حديث المدينة

مفيد فوزى :عايزاكلم حضارتكم فى هدوء وفى معقوليه فى زمان الصغب والزحام والاصوات العاليه وتدنى الحوارفستكون معى ان السياسة ليست الخطب الرنانه ولا التصريحات النارية ولا الجدل الحزبى العقيم السياسة فى نهاية الامر هى حياة الناس اليومية تتفقون معى ان السياسة هى ظروف الناس الحياتية يعنى لما مواطن عادى يشكى ويكون على حق يلقى اذن تسمعه وترد عليه مش مهم تعمل له حاجة المهم انها تحتوية وتطبطب عليه لماذا اقول ان دى مهمة الدولة لانه بصراحة وعلى بلاطة فية ودان ثانية ممكن تسمعه وتتعاطف معه وتساعدة زى ما حصل فى زلزال 92 وانتوا فكرين كانو بيقدموا للغلابة بطاطين يتغطوا بيها وانتوا عارفين بقية القصة لما ادوهم الغلابة اصواتهم فى البرلمان كان واضح انهم بيردوا الجميل ده نتيجة اية نتيجة الطناش الاذن الرسميه المغلقة اللى مش عاوزة دوشه طب الناس بتتجه ليه للصحف وللشاشات بمشكلها علشان صوتها يوصل هو لو كان لقى وحدة محلية سمعته والا مجلس محلى اهتم بيه والا محافظة حنت عليه
كانت بعت للجرايد وقعد يفوت على البرامج يعنى ببساطة اتشحطت غريبه قوى ان الكلمة دى جت على بالى دلوقتى يتشحطت دى كلمة قديمة قوى من زمان المصرى متشحطت لان صغار كبار الموظفين مش على بالهم عذبات الناس ما تضربوش الانتماء فى مقتل ويطلعوا المهمشين على شاشات غير صديقة يبقى السادة الوزراء اللى بنخاطبهم علنا ومن شاشة الدولة يعنى انا باتصور ان كل وزير عندة علاقات عامة وسكرتاريه خاصة ومستشار اعلامى دول ما ينتموش لمعالى الوزير أهات الناس وصرا خ الناس والا بس يبلغوا معالية ان مصر كسبت روندا 3 / صفر ماشى محدش يكره النصر حتى فى الكورة انما الناس المتشحططة تروح لمين وتقول يا مين دكتور التراحيل اللى بيأخذ 70 جنية مرتب خاطبت امين اباظة وزير ا لزراعة
زياد موسى : انا الوحيد فى مصر اللى فى البكتيرو فيشن
مفيد فوزى : فهمنى ؟
زياد موسى : ومعايا واحد اماراتى دعانى مخصوص لحضور مؤتمر فى الاردن
مفيد فوزى : فى الموضوع ده؟
زياد موسى : اه فى البحث بتاعى وفوجئت ان احسن مكان فى العالم فى التخصص بتاعى فى البكتيرو فيش جم واثنوا عليا بعد ما القيت البحث بتاعى وطلبوا تعاون دولى معايا احسن مكان فى العالم فى التخصص فى جورجيا اللى هى دول الاتحاد السوفيتى السابق قابلونى واثنوا على بحثى اول يوم ارجع فيه اللى هو مركز البحوث اللى انا شغال فيها
مفيد فوزى : ايوه
زياد موسى : فرع الدقهلية واحد قال لى انت جاى متأخر ليه انت فاكر نفسك دكتور قلت له يا دكتور انا دكتور وجالى دعوى فى مؤتمر
مفيد فوزى : متأخر يعنى ايه اتأخرت عن ..؟
زياد موسى : يعنى انا الحضور
مفيد فوزى : الحضور بتاعكم ؟
زياد موسى : 9 ونصف
مفيد فوزى : انت بتمضى على ال
زياد موسى : على ساعة
مفيد فوزى : على الساعة
زياد موسى : سركى لأ مفيش ساعة
مفيد فوزى : على سرك اه
زياد موسى : فقلت له انا جالى دعوة شخصية من الاردن قال لى محدش هيسمح لك انت هنا مؤقت
مفيد فوزى : انت هنا ايه ؟
زياد موسى: مؤقت محدش هيسمح قلت انا كنت لسه
مفيد فوزى : وهو انت شغلك فى البساتين اسمها ايه؟
زياد موسى : معهد بحوث امراض النبات وملحق على محطة بحوث امراض زراعية
مفيد فوزى : ده مؤقت ؟
زياد موسى : مؤقت ايوه
مفيد فوزى : الله يبقى زى التراحيل
زياد موسى : مبلاش حضرتك اللفظ دة سياتك انا دكتور بيقدرونى بره حضرتك انا فى 2007 عملت بحث مشترك مع اسبانيا ومعايا ورق
مفيد فوزى : قول لى يا دكتور زياد
زياد موسى : وفى 2008
مفيد فوزى : انت ليه متأزم من كلمة تراحيل ؟
زياد موسى : انا دكتور بقول لحضرتك بتقدر بره بره بيقدرونى
مفيد فوزى : انت ليه متأزى من دة مش انت بتعامل فى مصر زى التراحيل؟
زياد موسى : للأسف بس سياتك انا بقول لحضرتك انا انا فى 2007 عامل مشروع بحث
مفيد فوزى : ادينى دقيقتين صمت دكتور امين اباظة وزير ا لزراعة انا حكيت تفاصيل الحكاية بتاعة الدكتور زياد موسى وباعتقد جازما انك هتكلم حديث المدينة وهتطلب هذا الطبيب او هذا الدكتور اللى حزين جدا ومتأزى وكل ما اقولة انت تراحيل يقول لى ما بلاش الكلمة دى الراجل ده عندك فى الوزارة فى المكان المتخصص فيه امراض النباتات وزى ما قالوا لنا وهو قال لى خدوة راح الارد ن وعالم اماراتى اهتم بيه وحزين هو لهذا الاحساس ومراته بتشتغل ودى اللى عاملة توازن فى البيت هل يمكن يا دكاترة مصر العظام امين اباظة وهانى هلال ان الراجل ده يحس باحترام مصر للعلم ولازال دكتور التراحيل بيعض اظافرة ندما على انه اتعلم واخذ دكتوراه وياريته ما اخذ حاجة خاطبت وزير البيئة ماجد جورج - عن الابخرة المميته اللى بتطلع على السكان من مراكز صحية فى عمارة سكنية
