رغدة منير : مشاهدينا الكرام السلام عليكم ورحمة الله وبركاته أهلا بكم فى حلقة جديدة من 45 دقيقة النهاردة معانا مجموعة من الأخبار طبعا حضراتكم عارفين إن احنا بنحاول نعمل معاكم متابعة يومية بس أحيانا بيكون معانا ملفات متصلة أو المستمرة معانا النهاردة زيادة المعاشات ، نقص فى بعض الأدوية ، الحملات التموينية اللى بتقوم بها مباحث التموين فى المحافظات ومدى تأثيرها على علاقة المواطن بالداخلية وكمان تأثير الأحداث اللى بنشوفها على السياحة هنشوف كده تقرير بعناوين النهاردة كان ماشى اليوم ونرجع نستكمل سويا تقرير مجلس الوزراء يقرر زيادة معاشات 2005 بنسبة 20 % بدلا من 15 % على أن يتم الصرف بأثر رجعى فى يوليو 2012 ، تيسيرات للمواطنين والمستثمرين بالمدن الجديدة وزير الإسكان يقرر مبدأ فترة استخراج التراخيص وإسقاط غرامات التأخير ، فى أزمة لم تشهدها مصر من قبل نقص الدواء واختفاء 1200 نوع لعلاج أمراض القلب والسكروالكبد وألبان الأطفال ، حملات تفتيشية موسعة لمكافحة كافة صور الغش التجارى وضبط المتلاعبين باسعار السلع التموينية،قائد الجيش التالت الميدانى يؤكد ان هناك طائرات وكاميرات تليفزيونية لمراقبة قناة السويس ضد اى اختراقات ، تاجيل تطبيق تحرير الدقيق المدعم فى البحيرة استجابة لاصحاب المخابز ،البورصة تعوض 3.7 مليار جنيه من خسائرها وارتفاع سعر الدولار فى البنوك الى 672 قرشا وفى الصرافة الى 682 قرشا ، بتكلفة 300 مليون جنيه وضع حجر الاساس اسوان العام بسعة 300 سرير رغدة منير : النهاردة كان الحدث الأبرز هو وثيقة الأزهرالتى تم إقرارها فى مشيخة الأزهر برعاية فضيلة شيخ الأزهر من فضيلة الإمام الشيخ أحمد الطيب اللى وقع عليها العديد من القوى السياسية و الشبابية من شباب الثورة وصاغها الأزهر بالتعاون معهم فى الإجتماع بينهم و تم الإتفاق على تشكيل لجنة للحوار برعاية الأزهر علشان يحطوا أسس وضوابط للحوار بين مختلف القوى السياسية و الحزبية و الدينية كمحاولة لإستعادة الأمن و إرساء للإستقرار فى مصر ردود الأفعال المتوالية عليها كان الناشط السياسى وائل غنيم قال انه هذه الوثيقة هى قيمية بالأساس هدفها انه نحط أساس للإستقرار و السلام فى المجتمع . و كمان دكتور سعد الكتاتنى رئيس حزب الحرية والعدالة قال انه هذه الوثيقة تمثل خطوة للأمام فى مسار التحول الديمقراطى و أنهم يرحبون بالحوار دون شروط مزيد من الإيضاح معنا دكتور نصر فريد واصل مفتى الديار المصرية السابق رغدة منير : هذه ليست الوثيقة الأولى للأزهر كمحاولة منه لرأب الصدع و محاولة الحفاظ و لم الشمل المجتمع المصرى . لأى مدى نعول هذه المرة على قيمة هذه الوثيقة فعلا ودورها الفعال انها ترثى الإستقرار فى المجتمع دكتور نصر : الحقيقة بسم الله الرحمن الرحيم هذه الوثيقة وثيقة مهمة جداً فى هذا الظرف العصيب الذى يعنى إنفلتت فيه الأمور بشكل لافت للنظر يعنى فى القاهرة و بورسعيد و السويس و الإسماعيلية و فى كثير من المحافظات لدرجة اننا أصبحنا نشعر بأن الثورة مهددة الأن فعلاً فى مقوماتها الأساسية و الأزهر دائماً لأنه رمز الوسطية و الإعتدال و السلام على المستوى المحلى و العالمى على مدى 1400 سنة الحمد لله لم الشمل و جمع الجميع جميع الفرقاء السياسين و الإجتماعيين و الشباب وأعتقد يعنى انه كان له دور مهم فى الخروج إلى أمر مهم جداً و هو إجتماع و إتفاق الجميع على نبذ العنف بكل أشكاله بكل مكان من أرض مصر المحروسة الحبيبة و أن ما يحدث من تخريب و تدمير وقتل كل هذا لا يقره و لا يعترف به جميع السياسين أو الفرقاء و هذا ما خرجنا منه بنتيجة مهمة جداً لان الغطاء الذى كان يمكن أن يقال انه غطاء سياسى و كان فى إطاره يحدث هذا العنف كان بيوجه إلى أن السياسيين هم الذين يدعمونه وهذا ثبت أنهم