزى : مين اللى قال؟ ساكن المقابر :المحافظة هى اللى نقلتهم مفيد فوزى : مين اللى قال؟ ساكن المقابر : المحافظة مفيد فوزى : محافظة القاهرة ؟ ساكن المقابر : اه محافظة القاهرة مفيد فوزى : هى اللى نقلت الناس من سوق ؟ ساكن المقابر : الاما م الشافعى مفيد فوزى : الامام الشافعى. ساكن المقابر: جبتهم هنا ووقفوهم كل واحد تحت القطر وبتاع فطبعا فا طبعا تجولوا فا اللى حصل الناس بتكبروسوق التلات بردك بتاع المنيب شالوة من هناك راحوا جيبنهم هنا فاصبح كل التجمع كله فين وسوق امبابة بردك اللى هو فى امبابة فكله اتلم اتجمع هنا فهو سوق مشهور يعنى ساكن المقابر:سوق الجمعة اللى كان فى امبابة نقلوه برضه هنا وسوق التلات اللى كان فى المنيب برضه نقلوه هنا مفيد فوزى : مين انا عايز بس واحد اللى يتكلم اللى بكلمة مين اللى نقلوة؟ ساكن المقابر : المحافظ بتاع الجيزة نقلة هنا بتاع المنيب واساسا هنا المحافظ بتاع القاهرة برضه هواللى نقل ده هنا كان الاول هيودية برقاش لقوا برقاش بعيدة فجبوهم هنا كل الناس اتكدست فى المنطقة دى تلت تسواق او اربع تسواق فى الحتة دى فا الناس غصب عنها الاول كنا بنقعدهنا نقعد فى المنطقة دى نيجى الثلاثاء اخر النهار من المنيب ونفضل تلت تيام هنا والجمعه اخر النهار نروح هنا فى المنيب مفيد فوزى :ايوا ما هو معروف ان انتوا معروف انك انت جاى هتقيم فى شغل بحياتك برزقك عند فى المقابر. ساكن المقابر : مش حياتة مش حياتة هو الناس اللى ماسكة البلد اجبرت الناس اللى هنا كلها تيجى فى المنطقة دى مفيد فوزى : يعنى ده بامر الدولة ؟ ساكن المقابر :اه المحافظ لما مفيد فوزى : بسأل صاحب القهوة بقولة انت عندك ترخيص للقهوة قا ل لى لأ زى كل الناس ساكن المقابر :ماهو كل الناس دى مفيش ترخيص يا بية الناس دى فرش وقاعد كده ارتجالى لانه طبعا لما اقول لسيتك كان السوق مش بنفس الطريقة دى مش بنفس الطريقة دى التداخل ده مكنش بنفس الطريقة لما كانت الاسواق متوزعة اية اللى كدس وايه اللى عمل الموضوع ده نقلوا سوق المنيب هنا ونقلوا سوق امبابة هنا فاصبحت الناس كلها مفيد فوزى : فكل الاسواق هنا.......؟ ساكن المقابر :الناس دى قاعدة كل اسبوع فاصل مفيد فوزى : ايه اللى حصل من ايام ما كنت هنا فى السوق؟ ساكن المقابر : هو اول حاجة هنا بالضبط من 8 سنين 9 سنين مكنش فى حد هنا خالص وكانت الطرب عادية وكان الجو طبيعى وجميل جدا حضرتك تخش معاك حالة وفاة او اى حد معاه حالة وفاة هنا طبيعى ويخش كويس طبيعى جدا فجاة السوق ده كان فى المنيب وبعد كده جبوة الامام الشافعى من المنيب فاهمنى وفجاة اتنقل هنا هنا بقى عامل زحمة جدا احوالة بالنسبة للدخول والخروج بالنسبة للموتى مبتعرف تطلع مبتعرفش تدفن موتاها وبتاع الاحوال ظهرت جامد يعنى وبالنسبة لكمان حتى زى ما انت شايف تراب وزبالة لو يدوهم اماكن حلوة كويسة فاهمنى وعايشين طبيعيين ورسمى مع الحكومة كويس يعنى هى مينفعش جنب الطرب وموتى ما ينفعش يبقى حضارة لمصر ما ينفعش فاصل مفيد فوزى :من الممكن من خلال الدراسات العلمياه التى اجريت على سكان المقابر