دكتورة سهير : منزلى بيعلو مركز للكلى وانه كان بيطلع منه رائحة نفايات
مفيد فوزى : رائحة نفايات
دكتورة سهير : رائحة سيئة جدا طول المدة وبتوسع فى الزمن بدأ انه يحسوا يعملوا يغطوا على النفايات فا غطوها بمادة كيمائية شديدة جدا ما هياش الحاجات المستعملة زى الديتول ولا حاجة لأ دى مادة كيمائية فى حد ذاتها شديدة الضرر الى انا جاءت اللحظات الخطيرة لما بصيت لقيتهم بيا بيا بيا كثفوا يعنى الابخرة
مفيد فوزى : الابخرة؟
دكتورة سهير : الابخرة
مفيد فوزى : ايه الهدف؟
دكتورة سهير : الهدف فى الاول ما كنش ولا النية فوجئت بالابخرة بدر جة انها وصلتنى فى الاخر الى حالة اختناق واستنجاد بالجيران
مفيد فوزى : العمارة نفسها ؟
دكتورة سهير : العمارة نفسها
مفيد فوزى : كل الناس كل الناس اشتكوا انما ما عندهمش اقلام
دكتورة سهير : ما عندهمش افلام ومعتمدين بردوا
مفيد فوزى : عليكى ؟
دكتورة سهير :ايوه اه
مفيد فوزى : بلغتى الشرطه؟
دكتورة سهير : بلغت الشرطة وعملت محضر بشهادة استاذ فى الطاقة الذرية وزوجته كانوا موجودين وجدونى فى حالة يرثى لها انا والشقة
مفيد فوزى : قولى لى يا دكتورة سهير؟
دكتورة سهير : ايوه
مفيد فوزى : حاجة ما اعرفها ش انا واحنا كزملاء نعرفها
دكتورة سهير : ايوه
مفيد فوزى : يعنى افهمها هو البيئة لها شرطة
دكتورة سهير : البيئة لها والله ليها لجان
مفيد فوزى : طيب انا عاوز اخاطب الدكتور ماجد جورج وزير البيئة واقول له ان هذه الحالة ومثلها من حالات يا دكتور ماجد تلوث واختناقات وابخرة متصاعدة غريبة لابد من قرار وزى اللى حصل لسهير اسكندر كاتبة الوفد حصل عشرات وعشرات اخرهم نهى ممدوح صالح المدرسة اللى بيعانوا من محرقة مستشفى الزراعيين العمارة كلها ودخلوا فى قضايا خاطبت وزير الصحة فى قضية طفل تقريبا عفوا فى حكم الميت بسبب حقنة تخدير خطأ الدكتور بتاع التخدير قال لكم ايه
والد الطفل ما قلش حاجة والدة الطفل : حساسية فى المخ عشان كدة هو جرا له كدة حتى الطبيب ا لشرعى بردوا قال لك لأ دا العيب فى انس طب انس داخل على رجلية وبيتنطت احنا بقى عايزين حضرتك تشوف لنا حل معاه طبعا كده هو نصرة الطبيب الشرعى ان انس والتقرير اهو مع حضرتك وكل الاوراق
مفيد فوزى : انا عاوز اقول لحضرتك ان هذا البرنامج ما بيشحتش
والد الطفل : لأ
مفيد فوزى :خد بالك ارجوك تأخد بالك انا ما باقعدش امام الشاشة علشان خاطر ابس كدة واقول ايه يا ايها الناس عالجوا هذا الطف
والد الطفل :احنا
مفيد فوزى :طول بالك لما اتكلم عالجوا هذا الرجل والولد كذا لأ انا مش برنامج شحاته لكن احنا برنامج بيوجه النظر لمسئول للخطأ وبنقول للوزير يعنى انا اتصور ان الدكتور حاتم الجبلى لازم يرد عليَ لازم يكلمنى لازم يقول الولد ده يتعالج ازاى انتوا عندكوا غيرة
والد الطفل :لأ هو ولد وبنتين
مفيد فوزى : يعنى ده الولد اللى على البنتين والدكتور جاب له بدلة علشان جسمة ما يتلويش ولابس نوع من ال ده ايه ده
والد الطفل :لابس جباير
مفيد فوزى : جباير وماييقدرش يقف
والد الطفل : لألأ
الوالدة : لألأ ولا حاجة خالص
والد الطفل :ده شلل رباعى تصلبى
مفيد فوزى : شلل رباعى تصلبى
والد الطفل :ده نيتجة لاستطلاع الحالة بتاعت انس
فاصل
مفيد فوزى : بيكلمونى اهل الطفل حد سأل حضرتك علينا مكتب الوزير سال علينا خذ تليفوناتنا معرفتش ارد لكن عاتنى برقة وبأدب كاتب الاهرام شريف العبد تحت عنوان شئون سياسية كان العنوان سقطة الاستاذ بيقول قل لى يا سيدى ما هو البديل اذا كانت الدولة توفر لهما شيئا ونفقة العلاج قفذت الى ارقام فلكية وانت تستنكر طلبهما المساعدة والاستجداء مرحبا بالاستجداء يا سيدى واقول لك ان اى مواطن شريف لم يجمع امواله من الصفقات المشبوهة يقف عاجزا اما م انقاذ ابنه من الموت فلة الحق فى الاستجداء طالما ان الاستجداء هو طوق النجاة الوحيد بيقول ان فيه برامج اخرى