جميعاً كانوا ينكرونه و لم يعترفوا به و أن ما يحدث إنما هو خارج عن نطاق الشرعية الدستورية والشرعية الوطنية و الحزبية بكل أطيافها و من هنا فإن الوثيقة التى أمضى عليها جميع من حضروا و هى وثيقة الأزهر الشريف نبذ العنف طبعاً صدرت بإسم جمهرة من شباب الثورة و فى رحاب مشيخة الأزهر و بإسم الأزهر الشريف المؤسسة العلمية الوطنية العريقة و بمشاركة طائفة من هيئة كبار العلماء و الكنيسة المصرية نعلن إلتزامنا بالمبادئ الوطنية و القيم العليا لثورة 25 يناير و التى يحرص عليها كل المشتغلين بالسياسة و الشأن الوطنى من السياسيين و قادة الفكر و رؤساء الأحزاب و الإتلافات و سائر الأطياف الوطنية كافة دون تمييز الموقعون على هذه الوثيقة يلتزمون بما يلى : أولاً : حق الإنسان فى الحياة مقصد من أسمى المقاصد فى جميع الشرائع و الأديان السماوية و القوانيين و لا خير فى أمة أو مجتمع يهدر أو يراق فيه دم المواطن أو تبتذل فيه كرامة الإنسان أو يضاع فيه حق القصاص فى حدود القانون ثانياً : التأكيد على حرمة الدماء و الممتلكات الوطنية العامة و الخاصة و التفرقة الحاسمة بين العمل السياسى و العمل التخريبى ثالثاً : التأكيد على واجب الدولة و مؤساساتها الأمنية فى حماية أمن الموطنين و سلامتهم و صيانة حقوقهم و حرياتهم الدستور ية و الحفاظ على الممتلكات العامة و الخاصة و ضرورة أن يتم ذلك فى إطار إحترام القانون و حقوق الإنسان دون تجاوز رابعا : نبذ العنف بكل صوره واشكاله وادانته الصريحة القاطعة وتجريمه وطنيا وتحريمه دينيا خامسا : ادانة التحريض على العنف او تخويله او تبريره او الترويج له او الدفاع عنه اواستغلاله باى صورة سادسا : ان اللجوء الى العنف والتحريض عليه والسكوت عنه وتشويه كل الطرف الاخر وترويج الشائعات وكافة صور الاختيار المعنوى للافراد والكيانات الفاعلة رغد عموما احنا جميعنا يامل ان يتم تفعيل هذه الوثيقة لانه اكيد دم المصرى على المصرى حرام بشكر حضرتك شكرا جزيلادكتور نصر فريد واصل مفتى الديار المصرية السابق نقول تقرير الاول الشرطة ومجهودتها احنا طول الوقت عندنا حرص اننا نبين الشرطةبتحاول بتفرض سيطرتها على الامن ودى مهمتها الاساسية الامن والامان للمواطن المصرى زميلنا صبرى يونس عندنا التقرير ده نشوفه ونرجع التقرير مواطن :انهاردة فى بعض البلطجة مش لازم بلطجة فى الشارع بالاسلحة ده بلطجة للاسف الشديد فى قوت الشعب انهاردة انا رايح اشترى عيش الاقى ناس عملة لى بلطجة الاقى انهاردة اخد بنزين الاقى ناس عملة لى بلطجة مواطن 2 :احنا انهاردة شايفين الغلط لازم نكون متعاونيين معاهم كمواطن لازم يكون لى دور مع الحكومة مواطنة 1 : انا جنبى بلطجى انا اولى من الشرطة امسكه امسكه واسلمه للشرطة صبرى :ابان ثورة 20 / 1 انتشرت فى الشارع المصرى العديد من الظواهر السلبية مثل اعمال البلطجة التى لم تقتصر على الشارع المصرى فقط ولكن هددت صحة وسلامة المواطن المصرى الادارة العامة لمباحث التموين تتحدث عن توجيه ضربات قوية للمتلاعبين بالاسواق عميد / فوزى صلاح الدين : رئيس التحريات : احنا فى الادارة العامة لمباحث التموين بنواجه نوع من البلطجة مبيختلفش كتير عن البلطجة اللى بيستخدم فيها السلاح هذه البطجة اللى بتأثر على صحة المواطن اللى هى بتتمثل فى غش المواد الغذائية وتهريب المواد البترولية والغش فى الأدوية وكل الحاجات دى بتأثر مباشرة على صحة المواطن وللأسف إنها منتشرة اليومين دول بطريقة زايدة شوية لكن احنا الحمد لله ربنا موفقنا بفضل التعاون بين المواطنين معانا فيه ناس من المواطنين بيلغونا عن القضايا دى واحنا بننزل نضبطها إن شاء الله عقيد / طارق يسرى : رئيس الملكية الفكرية: فى الفترة الأخيرة طبعا تم شركة من الشركات الكبيرة اللى بتعلن فى عدة قنوات