الأحد 27 يناير 2013 حلقة جديدة من برنامج 45 دقيقة اهلا بيكم مشاهدينا نبدأ حلقتنا بأهم العناوين اللى هنشوفها فى حلقة النهاردة فاصل سخونة احداث بورسعيد تلهب اسعار الدولار والسولار الحوار الوطنى والمصالحة هو الطريق الوحيد للخروج من الازمة الحالية , حالة من الجدل يعيشها المجتمع المصرى حول قانون تنظيم التظاهر فى مصر , بين جهود فى اتجاه اعادة البناء و الهيبة وتحديات فى اتجاه الانهاك و التراجع الشرطة المصرية الى اين محمد القاضى : اخبارنا السريعة بنبدأها من جريدة ال Independent حيث انها اشارت الى ان الانقسامات تضر بمساعى الرئيس مرسى لاعادة احياء الاقتصاد الصحيفة البريطانية النهاردة الاحد قالت ان الانقسامات والاختلافات بين الاسلامين و التيارات الاخرى فى مصر بتضر جهود الرئيس فى اعادة احياء الاقتصاد الذى يعانى من ازمة خطيرة الصحيفة ايضا اوردته فى تقرير على موقعها الالكترونى ان اصدار المحكمة احكام بالاعدام ل 21 شخص ادت الى اعمال شغب و اشتباكات ببورسعيد ربطت بينها و بين هذه الاحداث و بين انها تأتى عقب يوم واحد من الاحتفال بالذكرى السنوية الثانية للاطاحة بالرئيس السابق محمد حسنى مبارك للمزيد من المتابعة حول هذا الموضوع المفروض هيكون معانا الان اللواء حسام سويلم الخبير العسكرى والاستراتيجى و المدير الاسبق لمركز الدراسات الاستراتيجية بالقوات المسلحة سيادة اللواء حسام معانا على التليفون اللواء حسام سويلم : ايوة انا معاك محمد القاضى : سيادة اللواء البيان الذى صدر بالامس قرأه الكثيرون بأنه يحمل تلويحا بفرض احكام عرفية او حظر تجوال او شئ من هذا القبيل كيف قرأت انت هذا البيان اللواء حسام سويلم : بسم الله الرحمن الرحيم اةلا انا هتكلم بصراحة ولا تقاطعنى اولا اجتماع مجلس الدفاع الوطنى امس كان شئ ضرورى لمواجهة ازمة امنية و سياسية حادة وخطيرة بتواجهها مصر منذ عدة ايام تسببت فى وسقوط 30 قتيل و283 جريح فضلا عن تدمير و تخريب منشأت عامة و خاصة ولكن اود القول بصراحة ان البيان اللى صدر عن اجتماع مجلس الدفاع الوطنى لم يرضى او يشفى غليل معظم المصريين الذين كانوا يريدون من المجلس بيانا يتناسب مع خطورة الحدث يضع النقاط فوق الحروف الاسباب اللى ادت الى حدوث هذه الازمة الدموية و يعترف بالاخطاء التى وقعت من جانب المسئولين و يعد بالتحقيق مع المسئولين عن سقوط 342 مصرى بين قتيل و جريح فى يوم واحد و هو مالم يحدث فى تاريخ مصر ولا فى الحروب ان يسقط هذا العدد فى يوم واحد كيفية معالجة المجلس سياسيا و امنيا لهذه الازمة و يتخذ الاجراءات العاجلة اللى تطفأ النار المتأججة فى النفوس بسبب فشل مؤسسات و اجهزة الحكم بوضع السياسات و اتخاذ الاجراءات التى تحقق الحد الادنى من المطالب المشروعة للمصريين فى حياة امنة مستقرة و حرية و عدالة اجتماعية ولكن للأسف وجدنا مجلس الدفاع الوطنى يخرج علينا ببيان فضفاض لم يعالج الاسباب اللى ادت الى هذا الوضع المتدهور نجده فقط يدين العنف و يدعو الى حوار وطنى مؤثر و هى العبارة التى اصبحت موضع تندر للجميع فكم من اجتماعات حوارية جرت واتخذت فيها توصيات و قدمت فيها وعود لم تنفذ فما قيمة الدعوة الى حوار بلا اجندة محمد القاضى : اذا سيادة اللواء كنت تنتظر من مجلس الدفاع الوطنى بيانا اقوى و اوضح من ذلك و كنت تتمنى ان يحدد الاسباب و اساليب الخروج من الازمة شكرا جزيلا سيادة اللواء حسام سويلم الخبير العسكرى و الاستراتيجى و المدير الاسبق بمركز الدراسات الاستراتيجية بالقوات المسلحة يعنى للوقوف على تطورات الاوضاع الحزينة اقل ما يقال فى هذه الحلقة اللى بنقول عليها ايضا حلقة استثنائية وحزينة فى تاريخ مصر لمتابعة الاوضاع فى بورسعيد ينضم الينا موفدنا الى هناك حسام مسعد , حسام يا ريت تطلعنا على المشهد الان لديك حسام مسعد : و الله المشهد الان لازالت مسلسلات الفوضى مستمرة داخل نطاق محافظة بورسعيد بعد يوم حافل بالاحداث بدأ بتشييع جثث الجثامين اليوم عقب صلاة الظهر من مسجد مريم و طبعا شهد اشتباكات عدد من العناصر المشاركة فى الجنازة و بعض عناصر القوات المرابضة امام نادى الشرطة بمنطقة الجميل و هو طريق مدافن بورسعيد و طبعا حصل فيه اشتباكات ما بين المشيعين و ما بين تلك العناصر ادى الى اطلاق عدد من القنابل المسيلة للدموع الناس تساقطت على اثرها الناس تركوا بعض الجثامين ليختبئوا من كثافة الاطلاق محمد القاضى : حسام ماذا عن التواجد