نجحت واستطاعت انها تخاطب رجال الاعمال والقادرين وانا اقول لشيخ العبد مبدأ مهم فى الاعلام انا مؤمن بيه دورى اعرض القضية واخاطب المسئول خلاص تستنهض الهمم والقلوب الخيرة بس مش استنهضها ولا استنفرها بالتبرع ده موقف موقف حديث المدينه طول عمره مع ذلك هقول لحضرتكوا تقرير رسمى عن التناول الاعلامى للقضايا الجماهيرية كما تعكسها البرامج الحواريه اللى بتطلع فى التليفزيون التقرير اهو وصادر من مجلس الوزراء مركز المعلومات ودعم القرار بيقول بلغت نسبة الاستجابة للمشاكل اللى بتعرضها الشاشات نسبة 23 و 9 %وهذا يدل ده كلام فى التقرير مش كلامى ان المسئولين طبعا التقرير بيقول كلام مهذب فى حاجو الى المزيد من التفعيل والرد السريع ومحاولة ايجاد حلول سريعة لمشاكل المواطنين خدوا بلكم من كلمة رد سريع وحلول سريعة طبعا التقرير الرسمى اللى خارج من مجلس الوزراء لن يذكر مطلقا ان الثقة فى الحكومه
فريضة واعتذر 000 اذا قلت انها فريضة غائبة واعتذر ليه ماهى حقيقة
فاصل
مفيد فوزى : فى السياسة احيانا لم نحب نوصف واحد بأنه ملوش دور فعال ملوش فاعليه يعنى نقول ده كومبارس وياما فى السياسة من كومبارسات يعنى ما بيقوموش بادوار فاعلة ببساطة وباختصار يعنى فى الحياه العامه ممكن نوصف واحد نقول ده كومبارس لانه مهمش لا يشارك فى اى شئ الا فى السينما الكومبارس مهم للغاية بالنسبة للمخرج وبالنسبة للقصة وبالنسبة للعمل الفنى
الكومبارس ده هو الشخص اللى ممكن يروح ويجى او يبقى خلفية او يبقى ماشى فى الشارع وده بيأخذ اجر متواضع للغاية ايضا الكومبارس ممكن يبقى بيتكلم كلمتين يتقال حاجة فهو يرد يقول حاضر يا ست هانم يتقال حاجة فيقول ايه جوة بس فقط لا اكثر ولا اقل الكومبارسات ايضا عندهم احلام زى البنت الى بتقف فى الكورس وراء مغنية وتحلم ان تكون مطربة يوما ما الكومبارسات دول يشتغلوا من صباحة ربنا من الساعة 6 صباحا الى الساعة 2 بالليل المفروض المبلغ المتواضع العادى الطبيعى هو 30 جنية بيوصلوا الى 18 فى اخر الليل حياة قاسية وشاقة تؤكد ان لقمة العيش صعبة دنيا الكومبارس ا يه الخبر ليه اهتميت ان انا اجى علشان اعرف حياة الناس اللى بيشتغلوا كومبارس ليه لانه صدمت سيارة فتاة من فتيات الكومبارس ماتت مكنش ليها اى حقوق ولا حد عطف عليها بشئ ولا سالوا فيها ولا حد يعرف حكايتها بيحاولوا ان تبقى لهم نقابة نقابة تدافع عن حياتهم لما حد يحس بالعجز تقف بجانبهم اما الشيخوخة تضغط عليهم تقف بجانبهم نقابة كنت متخيل يعنى انه اشرف ذكى وسط الاهمية البالغة للنجوم ولغير النجوم يحط فى اعتبارة انه يعمل نقابة لهؤلاء البشر هيقول ايه ما هو اه طب ماهو فيه شعبة معرفش ايه لاية نوع من تستيف الاوراق الكومبارس ده بيجتمع فيه بيقعد فين بيستنى الشغل فين بيستنى مطر الرزق فين فى قهوة بعرة قهوة بعرة بتقع فى قلب المدينه فى قلب القاهرة فى شارع عماد الدين ناحية سينما كوزموز قهوى متواضعة جدا عمرها من سنه 1918 صاحبها بعرور يعنى جمل هذه المقهى يجتمع فيها الكومبارس فى انتظار رزق يجيله يمر عليه الريجيسير ياخذة ويا قدر يشتغل يا كبر وبقى زى خيل البلدية محدش يقرب منه دنيا الكومبارس نحن فى حديث المدينه نقف معها رغم انها ناس مهمشة وغلابة ملهمش اى قيمه ويكاد يكونوا فى درجة الصفر صفر على الشمال مش نجوم ولا مخرجين ولا حتى مديرى انتاج الكومبارس ودنياه الغريبة صوت وصورة فى حديث المدينة
فاصل
مفيد فوزى : ليه سموها قهوة بعرة ؟
صاحب قهوة : فى الوقت ده انا كنت صغير سمعت عمى الله يرحمه اللى هو عمى بعرة دوت
كان الاستاذ رشدى اباظة كان ساكن جنبينا هنا فى عمارة شماعة هنا فكان دائما يجى يعدى وهو رايح نادى مختار حسين كان يسمع الصوت العالى دوت يقولوا في ايه يقولوا بعرة انما اصلا بعرة ديت متخده من البعير الجمال اللى هى الصغيرة دى بس
مفيد فوزى : دة سر الاسم يعنى ؟
صاحب قهوة : اه ده سر بعرة
مفيد فوزى : شهرتها ليه اهتمت بأنها تجتذب الكومبارس
صاحب قهوة :هو انا هنا امام المكاتب اللى هى بتاعت الريجى مكاتب ا لريجيسير قريبة منى وفى نفس الوقت انا كان عندى الكاست كلة بتاع السينما اللى هو ما وراء الكاميرا كان بيجى يقعد عندى هنا مكياج كوافير
مفيد فوزى : اشمعنا بالذات اختاروا المكان ده ؟
صاحب قهوة : هى بعرة من زمان اصلة يعنى متهيأ لى هى الوحيده فى وسط البلد هنا او فى عماد الدين عامة