فضائية فى منطقة عين شمس وأمكن ضبط كميات كبيرة من الأدوية المختلفة سواء كانت منشطات جنسية أو مستحضرات تجميل أو أدوية لمعالجة أمراض الكبد ودى طبعا المنتشرة فى الفترة الأخيرة الإجراءات دى وتم تقنين الإجراءات بالنسبة لها ومهاجمة المقر بتاعها وتم عرض صاحب الشركة والمضبوطات على النيابة لاتخاذ إجراءات بشأنها عقيد / خالد عبد الكريم : وكيل قسم الغش التجارى: حصدنا فى الفترة الأخيرة بعض المصانع بتنتج مساحيق وبتنتج شامبوهات مالهاش تسجيل فى وزارة الصحة ودى طبعا بتشكل ضرر بالغ على صحة المواطن كثير من القضايا اللى جبناها فى الفترة الأخيرة كان فيه دخل قوى جدا للمواطن عن طريق شكاوى عن طريق بلاغات عن طريق اللى احنا رصدناه فى الشارع صبرى يونس : بالرغم أن ثورة الخامس والعشرين من يناير قد حازت على إعجاب العالم كله إلا أنه لازالت لدينا فئة تمارس نوعا من أنواع البلطجة وهو العبث بمقدرات ومتكسبات هذا الشعب فهى لا ترضى بالإصلاح بديلا فهى تحتاج بالضرب عليها بيد من حديد حتى تصحو وتعلم أن لدينا ثورة من القاهرة صبرى يونس لبرناج 45 دقيقة التليفزيون المصرى فاصل آذان المغرب رغدة منير : احنا رجعنا نكمل معاكم 45 دقيقة كنا بنتكلم قبل ما نرفع آذان المغرب عن دور الإدارة العامة لمباحث التموين فى السيطرة على الأسواق وممارسة دورها بشكل كامل فى المجتمع وفرض سيطرتها لمكافحة السوق السوداء للسلع الغذائية احنا بنرحب فى الاستديو باللواء أحمد موافى مدير الإدارة العامة لمباحث التموين بنرحب بحضرتك يا فندم ، يعنى أنا عاوزة أسأل حضرتك مش كمسئول حكومى ولكن كمسئول عايزاه يطمئن المواطنين عن الدور المهم والمجهودات اللى بتقوم بها الإدارة العامة لمباحث التموين علشان فعلا تسيطر على الأسواق لصالح المواطن المصرى ل.أحمد موافى : مساعد وزير الداخلية لمباحث التموين : هو الحقيقة الأدوار كلها مهمة لكن الأهم هو دور حماية الدعم الذى تقدمه الدولة لمحدودى الدخل من رغيف الخبز إلى مواد بترولية إلى بوتاجاز إلى سلع تموينية مدعمة البطاقات التموينية إلى مكافحة الغش الغذائى المواد الغذائية أو مكافحة الغش فى السلع غير الغذائية أو الأدوية والمستحضرات الطبية مستحضرات التجميل كل المواد الطبية والسلع مجهولة المصدر التهريب والغش فيها وتباع للمواطنين على إن هى سلعة أساسية لكن هى مغشوشة برضه الأسمدة والمذيبات الخاصة بالزراعات بالنسبة للسجاير بالنسبة لكل مجالات الحياة كل ما هو خاص بالمواطن نحن نتدخل فيه حتى كروت الشحن وكانت لها واقعة شهيرة الأسبوع الماضى والحمد لله تدخلت الإدارة بقوة شديدة بالتنسيق مع وزارة الداخلية والسيد وزير التموين تم ضبط فى ال3 ، 4 أيام 130 ألف كارت شحن والحمد لله أتت ثمارها بسرعة والأمور استقرت فى السوق لو جبنا بداية ثانية بالنسبة لرغيف الخبز أنا الحقيقة كنت فى رحلات مكوكية مع السيد وزير التموين لمحافظات بورسعيد ، كفر الشيخ ، سوهاج ، المنيا لتحرير رغيف الخبز والغرض منه مش 3 أرغفة زى الناس ما بتقول لا الغرض منه حصول المواطن على رغيف جيد ذو مواصفات محترمة تليق بهذا الشعب منع تسريب الدقيق والقمح فى السوق السوداء لإن باختصار شديد إن القمح والدقيق سوف يتم بيعه للمطحن أو المخبز بالأسعار الحرة هينتج خبز اتحددت تكلفته أو التكلفة كل 3 شهور والمواطن هيشترى بشلن 5 قروش فقط لا غير وهو اللى هيحدد هيستلم الرغيف الجيد والدولة بتتحمل الباقى حوال 29 قرش تقريبا المواد البترولية هنقول بس فى الأسبوعين الماضيين طبعا كان عندنا فيه شوية تأخيرات فى المراكب أدت إلى بعض التكدس على بعض المحطات الدور ده كان مش مراقبة إنتاج السولار أو البنزين من المحطات ومنع تهريبها فى السوق السوداء والتأكد من بيع هذه السلع المدعمة للمواطن بالسعر العادى تم ضبط فى