اتجاهات

الجمعة*20/4/2012
حنان منصور: السلام عليكم ورحمة الله سيداتي سادتي أهلا بكم في حلقة جديدة من برنامج اتجاهات احنا لما نقول على نفسنا إن احنا كويسين يعنى بنقول على نفسنا كويسين لكن لما الغريب يقول علينا كويسين يعنى مثلا جريدة الفاينانشيال تايمز اللندنية قالت إيه ؟ قالت إن التوترات السياسية اللي بتدور النهاردة في مصر بتدور في ساحات المحاكم وبين قوسين تحت سيادة القانون وإن ده بيدي أمل ، أمل فيه إيه ، أمل في إن احنا نتحول ديمقراطيا بطريقة صح ، صح يعنى إيه يعنى بشكل قانوني اللجنة العليا للانتخابات الرئاسية أكدت على قرارها برفض التظلمات اللي تقدم بها المرشحين ال10 المستبعدين يسدل الستار بذلك على فرص هؤلاء ليتبقى في سباق الرئاسة 13 مرشح فقط بعض المرشحين المستبعدين رفض قرار اللجنة حشد حشود من أنصاره وهدد بالويل والثبور وعظائم الأمور وحملت تصريحاتهم التهديد بالجهاد إن لم يشهروا البينة أو فليشهدوا الزلزلة على حد قول بعضهم يعنى أصبح الوصول إلى كرسي الرئاسة هدف ولو على أشلاء وطن منهك وأحلام بسطاء لم تصلهم حتى الآن ثمار الثورة لم يشعروا بنتائجها على حياتهم اليومية المليئة بكل أشكال المعاناة ، هناك مرشحين مستبعدين ارتضوا قرار اللجنة وإن لم يوافقوا عليه وبالرغم من إعلان اللجنة العليا للانتخابات الرئاسية حيثيات استبعاد المرشحين ال10 إلا أن البعض دعا اللجنة العليا للكشف عن الوثائق التي لديها أمام الرأي العام إحباطا لمحاولات البعض خلط الحقائق وتجاوز القانون وتعطيله وإحقاقا للحق وعشان مصر بنقول إن إذا كان صحيح ما قلتوه بإنكم تقدمتوا لخوض غمار الانتخابات بإن ده تلبية لنداء الوطن احنا برضه بنقول إن الوطن بحاجة إليكم ليس فقط من خلال كرسي الرئاسة إنما من خلال حرصكم كمواطنين صالحين تحترموا القانون وبتسعوا لتوحيد الصف وتعملون بأمانة وصدق من أجل مصر سيداتي سادتي احنا بنرحب بضيف هذه الحلقة المستشار حاتم بجاتو الأمين العام للجنة العليا للانتخابات الرئاسية ليحدثنا عن حيثيات قرار اللجنة العليا للانتخابات الرئاسية أهلا وسهلا سيادة المستشار
المستشار/ حاتم بجاتو: أهلا بحضرتك يا فندم
حنان منصور: هل حصل إنكم التقيتم بجميع المستبعدين ال10 وأعلمتموهم بالقرار إيه اللي تم في هذا اللقاء ؟
المستشار/ حاتم بجاتو: اللي تم حضرتك احنا صدرت القرارات جميعها باستثناء قرارين يوم 13 إبريل لظروف خارجية قاهرة ووزارة الداخلية طلبت منا مغادرة اللجنة يوم 13 إبريل لإن كان فيه يوم جمعة والمليونية متجهة للتحرير وكان فيه نذر إن ممكن يقتحموا اللجنة أثبت ده المستشار فاروق سلطان وأعضاء اللجنة في محضر رسمي واجتمعت اللجنة السبت الصبح 14 أصدرت آخر قرارين بعد القرارين دول تم إخطار جميع المستبعدين زى القانون ما بيقول خلال ال24 ساعة التالية لصدور قرار الاستبعاد ، ابتداءً من يوم الأحد والاثنين كانت قرارات التظلم زى القانون ما بيقول كل واحد كان بيتظلم كنا بنعرض عليه كافة الأوراق الخاصة بقرار الاستبعاد وكافة الأوراق اللي اللجنة بنت عليها قرارها بالاستبعاد وكنا بنطلب منهم إنهم يحددوا الموعد الملائم لهم لسماع أقوالهم أمام اللجنة زى القانون ما بيقول 5 من المرشحين المستبعدين سمع لأقوالهم يوم الأحد وال5 الآخرون سمعت أقوالهم يوم الاثنين الكل فيه حوالي 7 منهم أو 6 حضروا بنفسهم مع محامين واللجنة سمحت للجميع أن يقولوا ما يشاءون ويترافعوا قانونا ثم اللجنة اجتمعت يوم الثلاثاء وأصدرت قرارها في التظلمات ال10 اللجنة التقت بالمرشحين بكل من حضر من المرشحين واستمعت لهم جميعا
حنان منصور: ال10 حضروا يا سيادة المستشار ؟
المستشار/ حاتم بجاتو: لا يعنى اللي حضر ، المهندس خيرت الشاطر ما حضرش أنا ما كنتش موجود يوم الخميس ، يوم الاثنين الخاص بال5 الآخرين بس عملت إن السيد مرتضي منصور لم يحضر ، المهندس خيرت الشاطر لم يحضر ، السيد أحمد عوض لم يحضر في اليوم الأولاني لم يحضر الأستاذ عمر سليمان
حنان منصور: يعنى البعض لم يحضر
المستشار/ حاتم بجاتو: بس دول حضروا بمحامين حتى الذي لم يحضر حضر بمحامين وترافعوا بوكيل
حنان منصور: أو بوكيل
المستشار/ حاتم بجاتو: فيه 6 أو 7 حضروا و3 أو 4 لم يحضروا لكن محاميينهم حضروا وترافعوا أمام اللجنة بكامل هيئتها
حنان منصور: يعنى عندما قوبلوا بحيثيات قرار اللجنة إيه كان رد الفعل ؟
المستشار/ حاتم بجاتو: 9 منهم أصروا على استكمال التظلم والمرافعة وقدموا وجهات نظرهم القانونية وواحد منهم فقط هو الأستاذ إبراهيم الغريب بعد ما اطلع على الطريقة اللي اللجنة استبعدت بعض التأييدات الخاصة به تنازل عن تظلمه وكتب على ذات التظلم أنه مقتنع باستبعاد اللجنة له لأن هناك خطأ حدث في حساب التوكيلات التأييدات التي جاءت من قبله وأنه مقتنع بالطريقة التي قامت بها اللجنة لإحصاء هذه التوكيلات
حنان منصور: طب سيادة المستشار لغاية يوم 26 إبريل فيه احتمال لاستبعاد مرشحين آخرين