الشرطى بجوار عناصر الجيش الثانى الميدانى حسام مسعد : التواجد هذا امام المنشأت الحيوية و المنشأت الشرطية داخل محتفظة بورسعيد هناك بعض الوحدات و لكنى اراها ليست بالوحدات الكافية وحدات من القوات المسلحة ليست الوحدات التى يجب ان تكون فى مثل هذا الحدث بنتطلع جميعا الى تواجد اكثر كثافة لأن فيه احتقان ما بين عناصر الشرطة و ما بين المواطنين داخل محافظة بورسعيد و طبعا ده ربما يهيئ الفرصة لبعض العناصر الدخيلة لاشعال الامر اكثر فاكثر فى اللحظات الحالية و القادمة محمد القاضى : حسام هل هناك جهود او بدأت جهود للعقلاء ولا سخونة الاحداث تحجب اصوات العقل فى الوقت الحاضر حسام مسعد : نعم انا اتفق معك فى هذا التعبير ان سخونة الامور يعنى تطغى فوق اى عملية تهدئة للبركان الثائر من جموع المواطنين طبعا يعنى ربما عدد من اهالى المتهمين بالاضافة الى عدد شباب الالتراس بالاضافة الى عدد من جماهير بورسعيد وسط طبعا بعض المندسين الذين يحاولون اشعال يعنى سكب الزيت على النار لاشعال الامور اكثر فاكثر يعنى محمد القاضى : نعم شكرا جزيلا الزميل حسام مسعد موفدنا الى بورسعيد وللاطلاع على مزيد من الاخبار و الحالة الامنية فى محافظات مصر بشكل عام معنا على الهاتف اللواء اسامة اسماعيل مساعد وزير الداخلية للاعلام و العلاقات مساء الخير سيادة اللواء اللواء اسامة اسماعيل : مساء النور يا فندم محمد القاضى : يعنى لو جولة سريعة على وضع الامن فى المحافظات المختلفة و خاصة بالطبع المحافظات الملتهبة اللواء اسامة اسماعيل : اولا نؤكد التعازى لاهالى مدينتى السويس و بورسعيد فى الضحايا الذين سقطوا بالامس و اول امس و نؤكد التعازى لشهداء الشرطة اللى سقطوا فى الساعات الاخيرة الموقف فى بورسعيد عقب الاحداث اللى وقعت بالمدينة عقب صدور الحكم فى قضية استاد بورسعيد حصل تداعيات امنية تم عرضها خلال الموقف الامنى بالامس اليوم كان فيه تشييع جنازة الضحايا بنحب نوضح لأن بعض وسائل الاعلام تناولت القاء الغاز على المشيعين الغاز المسيل للدموع و اطلاق اعيرة نارية احنا بنوضح ان خط سير الجنازة كان بيتضمن المرور امام احدى المنشأت الشرطية و هو عبارة عن فندق لاقامة المغتربين العاملين بمديرية الامن هذه المنشأة تعرضت لالقاء عبوات نارية و اطلاق اعيرة نارية تلقى عليها من اسطح المنازل هذا المكان مطل على البحر و المكان العكسى ناحية الساحل هذه المنشأة تعرضت لاشتعاال الحرائق و كان هناك قوة موجودة القت بعض الغاز المسيل للدموع حتى تتمكن من ابعاد تلك العناصر بالنسبة لاطلاق الاعيرة النارية احنا دائما بنؤكد ان تسليح قوات الشرطة لا يتضمن الاسلحة النارية و الاكتفاء باطلاق الغازات المسيلة للدموع كان هذا تصادف مع اقتراب جنازة الشهداء لمنطقة المقابر المواجهة لهذا الفندق محمد القاضى : اذا يعنى سيادة اللواء انت تنفى انه حصل اطلاق القنابل المسيلة للدموع على المشيعين اللواء اسامة اسماعيل : لا لا لا انا بأكد انه تم اطلاق غازات على العناصر محمد القاضى : لكن فقط للى حاولوا يقتحموا او يطلقوا اللواء اسامة اسماعيل : احنا نحترم مشاعر اهالى بورسعيد الباسلة طبعا الموضوع كان بسبب تواجد هذه المنشأة و تعرضها لوابل من النيران ووابل من العبوات النارية غير مقصود بالمرة التعرض للجنازة و مش من المنطقى ولا من الاخلاقيات ان احنا نتعرض للمشيعين هذا تصادف و يمكن من اثار الغاز اللى تم اطلاقه هى اللى كانت مؤثرة بس فى موقف اللى موجودين , الحالة الامنية فى بورسعيد و سجن بورسعيد تواجد عناصر من القوات المسلحة تعاون قوات الشرطة بعد التعرض لجميع المنشأت الشرطية بالمدينة تساعد وتعاون القوات المتبقية فى اعادة تنظيم صفوفها و تأمين المدينة محمد القاضى : شكرا جزيلا سيادة اللواء اسامة اسماعيل مساعد وزير الداخلية للاعلام و العلاقات فاصل محمد القاضى : طيب الاعتداء على الشرطة او رشق الشرطة و ده ممكن يكون مفهوم و غير مبرر لكن مفهوم لكن الاعتداء ايضا على المدترس و المنشأت التعليمية ده اللى اكيد مش مفهوم و خاصة انها لا تمثل اى شكل من اشكال السلطة او اجهزة الدولة او هيبة الدولة اللى بعض الناس بتحاول تواجهها اربع مدارس يتعرضوا لحرق و نهب من خلال الاحداث وزارة التربية والتعليم استنكرت بالامس الاعتداء على اربع مدارس خلال الاحتجاجات و الاحتفالات اول امبارح فى الذكرى الثانية لثورة يناير اتحرق و اتنهبت مدرسة الحويات الثانوية