مفيد فوزى : بيقعدوا اد اية الناس اللى هما بيشتغلوا فى الكومبارس دول فى القهوة قاعدين طول اليوم
صاحب قهوة : اه وعملين ليا اذعاج
مفيد فوزى : لية ؟
صاحب قهوة : ماهما ما بخدش منهم حاجة
مفيد فوزى : غلابه هتاخد منهم اية ؟
صاحب قهوة : طب ما انا ا لتانى غلبان 00 مش فيه مثل يقولك اش ياخد الريح من البلاط -
صاحب قهوة : من البلاط اه
مفيد فوزى : مش كدة
صاحب قهوة : اه
مفيد فوزى : كام كام وريث؟
صاحب قهوة : احنا 22 وريث
مفيد فوزى : القهوجى ده
صاحب قهوة :للقهوجى دى
مفيد فوزى : وبالتالى ما بيطلعوش بحاجة
صاحب قهوة: لأ يعنى انا واحد من الناس انا معايا اربع اولاد لو جيت اخر الشهر لقيت 300 جنية يبقى كويس من ضمن الورثة
مفيد فوزى : طيب يعنى في ناس ثانية من الكومبارس بيعيشوا فيها بيجولك
صاحب قهوة : اه طبعا اه
مفيد فوزى : زباين بيجولك
صاحب قهوة : اه بتبدأ من الوردية الثانية
مفيد فوزى : يعنى ايه فهمنى ظ
صاحب قهوة : الوردية بتاعت الصبح دى ملهاش دعوى بالكومبارس الورديه الحالية دلوقتى
مفيد فوزى : دى ناس عادية؟
صاحب قهوة :دى ناس عادية وزبون عادى ده بنبدأ من الساعة 5 بقى شغل الكومبارس بياخد الاوردر منهنا بيكون الريجى جى له هنا بيلم بقى
مفيد فوزى :الريجيسير ده اللى هو بيجيب الناس؟
صاحب قهوة : بيجيب الناس اه
مفيد فوزى : وانت يعنى عمك لما سافرتوا وجيتوا هو اللى علمك المهنة ؟
صاحب قهوة : هو عمى اه هو اللى علمنى المهنه
مفيد فوزى : وانت اكتشفت ايه فى الكومبارس دول ؟
صاحب قهوة : ماهو زى ما انت قلت يا باشا ايش ياخد الريح من البلاط
مفيد فوزى : كام سنه بتشتغلى كومبارس ؟
كومبارس: بقالى 4 سنين
مفيد فوزى : ايه اللى خلاكى جابك المهنه دى ؟
كومبارس: لمهنة دى واحد كان جيبها لى هنا على اساس كنت بدور على شغل وطبعا انا كملت فيها بقالى 7 سنين هنا ويعنى الحمد لله على كدة باشتغل الشغلانه دى عشان اكل لقمة عيش فيها وطبعا يعنى بقى موضوع النقابة وكدة مكنوش بيعلموا لنا نقابة على اساس ان الناس تأخذ حقها تالت ومتلت
بينصبواعلينا
مفيد فوزى : بيعملوا ايه ؟
كومبارس: بينصبوا علينا يعنى
مفيد فوزى : مين اللى بينصب عليكم اللى هما الرجيسيرات اللى مسكنا طبعا الريجيسير ده اللى هو امام المنتج بيجب الكومبارس اللى زيك مش كده
كومبارس: اه
مفيد فوزى :طب يعنى انتوا بيدوكم اد ايه ؟
كومبارس: بيدونا 30
مفيد فوزى : 30 جنية فى اليوم
كومبارس: اه 30 جنية فى اليوم
مفيد فوزى : اه بتشتغلى من الساعة كام لكام
كومبارس: بنشتغل من الساعة 8 الصبح لحد الساعة 2 الفجر
مفيد فوزى : 2 الفجر تفضلوا قاعدين طول اليوم فى الاستديو؟
كومبارس: اه
مفيد فوزى : مين النجوم اللى انت اشتغلتى معاهم؟
كومبارس:انا اشتغلت مع فيفى عبدة ومع رانيا فريد شوفى فى سوق ا لخضار وعملت حضرة المتهم ابى مع الفنان نور الشريف وعملت اعمال كثير بس يعنى مش فاكره انا
مفيد فوزى : عملتى اعمال زى ايه يعنى يعنى انت كومبارس متكلم ؟
كومبارس: لأ كومبارس صامت
مفيد فوزى : صامت ما بتتكلميش يعنى بتعلمى ايه فهمينى اكثر ؟
كومبارس: يعنى بنروح وبنيجى فى وسط الممثلين بس ده اللى احنا بنعملة
مفيد فوزى : يعنى انتوا خلفية صامته ؟
كومبارس:اه
مفيد فوزى : إزاى بقى بينصبوا عليكم ؟
كومبارس:ما هما بياخذوا الفلوس من المنتج على اساس اللى هما بيقبضوا الناس طبعا هما بيقسموا الفلوس علشان ايه علشان النصف ليهم هما ياخذوا ال 100 جنية ليهم هما وال 100 الثانية دول للناس كل واحد بيدوها 30 جنية
مفيد فوزى : يعنى هو بياخد على الكومبارس الواحد 100جية فا يديك انت ال30 ؟
كومبارس: اه
مفيد فوزى : وهو ياخد ال 70 ؟
كومبارس: ايوه حضرتك
مفيد فوزى : اه وانتوا ما لكمش حقوق ماتقدريش تتكلمى لان مش هيجيبك مرة ثانية ؟
كومبارس: لأ طبعا ما اقدرش اتكلم لان هما اساسا دول ما ينفعش معاهم الكلام لان هما ساسا الناس تعبت من الكلام كثير على اساس ان احنا بتوع النقابة اللى هما عاوزين يعملوا المجاميع على اساس ان يبقى لينا كارنيه ويبقى لينا مثلا معاش
مفيد فوزى : مين تحسى ممثلة بتعطف على الكومبارس ؟
كومبارس: والله انا ماعرفش يعنى الكويسه اللى هى فيفى عبدة
مفيد فوزى : بتعطف على الكومبارس ؟
كومبارس: اه
مفيد فوزى : بتحس ده ليه
كومبارس: لان هى بتعطف على البنى ادمين بتبقى كلامها مع البنى ادمين صح كويسة لانها بتحس بيهم