المستشار/ حاتم بجاتو: إذا الأمور استقرت كما هي الموضوع انتهت لكن إفرضى حضرتك تنازل مرشح ، مرشح لا قدر الله صدر ضده حكم في جناية يعنى إذا لم يحدث شئ تمنع أحد من مباشرة حقوقه السياسية أو تنازل بمحض إرادته فلن يحدث شئ يغير من الموضوع
حنان منصور: يعنى احنا عندنا سيادة المستشار الرأي العام عاوز يعرف كلنا عايزين نعرف حيثيات استبعاد المرشحين ال10 يعنى إيه اللي استندت إليه اللجنة علشان تستبعد هؤلاء ال10 نبتدى مثلا بالمرشح الشيخ حازم أبو إسماعيل؟
المستشار/ حاتم بجاتو: من قبل ما أبتدي بالسيد محمد حازم صلاح أبو إسماعيل المرشحين ال10 جمعهم 4 فئات مختلفة فيه بعضهم أنهم نزلوا عن أحزاب متنازع عليها ليس لها ممثل قانوني فافتقدوا شرط أن الحزب يرشح زى السيد مرتضى منصور وزى السيد أحمد عوض على سبيل المثال وزى السيد أحمد حسام خير الدين وفيه البعض كانت مشاكل تتعلق برد الاعتبار والعفو زى السيد أيمن نور والسيد خيرت الشاطر فيه ناس تتعلق بشروط قانونية زى التأييدات زى السيد عمر سليمان أو الجنسية زى السيد محمد حازم أبو إسماعيل بالنسبة للسيد محمد حازم صلاح أبو إسماعيل اللجنة من اللحظة الأولى كل من تقدم للترشح كانت بترسل جوابين أو ثلاثة خطابات الخطاب الأول للداخلية للهجرة للجوازات والجنسية بتقول لها قولي لي فلان والدته ووالده وزوجته هل لديهم جنسيات أخرى غير الجنسية المصرية في سجلاتك وللا لا وفى نفس الوقت بترسل ذات الخطاب إلى الخارجية بعثاتنا الدبلوماسية في الخارج قولي لي البعثات الدبلوماسية في الخارج هل لهم جنسيات أخرى في هذه الدول وللا لا وترسل خطاب آخر لجهات تنفيذ الأحكام قولي لنا هل هناك أحكام نهائية خاصة بهؤلاء المرشحين وللا لا هذا حدث مع 23 متقدم دى احنا بعتنا أول خطاب أرسلنا خطاب إلى بالنسبة للسيد حازم أبو إسماعيل إلى وزارة الداخلية قلنا لها قولي لنا هل السيد محمد حازم صلاح أبو إسماعيل لديه جنسية أو لأحد والديه أو لزوجته جنسية أخرى وللا لا مش هو ده المستند الأخير دى الترجمة حضرتك فيه المستند الأول لو سمحتي حضرتك احنا عاوزينه
حنان منصور: أرجو إنه يكون طبعا واضح للسادة المشاهدين
المستشار/ حاتم بجاتو: ده الأخير لا أنا عايز المستند الأول لو سمحت
حنان منصور: يعنى ده بيثبت إن اللجنة قامت بعملها
المستشار/ حاتم بجاتو: بالنسبة للجميع
حنان منصور: بالنسبة لل23 مرشح
المستشار/ حاتم بجاتو: بالمناسبة فيه بعض المرشحين كان فيه شكوك بالنسبة لهم قبل ما يغادروا اللجنة كان هذا الجواب مرسل على سبيل المثال هذا الخاص بموضوع ثاني ده خاص بالسيد عمر سليمان
حنان منصور: احنا بنتكلم على الشيخ حازم
المستشار/ حاتم بجاتو: الشيخ حازم
حنان منصور: حيثيات يعنى أسباب الاستبعاد يعنى للرأى العام عشان يعرف
المستشار/ حاتم بجاتو: أول مستند وزارة الداخلية ردت علينا والمستند موجود يوم 3-4 يا ريت حضرتك تعرضيه يوم 3-4 قالت لنا إن السيد محمد حازم صلاح أبو إسماعيل والده ووالدته لم يبحث جنسيتهم ولم يتقدموا بطلب اكتساب جنسية أخرى لكن فيه شهادة تحركات أن السيدة المغفور لها والدة الشيخ محمد حازم أبو إسماعيل دخلت وخرجت 3 مرات من مصر بجواز سفر له رقم معين يا ريت يجيبوا لنا الجواب ده من الداخلية وهو موجود عندكم
حنان منصور: ده أول
المستشار/ حاتم بجاتو: ده يوم 3-4 أول اتصال لنا اللي قبلها يا فندم لو سمحت لا ده جواب الخارجية أول خطاب يوم 3-4 لو سمحتم حضراتكم يوم 3-4 من الجوازات والجنسية بتقول لي أن والدة السيد محمد حازم صلاح أبو إسماعيل ده الخارجية احنا عايزين حضرتك الداخلية لو سمحتم الداخلية اللي هي مصلحة الجوازات والجنسية لو سمحتم أول جواب جاء لنا أن السيدة والدة السيد محمد حازم صلاح أبو إسماعيل تحركت بجواز سفر أمريكي لمدة 3 مرات دخلت وخرجت مش هذه هي المستندات لو سمحتم أنا عايز المستند الأول الخاص أول مستند لو سمحت هذه هي المستندات الأخيرة يا فندم المستند الخاص بالخارجية الأمريكية بالداخلية المصرية في الأول ده برضه مستند من المستندات اللي أرسلت إلينا دى برضه كل هذه المستندات جاية من أمريكا اللي قبل كده لو حضرتك سمحت اللي قبليه حضرتك لا اللي قبليه حضرتك ، آه هذا الجواب كما تبين بوجود تحركات بجواز سفر رقم 500611598 أخدنا حضرتك ده صورة من الصور ارجع شوية حضرتك لو سمحت اللي قبل كده ، اللي قبليها حضرتك أول واحد اللي قبل ده اللي قبليها حضرتك ، اللي قبليها حضرتك ، أيوة اللي قبل ده أيوة هو ده الجواب كما تبين وجود تحركات ده اللي جاى من الجوازات والجنسية يوم 3-4 كما تبين بوجود تحركات بجواز سفر رقم 500611598 باسم نور نوال عبد العزيز اسم والدته بنفس تاريخ ميلاد الجوازات المصرية اللي عندهم وصل بهم الولايات المتحدة الأمريكية يوم 4-7 وغادرت به إلى ألمانيا بتاريخ 9/11/2008 وعادت به من ألمانيا