الأسبوعين اللى فاتوا فقط لا غير 434 قضية مواد بترولية سايلة ب 18 مليون و 300 ألف لتر سولار وبنزين ما بين امتناع بيع ما بين غش ما بين بيع بأزيد ما بين تصرف فى السوق السوداء رغدة منير : حضرتك كده بتكلمنى فى اتجاهين يعنى إن حضرتك بتراقب عدد لا حصر له من المنتجات على مختلف النواحى اللى بتمس المواطن المصرى وفى نفس الوقت حضرتك مطلوب منك إنك تراقب ده فى كل محافظات مصر ازاى بتقدر الإدارة العامة لمباحث التموين إن هى تسيطر على مديريات التموين يعنى إيه ملامح الاستراتيجية اللى تمكنها من إنها تحقق التوازن ما بين العاملين دول ل.أحمد موافى : هو الحقيقة فيه تنسيق ما بيننا وما بين السيد وزير التموين وجميع أجهزة وزارة التموين على مستوى الجمهورية والإدارة بس مش الإدارة فقط لا غير أنا عندى فروع فى جميع أنحاء الجمهورية بالتنسيق مع السادة مديرى الأمن فى جميع المناطق بيتم توجيه حملات مشتركة مع الأفرع الجغرافية اللى فيها مباحث تموين فى المحافظات ومعانا مفتشين التموين فى كافة المحافظات بيتم الرقابة على جميع المنتجات البترولية أو الخبز أو لجميع أصناف المنتجات بالحملات المشتركة وبالتواجد الفعال فى جميع الأوقات يعنى أنا مش وقتى بالنهار بس والباقى مش موجود لا احنا متواجدين على جميع الأزمنة طبعا احنا عملنا حملة قريب قوى على مدن قناة السويس وشمال وجنوب سيناء استمرت حوالى 4 ، 5 أيام ومستمرة الحملة لغاية دلوقتى لتكيثف التواجد الأمنى على المعابر والكبارى بالتنسيق كامل مع مديرى أمن المحافظات السويسوالإسماعيلية وبورسعيد كان حتى معانا السيد مساعد الوزير مساعد أول وزير الأمن الاقتصادى والحقيقة تم ضبط فى هذه الحملة فقط 2 مليون لتر سولار وبنزين والسيد وزير الداخلية يعنى الحقيقة كان تقدير جهود للضباط اللى شاركوا فى الحملة وبالنسبة للبوتاجاز سلعة البوتاجاز الحمد لله احنا فى أعز شهور الصيف اللى هو شهر يناير الحمد لله الناس مش حاسين إن فيه أزمة لإن بالتنظيم مع السيد وزير التموين والسيد وزير البترول تم تكوين احتياطى استراتيجى لسلعة البوتاجاز استراتيجى محترم لم يكن موجود من قبل واحنا عانينا سنين طويلة من الزحام الشديد أمام مستودعات البوتاجاز فى المرحلة الماضية فى سنين طويلة كان شغل مديريات الأمن فى جميع المحافظات هو سلعة البوتاجاز لكن فيه لجنة رئاسية أنا عضو من أعضائها بتضم جميع الوزراء وسكرتيرى عمومى المحافظات وتم التنسيق فى هذا المجال وتحديد وصول من احتياطى استراتيجى مهم إلى الرقابة الشديدة تنسيق مع السادة المحافظين وتوزيع سلعة البوتاجاز على المواطن يا بالكارت يا بإيصال الكهرباء إلى أن يتم استكمال المنظومة والحمد لله سعر الأنبوبة لم يصل إلى لإن دلوقتى الاحتياطى فى المستودعات كانت بتنتهى والبلطجة انتهت وأنا بأفاجئ فى القاهرة إن بيتبقى اسطوانات فى المستودعات وفيه محطات تعبئة بوتاجاز مش لاقيين إن هم يعبوا أنابيب جديدة لإن مفيش فارغ لإن دى نتيجة برضه المتابعة المستمرة لمحطات التعبئة حتى نتأكد من إن الاسطوانة 12 لتر 12 كيلو ونص فى الاسطوانة ودى بتكفى مدة طويلة رغدة منير : طيب إذا قلنا يمكن من أحد الحاجات اللى معيقة لعمل حضراتكم فى المباحث التموينية هى عدم وجود عقوبات رادعة أو وجودها مع وجود ثغرات فى القانون أو الإجراءات الإدارية اللى ممكن من خلالها إن يتم التصالح أو يعنى ... ل.أحمد موافى : لا هو الحمد لله فى الفترة الأخيرة صدر قرار بقبول السيد رئيس الجمهورية الأخير غلظ العقوبات على جميع جرائم الغش والتدليس وقانونا وصل ل 3 سنين سجن وغرامات كبيرة دى أدت برضه إلى ردع أنا ما يهمنيش كم المخالفات إذا كانت المخالفات مستمرة واحنا بنشتغل يبقى شغلنا ما جابش نتيجة لكن الحمد لله احنا حاسين إن فيه نتيجة فى جميع السلع تقريبا لكن بقول فيه بعض الأزمات لكن الأزمات دى فى طريقها إن شاء الله إلى الحل رغدة منير : طيب المواطن بقى والمستهلك دوره إيه فى مساعدة حضراتكم فى إن انتوا تؤدوا عملكم بشكل كامل أو عملى ل.