بالكامل و اتحرق غرفة المدير و الوسائط التعليمية بمدرسة القرية الاعدادية القريبتين من ميدان التحرير جنب الجامعة الامريكية بالاضافى الى سرقة مدرسة ابو بكر الصديق الابتدائية فى كوم امبو فى اسوان و مدرسة العطارين فى اسكندرية تتحرق يعنى كلها مشاهد غير مفهومة و غير مبررة بالطبع كمان معانا خبر عن احداث بورسعيد او لهيب و سخونة احداث بورسعيد تلهب اسعار و ده منطقى جدا تلهب اسعار الدولار و السولار تفاقمت امبارح ازمة الدولار و زادت التعاملات عليه فى السوق السودا نتيجة الاحداث اللى حصلت بعد صدور حكم قضية استاد بورسعيد معظم شركات الصرافة توقفت عن العمل ده ادى الى زيادة اسعار السوق السودا لتصل الى حوالى 527 قرش بزيادة 50 قرش عن الاسعار فى السوق الرسمى كذلك تفاقمت ازمة الوقود فى المحافظات و زادت الطابور و الزحام قدام المحطات و خاصة على السولار و البنزين 80 ايضا يعنى انا مش عارف هل ممكن يكون الحوار عن ما يسمى بالحوار الوطنى و المصالحة الوطنية فى مثل هذه الظروف قابل للطرح ولا قد يكون كلام رومانسى المتتبع للواقع السياسى دلوقتى حاليا طبعا بيلاحظ حالة التمزق و الانقسام و الكل بيسأل مصر رايحة على فين و الاتجاه ايه دلوقتى يعنى خلينا نشوف الاول التقرير الاتى للزميل محمود عمر بيرصد هذه الحالة و بعدين نستكمل الكلام فاصل بيان اطلقته مجموعة ال15 من الاحزاب السياسية بشأن دعوة كل الاطراف للحوار و التواصل و كفانا صراعا انتخابيا و حزبيا نريد تغليب مصلحة البلد و انقاذها فى هذه اللحظة الصعبة ايمن نور : اللقاء هو بين مجموعة ال 15 مجموعة من 15 حزب يضاف اليهم عدد من الشخصيات العامة هذا اللقاء الهدف منه هو تدراس اللحظة الحالية التى تمر بها البلاد الحقيقة بعض الدماء التى سالت لم يكن مقبولا ان ننظر الى حالة الصمت السياسى بشكل عام و كأننا نقبل هذا الذى يحدث كأننا نقبل ان مصر تتحول الى حالة احتراب اهلية كان موقفنا اننا اولا نحمل جميع المسئولين ولا نستثنى اى طرفبداية من مؤسسة الرياسة وحزب الاغلبية ونهاية ببعض الاحزاب التى دأبت على فكرة الحقن و الانقسام احنا فى لحظة فى غاية الخطورة ايمن مرسى : احنا بنرفض هذا العنف جملة وتفصيلا من جميع الاطراف بل بندعو بمحاسبة جميع الاطراف تقرير : الاوضاع الحالية فى غاية الخطورة و هذا ما يشهده الشارع المصرى من و اشتباكات و تجاوزات و انقسامات فى الوقت الحالى اسامة الغزالى : قطعا ما حدث فى بورسعيد و السويس مسألة مأساوية و مسألة تثير القلق الشديد و بالتالى اى قوة وطنية مسؤلة لابد ان تعرب عن قلقها لابد ان تدعو الى توقف العنف لابد انها تدعو الى ازالة كل الاسباب التى ادت الى هذا ما يحدث الان فى مصر شئ كارثى و سقوط قتلى من المواطنين فى هذه الاحداث شئ مؤسف تماما و يستلزم اكبر قدر من التعامل بمسؤلية تتناسب مع جثامة الموقف ايمن عبد الحليم : احنا مع التظاهر السلمى و نؤيد حق المصريين فى كافة اطياف التظاهر لكننا لسنا مع اقتحام المنشأت الحكومية او التحريض على اقتحامها ندعو المصريين لاحترام احكام القضاء احكام القضاء التى صدرت لها درجات التقاضى لها نقض ولها استئناف و بالتالى ليس هناك ما يمكن تغييره بالعنف فى هذه الاحكام لكن يجب ان نلجأ الى القضاء لتغيير تلك الاحكام او للطعن عليها تقرير : و من هنا يلتزم على الجميع العمل على البعد و الحد من العنف بكافة اشكاله و انواعه و اطلاق لغة الحوار ليشمل كافة التيارات و الاحزاب و القوى السياسية لانقاذ مصر من هذه الازمة الراهنة محمد القاضى : مبادرة سياسية مش عارف هل ممكن يكون لها مكان على ارض الواقع ولا لا معانا على التليفون عموما الدكتور عمرو هاشم ربيع الخبير بمركز الدراسات السياسية والاستراتيجية بالاهرام مساء الخير دكتور عمرو الدكتورعمرو هاشم ربيع : مساء النور اهلا بيك محمد القاضى : ما تقييمك لهذه المبادرة التى اطلقت من مجموعة ال 15 بالامس الدكتورعمرو هاشم ربيع : هل تقصد مبادرة الانقاذ محمد القاضى : افندم الدكتورعمرو هاشم ربيع : هل تقصد مبادرة الانقاذ محمد القاضى : المبادرة التى اطلقها 15 حزب اللى اعلن عنها الدكتور ايمن نور و مجموعة اخرى يعنى ما تقييمك لفكرة الدكتورعمرو هاشم ربيع :ايمن نور اه محمد القاضى : ما تقييمك لفكرة ان يعاد النظر او توضع على طاولة الحوار فكرة المصالحة الوطنية مرة اخرى كيف تقيم هذا الاتجاه فى هذا التوقيت الدكتورعمرو هاشم ربيع : هو المشكلة