في 16/8/2009 وأرجو حضرتك المستند اللي بعده لو سمحت آدى شهادة التحركات شهادة تحركات خاصة بمواطن الولايات المتحدة الأمريكية ورقم جواز السفر وشهادة التحركات اللجنة أرسلت خطاب إلى وزارة الخارجية قالت لها جاء لي من وزارة الداخلية هذا البيان وزارة الخارجية بعتت لي قالت لي إلحاقا بكتابنا رقم كذا أبعث إليك صورة من الطلب اللي اتقدمت به السيدة نوال عبد العزيز نور في 2006 للحصول على جواز سفر أمريكي حيث تضمن الطلب صورة من مقدمة الطلب وبياناتها الأمريكية وزرة الخارجية بتقول لي أنا باعته لك يعنى وزارة الخارجية بتشهد أن هذا المستند ده مستند جاى لها من أمريكا وبعتت لي صورة ملونة الصورة الأولانية ما كانتش واضحة اللي هي نشرت في المواقع فبعتت لي صورة ملونة إلحاقا بكتابها اللي هو رقم 565 بتاريخ 7 إبريل نفس الجواب صورة ملونة من الطلب الذي تقدمت به السيدة نوال عبد العزيز نور في 30 أكتوبر 2006 لاستصدار جواز وزارة الخارجية السفيرة وفاء باسينى مساعد وزير الداخلية لشئون مكتب الوزير بعته لي وآدى ختم مكتب وزير الداخلية قالت لي إن أنا ببعت لك الصورة اللي جاى لي من أمريكا بتاع جواز السفر نجيب الصورة لو سمحتم الصورة بتاعت جواز السفر آدى هذه الصورة ، الصورة اللي قبليها لو سمحتم رقم اللي عندها 50061198 اللي هو الرقم اللي وزارة الداخلية قالت لي إن هي بتتحرك به ، الصورة اللي بعده لو سمحت حضرتك هذه الصورة في الحتة اللي تحت الصورة اللي بعديها لو سمحت الحتة اللي مكتوبة للاستعمال الحكومي لو سمحت صورة السيدة آدى رقم الجواز أهه 50061198 مع شهادة التحركات بجواز سفر مش وثيقة سفر زى ما بيقولوا إنها وثيقة سفر لا ده جواز سفر بنفس الرقم وصورة السيدة ، اللي بعده حضرتك دى اللي معمولة للاستعمال الرسمي هي مش واضحة لكن اللي هيبص فيها هيقول سبب إصدار الجواز التجنس بالجنسية الأمريكية في تاريخ 25/10 آدى الصورة أهي
حنان منصور: التجنس بالجنسية الأمريكية ؟
المستشار/ حاتم بجاتو: بالجنسية الأمريكية في 25 آدى الصورة أهية مكتوبة notrolaization certificate اللي هي شهادة تجنس issue date صادرة في 25 – 10 – 2006 بتاريخ كذا ، هذه ، هذا هو رقم الاستمارة وهذا هو الرقم اللي موجود عليها وصورتها بياناتها موجودة عليها بإنها مولودة في المنصورة كل شئ وسبب الحصول على هذا الجواز في 30 – 10 – 2006 حصولها على الجنسية بشهادة برقم كذا لم نكتف بهذا يوم 8-4 في اليوم التالي بعتت لي وزارة الخارجية جواب ثاني موجود عند حضراتكم بتقول لي إن قنصليتنا العامة في لوس أنجلوس يعنى جاية من لوس أنجلوس وزارة الخارجية بتقول إن مصدرها مصدر مصري حكومي قنصليتنا العامة في لوس أنجلوس بتبعت لنا استمارة التصويت vote restoration form الخاصة بالسيدة نوال نور ودي جاية من مكتب السجلات التابع لمقاطعة لوس أنجلوس وقالت لي فيه 6 حاجات تاريخ ميلادها ، إن السيدة مقيمة في الحتة الفلانية ، إن هذه الاستمارة المذكورة زى ما قال كده في الاستمارة المذكورة موقعة على إنها مواطنة أمريكية فيه سؤال صريح في أول الاستمارة موجود هنا مكتوب فيه are you a citizen of united state of America اللي هي دى اللي عليها الخط دى الاستمارة أهي اللي احنا موضحينها اللي هي الform اللي فوق ده are you a citizen of united state of America مكتوبة صح نرجع ثاني للورق القنصلية بتقول لي إن قام مكتب التوثيق بإخفاء التوقيع والعنوان لإن ده قانوني
حنان منصور: بإخفاء التوقيع
المستشار/ حاتم بجاتو: والعنوان ده ممثلة في قانون الprivacy add اللي هو الاثنين دول ليه مطموسين سفارتنا قالت لي كده أو القنصلية قالت لي بعد كده يشير الخاتم الموضح على ظهر المستند لأنها صورة طبق الأصل وموثقة ده الخارجية المصرية بتقول إن قنصليتنا في مصر بتقول كده صورة طبق الأصل وموثقة بالبيانات اللي موجودة بسجلات مقاطعة لوس أنجلوس يعنى مش جايبين مستند ولد سفاحًا لكن ده مستند جايباه لي الخارجية الأمريكية
حنان منصور: رسمي وعليه أختام يا سيادة المستشار لإن هو اللي المرشح المستبعد قال إن مفيش أختام وعلامات مائية
المستشار/ حاتم بجاتو: آدى ختم الخارجية المصرية بتشهد لي وزارة الخارجية بتقول لي إيه أن هذا المستند جاى لها عن طريق بعثتها في لوس أنجلوس وبعثتها في لوس أنجلوس على لسان وزارة الخارجية بتشهد إن ده مستند رسمي آدى
حنان منصور: وصادر من الولايات المتحدة عكس اللي قاله المرشح