أحمد موافى : الإبلاغ عن أى مخالفة أو عن أى تجاوز مش بس مواد بترولية بوتاجاز لا السلع المغشوشة اللى بتتغش تحت بير السلم وأنا يمهمنى إن السلعة قبل ما تعرض فى الأسواق إن أنا يتم ضبطها قبل العرض المواطن أنا تليفونى الشخصى 2729208 وهدى لهم رقم الحقيقة أنا مش فاكره دلوقتى غرفة العمليات لكن هى 27920208 هيوصلوا لغرفة العمليات وبتعرض على يوميا أو يعنى بصفة مستمرة جميع الشكاوى فى أنحاء الجمهورية بيتم توجيه حملات من الإدارة أو مع الفروع الجغرافية فى مديريات الأمن رغدة منير : يعنى أنا فى النهاية بتمنى كل التوفيق لحضراتكم دايما مجهودات حضراتكم فى الإدارة العامة لمباحث التموين مشكورة بشكر حضرتك شكرا جزيلا اللواء أحمد موافى مدير الإدارة العامة لمباحث التموين شكرا يا فندم مشاهدينا احنا لسه مكملين معاكم 45 دقيقة ، خلونا نتكلم عن قرار مجلس الوزراء بالقرار الجمهوري برفع نسبة المعاشات المقررة عن عام 2005 عشان تكون بنسبة 20 % بدل ما هى 15 % المفروض دى هيتم صرفها اعتبارا من يوليو 2012 نشوف التقريرونرجع نكمل تقرير أصحاب المعاشات شريحة مجتمعية مهمة ساهمت على مدى سنوات عملها فى خدمة الدولة كل فى موقعه وحسب طبيعة عمله هذه الفئة ظلت لسنوات تعانى من عدم مواكبة مبلغ المعاش وموجات الغلاء المتلاحقة واليوم وبعد الإعلان عن رفع قيمة المعاش نسبة 20 % فهل تلبى هذه الزيادة احتياجات كل الفئة مواطن : ال 20 % هتعمل لى إيه هيطلعوا كام هيطلعوا 50 جنيه يعنى كلها ما تعملش 300 جنيه وأنا عندى 5 أولاد ولا حتى يجيبوا عيش حاف حتى مواطن 1 : 20 % وللا 30 % يكفى إيه ده الرغيف أد كده بربع جنيه هيأكل مين ويشرب مين صاحب المعاش هيأكل عياله وللا هيصرف دواء بعد المعاش بعد 60 سنة يعنى كله أمراض من كبد ووباء وبلاء أزرق هيجيب منين علاج مواطن 2 : طبعا زيادة المعاشات 20 % ده ما ينفعش خالص لإن حتى ال 20 % مع الناس اللى بتاخد 150 و 100 جنيه أو 200 جنيه هيعملوا له مثلا بتاع 300 جنيه ما يأكلوش عيش مواطن 3 : كويس إن هم هيزودوا المعاشات فى ظروف البلد اللى هى فيها يعنى البلد طبعا اقتصادها تعبان من المشاكل اللى بتحصل وكده كتر خير الحكومة لو هتزود المعاشات مثلا مواطن 4 : يعنى دى فئة محتاجة دعم أكثر بتاعت الموظفين يعنى مواطن 5 : 25 أو 20 بداية لكن المفروض الطبيب يخرج أو أى واحد يخرج على المعاش لازم يكون مؤمن بمعاش يعنى يسد الرمق بتاعه هو وولاده إذن هى خطوة على النهوض بحقوق هؤلاء استحسنها بعضهم وبعضهم يطمع فى المزيد رغدة منير : احنا لسه مكملين معاكم وزى ما قلنا 20 % هى الزيادة المقررة على المعاشات بدل من 15 % تفاصيل أكثر عن هذا القرار على التليفون الأستاذة ثريا فتوح رئيس صندوق التأمينات للقطاع العام والخاص مساء الخير يا أستاذة ثريا أكيد طبعا الخبر زى ما بيقول 3 مليون ممن يشملهم غطاء التأمينات والمعاشات هم اللى هيطبق عليهم هذا القرار يعنى يا ريت لو تفاصيل أكثر والقرار ده هيتفعل من امتى وازاى أ.ثريا فتوح : القرار ده بنحاول نساوى فى الزيادات بين أصحاب المعاشات والعاملين لإن كان بيصدر قبل كده الزيادات بنسبة للعاملين بتختلف عن أصحاب المعاشات فعلاوة 2000 احنا سويناهم قبل كده فى عام 2001 فى 2001 و 2 و3 واتصرفوا مع بعض فى شهر 10 اللى فات أما دلوقتى احنا بندى علاوة 2005 اعتبارا من 1-7-2012 عشان نسوى بينه وبين العاملين اللى هم حصلوا على 15 % والعاملين على 20 فحاليا هنرفع النسبة بتاعتهم ل 20 عشان يتساووا مع العاملين بالدولة إن شاء الله هيتعمل صرفها اعتبارا من مارس المقبل من 1-7 من بداية السنة المالية لغاية معاش مارس المقبل بعد كده بتنزل على المعاشات بشكل دورى إن شاء الله رغدة منير : طب إيه موضوع بقى لإن السؤال ده أنا اتسألته يا أستاذة ثريا المعاشات اللى قبل 2005 طب والمعاشات المربوطة بعد 2005 أنا ما فهمتش السؤال بصراحة لما اتسأل لى فقلت أقول لحضرتك يمكن تبقى فاهمة الموضوع أ.