مش فى مسالة المصالحة الوطنية ما هو الكل بينادى بالمصالحة الوطنية المشكلة ازاى تتم هذه المصالحة ما هو الطريق اليها بمعنى انك محتاج انك تحدد اجندة و تحدد طبيعة الاطراف و تتوصل لاتفاقات مكتوبة لان طبهعا التعامل مع التيار الاسلامى بشكل عام وجماعة الاخوان بشكل خاص بيبدى نوع من التملص من كافة الوعود و من كافة الاستحقاقات التى تم الاتفاق عليها انت مش عارف حل انت محتاج حتى توصل لشهر عقارى توضح الحاجات ديه لان ناس كتير اوى زهقت انهم مبيوفوش بالوعود المشكلة مش فى الوفاق اكتر من انهه كيف يتم اجراءات الوفاق محمد القاضى : كويس فيه كلمة الدكتور عمرو هل ترى مخرج من هذا النفق المظلم الدكتورعمرو هاشم ربيع : انا بطبيعتى متفائل و لكن هناك شروط للخروج من هذا النفق يعنى انت اولا بتحتاج الى حكومة وفاق وطنى انا اتصور ان المبادرة بتاعت جبهة الانقاذ اكثر تقديرا او اكثر توازنا من اى مبادرات اخرى اقترحت على الساحة لتحقيق الوفاق فى الفترة الاخيرة الامور الخاصة بتشكيل حكومة وفاق وطنى الامور الخاصة بتعديل الدستور الامور الخاصة بعدم الخلط بين الجماعة و بين الحزب او بين الجماعة و الرياسة من خلال وضع الجماعة تقييم وضع الجماعة بشكل واضح كل هذه الامور اللى عبر عليها الدكتور احمد البرعى امبارح انا بتصور انها كانت امور سليمة و بنود سليمة للوصول لنوع من الوفاق اللى بيحقق لنا نوع من مبادئ الثورة الاساسية محمد القاضى : وصلت الدكتورعمرو هاشم ربيع الخبير بمركز الدراسات السياسية والاستراتيجية بالاهرام كل الشكر و التقدير , اللى احنا فيه دلوقتى المفروض انه هو حالات المفروض انها تظاهر سلمى هناك خلاف و جدل حول مفهوم التظاهر و ايه هو التظاهر السلمى و كيف يمكن ان يتحقق و ما هى التشريعات التى تنظم ما يسمى بالتظاهر او التظاهر السلمى بشكل عام الحقيقة فيه حالة من الجدل بيعيشها المجتمع حول قانون تنظيم التظاهر فى مصر المقرر انه مجلس الشورى هيناقشوا لاقراره خلال المرحلة القادمة مع مسودة مجلس الشعب السابق و مع مسودة وزارة الداخلية تستعد لجنة حقوق الانسان فى المجلس هتناقشه ان شاء الله بين النخبة السياسية حصلت مناقشات جانب كبير من هذه المناقشات رفضت هذه الشروط اللى بتوضع فى القانون او اللى وضعت فى القانون لتنظيم التظاهرات او للموافقة على التظاهر يعنى شايفين انها هتؤدى الى صعوبة فى ممارسة هذا الحق الدستورى اللى هو التظاهر خلينا نشوف المزيد فى تقرير المصور زميلنا احمد فؤاد و نستكمل فاصل تقرير : و لأن التظاهر السلمى حق مكفول لكل مواطن يرغب فى التعبير عن رأيه لهذا جاء مشروع التظاهر الذى تدرسه وزارة العدل المصرية ضمانا لسلامة المواطنين و حفاظا على المنشأت الحيوية فى مصر المستشار احمد رشدى سالم : مشروع التظاهر اللى نشر فى وسائل الاعلام و الجرائد كان مقدم من احد نواب مجلس الشورى و لا علاقة لوزارة العدل بها و هذا لا ينفى ان وزارة العدل تعد مشروع تقريبا انتهت من الصياغة النهائية ليه و هذا المشروع ابتداءا بيؤكد على حق التظاهر و انه مكفول لكافة المواطنين باعتباره احد وسائل حرية التعبير و استمدينا اغلب مواد هذا القانون من القوانين المقارنة زى انجلترا او كندا او امريكا او فرنسا و مرضناش ان احنا نعمل حاجة تخرج عن المعايير الدولية فى هذه الدول لكى يتفق عليها كافة المواطنون و يشعروا ان هذا المشروع فى صالحهم و فى صالح الدولة حتى لا يتم تخريب المنشأت و خلافها تقرير : العديد من الضوابط طرحتها وزارة العدل لضمان حرية التعبير بشكل سلمى و كذلك للحفاظ على الارواح و المنشات الحيوية المستشار احمد رشدى سالم : تم وضع بعض القيود وضع حرم لبعض المواقع مثل المجالس التشريعية و مثل مجلس الوزراء و الوزارات و السفارات و المستشفيات و هذا الحرم يمتد من مترين او تلاتة حتى 500 متى و لا يزيد على بأى حال من الاحوال عن 500 متر بالاضافة الى ان احنا استثنينا ميدان التحرير من كافة القيود القيد الوحيد اللى فيه ان احنا منعطلش مصالح المنشأت الحيوية اللى هناك زى مجمع التحرير او الممتلكات الخاصة غير كده احنا قلنا ان المظاهرة بتكون بمجرد اخطار الشرطة ولن تحتاج الى اذن و لا تحتاج الى تصريح مسبق هناك بيانات فى الاخطار الذى سيقدم الى الشرطة و سيكون هذا الاخطار او هذا النموذج لهذا الاخطار منشور على الموقع الرسمى لوزارة الداخلية اذا رأت وزارة الداخلية ان تعترض على هذه المظاهرة