المستشار/ حاتم بجاتو: المستند الثاني لو سمحت بعد كده بعديه حضرتك ، بعديه حضرتك جاء لي هذا الخطاب يوم 12 إبريل من الخارجية المصرية هذا توقيع وزير الخارجية وتوقيع السفيرة وفاء بسيم مساعد وزير الخارجية لشئون مكتب الوزير بتقول لي فيه إيه إلحاقا بكتابنا لإن هم كانوا بعتوا لي قبل كده صورة ضوئية قلت لهم معلش أنا عاوز الأصل قالت إلحاقا بكتاب وزير الخارجية رقم كذا في 7 إبريل المرفق به صورة الخطاب المؤرخة كذا الواردة من وزارة الخارجية الأمريكية أتشرف أن أبعث رفق هذا بأصل مذكرة وزارة الخارجية الأمريكية يعنى وزارة الخارجية المصرية بتقول لي الصورة اللي معاك دى أو الكتاب اللي معاك ده أصل كتاب وزارة الخارجية الأمريكية المختوم بالخاتم الضاغط اللي هو ختم مضغوط والخاتم المائي عليه علامة مائية والموقع بتوقيع حي والتي تشير إلى أن السيدة فلانة الفلانية المولودة في كذا قد اكتسبت الجنسية الأمريكية في 25 من أكتوبر 2006 يبقى الخارجية المصرية قالت لي أنا معايا مستند أصلى ببعت لك مستند أصلى من الخارجية الأمريكية لما صور المستند اللي جاى من الخارجية الأمريكية هيبقى عندي مشكلتين إن الخاتم الضاغط مش هيبان وما أقدرش أطلع له الأصل من عندي لإنه خاتم مضغوط والعلامة المائية مش هتبان هو حد ينكر إن الجنيه المصري عليه علامة مائية لو صورتيه يمكن تطلع العلامة المائية
حنان منصور: يعنى التصوير هو السبب
المستشار/ حاتم بجاتو: أنا عندي الأصل واطلع عليها السيد محمد حازم صلاح أبو إسماعيل آدى أنا مكبر أتشرف بأن أبعث رفق هذا بأصل مذكرة وزارة الخارجية الأمريكية المختومة بالخاتم الضاغط والخاتم المائي والموقعة بتوقيع حي والتي تشير إلى أن السيدة فلانية الفلانية قد اكتسبت عندي فوق هتلاقى حاجة فوق المكان اللي احنا معلمين عليه بالأحمر ده ، ده كان مكان الخاتم الضاغط ده مكتوب إيه in response for a former required from government of Egypt هل هذا الجواب أمريكا باعتاه لا مش بمزاجها لكن استجابة لطلب رسمي من حكومة مصر اللي احنا كنا طالبينه منهم في 3-4 بعد كده حضرتك هتلاقى هنا صورة على الجنب لا اللي قبليها ارجع ثاني لو سمحت هتلاقى حضرتك صورة التوقيع بالأحرف الأولى وأي واحد يطلع على القانون الأنجلوساكسونى يعرف إنهم بيوقعوا على المستندات الرسمية بالأحرف الأولى كابيتال هتبقى دابل جى مكتوب هنا تحت diplomatic note ودي مكان التوقيع احنا ما سبناش ده بقى رحنا بعتناه لوزارة العدل المصرية عشان تترجمه ترجمة رسمية شوفي آدى الترجمة ، الترجمة بتقول إن شئون القنصلية التابعة لوزارة الخارجية وزارة الخارجية الأمريكية مش هتقول على نفسها وهى بتخاطبنا أنا وزارة الخارجية الأمريكية أنا بتشغل في المحكمة الدستورية لما أطلع جواب لجهة مش هقول المحكمة الدستورية العليا المصرية هقول المحكمة الدستورية لإن أنا مصري وبكتب عن محكمتي فوزارة الخارجية الأمريكية بتقول وزارة الخارجية وهى تعنى وزارة الخارجية الأمريكية لكن لما وزارة الخارجية المصرية تقول دى جاية لي من وزارة الخارجية الأمريكية وهى اللي جايبها لي يبقى هي أكدت لي على المصدر وكأنها صدقت عليه الترجمة الرسمية بتقول إن الشئون القنصلية بالنيابة عن وزارة الخارجية تشهد الوزارة بأن السيدة فلانة الفلانية مواليد 3 كذا أصبحت مواطنة أمريكية اعتبارا من 25 من أكتوبر عام 2006 تحت بقى وزارة العدل بتقول إيه يحمل المستند توقيع مصدره وخاتم مضغوط وعلامة مائية للجهة مصدرته لما اللجنة تيجى الكلام ده يتقال لها السؤال اللي أتسأل واللي اتقال طب فيه حكم من محكمة القضاء الإداري نحن نحترم الأحكام حكم محكمة القضاء الإداري اللي بنحترمه واللي اللجنة قالته قال إدى له يا وزارة الداخلية من واقع سجلاتك ما يفيد إن مفيش ما يدل على ازدواج الجنسية هذا صحيح لإن مش لازم كل مصري مزدوج الجنسية يثبت في سجلات وزارة الداخلية المصرية هو يثبت بطريقتين إما إن أنا أتقدم وأقول إن أنا ازدوجت جنسيتي وأنا عاوز أحتفظ بجنسيتي المصرية واسمحوا لي بالتجنس أن تقدم شكوى للتحقيق في ظروف ما فوزارة الداخلية المصرية تعرض على مجلس الوزراء لإسقاط الجنسية في 90 % من المصريين الموجودين خارج البلاد واللي بيحصلوا على جنسيات أخرى وخصوصا في بلاد المهجر لا يوجد لهم إذن التجنس طيب الدليل على كده إيه السيد محمد حازم صلاح أبو إسماعيل قرر ولا يمارى أن السيدة الفاضلة شقيقته أمريكية الجنسية هو قال كده قال إن شقيقتي أمريكية ووالدتي كانت عايشة معاها والدتي كان معاها الجرين كارد بس ما كانش معاها الجنسية الأمريكية وأنا طيب السيدة حنان لما جبنا البيان من وزارة الداخلية لقطع الشك باليقين يمكن احنا غلطانين قال برجوع مستندات السيدة حنان صلاح أبو إسماعيل محمد عبد الرحيم مواليد كذا لم تتقدم مصرية بظهر الحال ولم يستدل على ما يفيد سابقا ببحث جنسيتها أو تقدمها بطلب إذن التجنس بأي جنسية سواء مع الاحتفاظ أو عدم الاحتفاظ بالجنسية المصرية إلا أنها تحركت بأوراق أو بجواز سفر أمريكاني ومنهم هتلاقى ال3 مرات هتلاقى والدته المغفور لها أخته جاية معاها بنفس جواز سفر أمريكاني إذن اللي قالته حكم محكمة القضاء الإداري إن مفيش ما يثبت في وزارة الداخلية ده احنا بنقر به أساتذة القانون الدولي الخاص بيتحدثون إن إلى يثبت الجنسية طرق الإثبات بالطريقة الدولة المانحة للجنسية الولايات المتحدة الأمريكية هي التي أعطتنا هذه الأوراق والخارجية المصرية أكدت لنا أنها أوراق أصلية ولهذا السبب اللجنة لم تجد لديها أي شك في أن السيدة المغفور لها السيدة والدة محمد صلاح أبو إسماعيل أمريكية الجنسية بجانب الجنسية المصرية وأصدرت قرارها بالاستبعاد