مفيد فوزى : سعيد ليك كام سنه بتشتغل كومبارس؟
كومبارس: لأ انا ما بأشتغلش كومبارس انا باشتغل معارك
مفيد فوزى :اه يعنى ايه معارك؟
سعيد :اللى هى المعارك اللى فى السينما
مفيد فوزى : هى المعارك دى بتاخد منها نا س كومبارس ؟
سعيد :لأ طبعا قليل قوى العدد كثير بنحط حشو منهم
مفيد فوزى :يعنى ايه فهمى اكثر؟
سعيد : يعنى
مفيد فوزى : فهمنى عشان الناس تفهم يمكن انا اعرف شويه انما الناس؟
سعيد : اه لما بيبقى العدد كثير بيبقى المنتج يعنى محدد بتوع الاكروبات اللى هما بتوع المعارك
انا بنزود لكومبارس كا حشو يعنى لو فيه خناقة هو بياخد التوتالة من الناس لكن بيقطع اللى هما بتوع الاكروبات اللى هى المعارك
مفيد فوزى :اه لكن هو بياخد تتالة لما بتبقى الناس كثير وفى خناقة وفى ايه انت بقى بتعمل المعارك ازاى فهمنى ؟
سعيد : اه
مفيد فوزى :ازاى فهمنى ؟
سعيد :طبعا بنعرف
مفيد فوزى : قولى فيلم من الافلام اللى انت اشتغلت فيها معارك
سعيد : المطارد - سعد اليتيم افلام الشحات مبروك كلها اشتغلت دوبلير ليحيي الفخرانى للاستاذ فريد شوقى
مفيد فوزى : دوبلير بمعنى ايه ان انت مثلا تنضرب ؟
سعيد : انضرب ولو فيه مشهد خطر على البطل انا بعملة
مفيد فوزى : زى ايه قولى ؟
سعيد : يعنى كان فيه مشهد اللى هو الحب فى الثلاجة اللى هو كان بتاع يحيى الفخرانى مش هيقدر يتعلق من رجلية فى وسط المجزر ويجرى فى وسط اللحمه انا اتعلقت وجريت المشهد ده
مفيد فوزى :يا اخى دى لقمة العيش ..؟
سعيد : صعبه جدا
مفيد فوزى : صعب
سعيد : طبعا
مفيد فوزى : وعملت الحاجات دى
سعيد : عملت الحاجات دى
فاصل
مفيد فوزى : بتشتغل ليك كام سنه يا سعيد
سعيد : 30 سنه
مفيد فوزى : انت ايه اجرك من الحاجات دى بتكسب يعنى
سعيد: لأ مش انا كنت فى الايام دى كان اليوم ب 75 جنية
مفيد فوزى : 75
سعيد :اه كان
مفيد فوزى : ده يومك زمان
سعيد : زمان
مفيد فوزى :دلوقتى ايه الموضوع
سعيد : لأ مفيش
مفيد فوزى :ما بتعملش معارك
سعيد : مش حكاية ما بعملش معارك دلوقتى كل بطل له ناسة
مفيد فوزى : اه الله دا احمد السقا نازل هرينا معارك
سعيد : يا استاذى ا لفاضل يا استاذ مفيد
مفيد فوزى : نعم
سعيد :البطل الوحيد اللى موجود دلوقتى على الساحة احمد السقا كان الاول فيه الاستاذ نور ا لشريف
فى مجدى وهبه كان فيه الاستاذ فاروق الفيشاوى الناس دى كانت بتعمل معارك اتياب بتعمل معارك وعارفة المعارك بتتعمل ازاى لكن دلوقتى مفيش مفيش الا احمد السقا بس
مفيد فوزى :انت بتشغل مع احمد السقا
سعيد : ليه ناسى هو ليه ناسى
مفيد فوزى : ليه رجلته يعنى
سعيد : اه ليه رجلته وبعدين انا في امين صندوق نقابة الصحافة والاعلام للجنه جنوب الجيزة اللى هى مسئولة عن ا لاضاءة بتوع الكاميرا وبتوع الكومبارس وبتوع الديكور عشان بتوع الكومبارس بيطلعوا فى التليفزيون وبيقولوا احنا ملناش نقابة انت عاوز
مفيد فوزى :وهما الكومبارس فعلا ملهمش نقابة ؟
سعيد : ليهم نقابة ليهم نقابة من سنه 50
مفيد فوزى : بيتدافع عنهم ازاى ؟
سعيد : يعنى انا لو عضو عندى دلوقتى انا جانى عضو كان شغال
مفيد فوزى :البنت اللى ماتت وصدمتها العربية اهلها خدوا حاجة ؟
سعيد : استاذ مفيد انا العضو عندى انا اجرى وراه لكن مش عضو عندى اجرى وراة بتاع ايه
مفيد فوزى :هو الكومبارس لازم عضوية فهمنى لان ده لازم افهم ده؟
سعيد : اه طبعا لازم ليه عضوية لازم يجيب فيش وتشبيه ويجيب صورة البطاقة ويعمل له دوسية
عندنا
مفيد فوزى :كل كومبارس له دوسية؟
سعيد : اه طبعا وجبنا لهم مستشفى صيدناوى وتأمين صحى
مفيد فوزى : دا اذا حصل حاجة لحد؟
سعيد : بنجرى وراه
مفيد فوزى : نعالجه
سعيد :اه طبعا احنا عندنا مستشفى صيدناوى للعلاج 50 % على العضو و50% على اللجنه
مفيد فوزى : وانت قاعد ؟
سعيد : دلوقتى السينما بقت مفهاش فلوس كثير مفهاش شغل زى بتاع زمان يعنى انا عايز اسأ ل سياتك سؤال يعنى انت هتجيب الفيلم فتوات بولاق او المطارد يتعمل انهاردة مفيش نور الشريف مفيش مجدى وهبه
مفيد فوزى :ماهو نور الشريف لسة موجود ربنا يدى له العمر وفنان وناجح
سعيد :وناجح جدا هو كان الممثل الوحيد بعد فريد شوقى فى الاكشن
فاصل
مفيد فوزى :كام سنه بتشتغل كومبارس يا عم جابر ؟
جابر : والله انا 40 سنه انا عندى 65 سنه شغال فيها طول عمرى فيها ايام ما كانت ببريزة اشتغلت فيها كان الاوردر ببريزه