فلا يجوز لها منعها ابدا الا بقرار قاضى الامور الوقتية تقرير : التعبير عن الرأى و التظاهر السلمى احدى مظاهر الديموقراطية التى تتمتع بها مصرنا الحبيبة لهذا فعلى كل مواطن مصرى غيور على مصلحة بلاده الالتزام بالقواعد و القوانين التى من شانها الحفاظ على شكل مصر الحضارى امام شعوب العالم محمد القاضى : من بين كل الوزارات فى مصر احنا معروف ان الوزارات بشكل عام هناك مجموعة من الوزارات السيادية و الوزارات الخدمية الوزارات السيادية ديه هى الداخلية و الخارجية و الدفاع و العدل من الوزارات السيادية ديه دايما بتجى وزارة الداخلية فى مقدمة الوزارات اللى بتتعرض لاختبار يومى من المواطن المصرى من 100 سنة من العهد الملكى مرورا بثورة يوليو و عهد الرئيس الراحل جمال عبد الناصر حتى يومنا هذا بتتعرض الداخلية لحالة من المواجهات المستمرة او بمعنى ادق بتدفع ثمن قد تكون بتدفع اثمان لاخطاء سياسية و اخطاء اقتصادية ايا كان المهم فى النهاية المواطن ملوش دعوة اى مشكلة له مع النظام بيكون المواجهة على طول مع الداخلية يعنى خلينا الاول نشوف التقرير التالى بس بعد التقرير ان شاء الله هنرحب بضيفنا فى الاستوديو السيد اللواء اشرف امين الخبير الامنى و بعد ذلك نستكمل حوارنا نشوف التقرير فاصل تقرير : الامن حاجة اساسية للمواطن و ضرورة من ضرورات بناء و تطور الدولة فلا امن بلا استقرار و لا حضارة بلا امن و لا يتحقق الامن الا فى الحالة التى يكون فيها العقل الفردى و الحس الجماعى و خاليان من اى شعور بالتهديد فهذا هو دور الشرطة فلصالح من العمل على اضعافها اللواء سامح سيف : فكرة استعداء الدولة ده جاء نتيجة نقص هيبة الدولة عندما تنقص هيبة الدولة فيتم استعداء ممثل الدولة و ممثل الدولة فى هذه الحالة هو جهاز الشرطة لأن هو الذى يحتك بالناس و لان هو الذى يتواجد امام الناس فى الشارع و بالتالى يستعدوه ليس فى حق الشرطة كشرطة و لكن كرمز من رموز الدولة اعتقد ان هذا هو الحال و لكن هو شئ مؤسف للغاية انه لا يصح اطلاقا و مبنشوفش فى اى دولة فى العالم ان الشرطة تستحل بهذا الوضع الناس تهاجم اقسام الشرطة و تقتل افراد الشرطة فى الشارع كما يحدث فى سيناء فى كثير من الحالات او يعتدوا على معسكرات الشرطة ايضا كما يحدث تقرير : خبراء الامن اكدوا التغيير فى اداء الشرطة و لكن اعادتها يحتاج الى اعادة الدولة نفسها و معاونة كل ابناءها اللواء سامح سيف : استرجاع هيبة الدولة هو الشئ الاساسى الاول الشئ التانى و هو عندما تتاح الامكانيات تعطى الامكانيات الى الشرطة حتى تستطيع انها تجيب ما تريد من معدات و اسلحة حتى تقف على قدميها الشئ التالت هو يليق على الاحزاب السياسية و الائتلافات و التيارات الدينية يجب عليها ان تعمل فى وسائل الاعلام و فى الندوات و فى المؤتمرات التى تعقدها على احترام الشرطة اكثر مما هو موجود حاليا و عدم التلفظ بقى بالفاظ زى تطهير الشرطة تطهير الشرطة كلمة الحقيقة بتحزن العاملين بالشرطة الشئ الرابع هو يليق على الناس الناس نفسها يجب على الناس انها تضع فى اعتبارها ان الشرطة تحميها و ان الشرطة عندما تهينها انت تهين نفسك و تضعفها انت تضعف من نفسك لانك ستلجأ اليها فى يوم من الايام عشان تحميك انت و اولادك و اسرتك و اموالك لن تجد الشرطة امامك لما تهينها فى هذا الوضع فبالتالى الشعب يجب عليه ان يحترم الشرطة و ان يضعها فى مكانها اللائق تقرير : المواطنون ايضا لاحظوا هذا التحسن فى الاداء و طالبوا بالوقوف معهم جنبا الى جنب مواطن : هى غيرت من طريقة عملها كتير اوى بس طبعا بقت بتخاف اكتر و ده مش كويس تمام فا المفروض ان احنا نديها تشجيع شوية مواطن 1 : اشمعنى هذه الجهة هى المستهدفة بالذات و لصالح من رجل الشرطة بيعرض حياتى هو واخويا و اخو حضرتك و اخو كل واحد بيعرض حياته فى مطتردة اللصوص ممكن يدفع حياته فى سبيل انه يوفر لنا احنا الامن فبالتالى الشعارات اللى احنا بنقولها عليهم ده جهاز فاشل اذا كانوا فاشلين فا احنا كمان فاشلين لان هما من رجال الشعب المصرى فلابد ان احنا نتوقف عن ذلك مواطن 2 : الشرطة لوحدها طبعا مش هتكون ايجابية بالدرجة المطلوبة لازم الشعب يتجاوب معاها عشان البلد تمشى و الاقتصاد ينهض تقرير : رجل الشرطة يواصل الليل بالنهار من اجل تحقيق الامن و الاستقرار دعمه ضرورة فى مواجهة كل ما يتعرض له من عقبات و صعابات محمد القاضى : زى ما قلت فى البداية بين جهود فى اتجاه