حنان منصور: طب ننتقل إلى استبعاد آخر المهندس خيرت الشاطر
المستشار/ حاتم بجاتو: المهندس خيرت الشاطر
حنان منصور: نعم
المستشار/ حاتم بجاتو: المهندس خيرت الشاطر والدكتور أيمن نور نفس الحالة الاثنين عندهم أحكام جنائية تمنعهم في جناية تمنعهم من مباشرة الحقوق السياسية صدر عفو بالنسبة لهم ولم يصدر رد اعتبار بالنسبة لأيمن نور إطلاقا وصدر للمهندس خيرت الشاطر في قضية لكن القضية بتاعت 2007 لم يصدر رد اعتبار فيها ، اللجنة رأت أن القانون لا يسمح بمن صدر عليه قرار عفو خاص مش العفو الشامل حتى ولو كان قرار العفو عن الآثار الجنائية هذا رأى اللجنة وليس رأيها وحدها أن هذا لا يغنى عن رد الاعتبار وأنه دون رد اعتبار لا يجوز له أن يباشر حقوقه السياسية فإن لم يكن العفو عفو شامل كما في القانون هل اللجنة الكلام اللي بتقوله ده اختراع من عندها اللجنة هذا هو تفسيرها للقانون وهذا هو تفسير يأخذ به الغالب من أساتذة القانون الذين تحدثوا عن الموضوع الأكثر من ذلك إن قبل أسبوع من قرار اللجنة السيد أيمن نور تقدم إلى محكمة القضاء الإداري وقال لها أنا أخدت عفو عن الآثار الجنائية واعتبريه رد اعتبار وخليني أترشح وقيديني في قاعدة بيانات الناخبين ألغى قرار عدم قيدي في بيانات الناخبين المحكمة قرار المحكمة الإدارية قالت أن العفو لا يغنى عن رد الاعتبار أيا كانت صيغة الرفض وهذا هو نص محكمة القضاء الإداري أن العفو حتى ولو كان شاملا لا يغنى عن رد الاعتبار المحكمة اللجنة وأنا بقول محكمة لأنها مشكلة من قبل القضاء رأت وشيعت هذا الرأي أصدرت قرارها بالاستبعاد لأنه لم يرد له اعتباره قانونا
حنان منصور: نلتقي سيادة المستشار بعد الفاصل وسؤال عن حيثيات استبعاد اللواء عمر سليمان ولكن بعد هذا الفاصل الإعلاني
فاصل
حنان منصور: نعود إلى اتجاهات سيداتي سادتي وسؤالنا للمستشار بجاتو حول استبعاد حيثيات استبعاد اللواء عمر سليمان من سباق الرئاسة ؟
المستشار/ حاتم بجاتو: السيد عمر سليمان تقدم في الساعة ال1.35 ( الواحدة وخمس وثلاثون دقيقة ) من ظهر يوم الأحد 8 إبريل آخر أيام الترشح بأوراق ترشحه المادة 13 من قانون تنظيم الانتخابات الرئاسية القانون رقم " 174 " سنة 2005 بتقول إنه يجب أن يتقدم المرشح بكافة المستندات المطلوبة كانت أول حاجة نماذج التأييد من المواطنين له الأستاذ عمر سليمان تقدم بحسب إحصاء قراره 49 ألف نموذج القانون ، قانون مباشرة الحقوق السياسية
حنان منصور: 49 ألف توكيل
المستشار/ حاتم بجاتو: النموذج أهه التأييد في القانون اسمه تأييد الناس أطلقت عليه التوكيلات 49389 قال لنا إن فيه زى ما النص الدستوري بيقول يجب أن يتجاوز التأييدات الألف أو أكثر في 15 محافظة على الأقل اللي هم وقت الإعلان الدستوري كانوا نصف المحافظات الجمهورية ، السيد عمر سليمان تقدم على حسب الورق اللي قدمه لنا عنده 15 محافظة يزيد التأييدات فيها عن الألف وباقي محافظات أقل من ألف والإجمالي 49389 أول حاجة حضرتك بنعملها إن احنا بندخل التأييدات جميعا على جهاز سكانر بنعمل لها سكانينج كلها ونديها أرقام ونحفظها هنبتدى نتعامل مع النسخة الضوئية اللوحة الضوئية عشان ما نلمسش التأييدات خالص أول حاجة بنعملها إن احنا بنوزع توزيع صحيح يعنى هو ممكن يجيب لي 10 آلاف في محافظة معينين أنا مش مرتبهم ترتيب صحيح أنا بالنسبة لي الأصل مش بالمكان اللي بيحصل فيه التأييد أنهى مكتب شهر عقاري بيحصل فيه التأييد إنما الأصل بمحافظة إقامة المؤيد الثابتة في بطاقة الرقم القومي لما وزعنا هذه التوزيعات حصل اختلافات في اللي هو مقدمه عن البيان القاهرة آدى 9570 طلعت 9700 العدد أكثر لإن حاطتها في محافظات أخرى طلعت أسيوط في هذا بمجرد إن احنا بس رجعنا كل مؤيد لمحافظته الأصلية اللي بيقيم فيها انخفضت تأييدات أسيوط إلى 996 اللي هي بقت بالأخضر بقت بالأحمر 996 هذا أول شئ
حنان منصور: يعنى أقل من عدد الألف