مفيد فوزى : اه اه الاوردر ببريزه
جابر : اه
مفيد فوزى :يعنى انت تروح تشتغل تأخذ بريزه ؟
جابر :اه وكان الواحد الحمد لله وعايش بيها
مفيد فوزى :من ايام افلام ايه ؟
جابر : ا يام افلام الوسادة الخالية وبين القصرين ومنديل الحلو
مفيد فوزى : منديل الحلو ؟
جابر : اه عبد العزيز محمود
مفيد فوزى : من ايام عبد العزيز محمود؟
جابر : اه ايوه اشتغلنا فيه كل ده
مفيد فوزى : وانت كنت كومبارس متكلم والا كومبارس صامت ؟
جابر : صامت ومتكلم المتكلم عشان الانتاج ما يدكش اجر زيادة يخلية صامت ساعات بيتكم
مفيد فوزى :استنى يعنى الصامت ده بياخد اجر صغير يعنى اد ايه ؟
جابر : يعنى على حسب الاوردر يعنى ممكن ياخذ 20
مفيد فوزى : دا ايامها زمان ؟
جابر : زمان كان ياخذ 5 جنية
مفيد فوزى : ده انهى بقى الصامت؟
جابر : لأ المتكلم
مفيد فوزى :المتكلم يأخذ 20 جنية
جابر : لأ ايامها كان بياخذ 5 جنية
مفيد فوزى : 5جنية
جابر : اه
مفيد فوزى : والصامت ؟
جابر :الصامت اترفعت شويه بقت بربع وبعدين بخمسة وهكذا يعنى
مفيد فوزى : وانت كنت يعنى فاكرنى ايه مثلا انت قلته ايام ما كنا بنشتغل متكلم يعنى عملت ايه ؟
جابر :عملت كثير الامبراطورة
مفيد فوزى : بتاع مين؟
جابر :نادية الجندى
مفيد فوزى : ايوه
جابر : بتكلم فيه
مفيد فوزى : انت قلت فيه ايه يعنى
جابر : كان
مفيد فوزى : يعنى حد كلمك ولا نادية الجندى كلمتك ؟
جابر : كنت من العصابة بتاعتها
مفيد فوزى : العصابة بتاعة الفيلم طبعا
جابر : اه فتوات وراها
مفيد فوزى :اه وبعدين
جابر : تقولى اظهر بقى هات دى اقولها حاضرايوه
مفيد فوزى :حاضر ياست
جابر: ايوه على قد الكلمة بناخذ عليها
مفيد فوزى : فقط
جابر : لو زودت فى الكلام تأخذ كثير
مفيد فوزى : ما بتشغلش دلوت بطلت
جابر : عايز الشباب عايز الناس يقولك ده تعبان ما اخذهوش
مفيد فوزى : معدش ينفعهم
جابر : اه مفيش حد شغالين مفيش غير مكتب واحد
مفيد فوزى :هو فى الحته دى
جابر : لا والله مفيش الا واحد اسمه محمد سيد ريجيسير يجى
مفيد فوزى : اه
جابر : كل جمعه يدينى الحسنه 20 جنية 30 جنية
مفيد فوزى : ليك كده
جابر : ليى اه عشان
مفيد فوزى : قاعد من غير شغل ولا حاجة
جابر : عارف ان انا ما باشتغلش ربنا يخلية يا رب
مفيد فوزى : يعنى انتوا ايه يا اخى خدوكم لحم ورموكم عظم
جابر : انا بقولك طول عمرى شغال وانا فيها مرم يعنى ولا يسألوا فى العيال الناس النقابة فى ناس بيخدوها بمذجهم لو يقولك فلان تعبان ضربته عربية ده خلاص زى الملح خلاص يطلع بره
مفيد فوزى : بره الملعب؟
جابر :بره الملعب
مفيد فوزى : انت شغال فى القهوة ليك كام سنه؟
صاحب قهوى : 25 سنه
مفيد فوزى : 25 سنه اااا ؟
صاحب قهوى :25 سنه ومرت عليا كثير قوى ناس اتعملت معاها
مفيد فوزى : احكى لى عن الكومبارس الطبقة دى اللى بتيجى عندك ؟
صاحب قهوى :فى الوقت اللى احنا فيه ده صعبة انما الوقت اللى فات كانت حلوة احنا ناس يمكن انا واحد من الناس اشتغلت فى فيلم خط العمر اتعمل هنا
مفيد فوزى :مع يونس شلبى ؟
صاحب قهوى : اه اتعمل هنا كان قاعد هنا وجبنا لة شيشا
مفيد فوزى : انت يعنى انت بتشتغل فى القهوة وتحولت الى..؟
صاحب قهوى : لأ هو الفيلم اتعلم هنا الفيلم اتعمل منه جزء هنا كان بتاع سمير حسن المخرج بتاعة طبعتى بقى بتخدم عليه واخد بال حضرتك
مفيد فوزى :اه
صاحب قهوى : طبعا وعملنا جرى الوحوش مع نور الشريف
مفيد فوزى : جرى الوحوش ؟
صاحب قهوى :اه مع نور الشريف اتعمل هنا فا
مفيد فوزى : يعنى القهوجى دى كانت احيانا زى البلاتوه ؟
صاحب قهوى : بيخدوا فهيا شغل وبيمثلوا فيها هنا فطبعا هنا الممثل بتاع زمان كان فرش كان بيكسب كان بيعمل انهارده القبض بيقعد عليه اسبوع لحد ما يجى القبض بتاعة
مفيد فوزى :هو لما بيجى عندك فى القهوة ما بينفعكش ؟
صاحب قهوى :هينفعنى منين اذا كان هو لا حول ولا قوة يعنى بيشتغل اليوم بتاعة ابو 25 جنية ما بيكفهوش ولا اكل ولا شرب
مفيد فوزى :اه يبقى هينفعنى ازاى؟
كومبارس: احنا كنا فى اوردر كنا بنصور عند سينما على بابا وطبعا بقى مفيش اكل ولا اى حاجة يعنى شغل فرح نقعد فى فرح وكده بنصور
مفيد فوزى :بس مجرد تقعدى فى الفرح
كومبارس: اه وطبعا ولا فيه وجبه ولا فيه اكل ولا اى حاجة تبعا انت يعنى حضرتك يرضيك نقعد لثانى يوم الصبح ممعناش يعنى ناكل بيجيب للناس اللى هما مثلا اكسسوار