القول ان البحث عن مآوى بعد الهجرة من الريف الى القاهرة هى من اهم دوافع السكن فى المقابر لا تجد هذه الفئة المهمشة من مكان تسكن فية سوى المقبرة المقبرة عموم وتشجعهم على ذلك واحيانا لوجود اقارب لهم هناك واهم الاسباب فعليا هو الاقتظاذ السكانى للقاهرة وهذا المجتمع مجتمع سكان المقابر يتشكل فى محورين اساسيين الاول صاحب الحوش الذى يقوم بتأجير الحوش حوش المقابر بعض اقاربة او معارفة او رفيقى الحال 00 انا عايزك تقولى من امتى بدات الهجرة لسكان المقابر يعنى من امتى من كام سنة ؟ ساكن المقابر : يعنى الناس اللى سكنوا فى المقابر كتير قوى مفيد فوزى : من كام سنة من كام سنة؟ ساكن المقابر :من الستينات مفيد فوزى :من الستينات ساكن المقابر : اه مفيد فوزى : وقبل كده؟ ساكن المقابر : مكنش فى حد ساكن مفيد فوزى : كانت المقابر ومقابروبس؟ ساكن المقابر : مقابروبس اه اللى هو التربى لية بيت والصبى لية بيته مفيد فوزى :انت انت بيتك هنا هو؟ ساكن المقابر : لأ مفيد فوزى : انت بيتك بعيد؟ ساكن المقابر : اه مفيد فوزى : مش ساكن هنا جنبهم ؟ ساكن المقابر : اه ساكن فى بولاق مفيد فوزى :وبتيجى هنا بقى امتى؟ ساكن المقابر : كل يوم مفيد فوزى : ليه ؟ ساكن المقابر : شغلى مفيد فوزى : شغلك ومعاك رجالة بيشتغلوا ؟ ساكن المقابر :اه مفيد فوزى : كام واحد؟ ساكن المقابر : 3 - 4 مفيد فوزى : اه تفتكر الناس دى مستقبلها ايه؟ ساكن المقابر :ولا حجة عصاية بتجريهم مفيد فوزى :حضرتك تربى ؟ سكان المقابر : لأ غفير صبى تربى مفيد فوزى : انت غفير تبع الدولة؟ سكان المقابر : لأ تبع التربى مفيد فوزى : هو التربى لازم يبقى له غير؟ سكان المقابر : لازم اه اساعدة مفيد فوزى : والتربى بتاعك اسمة ايه؟ سكان المقابر : حمادة فاضل مفيد فوزى : وانت اسمك ايه ؟ سكان المقابر : رجب محمد مفيد فوزى :انت بقى مساعد التربى ؟ سكان المقابر : مساعد التربى مفيد فوزى : بتعمل ايه يا مساعد التربى شغلتك ايه؟ سكان المقابر : عادى هنا بيجى الميت بخش انا وعيالى كلهم عيال اولادى قاعدين هنا من حوالى سنة 53 مفيد فوزى : وانت هنا فى الحتة دى؟ سكان المقابر : وانا فى الحتة دى ولادى وولاد ولادى مولودين فى الحتة دى مفيد فوزى : زمان من ايام ما ابتديت الشغل هنا كان فية برضه محلات وحاجات زى كده سكان المقابر : لأ مكنش مفيد فوزى : مكنش فيه ....؟ سكان المقابر : لأ مكنش فى سوق مكنش حاجة السوق ده كان فى الامام وكان فى المنيب مفيد فوزى : جه هنا؟ سكان المقابر : نقلوه على هنا مفيد فوزى :مين اللى نقلوه؟ سكان المقابر : الحكومة هى الناس بتعمل حاجة مفيد فوزى : لما بسأل واحد تربى محترم يقولى اوى تصدق ان الحكومة ان هما جم بنفسهم . سكان المقابر : لأ الحكومة هى اللى احنا محدش يقدر يجى يقعد هنا فى السوق الا بامرالحكومة سكان المقابر : لينا عشر سنين هنا مفيد فوزى : عشر سنين ؟ سكان المقابر : وكله وبيتجوزوا مفيد فوزى :وبتكتر عددهم ويخلفوا؟ سكان المقابر : ويخلفوا اه مفيد فوزى : مستقبل دول اية وانت راجل عايش انت عندك كام سنة ؟ سكان المقابر : عندى 70 سنة مفيد فوزى : عندك 70 سنة مستقبل الناس دى ايه ؟ سكان المقابر : دول ناس كلها بتاكل عيش يعنى الفرشة من دول يمكن الفرش من دول خمس ست انفار ووراة تلت اربع بيوت عيال وعيال عيال والدوشة ناس عايشين على كده طول عمرهم على كده هنعمل لهم ايه مفيد فوزى : مفيش مفيش حل؟ سكان المقابر : مفيش حل غير كده ومايقدروش يعيشوا غير كده يعنى لا شغلة ولامشغلةغير كده مفيد فوزى : يعنى الدولة لولقت لهم مكان .؟ سكان المقابر : تنقلهم فاصل مفيد فوزى : انا واقف هنا فوق ميت ؟ سكان المقابر : لأ المقبرة هنا جوة مفيد فوزى : مين اللى مدفون هنا سكان المقابر : الحاج عبد الوهاب وابوه والده مدفون هنا فى ال مفيد فوزى : قولى لى الناس اهل المتوفى ده زيارة ؟ سكان المقابر : اه بييجوا مفيد فوزى : بتعملوا ايه ؟ سكان المقابر : عيشتنا طبيعية جدا ولابيتكلموا معانا ناس بتقرأ قرآن ناس عارفة ربنا وبيجوا بسطونا بردك يعنى ما بيسوبوناش كده بيجولنا فى المواسم اهوه مفيد فوزى :عايشين انتوا ومبسوطين؟ سكان المقابر : الحمد لله مفيد فوزى : فى وسط الموت؟ سكان المقابر : الحمد لله امال لوشفتنا بالليل بقى فى الضلمة مفيد فوزى :ايه بقى ؟ سكان المقابر : فى الضلمة فى الضلمة مفيش كهرباء عندنا مفيش كهرباء ممكن تقطع الكهرباء بالليل حد يخش علينا لولا احناهنا من زمان ومعروفين لمؤاخذةحرامية تخش علينا بالليل على اساس معانا حاجة ماهو الحرامى ما يعرفش الحرامى ده هجان يخش فى اى مكان عايزة مفيد فوزى : حتى المقبرة ؟ سكان المقابر : ايوا طبعا ماهو عارف ان دول معاهم مرتاحين مفيد فوزى : فاهمنى بقى بتوع القرافة يعنى الفكرة دى ازاى بتوع القرافة مرتاحين ؟ سكان المقابر : ماهو داخل يا قاتل يا مقتول ماهو دلوقتى فى اى مكان وخلاص طالما ساكن فى ناس بيبقى معاهم امال قاعدين ليه فى القرافة قاعدين ليه مفيد فوزى :انت عايشة هنا فى المقابر؟ سكان المقابر : اه عايشة وسط المقابر مفيد فوزى : ليكى كام سنة؟ سكان المقابر : بقالى من وانا صغيرة هنا فى المقابرمولودةهنا مفيد فوزى : يعنى عفوا ايه اللى جابك الى هذا المكان ؟ سكان المقابر : اهوالظروف مفيد فوزى : جوزك بيشتغل تربى ؟ سكان المقابر : اه اكل عيشة بقى مفيد فوزى : جوزك بيشتغل تربى؟ سكان المقابر : لأ بس هو اكل عيشة فى السوق مفيد فوزى : انهى سوق؟ سكان المقابر : اه هنا اه اكل عيشة هنا مفيد فوزى : وانتوا جيتوا يعنى مكنش فية مكان تعيشوا فيه غير هنا سكان المقابر : اه مفيش مكان طبعا نعيش فية غير هنا هنعمل ايه بقى احنا عايشين ميتين كده ميتين مفيد فوزى : عايشين ميتين ؟ سكان المقابر : اه ميتين ميتين بس صحيين اه هنعمل ايه مفيد فوزى : عاوز تقولى لى الولاد دول اعمارهم اد ايه ؟ سكان المقابر : عندها خمسة مفيد فوزى : والتانية ؟ سكان المقابر : عندها اربعة مفيد فوزى : لكن دول مش توائم ؟ سكان المقابر : لأ مش توائم مفيد فوزى : لكن هما كونهم عايشين وسط المقابرهما عارفين انهم عايشين وسط المقابرولا لسة مش واعيين؟ سكان المقابر : دول اطفال مش عارفن لسة مفيد فوزى : مش واعيين مش عارفين ؟ سكان المقابر : اه لأ لسه مش عارفين مفيد فوزى : لكن يعنى اسمحى لى فى السؤال يعنى؟ سكان المقابر : اه مفيد فوزى : بيسمعوا صويت وعويل وعياط؟ سكان المقابر : اه طبعا العيل بيتعقد مفيد فوزى : والعيال؟ سكان المقابر : بتتعقد وبتخاف بس هنعمل ايه مفيد فوزى : حضرتك فارش فى السوق؟ سكان المقابر : اه مفيد فوزى : من كام سنة؟ سكان المقابر : من 12 سنة يا بية مفيد فوزى :ا لسوق ده؟ سكان المقابر :اه مفيد فوزى : وجيت ازاى دخلت ؟ سكان المقابر : كنت فارش فى المنيب والمنيب شالونا هنا مفيد فوزى : مين اللى شالوكوا؟ سكان المقابر : منعرفش الحكومة البلدية والمحافظة شلونا وجبونا هنا جينا قعدنا هنا مفيد فوزى : فى وسط المقابر دى؟ سكان المقابر : فى وسط المقابر بس بناكل عيش احنا وعيالنا واللى شغالين معانا وده له بيتة وده له بيته وده ليه بيته بوناكل عيش وقاعدين ومستريحين هنا مفيد فوزى :عايز اقولك مين زباينك مين الجمهوراللى بيجيلك مين اللى بيشترى منك بيشترى منك ايه ؟ سكان المقابر : بلكونة شباك مكوة با ب موتور مفيد فوزى :كل ده طبعا قديم ؟ سكان المقابر : قديم اه مفيد فوزى : بيعمل بيه ايه اللى بيشترى بيعمل بيه ايه ؟ سكان المقابر : بيصلحة نا س على ادهم بصلحة وبيشغلة تانى مفيد فوزى : الحكومة ما بتبعتش نا س هنا لحد طبعا انت قاعد من غير ترخيص ولا اى حاجة سكان المقابر : اه مفيد فوزى : مفيش اى ترخيص ؟ سكان المقابر : لأ مفيد فوزى : بتدفع ضرايب؟ سكان المقابر : لأ احنا بنجيب القرش مفيد فوزى : بيقولوا لى ان بعض الناس اللى بيشتغلوا هنا وبيخشوا ا لمقابر اغنية قوى ناس منهم اغنية قوى وعاملين فلوس ده حقيقى ؟ سكان المقابر : اللى هما مين؟ مفيد فوزى : ناس هنا شغالة سكان المقابر : لأ احنا اللى على ادنا بنقسم عيشنا والناس كلك اللى فارشين هنا على الناس اللى هنا كلك فارشين لكن مفيش ملايين مفيش الكلام ده يعنى الحاجات اللى انت شايفها سيت تعمل ملايين مفيد فوزى :امال مين اللى بيجيب لك الكلام ده الزبالين ؟ سكان المقابر : احنا بنجبها بنتسوق من المحلات فى ناس بقى اللى هى واصلة فى وسط البلد بنجبها من المخازن ونجبها هنا مفيد فوزى : وانت الحاجات دى بتبعها باى اسعار باى اثمان ؟ سكان المقابر : بنبعها مثل ب 10 جنية بنبعها ب 15 جنية رضا جنية رضا مفيد فوزى : انت متجوز؟ سكان المقابر : متجوز مفيد فوزى : وعندك عيال ؟ سكان المقابر : عندى 4 مفيد فوزى : وعايشين فى كام اوضة؟ سكان المقابر : اوضة مفيد فوزى : واحدة؟ سكان المقابر : واحدة مفيد فوزى : بتناموا كلكم كام نفر بينام انت ومراتك اثنين؟ سكان المقابر : اه واثنين فى الارض مفيد فوزى : انت بتقول 4. سكان المقابر : اه فى كنبة كده اثنين هنا واثنين فى الارض مفيد فوزى : اه يعنى انت عندك اثنين فى الارض وانت ومراتك على سرير مين معاك اصغر اولادك اد ايه ؟ سكان المقابر : اصغر عيل عنده فى سنة رابعة وعندى بنت فى تمريض مفيد فوزى : عندك بنت كما ن؟ سكان المقابر : اه فى تمريض مفيد فوزى : بتنام فى الاوضة اوضة واحدة ؟ سكان المقابر : ايوا مفيد فوزى : فى صرف صحى فى المكان هنا؟ سكان المقابر : في صرف صحى مفيد فوزى : فى مياه ؟ سكان المقابر : فى مياه مفيد فوزى : بتشربوا مياه نضيفة؟ سكان المقابر : الحنفية هنجيب مياه معدنية ميه من الحنفية على طول مفيد فوزى : فى حمام؟ سكان المقابر : فى حمام مفيد فوزى : يعنى عايشين ازاى عايز اعرف؟ سكان المقابر : الحمام بقى سياتك هقولك ل 20نفر فى البيت مشترك يعنى الحمام كده فى الصالة والاوضه دى والاوضة دى والاضة دى والاوضة دى كلنا فى حمام واحد يعنى كل واحد له قوضة بنقف طابور كده عشان نخش الحمام مفيد فوزى : كام سنة حضرتك هنا ؟ سكان المقابر : بقالى خمس سنين وعارفة انك فى حوش مقبرة مفيد فوزى : اما ل عايشة فى ايه ؟ سكان المقابر : لأ انا مش عايشة فى حوش مقبرة هنا هوبعيد عن القبرة مفيد فوزى : اه سكان المقابر : انا مش عايشة فى المقبرة انا عايشة بعيد عن المقبرة عشان خاطر طبعا انا معايا 8 عيال وبكلهم فا انا ما لقتش حاجة عملت الحتة دى عشان اقعد ابيع اى حاجة يعنى لعيالى ااكلهم انا مش قاعدة مفيد فوزى : كنتى فين الاول؟ سكان المقابر : كنت الاول عند السيدة عائشة مفيد فوزى : اه وجيتى هنا ازاى ؟ سكان المقابر : الناس جبونى قالوا لى تعالى اقعدى جيت قعدت مفيد فوزى : خمس سنين ؟ سكان المقابر :اه قاعدة هنا بس انا طبعا انا عيانة ما بقدرش مفيد فوزى : طبعا ما انتى عارفة ان دى مقابر الامام سكان المقابر : لان انا بعيد عنها خالص مش عندها المقابر لمؤخذة ورا كده احنا فى شارع اهو مفيش مقابرفي مفيد فوزى : انما المنطقة كلها منطقة مقابرانت عارفة سكان المقابر : اه ما انا عارفة بس انا بعيد عنها خالص يعنى ولا بخش مقبرة ولا بتنقل من مكانى زى ما شيفنى كده مفيد فوزى : الناس اللى عايشة جوا المقابرنفسها دى عايشة؟ سكان المقابر : معرفش لأ معرفش عنهم حاجة يا باشا لان انا بعيد عنهم لان انا مليش شغل بالمقابر خالص مفيد فوزى : اه سكان المقابر :انا بعيد عنهم خالص ما بروحش نحيتهم اكثر من كده اقعد لحد العصر لحد المغرب وبعدية اروح مفيد فوزى : ايه رأيك فى الموت ؟ سكان المقابر : الموت ده مجعول على الناس كلها يعنى اى وقت نموت هو حد مفيد فوزى : بتخافى من الموت ولا المرض اكثربتخافى من المرض؟ سكان المقابر : لما اموت وارتاح من المرض اللى انا فيه احسن انا عندى السكر وعندى الكبد عندى حساسية على صدرى ما بعيد هقول لربنا متريحنيش طب ما يريحنى احسن انهارده العلاج بيتكلف بكام العلاج غالى ومفيش وانا صاحبةعيال سكان المقابر :احنا طبعا احنا لما الست دى بتعيى وبتاع احنا قابلنا راجل من رئيس الحى ذات نفسة قلنا بدال ما تقعدوا احنا ما عندنا ش مكان نسكن فيه واخد بالك احنا من 98 شوف احنا من سنة كام لغاية انهاردة مقدمين على شقة بقلنا بقلنا 15 سنة يعنى هى الحكومه مديانا الشقة دى وبعدين انا راجل كنت مسافرالعراق 14 سنة وجى منصاب فى عينيةانا باخذ معاش من العرق معاشى من العراق ورصيدى كله فى بنك الدقى انا لغاية انهاردة مش عارف ا جيب اى فلوس من بنك الدقى وفلوسى كلها موجوده فى قلب الدقى اكثر من مليون اكثر من مليون دولار انا باخذ 200دولار فى الشهر من اخر حاجة من 14/90 سنة 90 مفيد فوزى : اشتغلت اد ايه فى العراق؟ سكان المقابر : 15 سنة مفيد فوزى : كسبت مليون دولار؟ سكان المقابر : دانا دا رصيدى فى البنك مفيد فوزى : مليون؟ سكان المقابر : دا رصيدى فى البنك استنى بس مفيد فوزى : انا بكلمة هو . سكان المقابر : انا رصيدى فى البنك مفيد فوزى : استنى يا ام رزة خلية يتكلم . سكان المقابر : يا سيد يا استاذ انا رصيدى مفيد فوزى : فين رزة فين رزة ؟ سكان المقابر : هما موجودين تالى يا بت انت وهى انا عندى 10 عيال اهم كلهم اهم دول سارحين معانا نفس النظام مفيد فوزى :اه سكان المقابر : دول نفس النظام سارحين معايا وبيبعوا انا سيتك لما جيت انا من حرب العراق طبعا انا كنت موظف هناك عملوا لى معاش باخد المعاش فضلت اخذالمعاش مفيد فوزى : المهم انك انت انت من 98 قدمت على شقة ما فهمت اه محدش سأل فيك ؟ سكان المقابر : محدش سأل فيا فا ضطررت تيجى هنا مفيد فوزى : فاضطررت ان انا ابيع واشترى عشا ن انا معايا عيال هيناموا فين يعنى دول هيناموا فين فا انا برفع ايدى لاى مسئول فى الدولة فين رزة بقى ؟ سكان المقابر : رزة موجودة فى البيت مفيد فوزى : فى البيت ؟ سكان المقابر : هنقعد والم عيالى المتشردة فى الشارع بقولك مليون دولار ده رصيدى فى بنك الدقى مفيد فوزى : تسمح لى اكلم البنات . سكان المقابر : اتفضل مفيد فوزى : انتى بتتعلمى فى ايه؟ سكان المقابر : فى مدرسة قعدت منها مفيد فوزى : قعدتى منها قعدتى لية ؟ سكان المقابر : عشان الدروس عايزين فلوس واحنا معناش ندفع فلوس مفيد فوزى : كنتى فى سنة كام وقعدتى؟ سكان المقابر : فى ثالثة مفيد فوزى : اية ؟ سكان المقابر : فى ثالثة مفيد فوزى :ثالثة ايه؟ سكان المقابر : ثالثة ثالث مفيد فوزى : وقعدتى وسبتى المدرسة ؟ سكان المقابر : سبت المدرسة خالص مفيد فوزى : على صوتك هة اسمك ايه؟ سكان المقابر : فايزة مفيد فوزى : هه سكان المقابر : اسمى فايزة مفيد فوزى : فايزة؟ سكان المقابر : فايزة مفيد فوزى : فايزة انتى تلميذة ؟ سكان المقابر : لأ مفيد فوزى : امال بتشتغلى ايه ؟ سكان المقابر : ما بشتغلش طلعت من المدرسة بس مفيد فوزى : اه وقاعدة مع امك وابوكى هنا اه ده بتشتغلوا فى ايه ؟ سكان المقابر : ما بنشتغلش مفيد فوزى : قاعدين كده بس؟ سكان المقابر : قولى له ببيع سجاير مفيد فوزى : اما ل بتعملى ايه ؟ سكان المقابر : قولى له بلف بيها مفيد فوزى :قولى قولى بتعملى ايه ؟ سكان المقابر : بلف بالسجاير مفيد فوزى : انت عارفة ان السجايردى بتوصل للموت والا لأ ؟ سكان المقابر : مهى متعرفش حاجة هناكل منين طيب وظفنا طيب شغلنى فى البلدية شغل البت دى فى مستشفى لمونا طب ما تلمونا واحنا نشتغل وظفونا فى اى شغلانه احنا مش ممتنعين خدنا فى اى مكانات واحنا نروح نخدم ونقبض نيجى نلاقى اكل نأكل هو احنا بنقول لأ انا راجل ممكن اقف غفير فى اى حتة الاقى مرتب عيلة زى دى لما تقف تناول امها احنا مش متأخرين ى اى حاجة وظفونا اى شغلانه اعملوا لنا معاش ناكل منة نعمل ايه مفيد فوزى : خلاص يا جيفارا خلاص فاصل مفيد فوزى :ايها الراقدون تحت التراب هل نعتذر لكم عما يجرى حولكم هل تصيبكم اصوات الباعة المحيطين لكم فى الاحواش هل كنتم تتخيلون مطلقا انه فى يوم من الايام يمكن ان يسحف العمران الى هذا المكان الذى اخترتموه لتقضوا حياة ساكنه الى الابد فى رحلة مجهولة مرة اخرى هل من حق هؤلاء ان تكون هناك حياة فى حا ل الموت ولكنها حقيقة التربى مهنة عاوزة مؤهلات معينة سكان المقابر : لأ ما يشتريش مفيد فوزى : لأ مش مؤهلات علمياه مؤهلات فى الشخصية سكان المقابر : طبعا مفيد فوزى : ايه بقى ؟ سكان المقابر :لازم الانسان اللى يشتغل ولما بيكون قوى الايمان ويكون بيخاف ربنا لان فى حاجات بتحصل اسراروكلام زى ده لابد ان هو يكون راجل امين مفيد فوزى : زى ايه الاسرار؟ سكان المقابر : يعنى راجل بينزل تحت وراجل بيدفن الجثث واخد بال حضرتك فطبعا بعد ما بيدفن ممكن يجى بعد يوم تانى يوم يلاقى حالة تانية جية بيفتح وينزل يلاقى بقى فى حاجان تحت طبعا فا بيشوف الجسم على الطبيعه وهوبيتحلل وحاجات خارجة منه والدود والكلام ده كله فلازم يبقى عنده ايمان قوى ان هو يطلع ما يزعش الاصرار دى وما يتكلمش مع حد مفيد فوزى : وهى دى تعتبر اسرار ؟ سكان المقابر : اه طبعا مفيد فوزى : هو الجسم عفوا اللى بيموت بيتحلل بعد اد ايه ؟ سكان المقابر : يعنى بفترة 6 شهور مفيد فوزى :ست شهور؟ سكان المقابر : ايوا يكون بس فاضل الهيكل العظمى بس مفيد فوزى : انت ما بتخفش لما بتشوف الهيكل العظمى؟ سكان المقابر : لأ مفيد فوزى : يعنى انت اتعودت؟ سكان المقابر : طبعا مفيد فوزى : يعنى ليك كام سنة بتشوف هياكل عظمية ؟ سكان المقابر : بقالى 8 سنين بقالى 8 سنوات مفيد فوزى : 8 سنين؟ سكان المقابر : ايوا عشان مفيد فوزى : والهيكل العظمى ده يوصل لية المتوفى بعد اد ايه ؟ سكان المقابر : بعد 6 شهور مفيد فوزى : ست شهور ؟ سكان المقابر : اه مفيد فوزى : اللحم ده يروح ؟ سكان المقابر : كل الشحومات دى والحاجات دى تكون انتهت يبقى الهيكل العظمى بس هو اللى ادامك مفيد فوزى : اه سكان المقابر : وبعد فترة ثانى بيتحلل الهيكل العظمى مفيد فوزى : انت هنا كتربى بتستقبل اكثر مين الستات ولا الرجالة ؟ سكان المقابر : لأ والله هنا بيبقى الرجالة اكثرلان المنطقة بعيدة شوية المنطقة جبلية فبيبقى الستات قليلين يعنى ما بيبقاش كثير قوى مفيد فوزى : وفى الاموات عموما الرجالة اكثر ولا الستات ؟ سكان المقابر : والله دى حاجة بقى على حسب قدرة ربنا سبحانة وتعالى وفى بعض الاحيان بتبص تلاقى مفيد فوزى : العمرالاكثر للراجل ولا للست زى ما انت شايف يعنى بخبرتك ؟ سكان المقابر : والله يعنى زى ما انت شايف الحاجات اللى زى دى يعنى ما بنحطهاش فى الحسبان فما نقدرش نحددها احنا ما بنحطهاش فى الحسبان سكان المقابر : بيجى راجل يجى ست بندفن وخلاص مفيد فوزى : علمتك ايه المهنة ؟ سكان المقابر : علمتنى كثير علمتنى ان انا اكون عندى ايمان قوى لازم يكون عندى صبرانسان يخاف ربنا مفيد فوزى :انت اسمك صابر؟ سكان المقابر : اه مفيد فوزى : دا اسم على مسمى يعنى . سكان المقابر : اسمى صابر صابر مفيد فوزى : انت اسمك صابر صابران التربى صابر صابر اه عندك ولاد بيعونوك ؟ سكان المقابر : عندى ايوا معايا 4 مفيد فوزى :بيشتغلوا ايه ؟ سكان المقابر : بيشتغلوا مفيد فوزى :فيهم حد مثقف؟ سكان المقابر : 4 مثقفين كلهم مفيد فوزى : واحد من التربية قالى بلاش تخلى الفقرة بتاعتى يعنى تذيعها قلت له ليه دا انت راجل مثقف قالى اصل انا مش عاوز ابنى فى المدرسة يشوفنى فى التليفزيون بتكلم وانا تربى قلت له ايه العيب فيها ايه العيب فى ذلك يعنى بسألك باعتبار انت كام سنة فى المهنة ؟ سكان المقابر : بقالى 8 سنوات مفيد فوزى : 8 سنين قبل كده كنت بتشتغل ايه ؟ سكان المقابر : كنت بتشتغل عادى مفيد فوزى : يعنى ايه عادى ؟ سكان المقابر : يعنى عامل عادى لما طلعت معاش فاتقدمت للتعيين مفيد فوزى : دخلت مسابقة؟ سكان المقابر : اه مفيد فوزى : هى دى مسابقة التربية ليهم مسابقة؟ سكان المقابر : ايوا مفيد فوزى : ليها مسابقة وليها اعلان وبيكون رئيس محكمة هو اللى بيسألنى سألك قال لك ايه رئيس المحكمة ؟ سكان المقابر : قال لى طبعا سألنى فى الدين وسألنى عن الدفنة ازاى تدفن طبعا اللى معندوش خبرة ما بيقدرش يجاوب مفيد فوزى : يعنى انت اخترت بعد ما دخلت المسابقة؟ سكان المقابر : اه مفيد فوزى : كام واحد دخل المهنة المسابقة ؟ سكان المقابر : المسابقة دية نجحنا 8 مفيد فوزى : من كام؟ سكان المقابر : من حوالى 50 واحد مفيد فوزى : 50 واحد بيتقدم علشان يشتغل تربى ؟ سكان المقابر : ومئات مفيد فوزى : مئات ؟ سكان المقابر : اه يعنى كان فى مسابقة من قريب كان متقدم فيها 225 واحد مفيد فوزى : ودى مهنة مربحة يعنى ؟ سكان المقابر : مش مهنة مربحة ماهو احنا دلوقتى فى بطالة واخد بال حضرتك فا الشاب اللى عايز يعيش ما بيتقيدش بمؤهل بقى هو عايزعيشة شريفة مفيد فوزى :يعنى المهنة دى مهنة الناس تتوارث فيها الخبرة؟ سكان المقابر : طبعا مفيد فوزى : يعنى ما يجيش واحد من برة كده ملهوش علاقة ويشتغل؟ سكان المقابر : لأ ميعرفش طبعا مفيد فوزى : ليها اصول؟ سكان المقابر : طبعا مفيد فوزى : لسة بتحزن وللا الحزن من كتر اللى شفتة معدتش بتحزن؟ سكان المقابر : مهو خلاص دلوقتى الواحد عارف ان ده قدر ربنا وان كلنا فى نفس المصيرفا ايه هيفيدالحزن يعنى مفيد فوزى : ايه هيفيد الحزن؟ سكان المقابر : ا يوا هيفيد باية مفيد فوزى : الناس فى الدنيا دى بتتناحر مش كده طبعا ايواويخنقوا على الفلوس واخرتها زى ماكان زمان يقول موسى صبرى تسمع عن موسى صبرى الكاتب العظيم سكان المقابر : اه طبعا مفيد فوزى :كان يقولك اخرتها متر × متر . سكان المقابر : طبعا مفيد فوزى : هى فعلا متر × متر. سكان المقابر : والله فى احيانا ما بيلاقيش المتربيلاقيها نص متر × 2 متر يلاقيه 30 سم × 2 متر لما تكون التربة مزحومة مفيد فوزى : اه سكان المقابر : بنوسع له مكان ويوضع وخلاص مفيد فوزى : خايفة من الموت؟ سكان المقابر : هو احنا هنروح فين الا ليها اه زى ما جبنا زى ما هيعوزنا