المستشار/ حاتم بجاتو: أقل من الألف دى أول خطوة احنا بنعملها يعنى احنا شلنا المحافظات المؤيدين كانوا في محافظات ثانيين وكانوا 55 من البحر الأحمر وقنا محطوطين في أسيوط وحطينا له المقيمين داخل أسيوط في محافظات أخرى فطلع هذا العدد هنلاحظ في العمود ده إيه إن الرقم هو ذات الرقم لإن احنا في هذا الوقت لم نستبعد شيئا إنما نعيد توزيع التوزيع الصحيح بعد كده بنبتدى نشوف هل فيه أكثر من تأييد من شخص واحد لذات المرشح ده اتضح إن موجود عنده 116 واحد أيدوه أكثر من مرة طب نستبعد ال116 الزيادة وبنكتب له تأييد واحد بس لإن لا يمكن واحد نعيده أكثر من مرة بعد كده بنشوف كام واحد أيده مع مرشحين آخرين وبنستبعدها طلع إن 150 واحد أيدوا السيد عمر سليمان وأيدوا مرشحين آخرين السيد حازم صلاح أبو إسماعيل ، السيد عبد المنعم أبو الفتوح ، اللي قدموا لنا السيد غريب ، السيد أحمد حسام طلعوا 150 بعد كده بنشوف التأييدات غير الصحيحة فطلع فيه 31 تأييد غير صحيح يعنى إيه غير صحيحة يعنى غير ثابت في البيانات القادمة إلينا من الشهر العقاري فيه استبعدنا ناس بسبب طبيعة العمل لإن لا يحق لهم إن هم يأيدوا زى المجندين وزى الضباط دول حضرتك طلعوا 98 مستبعدين بسبب الوثائق 3 متوفيين حضرتك مش عمر سليمان بس أنا جايب بالوثائق فيه متوفين
حنان منصور: يعنى تم استبعاد الأصوات غير الصحيحة
المستشار/ حاتم بجاتو: اللي أقل من السن اللي مش موجودة في قاعدة بيانات الناخبين طلع في الآخر إن إجمالي التأييدات الصحيحة بالنسبة له 48512 هذا يفوق العدد المطلوب لكن مش في 15 محافظة عندي 14 محافظة ألف والمحافظة الأخيرة اللي هي أسيوط 969 فيه أقل ب31 من العدد المطلوب في الدستور كان السيد عمر سليمان قدم في اللحظة الأخيرة لقفل باب الترشح لا نستطيع استكمال أي أوراق بعدها العبرة بما قدمه قبل قفل باب الترشيح
حنان منصور: يعنى التظلم هنا يعنى لا يصح لإن حتى لو اتقدم استكمل الأصوات فهي بعد غلق باب الترشح
المستشار/ حاتم بجاتو: ليس السيد عمر سليمان لوحده يعنى مثلا السيد أحمد شفيق أهوة السيد أحمد شفيق كانت بورسعيد مقدمة له 1135 بعد ما وزعنا له احنا صح لقيناهم 1141 لما استبعدنا له الناس نزل ل995 لكن هو لإنه كان مقدم فوق الألف في 20 محافظة استبعاد بورسعيد ال19 ظل فوق 15 ، عندنا السيد إبراهيم الغريب عنده 15 محافظة فوق الألف لكن الإجمالي بعد الاستبعاد هو كان مقدم لنا 132162 بعد الاستبعاد وصل 29214 يبقى هذا ضمن المستبعدين وهذا أقر لنا بعد ما شاف بصحة ما فعلناه فالسيد عمر سليمان لأنه رغم استيفاؤه نصاب ال30 ألف تأييد إلى أنه لم يستوف الشرط الآخر أن يحاول التأييدات في 15 محافظة الألف على الأقل لهذا هو سبب استبعاده وهو قدم في اللحظة الأخيرة فلم يتسنى له تقديم أو استكمال
حنان منصور: باقي المحافظات المطلوبة العدد اللي حددته
المستشار/ حاتم بجاتو: ولهذا استبعد السيد عمر سليمان
حنان منصور: طيب ممدوح قطب مثلا مرشح كان ...
المستشار/ حاتم بجاتو: السيد ممدوح قطب له حالة خاصة السيد ممدوح قطب رئيس حزب الحضارة وترشح ممثلا لهذا الحزب والذي وقع في كتاب الترشيح السيد ممدوح قطب استند إلى جزء في الإعلان الدستوري في القانون بيقول إن أي حزب له عضو منتخب في مجلس الشعب أو الشورى قبل تاريخ الترشح يستطيع أن يرشح أحد أعضائه اللي حصل إن من اللحظة الأولى أعضاء مجلس الشعب والشورى فيه عضوين في مجلس الشعب وعضوين في مجلس الشورى من حزب الحضارة من اللحظة الأولى رفضوا إن هم يدووا له الشهادة في مجلسي الشعب والشورى أن هناك أعضاء مجلس الشعب والشورى فجاء لنا السيد ، فيه خلافات بينهم جاء لنا السيد ممدوح قطب فخاطبت مجلس الشعب والشورى مجلس الشعب بعت لي قال لي والله هو فيه عضو في مجلس الشعب وعضو في مجلس الشورى عضوين في مجلس الشعب وعضو في مجلس الشورى قبلنا أوراق ترشيحه في هذه اللحظة بعد ساعتين جاء لنا خطاب من مجلس الشعب ومجلس الشورى بيقول إن عضوين مجلس الشعب وعضو مجلس الشورى استقالوا من الحزب فالحزب لم يعد له ممثلين في مجلسي الشعب والشورى ، اللجنة رأت أن وجود أعضاء منتخبين للحزب في مجلسي الشعب والشورى هو شرط ترشح وشرط استمرار يعنى شرط ابتداء وشرط استمرار إلى غلق باب الترشيح وإلى قبول الأوراق اللي هي بيتكون فيها المركز القانوني يتعين أن يستمر له أعضاء في مجلسي الشعب والشورى باستقالتهم في 7/4 من الحزب أصبح الحزب لا أعضاء له في مجلسي الشعب والشورى ولهذا استبعدته اللجنة
حنان منصور: والاستقالة قبل إغلاق باب الترشح
المستشار/ حاتم بجاتو: وده السيد ممدوح قطب
حنان منصور: لو اتكلمنا عن أشرف بارومة
المستشار/ حاتم بجاتو: السيد أشرف بارومة له موضوعين الأول أنه تخلف عن أداء الخدمة العسكرية القانون بيقول إما أن تؤدى الخدمة العسكرية وإما أن تعفى منها أما التخلف عن الأداء يعنى التهرب من أداء الخدمة العسكرية ثم محاكمة الجنائية وتوقيع الغرامة وإعفاءك بعد ذلك لأنك تعديت السن هذا لا يصلح مسوغا للترشيح التجنيد واجب مقدس ومن يتخلف عن أداء هذا الواجب المقدس لا يمكن أن يترشح ، المحكمة الدستورية العليا أصدرت حكمها بدستورية والموافقة على القانون الذي يمنع أعضاء مجلس الشعب والشورى يمنع الترشح لمجلسي الشعب والشورى للمتخلفين من التجنيد نفس الحالة ومن باب أولى رئيس الجمهورية القائد الأعلى للقوات المسلحة لا يصح أن يكون متهربا من أداء الخدمة العسكرية رئيس الجمهورية هو القائد الأعلى للقوات المسلحة القائد الأعلى للقوات المسلحة الذي سيعظمه قادة القوات المسلحة لا يصح أن يكون متهربا متخلفا عن أداء الخدمة العسكرية فالقانون لما يقول أدى ومعفى يبقى لا يقصد المتخلف هذه هي الإقراض والاستقرار أحكام المحكمة الدستورية العليا وأحكام المحكمة الإدارية العليا بالاستقرار ودون أية حقوق