اعادة الهيبة و البناء و ضغوط فى المقابل فى اتجاه الانهاك والابعاد اين تتجه الشرطة المصرية فى المرحلة المقبلة سيادة اللواء اشرف حضرتك خبير امنى و كويس ان انت كنت من مدرسة الامن العام يعنى كنت فى الشارع كيف ترى او كيف تعتقد ان الشرطة سيكون اتجاهها فى المرحلة المقبلة بين الضغطين دول عايزة جهود من الدولة و من الناس و من الشعب كله انه يعيد بناءها مرة اخرى و انه يعيد هيبتها و تواجدها فى الشوارع و نشاطها و ضغوط و تحديات فى المقابل تؤدى الى الانهاك و مخاوف من انها تخرج من المعادلة فى الشارع المصرى كيف ترى هذا الوضع اللواء اشرف امين : اولا بداية فى بداية كل برنامج احنا بقالنا فترة طويلة بنبدأ بنعزى الشهداء يعنى اول الحاجة الافتتاحية بالنسبة لنا بنعزى الشهداء بقالنا من اول الثورة و لغاية النهاردة فى كل برنامج اول حاجة بنعزى شهداء الثورة ثم شهداء محمد محمود ثم بورسعيد و النهاردة بنعزى اسر شهداء محافظة غالية علينا هى محافظة بورسعيد و ضباط الشرطة و الظابط و الامين اللى هم لقوا حتفهم برده فى اول ما صدر الحكم اللى هو يعنى الحكم اتخيل انه هو نتيجة حالة من عدم احترام الاحكام القضائية خلال الفترة السابقة ادى الى الحالة اللى احنا فيها دلوقتى ده بداية سيادتك سألت سؤال وجيه جدا هو اتخيل ان احنا علشان نقول اعادة هيبة الشرطة هزعل اوى محمد القاضى : ليه اللواء اشرف امين : ليه هقولك ليه الشرطة يا سيدى اهدر دمها خلال الفترة السابقة بلا اى سبب ليه انا لما اتخيل بعد اذن سيادتك السياسة السابقة اللى احنا بنقول الفساد السابق كان فيه منهاج لوزارة الداخلية ادى الى ان يعتمد الحاكم على المواجهة الامنية الشرطية اعتبارا من 2005 المرحلة الثانية من انتخابات 2005 كان بيواجه خلاص بالشرطة ادى الى ان اسقطت هذه الدولة ليه اخطر ما تتخيله محمد القاضى : اسقطت الدولة ولا اسقط النظام اللواء اشرف امين خلى بال سيادتك فيه فارق انا معاك لكن انا لما بقول الدولة بقولها لسبب الجهاز التنفيذى او الذراع التنفيذى لدى القيادة السياسية هو الشرطة اذا اسقاط الدولة يبدأ ثم ينهار النظام بعد ذلك ما علينا خلال الفترة السابقة ديه الى الى ان المواجهة بالشرطة دون تفعيل من جميع المؤسسات الاخرى التى تقوم بدورها حتى تساند الامن مبقاش عندك فرصة انك تواجه الا بالامن و البتالى سقط الرئيس و سقط النظام اما الان يا سيدى محمد القاضى : نقطة بقى و من اول السطر اللواء اشرف امين لا انا اكمل ديه لان احنا وقفنا هنا لكن اللى احنا ماشيين عليه حتى الان نفس المواجهة الامنية احنا بقالنا 3 ايام سيبك بقى من الفترة السابقة 3 ايام لم اشاهد و لم استمع و لم ارى اى تدخل من الدولة بحيث انه هو يهدى من هذا الوضع محمد القاضى : حتى قبل الحكم انت بتتكلم عن احداث من 3 اشهر اللواء اشرف امين : انا بتكلم من 3 ايام دلوقتى محمد القاضى : اللى حدث فى القاهرة و ميدان التحرير اللواء اشرف امين و بورسعيد و غيره يا سيدى لما يكون عندك ناس حصل حالة ثورة و حالة من الغليان ده دور القائد بقى هنا دور القائد الغائب تماما يبقى عنده ازاى احتوى الموقف 12 بديل يختار البديل الاصوب فى التوقيت المناسب و يطلع يقول انا احتضنكم انا معاكم انا واقف مليون طريقة انا مش فى دماغى ايه الطريقة و الكيفية لان مش انا القائد احنا تم اختيار القائد علشان يحللنا هذه الازمات محمد القاضى : بعد اذنك عندى تعقيب على الجزئية ديه يعنى اللى بيحصل انه هناك بس محدش يقدر ينكر انه فيه اصابع بتحاول تعبث فى الساحة الامنية و تدفع فلوس و ان فيه قذف بالمولوتوف و حاجات من ديه و فيها فلوس بتندفع ناس كتير بتتكلم فده ما هو كده ده ميرجعش الكرة فى ملعب الجهاز الامنى بمعنى ليه مبتخرجوش علينا و تقولوا لنا ان احنا رصدنا و قلنا و ووصلنا انه الجهة الفلانية هى التى تمول كذا و صورنا و سجلنا و عملنا فين هذه الجهود اللواء اشرف امين : كويس ده انت بتأكد كلامى محمد القاضى : لا انا بأكد ايه انت بتقول حد يتدخل طب انتوا ليه مبتكشفوش هذه المؤامرات اللواء اشرف امين : يا استاذى محمد القاضى : مش عندكم اجخهزة بحث جنائى اللواء اشرف امين : ديه الردود المسبقة الموجودة اللى بنسمعها بقالها فترة الطرف التالت اين الطرف التالت و انتوا مبتدوروش عليه ليه مبتجبوش معلومات من جوه المتظاهرين ليه انت عندك اجهزة المعلومات يا سيدى اول حاجة فى الثورة تمت بعديها انهيار جهاز