ثريا فتوح : المساواة بين العاملين وأصحاب المعاشات طول الفترات كاملة فيه مساواة بينهم ما عدا علاوة 2005 و2006 و2007 والدكتورة نجوى خليل وزيرة التأمينات من أول ما مسكت حقيبة التأمينات الاجتماعية وهى حريصة على إن هى تساوى فى الزيادات ما بين اصحاب المعاشات والموظفين الحكوميين واللى المفروض يتساوى معاهم أصحاب المعاشات فوعدتهم إن الزيادات دى هياخدوها على 3 سنوات السنة دى اللى بنطبقها الأولى اللى هى من 1-7-2012 هياخدوا 5 % اللى هى الفرق بين ال15 وال20 عشان تتساوى فى الزيادات وقبل كده اديناهم الفرق اللى كان فى 2001 و2002و 2003 واستفاد منه حوالى 2 مليون صاحب معاش ودلوقتى احنا بنكمل المسيرة لإن احنا كل المعاشات اللى ارتبطت قبل 2005 وإن شاء الله فى 1-7 القادم هندى لغاية المعاشات اللى اتربطت فى 30-6-2006 وفيه برضه علاوة 2007 على 3 سنوات هيتم المساواة بين أصحاب المعاشات فى جميع الزيادات وبين العاملين رغدة منير : أنا بشكرك شكرا جزيلا أستاذة ثريا فتوح رئيس صندوق التأمينات للعاملين بالقطاع العام والخاص ونروح نشوف الدواء احنا دايما بنقول الناس ممكن تاكل أى حاجة تشرب أى حاجة لكن مش ممكن تتعالج بأى حاجة الدواء بالتأكيد هو سلعة ضروررية وأساسية فى حياتنا واحنا طول الوقت عندنا نقص فى الأدوية والمستلزمات الطبية ودى بقت أزمة متكررة نقعد نفسر ونحلل ووزارة الصحة تطلع تدينا مبررات وفى الآخر برضه الأزمة تكاد تكون دورية الخبر بيقول إن فيه 1200 نوع من الأدوية لعلاج القلب والسكر والكبد وألبان الأطفال ناقصين من السوق مزيد من المتابعة معانا على التليفون دكتور مكرم مهنى رئيس غرفة صناعة الدواء مساء الخير يا دكتور ، يعنى يا دكتور الأزمة دى طول الوقت موجودة ويلقى اللوم على وزارة الصحة إن المفروض إن هى قبل نفاذ كمية معينة أو أى نوع من أنواع الأدوية فى السوق تكون عاملة احتياطاتها وعارفة إزاى هتغطى هذا النقص أو حتى تطرح من بدائله فموقف وزارة الصحة من الموضوع ده إيه د.مكرم مهنا : رئيس غرفة صناعة الدواء : خلينى بس فى الأول أقول لحضرتك أنا سمعت حضرتك بتقولى فيه نقص حوالى 1200 دواء رغدة منير : هو الخبر كان بيقول كده د.مكرم مهنا : ما هو مش كل خبر يتقال نعتبره حقيقة الجهة الوحيدة القادرة إنها تقول عدد الأدوية اللى ناقصة هو مكتب النواقص اللى موجود فى الإدارة العامة للصيدلة من جهة فيه نواقص آه فيه نواقص بس مهم جدا نبقى عارفين حجم المشكلة عشان لا نهون منها ولا نكبر منها ف1200 صنف ده هو النهاردة حاجة بكرة ممكن يبقى حاجة ثانية ممكن ينقص ممكن يقل رغدة منير : بس المتوسط يعنى لإن ده خبر بقى له يعنى يومين أو ثلاثة وبالتالى ممكن يبقى عند حضرتك على الأقل avrege د.مكرم مهنا : احنا من حوالى شهر كنا بنتكلم عن حوالى 300 صنف يمكن كان فيه تصريح فى الأهرام من الإدارة العامة للصيدلة إن هم دلوقتى 92 صنف وعشان تحدثى المعلومة فلابد إن الإدارة العامة للصيدلة اللى هم بياخدوا من كل المحافظات الأدوية الناقصة وبيحصروها وبالتالى بيقولوا فى النهاية عدد الأدوية الناقصة دى حاجة الحاجة الثانية وزارة الصحة لوحدها ما تقدرش تعمل حاجة لإن دية عملية متوزعة ما بين مستوردين عدة وما بين شركات إنتاج كثيرة جدا فيه أسباب كثيرة نقص الدواء عموما على فكرة الظاهرة دى مش ظاهرة مصرية هتلاقيها موجودة فى كثير من البلدان لكن