حنان منصور: الإعلان الدستوري أيضا يا سيادة المستشار بيتضمن شرط التجنيد
المستشار/ حاتم بجاتو: التجنيد والتجنيد واجب مقدس
حنان منصور: طبعا نأتي إلى
المستشار/ حاتم بجاتو: ده مش بس الإعلان الدستوري والدستور من قبل الدستور 71 والإعلان الدستوري لم يقرن الواجب بلفظ المقدس في أي مادة إلا التجنيد واعتبره واجب مقدس وهذا أحد أسانيد المحكمة الدستورية حينما أقر استبعاد من لم يؤدى الخدمة العسكرية أو يعفى منها من الترشح لمجلسي الشعب والشورى
حنان منصور: وهل اقتنع هذا المستبعد بالحيثيات وللا حصل شكل من أشكال الجدل
المستشار/ حاتم بجاتو: لا هو يعتقد إن الإعفاء زى التخلف مفيش مشكلة وإن هو كان في السعودية وإنه كان في السعودية وما قدرش ينزل لإن كان كفيله ما رضيش ينزله فهذا عذر قهري ، فيه سبب ثاني للسيد أشرف بارومة وصل لنا بعد استبعاده وواجهته به أن زوجته أجنبية زوجته أردنية وتجنست بالمصرية أردنية أصيلة وتجنست بالمصرية لزواجها من مصري وهذا خرق آخر لشروط الترشح لرئاسة الجمهورية
حنان منصور: نأتي إلى المرشح الذي اقتنع بحيثيات الاستبعاد وهو إبراهيم الغريب
المستشار/ حاتم بجاتو: إبراهيم الغريب
حنان منصور: كانت حيثيات يعنى جمع توكيلات
المستشار/ حاتم بجاتو: هو جمع 32162 تأييد
حنان منصور: صحيح
المستشار/ حاتم بجاتو: لا لما ابتدينا نعمل المعايير اللي قلتها لحضرتك التكرار مع نفسه ، التكرار مع الآخرين ، القيد في قاعدة البيانات اللي فوق ال18 سنة لما شفنا ده نزل ل 29218
حنان منصور: أقل من النصاب
المستشار/ حاتم بجاتو: أقل من النصاب المطلوب
حنان منصور: وهو اقتنع
المستشار/ حاتم بجاتو: اقتنع وهو كمان كان فيه عنده شهادة تحركات بجواز سفر أمريكي من سنة 1998 أو 2000 واستمر بها 8 سنين لكن لما اقتنع بده ما بحثناش بقية حالة الجنسية لإن تخلف شرط واحد يكفى للاستبعاد
حنان منصور: طب التهديدات والتصريحات اللي أطلقها البعض بعد قرارات اللجنة يعنى هل يتم التحقيق بشأنها
المستشار/ حاتم بجاتو: اللجنة لم تقدم إلا القانون واللجنة ستبحث كل حالة على حدة حين يأتي الوقت المناسب لهذا سوف تبحث كل حالة على حدة وستتخذ قراراتها التي تحفظ للجنة هيبتها والتي تتفق مع صحيح القانون مع العلم أن اللجنة ليست في خصومة مع أحد اللجنة أكبر وأعلى يمكنها القضاة أن تدخل في خصومة مع أحد
حنان منصور: طيب بالنسبة يا سيادة المستشار للمرشحين اللي تقدموا ببيانات غير صحيحة ولا تمت يعنى للحقيقة بصلة هيترفع الأمر للقضاء؟
المستشار/ حاتم بجاتو: كل حالة على حدي المادة 13 بتتحدث عن الأوراق المقدمة من المرشحين للترشيح أو الترشح هي تعتبر أوراق رسمية طبقا لقانون العقوبات عدم ذكر الحقيقة في أوراق رسمية يعد تزويرًا لكن التزوير لا يعد فقط بعدم ذكر الحقيقة أو مخالفة الحقيقة في أوراق رسمية ولكن التعمد اللجنة هتشوف كل الحالات ، الحالات اللي هيبقى لديها شبهة وجود جناية اللجنة لن تبت فيها بنفسها لكن سترسلها إلى النيابة العامة باعتبارها الجهة الأصيلة للتحقيق في الدعوة الجنائية
حنان منصور: طيب يعنى احنا عندنا دلوقتى النتيجة
المستشار/ حاتم بجاتو: آه دى النتيجة الخاصة بالسيد عمر سليمان احنا بيننا احنا عملنا إيه يعنى احنا كل مرشح جاب تأييدات شعبية فيه لجنة كاملة من أعضاء الأمانة قعدت تفحص حالته واحد ، واحد بتطلع تقرير زى ده ، ده تقرير إجمالي لكن بتقول تفصيلا أنا عملت إيه وشلت فين واستبعدت فين وإيه اللي لقيته وهذا هو التقرير الخاص بالسيد عمر سليمان بيقول عدد 4 نموذج للمؤيدين تبين أنهم معفين من الانتخاب أو التأييد بسبب طبيعة العمل ، عدد 7 نماذج لمؤيدين ممنوعين من مباشرة حقوقهم السياسية ، عدد 4 نموذج استخدام بطاقة الرقم القومي لإيقافها لإيقاف استخدامها من قبل الأحوال المدنية دول بتوع أسيوط 3 نماذج لمؤيدين غير مدرجين بقاعدة بيانات الناخبين لعدم بلوغهم السن القانوني عدد 5 نماذج لمؤيدين غير مقيدين في قاعدة بيانات الناخبين دى عندنا فيكون بذلك عدد النماذج الصحيحة التي تم إقرارها المواطنين الذين في الأقصر هي 969 تأييدا فقط لا غير وذلك وفقا للكشف التفصيلي المرفق اللي هو الكشف اللي أنا وريته لحضرتك وبعد كده ذكروا النتيجة أنه لا يجوز الترشح
حنان منصور: يعنى فيه تجاوزات وانتهاكات من خلال كلام حضرتك شهدتها التوكيلات حتى دلوقتى الحيثيات التي أدت إلى الاستبعاد
المستشار/ حاتم بجاتو: بصى حضرتك فيه عدد كبير من التأييدات فيها مشاكل من الناحية القانونية على سبيل المثال متوفى قام بالتأييد
حنان منصور: كيف يمكن لمتوفى