المعلومات الكامل اللى عندك كامن الدولة تسقط امن الدولة بمعلوماته بالياته الاختراق عندنا فى علم الامن اللى الناس بتجهله لابد ان انا لما يكون عندى كيان لابد ان اخترقه و الاختراق بتجميد المصادر لاحضار المعلومة انا معنديش مصادر دلوقتى انا منهك يا سيدى كنت فى برنامج سابق بيقولوا لى طب ما الشرطة خدت دعم عربيات للمظاهرات لبس للمظاهرات انت دلوقتى انت دلوقتى بتواجه مظاهرات على مستوى الجمهورية انت منهك تماما بس انا بقول لاولادى و اخواتى فى الشرطة اصبروا و انا براهن عليهم حتى يومنا هذا لن يسقط جهاز الشرطة اطلاقا لانه فيه ناس شرفاء و محترمين جدا و عارفين دورهم ايه كويس جدا تماما بس انا باقول لاولاد تماما فى الشرطة اصبروا وانا باراهن عليهم حتى يومنا هذا لن يسقط جهاز الشرطة اطلاقا لانه فيه شرفاء وفيه ناس محترمين جدا عارفين دورهم كويس جدا هجاوب على سؤال سيادتك اما اذا قلناعلشان ناخذ معلومة ونجيبها من وسط السياق ده 00 انا هدى لك مثل بسيط قوى عندك بنك وكل العملاء راحوا يسحبوا الرصيد بتعهم هيقع البنك والا لأ محمد القاضى : طبعا اللواء اشرف امين : انت منهك يا سيدى فى اسكندرية فى السويس فى بورسعيد وانا على فكرة انا حاسس ان فى حركة تاخير لدى العطاء الامنى للقوات المسلحة بالنسبة للشرطة اناملاحظها كمواطن عادى لما تيجى تقولى النهاردة محمد القاضى : لأ دى خطط عمل ان هو خلاص رجعوا لسكناتهم وما بيرجعوش غير فى الوقت اللى يستاهل العمل اللواء اشرف امين : يا سيدى انت عندك فى وقت اسمة الديد بوينت النقطة اللى هى لازم توصل لها فى التوقيت المناسب اذا ماوصلتش فى التوقيت المناسب ده انسى انسى خالص القضية راحت منك وده اللى حصل للاسف فى بورسعيد كان فى فجوة فى وقت فى انسحاب اللى اناعايز اوضحة للناس فى بورسعيد دول اهلنا وانا ابكى عليهم عشان تبقى عارف هما مظلومين فى هذا الوقت مظلومين لان هما عندهم حالة غليان اين الاحتواء اين الفكرة ان انا احتويهم لما يجوا يتوجهوا مثلا الى سجن بورسعيد ولماتوجهوا لسجن بورسعيد هناك دافع الضباط عن المكان ده الروايات تختلف ايا ان كانت المواجهة يقولك اضرب على الرجلين الاول اضرب كده لو كان عندك اعداد كبيرة حتى لو انت ضربت من بعيد لو انت مين ممكن تيجى وتقتل محمد القاضى : ممكن قبل ما نكمل الجزئية دى اللواء اشرف امين : انا هكمل الفكرة محمد القاضى : اصل فى احنا معانا تقرير عن اختراع جديد اسمة بلاك بلوك بيدعم حتى الفكرة اللى بتقولها تضيف اليه تتكلم حتى عن النقاط التى تتحدث عنها نشوف التقرير ونرجع تانى لسيادةاللواء اشرف امين الخبير الامنى0 محمد القاضى : البلاك بلوك طرف جديد على ساحة الاحتجاجات والظاهرات فى مصر وبعد ظهورة ظهرت احداث عنف فى امكان كثير فى مصرمتفرقة فى الذكرى الثانية للثورة حيث تم قطع خطوط سكك حديدية وطرق ومحاولة اقتحام مجالس محلية ومحافظات لاسقاط هيبة الدولة والاكثرهو حرق اطارات السيارات عند تنفيذ كل ذلك وهو تكتيك تنتهجة الحركة التى تستخدم الرمزية فاذا قامت الحركة باقتحام الاقسام فمعنى ذلك التعامل الامنى مع المتظاهرين اما المجالس والمحافظات هو رفض سياسيات الدولة والبلاك بلوك هو تكتيك يظهر فى الاحتجاجات السلمية او العنيفة ويرتدى اصحابها ملابس سوداء ومقنعين بالسواد لاخفاء معظم ملامح الوجه وعندما تظهر جموعهم بهذا الشكل يظهرون كاكتلة سوداء اذا سميت بهذا الاسم بدايات الحركة كانت فى السبعينيات من القرن الماضى مع التعامل العنيف للشرطة الالمانية مع المحتجين وخلال 40 عاما انتشرت الحركة خارج المانيا وظهرت فى ا لاحتجاجا ت العنيفة فى لندن عام 2011 بقوة الغموض هو السمة السائدة للكتلة السوداءحيث لا يعرف احد انتماءاتهم السياسية وتوجههم ولا فكرهم ولازعيمهم مما احاطهم بهالة من الغموض يجذب الشباب اليهم الظهور الاول للمجموعة فى ثورات الربيع العربى كانت فى مصر يوم الجمعة الماضى ورغم قصر هذه المدة الا انهم موزعون فى عدد كبير من المحافظات مما ساهم فى رفع درجة العنف فى الموجة الثانية للثورة والاسئلة التى تشغل الشارع الان من هذه المجموعة وما انتماءتهم وتوجههم كيف يتحركون لماذا العنف وكيف ظهرت ومن محركهم عبد الله بركات ل 45 دقيقة محمد القاضى : تحدى جديد اضيف الى قضايا الامن والمواجهات التى تواجة الجهاز الامنى سيادة اللوا تحدى جديد ضيفة بقى الى الرؤية اللى حضرتك كنت عاوزتتكلم عنها اللواء اشرف امين : لأ دا