احنا طبعا فى الظروف حاليا مع ارتفاع سعر الدولار وقبل ارتفاع سعر الدولار كان فيه أسباب منها إن الوضع الائتمانى بتاع مصر زى ما حضرتك عارفة متدهور وده بيأثر على التسهيلات الائتمانية اللى كانوا الموردين بيدوها لنا قبل كده فحركة دوران رأس المال صعبة لإن أولا لنا مديونية موجودة بره ثانيا الكشف له اللى موجود مش قادر إن هو يكمل كل ده مع الطلبات اللى موجودة مع عدم الاستقرار إلى آخره بنلاقى كل وقت والثانى فيه مجموعة من الأدوية ناقصة لكن الحجم بتاعها أنا فى يقينى مش ممكن يوصل للرقم اللى حضرتك بتقوليه وما أقدرش أعرف إيه هو مصدر هذا الخبر رغدة منير : طب يا فندم غرفة صناعة الدواء مالهاش أى دور فى محاولة احتواء أى أزمة من الأزمات اللى بتحصل مش بالضرورة كل مرة بس دورها إيه غرفة صناعة الدواء د.مكرم مهنا : احنا الحقيقة الإدارة بتبعت لنا إيه الأدوية الناقصة وبنحاول بقدر الإمكان نوجد لها مثائل لكن علشان المثيل يتوجد ده بياخد وقت عقبال ما يتسجل ومن ضمن الأسباب أحيانا بيكون الخط الإنتاجى نفسه أغلق لسبب التطوير أو إلى آخره الكمية اللى أنتجت استنزفت فى السوق كله فبالتالى بتاخد وقت انتى عارفة عشان خاطر أعمل تطوير لخط إنتاج احنا ما عندناش هنا قطع غيار ولا حاجة قبل ما نقعد نبتدى فى التطوير نتكشف إن فيه قطعة ثانية لابد من استيرادها تقعد لها شهرين ثلاثة ثانى يعنى احنا مش فى أوروبا احنا هنا كل حاجة فيها استيراد من الخارج رغدة منير : أنا بشكرك شكرا جزيلا دكتور مكرم مهنا رئيس غرفة صناعة الدواء شكرا لهذا التوضيح والإيضاح محافظة البحيرة قررت تأجيل قرار سعر الدقيق البلدى المدعم واحنا كان معانا لقاء يمكن بيتكلم عن منظومة الخبز الجديد واحنا معانا على التليفون الدكتور ناصر الفراش مستشار وزير التموين والمتحدث الرسمى باسم وزارة التموين مساء الخير يا فندم يعنى يمكن يا فندم الخبر كان بيقول إن محافظ البحيرة أكد إنه هيؤجل موضوع قرار تحرير سعر الدقيق لحد ما لإن أصحاب المخابز هددوا بالاعتصام يعنى هيأجله لحد ما يتم التفاوض معاهم أو إشراكهم فى هذا القرار أو لأى قرار آخر يعنى تعليق حضرتك على الموضوع ده إيه د.ناصر الفراش : مستشار وزير التموين والمتحدث الرسمى باسم وزارة التموين : أنا بطمئن الناس فى مصر كلها إن أصحاب المخابز عمرهم ما هيعتصموا حتى فى أثناء الثورة وفى عز الأزمة ما امتنوعش عن إنتاج الخبز أنا بقول لحضرتك النهاردة باتصال مباشر مع مديرية البحيرة إن أنا أدامى عينات من الإدارة الإدارات بتاعت التموين على سبيل المثال ادكو كإدارة تموينية فيها 31 مخبز 100 % من المخابز دى تم التعاقد مع المنظومة الجديدة لإن المنظومة الجديدة دى أول ما تخدم ، تخدم صاحب المخبز لإن احنا بنزيد سعر خبز الجوال بدل ما كان 44 جنيه فى العقد القديم إلى 80 جنيه على سبيل المثال ثانى كوم حمادة 66 مخبز تعاقدوا كلهم لسه 7 مركز المحمودية 30 مخبز تعاقد 25 لسه 5 أبو المطامير 50 % النوبارية 65 % يعنى أنا بضرب بالأرقام والأرقام لا تكذب أمثلة للمشاهدين إن أصحاب المخابز لم يعتصموا ولم يمتنعوا عن المنظومة الجديدة وده أدل دليل بالأرقام اللى أنا قلتها لحضرتك طبعا أرقام المخابز دى وأسماءها معلومة فى إدارات التموين وفى مديرية التموين فى البحيرة إذن المنظومة الجديدة بتخدم صاحب المخبز وتخدم المواطن وتخدم الدولة بأن توجه الدعم إلى صاحبه الحقيقى لإن المسألة من يأخذ وماذا يأخذ المسألة مسألة توجيه الدعم وتوصيله للمواطن الكريم فأنا بطمئن المواطن الكريم إن محدش من أصحاب المخازن امتنع ولا اعتصم المسألة مسألة أدامى أهية بالأرقام أصحاب المخابز اللى تعاقدوا على المنظومة الجديدة بالأرقام فى البحيرة وكانت النتيجة الحمد لله مشرفة فى كفر الشيخوالمنيا وسبقتهم