مفيد فوزى :النجوم ؟
كومبارس: اه اللى هما كده مثل الناس اللى بتشتغل وبتتعب محدش بيقدرهم
فاصل
مفيد فوزى : مدير الانتاج عاطف رزق انت بتشغل من سنه كام ؟
عاطف رزق : انا من 56
مفيد فوزى : دخلت المهنه ازاى ؟
عاطف رزق : والله يعنى ابتدتها واحدة واحدة
مفيد فوزى : ازاى؟
عاطف رزق : انا كنت بذاكر وفى نفس الوقت باشتغل مساعد انتاج مع الله يرحمه الاستاذ حسن رمزى
مفيد فوزى : اه
عاطف رزق : اول فيلم عملتة معاه
مفيد فوزى : مع حسن رمزى ؟
عاطف رزق : ومع الراحل حسن الامام
مفيد فوزى :اه
عاطف رزق : راجل عظيم
مفيد فوزى :انا عايزك تقول للناس يعنى ايه مدير انتاج؟
عاطف رزق : مدير ا لانتاج ده المسئول الاول عن كل كبيرة وصغيرة فى الفيلم
مفيد فوزى : يعنى ايه فهمنى ؟
عاطف رزق : المنتج نمرة واحد معاه المخرج وبعدين مدير الانتاج بيقعج يحضر مع المخرج والممثلين بيجهز اماكن التصوير وبيجهزوا كل ما للفيلم
مفيد فوزى : فى مخرج عنده حرص على مدير ا نتاج معين ؟
عاطف رزق : اه فيه كثير ده بتوع اليومين دول
مفيد فوزى : اشمعنا وزمان
عاطف رزق : لانهم طلبة وخريجين مع بعض وبيشيلوا بعض لذلك ما بيرضوش يشغلوا القدام لان القديم هيكشفة
مفيد فوزى : القديم هيكشفة ؟
عاطف رزق : اه هيكشفة فى حاجات كثير قوى
مفيد فوزى : استاذ محسن فرجانى فين امال ؟
عاطف رزق : الله يرحمه
مفيد فوزى : مات محسن فرجانى ؟
عاطف رزق : من ثلاث اربع تشهر
مفيد فوزى : بس
عاطف رزق : اه
مفيد فوزى : انا كنت اسمع عن محسن فرجانى احد عباقرة الانتاج
عاطف رزق : وابوه محمد فرجانى
مفيد فوزى : يعنى هو ورث المهنه؟
عاطف رزق : طبعا طبعا ورث المهنه انا ابنى ورث المهنه عنى هى مهنه جميلة بس اللى يصبر عليها
مفيد فوزى : طب انت حاليا بتشتغل ؟
عاطف رزق : اه باشتغل باخذ معاش
مفيد فوزى : انا اقصد بتشغل فى السينما يعنى حد بيطلبك ؟
عاطف رزق : شوف يا استاذ مفيد انا سينارست نمرة واحد
مفيد فوزى : الله يعنى انت اتعلمت السيناريو من شغلتك من خلال الانتاج ؟
عاطف رزق : اه وتأليف الاغانى من خلال الانتاج وجمعيه المؤلفين
مفيد فوزى : اه يعنى انت طورت نفسك ؟
عاطف رزق :طورت نفسى
مفيد فوزى : طورت مش حورت
عاطف رزق : اه
مفيد فوزى : طورت نفسك؟
عاطف رزق : انا واحد من مديرين الانتاج القلائل اللى يقرأ السيناريو قبل ما يصورة اذا عجبنى اعملة اذا ما عجبنيش ما اعملوش علنى دى بركات قال لى اسمك هيتحط على الشاشة
مفيد فوزى : مين اكثر مخرج بتشتغل معاه ؟
عاطف رزق : بركات
مفيد فوزى : المهنة دى لسة ليها جلال ؟
عاطف رزق : للاسف بوزوها
مفيد فوزى : بأية بقى بالدخلاء؟
عاطف رزق : دخلاء كثير
مفيد فوزى : منين الدخلاء دول؟
عاطف رزق :متعرفش انا بشوف كومبارس بيشتغلوا مديرين انتاج انهاردة
مفيد فوزى : كومبارس ازاى؟
عاطف رزق : انا بشغلهم كومبارس ببص القيهم مديرين انتاج
مفيد فوزى : فجأه كده ظ
عاطف رزق : اه فجأه كدا الله هو اخونا ده ايه الاقيه واقف دا انت شغال مدير انتاج حاسب لأ حاسب اسيب المهنه خالص ما ا شتغلهاش
فاصل
مفيد فوزى : انت ايه اللى مقعدك فى قهوة بعرة وانت بتشتغل فيشات سينما ؟
ش: ما بيجيلى زباين هنا فى القهوة معروفة بيجولى زباين عايزه حاجات قديمة الافلام القديمه من الثلاثينات والاربعينات ودوة
مفيد فوزى : ليه ليه ؟
ش: بيصوروا بيها بقى
مفيد فوزى : يعنى ايه بيصوروا بيها ؟
ش: يخدوها المخرجين ودوت بيصوروا بيها
مفيد فوزى : اللى هى الافيشات اه يعنى فى فيلم من الافلام القاهرة 30 مثلا ؟
عاطف رزق : اه القاهرة 30 سعاد حسنى
مفيد فوزى : في بتاع ده افيش لفاطمة رشدى معرفش مين؟
عاطف رزق : وسعاد حسنى
مفيد فوزى : والحاجات دى كلها عندك ؟
عاطف رزق : عندى
مفيد فوزى : والا انت شايف
عاطف رزق : السيناريو ايوه بحتفظ بيهم وسيناريوهات وكله
مفيد فوزى : وسيناريوهات محتفظ بيهم
عاطف رزق : ايوه
مفيد فوزى : ايه رايك فى افيشات الايام دى ؟
عاطف رزق : لأ اللميع وتصويرة وحش ا لثانى بس
مفيد فوزى : يعنى ايه لميع وتصوير ؟
عاطف رزق : التصوير مكن تصوير
مفيد فوزى : اللى هو امتى ؟
عاطف رزق :اللى هو الايام دى ا يوا
مفيد فوزى : اه
عاطف رزق : والافيش دكها كان اسمة فن افيشات انور وجدى مثلا فيروز ودهب وقطر الندم وده وام كلثوم كان افيش حلو
مفيد فوزى : مين بيصمم زمان افيش السينما ؟