هو فى هنا علامة استفهام كبيرة جدا البلاك بلوك ظهر خلال الفترة السابقة وتخيل ان ده داخل ضمن سيناريو معين السيناريو المعين اللى هو بالفكر اللى هو الشرطى دايما بتحط عندك اكثر من تفسير لمعنى ويبقى عندك نظرية اسمها نظرية المؤامرة ومحطوطة ادامك فى شغلك كلة انا اتخيل ان البلاك بلوك ده وارد جدا ده احدى الاحتمالات وارد جدا ان هو بيخش باليات معينة علشان يوجد زريعة لتيار اخر يواجهة نزول التيار الاخرلاقصاء الشرطة والامن من المشهد يبقى احنا دخلنا فى حته فى منتهى السوء محمد القاضى : يعنى تقصد عنف مقابل عنف وكلهم مدنيين وكلهم مواطنين اللواء اشرف امين : دى بتبقى بداية معظم الدول تبقى بداية حرب ا هلية ايه سبب ان هو يكون اصلا ملثم اذا فى حالة غموض انا امبارح كان عندى معلومة ان اتمسك واحد منهم من الموجودين واعتقد ان التحقيقات هتوجد اجابات كثيرة جدا لبعض الاستفسارات الخاصة بالبلاك بلوك ليه لان احنا احتمالاتنا الموجودة او الرؤية اللى بالنسبة لنا ده اكبر دليل ان هو احنا الشرطة يا سيدى مش طرف هو وجد انها تبقى طرف فى الوقت الحالى ليه علشان ده مازال يعتبر حصن امان وهقول حاجة لو وقعت الشرطة او رمزها اى ان كان ماكان واقسم بالله العظيم لتنهار هذه الدولة وخذها باى كيفية باى معنى ترجمة زى ماتترجمة ليه ده اكبر زريعة وجود البلاك بلوك ده ان تبقى فى مليشيات مسلحة لمواجهتة وليس للامن ليه لانك هنا بتحارب مجهول معندكش اى دافع بالنسبة له حجم المعلومات الموجودة لدى جهات الشرطة بالنسبة له اتخيل انها محدودة جدا لان هو فوجئنا به فى غيبة من الزمن وقت ما كنا منهكين فى اتجاهات اخرى لكن اللى انا عايز اقولة هو ان ربنا سبحانة وتعالى هيحفظ هذه البلد اذا كنا هنعتمد على الخالق سبحانة وتعالى وحده فلازم نقول للناس كلها هذه الاية " يا ايها اللذين آمنوا أتقوا الله " وباقول هذه الرسالة لكل من يسمعنا اتقوا الله ولتنظر نفسا ما قدمت لغد واتقوا الله ان الله خبير بما تعملون كل واحد نيتة ايه انا عايز اقول لو انا كوالى فايد او معنديش القدرة ان انااقودبلدى فى هذا التوقيت وهو فى هذا المنزلق استطيع ان انا بمنتهى الشجاعة والشموخ استعين بالاخرين اقعد حالة من الحوار اوجد سبيل فى اكثر منه محمد القاضى : طب اذا كنت بتتكلم عن الحوارماهو كان هناك الكثير من الدعوات والمبادرات اللى لسه شايفينها دلوقتى اللواء اشرف امين : يا سيدى احنا بنضحك على بعض محمد القاضى : ليه ما بتتحققش اللواء اشرف امين : لما الاقى بعض التيارات تقولك احنا طلبنا حوار طلبتوا حوار ازاى هل يجوز حوار من طرف واحد اناافضل اكلم نفسى ايه رايك فى الحل ما احل لا مااحلش لما اجيب 3 - 4 مسيسين وداخلين جوا مجموعة بتعتى سواء حزب وسط اوغيرة واقول يالا بقى نحل انا باهزرالحوار لن يستقيم الا لو حطيت موضوع هتحاور عليه الاول وده اللى بيقولوه هنتحاور على الدستور على اثنين على ثلاثة دى اليات محمد القاضى : كل الموضوعات مطروحة للحوار اللواء اشرف امين : لا ياسيدى محمد القاضى : انا مش عاوز ادخل فى الحوار الوطنى لانى عاوز حوارنا يبقى ايجابى اكثر خلينا نتكلم فى المسالة الامنية خلينا فى الوضع الحالى كيف يمكن ان اواجة هذا التحدى احناامام تحدى دلوقتى بينهك الشرطة المصرية ويحقق الكثير من المخاوف لخروجها من المشهد ازاى اقدر اخرج اللواء اشرف امين : اقول لك بقى الشرطة شريحة من المجتمع مكونه من 32 الف ضابط وباقولها على مسمع من جميع الناس كلهم رجالة اذا كان فيهم جزء نحطه فى الية ان هو مش متجاوب لكن الغالبية العظمى ناس محترمة جدا وعايزين يؤدوا دورهم ودى رسالة لن نتنازل عن الرسالة بتعتنا لحفظ امن احنا منهكين لما تيجى توزعنا على الدولة دى اعتبارا من اسوان حتى مطروح حتى سيناء حتى الوادى الجديد المربع السكنى ده والحجم الغير عادى اللى من البلاد اللى حاجات مشاركة فيها جدا اناكنت مشارك فيها تموين وغيره وغيره وسياحة وجوازات وكهربة انا كل الكلام ده انا داخل جواه محمد القاضى : كلمة اللواء اشرف امين : ربنا هيحفظ مصر عايز اقول لك حاجة ياريت الناس القائمين على الدولة يتنازلوا ايا ان كان وباناشد الرئيس المحترم محمد مرسى بالقوله لو سمحت بايدك نزع فتيل هذه الازمة وتخرج للشعب الان وتواجهه وتتكلم معاه محمد القاضى : شكرا جزيلا سيادة اللواء اشرف امين الخبير الامنى شكرا جزيلا لك وشكرا لكم مشاهدينا الكرام على حسن المتابعة والى اللقاء