بورسعيد والمحافظات كلها بدأت تتوافد على العقد الجديد اللى بيخدم أول ما يخدم بيخدم صاحب المخبز رغدة منير : أنا بشكر حضرتك شكرا جزيلا دكتور ناصر الفراش مستشار وزير التموين والمتحدث الرسمى باسم الوزارة السياحة محدش ينكر إنها اتأثرت كثير واحنا امبارح كان معانا لقاء لرئيس غرفة الشركات السياحية كلمنا بالأرقام وعرفنا الوضع وحاول يطرح لنا حلول وقتية ازاى نقدر نتعافى من خلالها فى الوضع السياحى المشكلة إن نسبة الإشغال فى الفنادق دلوقتى تقريبا نسبة لا تذكر خصوصا فى المناطق اللى بتشهد توترات وزى ما شفنا إن امبارح وأول امبارح كان فيه محاولات لاقتحام فندق سميراميس فى وسط القاهرة وطبعا ده بيسمع بره وبيعمل تأثيرات أكبر بكثيير مما نتخيل حتى لو حجم المحاولة دى كان محدود وتمت السيطرة عليه خلينا نشوف التقرير ونرجع نكمل معاكم تقرير قطاع الفنادق يعمل فيه نسبة من الأيدى العاملة تأثر هو الآخر من آثار وتبعات الأحداث التى أعقبت الثورة وأدت بدورها إلى تقليص وتراجع أعداد السائحين وهو ما انعكس سلبا على نسبة الإشغالات فى الفنادق التى تعتمد فى المقام الأول على السائح الأجنبى مسئول : الأحداث الأخيرة طبعا أثرت جامد يعنى بعد ما كانت ناس حتى تيجى تعمل عندنا مؤتمرات أو اجتماعات أو قطاع مهم كان بييجى يشتغل معانا بسبب تأثر الأحداث الأخيرة اللى حصلت دى برضه الكلام ده تراجَع تراجُع شديد يعنى نسبة الإشغال عندنا النهاردة نزلت إلى حاجة و 20 % بعد ما كانت من المتوقع إنها تبقى 60% وده طبعا بيأثر على الدخل العام للفنادق وللقطاع السياحى كله عموما يعنى مسئول 1 : الأوتيل اللى احنا فيه فاضى تماما وبنقول الحمد لله يعنى اللى متأثرين أكثر الأوتيلات اللى هى فى الأحداث اللى حصلت إنها قفلت واللى اتسرقت يعنى دى ربنا يكون فى عونهم احنا كقطاع سياحة عندنا طبعا عمالة اللى هى العمالة المؤقتة اللى هم الموظفين ناس كثير مشيوا فيهم ودول ناس بيعتمدوا على اليومية فيه كمان ده موضوع ترس يعنى لو أنا اشتغلت المورد بيشتغل وسواء التاكسى اللى بره بيشتغل والسوبر ماركت بيشتغل كل الناس اللى بنطلب منها حاجات أو بتساعد فى خدمات السياحة حاليا عطلانة وكلهم قاعدين فى الشارع ماعندهمش أى مورد ولا عندهم أى حاجة يعملوها خالص الحديث عن الخسائر التى لحقت بقطاع الفنادق والعاملين به مؤشر من شأنه أن ينعكس سلبا على قطاعات أخرى موظف : العقودات طبعا اللى هى السنوية طبعا مشوا نسبة كبيرة منهم حوالى 20 % أو 30 % وغير كده كمان السياحة ما بقتش بتنزل فى مصر كثير موظف بازار : نسبة الإشغال معدومة الحاجات اللى كانت بتتباع ما نجيبش غيرها ومفيش فلوس نجيب غيرها وظروفنا سيئة جدا جدا على كافة المستويات الناحية المادية مش بتساعدنا حتى إن احنا نقدر نعيش أو ندفع مرتبات مش عارفين نعمل إيه فى أى حاجة مش عارفين بكره كمان فيه إيه موظف فندقى : عشان نرجع السائح ثانى أهم حاجة لازم ننقل الصورة إن البلد مستقرة البلد هادية مفيش فيها أزمات علشان تبتدى نقدر إن احنا نسوق نفسنا يعنى مفيش حد هييجى فى منطقة فيها مشاكل أو فيها أزمات ويقول أناعايز أعمل سياحة مهما نزلت السعر اللى بيحصل فى الفنادق دلوقتى إن احنابننزل فى الأسعار لكن الحقيقة إن مفيش حد بييجى لإن الناس بره حاسة بعدم الأمان فى مصر وإن فيه مشكلة محدش هييجى فالأساس إن البلد يبقى فيها أمان ويبقى فيها استقرار ونبدأ بعد كده إن احنا نسوق بعد كده ويبقى النهوض بهذا القطاع الحيوى مرهونا بأمن واستقرار البلاد بالتوازى مع بذل المزيد من الجهود من الجهات المعنية لإعادة الوصل بين السائح وأرض الكنانة رغدة منير : أنا بشكر حضراتكم على متابعتكم الكريمة كده خلصت حلقتنا من 45 دقيقة وإن شاء الله لقاءنا يتجدد يوم السبت القادم بإذن الله سلام عليكم