عاطف رزق : كل واحد مصمم على الافيش ماضى على الافيش
مفيد فوزى : مين يعنى ؟
عاطف رزق : فيه كثير مخرج
مفيد فوزى : المخرج هو اللى بيصمم ؟
عاطف رزق : لأ الرسام المطبعه
مفيد فوزى : الرسام ؟
عاطف رزق : ايوه يعنى كان يصممة ويوديه المطبعة يطبعة
مفيد فوزى : دلوقتى بقت فتوغرافيا ؟
عاطف رزق : اه
مفيد فوزى : تصوير؟
عاطف رزق : كل الشغل تصوير
مفيد فوزى : وهل ده اقيم مش ده اقيم ؟
عاطف رزق : زمان كان اقيم
مفيد فوزى : ليه ؟
عاطف رزق : كان الافيش ناطق لوحدة
مفيد فوزى :اه
عاطف رزق : ملون ورسم الممثل واضح فيه قوى
مفيد فوزى :الممثل واضح
عاطف رزق: اه
مفيد فوزى : احيانا دلوقتى يحطوا الافيش وما يحطوش اسماء النجوم
عاطف رزق : اه دا الايام ديت الايام اللى فاتت فيروز فيلم ما فيش فيروز حاطين مثلا ايه المعجزة الطفلة فيروزكانت صغيرة ودلوقتى كبرت
مفيد فوزى : اه
عاطف رزق : وكانوا حاطين اسمها يعنى عيلة صغيرة وحاطين اسمها فى الافيش بطلة الفيلم
مفيد فوزى : اه انما قهوة بعرة يعنى هى قهوة سينما تقدر تسميها كده؟
عاطف رزق : اه قهوة سينما
مفيد فوزى : قهوة سينما؟
عاطف رزق : اه هى دى من زمان قهوة سينما وكانت زمان كمان احسن من دلوقتى
فاصل
مفيد فوزى : اشرف انت بتشغل ايه اساسا ؟
اشرف : انا باجر عربيات لبتوع التصوير فى الافلام كل العربيات اللى هى بتتأجر فى المسلسلات والافلام دى انا بأجرها
مفيد فوزى : تشيل 40 - 50 كومبارس
اشرف : اه لأ مش 40 العربيات اللى هى الملاكى العربيات ديت
مفيد فوزى : اه
اشرف : العربيات اللى هى بتشيل الكومبارس بيجيبوا لهم مكيروباصات مش من عندى
مفيد فوزى :انت بقى بتجيب العربيات بتأجرها اللى هى الكبيرة دى؟
اشرف : اه العربيات الكبيره
مفيد فوزى : للممثلين ؟
اشرف : للممثلين اه
مفيد فوزى : دى شغلتك بس ؟
اشرف : اه
مفيد فوزى : طيب بتقرب من الكومبارس ؟
اشرف :اه بشوفهم الناس دى بتتبهدل
مفيد فوزى :ازاى ؟
اشرف : اقولك بتتبهدل ازاى يعنى تبص تلاقى المخرج عمل كاميرا 12 اولا تبص تلاقى الجماعة اللى هما السماسرة او الريجى بيدى الناس دى من 7 الصبح طب ده حرام والا حلال يعنى انت لما
تجيب واحد يعنى عندى خرستو فى الهرم 7 الصبح وكاميرا 12 كلام سليم ممكن يشتغل لليل
يقعد لحد الساعة 7 8 بالليل وممكن يقعد لحد الساعة 12 بالليل
مفيد فوزى : وياخد كام فى اليوم ؟
اشرف : يعنى هو الكومبارس بياخد 30 جنية لحد لما يوصلوا من واحد لواحد لواحد ممكن يوصلوا 22 جنية 23 جنية وممكن 18 جنية وبعد ساعات ممكن ما يجبوش لهم اكل وممكن المنتج او مدير الانتاج بيدى اللى هو الراجل المتخصص اللى هو الريجى للناس دى بدل ما يدى الناس يجيبوا اكل بيحطها فى جيبة ما بجبش او ينزل شارع فيصل او الهم يجيب لهم علبة كشرى بجنية ونصف او 2 جنية لأ ده ظلم حرام يعنى انا هقول لحضرتك حاجة فيلم ظاظا ساعة الوقعة بتاعت البنت اللى هى ماتت ديت انا كنت فى الفيلم وكنت فى اليوم ده اولا هو اللى عمل المشكلة هما الجماعة الريجسيين الريجى اللى هو اصلا سمسار ليه حضرتك الاستاذ على عبد الخالق فى اليوم ده كان طالب مجموعه معينه جابوا له ناس غير الناس يعنى تمام الراجل قال لك فركش اما قال فركش كان فيه حوالى بتاع 2000 نفر
مفيد فوزى : 2000 نفر؟
اشرف : 2000 نفر
مفيد فوزى : 2000 واحد كومبارس يعنى ؟
اشرف : اه يعنى هو كان عايز الناس دى ببدل فقال يا جماعة فلقى الناس جايين بجلاليب وحريم لبسة فساتين طبعا مينفعش يعنى هانى رمزى طالع رئيس جمهورية يعنى انت فاهم حضرتك
مفيد فوزى : اه
اشرف : على عبد الخالق لما شاف المجموعة قال لك لأ فركش ابعتوا لى ناس عدلة فهنا طبعا كلمة فركش دى نصف يوم الجماعة اللى هما السماسرة طلعوا اشاعة فى وسط الناس اللى هما اصلا مفيش نصف يوم علشان ياخذوا النصف يوم يحطوه فى جيبهم
مفيد فوزى : اه
اشرف : ا لناس عملوا قلق طبعا المدينه متكلفة مليارات كانت هتكسرها الامن بتاع المدينه ضرب فى الناس والناس ضربت فيهم طلعوا على الشارع بره البت من خوفها طلعت بره خالص جت عربيه
ميكروباص ضربتها
مفيد فوزى : اه
اشرف : بس
مفيد فوزى : العربيه
اشرف :عربيه ميكرباص ضرتها ومحدش سأل فيها يعنى محدش اصلا سال فى البنت ديت حرام
مفيد فوزى : دى كانت بنت من البنات
اشرف : اه من ا لبنات اللى هى المجاميع حرام طبعا يعنى هو فيه ظلم