المستشار/ حاتم بجاتو: هذا تزوير
حنان منصور: آه طبعا
المستشار/ حاتم بجاتو: حد استخدم بطاقته ، الشهر العقاري الموظف يعلم هذه حالة تزوير صريحة مؤيد أيد أكثر من مرشح هذه جنحة في قانون الانتخابات الرئاسية كل الحالات التي تعد جريمة ، التي تعتبر جريمة اللجنة بتحصرها بعد إعلان النتائج النهائية واستقرار الأمور إعلان القائمة النهائية واستقرار الأمور سيتم التعامل مع كل حالة على حدي أي واقعة يربح أن تكون جريمة اللجنة ستتخذ الإجراء القانوني الخاص بها وستحيلها إلى النيابة العامة ثم القضاء فيما بعد إذا ارتأت النيابة العامة أن في الواقعة جريمة بحسبانها صاحبة الدعوة القانونية
حنان منصور: طيب بالنسبة للدكتور محمد مرسى يعنى تم الدفع من قبل جماعة الإخوان المسلمين دخوله الدكتور محمد مرسى رئيس حزب الحرية والعدالة كمرشح لرئاسة الجمهورية وقد استوفى أوراق ترشحه يعنى نفهم من كده إن استبعاد خيرت الشاطر يعنى أدى إلى هذا كان متوقع
المستشار/ حاتم بجاتو: يسألوا في هذا لماذا دفعوا بمرشح احتياطي لكن اللجنة لم تر ، اللجنة ليس لها موقف مسبق مع تيار أو مع اتجاه اللجنة محايدة تماما 5 من أكبر القضاة قامة ، من أكثرهم خبرة يجاوزوا ال50 سنة خبرة في العمل القضائي جميعا يقاربوا أو يجاوزوا 50 سنة خبرة في العمل القضائي ليس هناك سلطان عليهم إلا ضمائرهم لا يراقبهم إلا الله عز وجل لا يبتغون إلا صحيح حكم القانون هؤلاء القضاة بحثوا ال23 حالة كأنها 23 قضية بكل التفاصيل عكفوا عليها لمدة 4 أيام متتالية حوالي 7 أو 8 ساعات يوميا حتى وصلوا إلى النتيجة الأولى وفى التظلمات أعادوا البحث مرة أخرى في ال10 حالات تظلمات لمدة 3 أيام حتى وصلوا إلى النتيجة التي وصلوا إليها وجميع قرارات الاستبعاد صادرة بإجماع القضاة الأجلاء ال5 أجمعوا وال 5من أماكن مختلفة 2 محكمة دستورية 2 من القضاء العادي 1 من مجلس الدولة نحن نتحدث على خبرات قانونية متنوعة مختلفة عمر مديد أطال الله في أعمارهم في القضاء ثم مناحي تفسير وفهم النصوص مختلف لإن الخبرات جاية من أماكن مختلفة ورغم هذا أجمعوا على القرارات ال10
حنان منصور: طيب سيادة المستشار بالنسبة بقى للتجاوزات في الدعاية في الانتخابات الرئاسية تحدث تجاوزات وانتهاكات ويعنى عدم التزام بمعايير الدعاية الموضوعية كيف سيكون عمل لجنة الانتخابات بقى في الفترة القادمة ؟
المستشار/ حاتم بجاتو: زى ما قلت لحضرتك في السابق لجنة الانتخابات الرئاسية شكلت لجنتين اللجنة الأولى تختص بمراقبة الدعاية بوجه عام وتحديد تقييم القيم ، النفقات حتى نشوف فيه تجاوز ال10 آلاف وللا لا وبحث مصادر التمويل نشوف التمويل متفق مع القانون وللا لا ، القانون يعطى المرشح
حنان منصور: كم عدد يعنى بالنسبة للتمويل الحد المسموح به
المستشار/ حاتم بجاتو: الحد المسموح به 10 مليون جنيه فقط في المرحلة الأولى في الإعادة 2 مليون جنيه بشرط إما أن يكون من أموال المرشح ذاته أو من أموال الحزب لو فيه حزب بيرشحه أو من أموال مؤيديه المؤيد شخص طبيعي يعنى بني آدم زيي وزى حضرتك كده ولا يقدم أكثر من 2 % من الحد الأقصى اللي هو 200 ألف جنيه ، شخص اعتباري يعنى لو شركة حتى لو كلها مصريين ممنوع ، شخص تابعي أجنبي ممنوع ، جهة أجنبية ممنوعة والشخص الطبيعي المصري لا يقدم أكثر من 200 ألف جنيه في حالة الإعادة يقدم 40 ألف جنيه فهذه هي ضوابط التمويل اللجنة المشكلة من قبل لجنة الانتخابات الرئاسية تبحث التزام بضوابط التمويل بتبحث كمان تقييم النقاط انت وصلت للحد الأقصى وللا لا صرفت من حسابك البنكي وللا لا
حنان منصور: يعنى مراقبة الضوابط في كل شئ طيب يوم 26 سيادة المستشار اللجنة القائمة النهائية بقى للمرشحين بعد 26 إبريل ماذا ستفعل اللجنة ؟
المستشار/ حاتم بجاتو: 26 إبريل فيه حضرتك توزيع القضاة لجان القضاة وتوزيعهم ، توزيع اللجان الانتخابية هيكون قبل كده وضع ضوابط الرقابة أو المتابعة الإعلامية منظمات المجتمع المدني الداخلية والخارجية التي ستتابع فيه عمل كثيف
حنان منصور: عمل تنظيمي
المستشار/ حاتم بجاتو: عمل تنظيمي كثيف النماذج اللي هتتطبع تأمين اللجان ، تأمين النماذج وأوراق الترشيح وأوراق الانتخاب ومحاضر الفرز عمل كبير لسة أمام اللجنة بتعمله إن شاء الله
حنان منصور: طب بعد برضه 26 إبريل وبعد إعلان القائمة النهائية للمرشحين إذا حدث وانسحب مرشح لسبب أو حدث تغيير لسبب يعنى
المستشار/ حاتم بجاتو: القانون أعطى لكل مرشح التنازل حتى قبل 15 يوم من بدء عملية التصويت اللي هي 28 مايو يبقى حتى 8 مايو يستطيع أي مرشح أن يتنازل
حنان منصور: طب ماذا تفعل اللجنة من 26 ل 8 لو حدث أن انسحب مرشح أو تنازل مرشح لحساب مرشح
المستشار/ حاتم بجاتو: أولا مفيش حاجة اسمها تنازل لحساب مرشح التنازل لحساب مرشح عمل سياسي وليس قانوني يعنى أنا أقدر أقول أنا اتنازلت لحساب ألف لكن هذا مش معناه إني ألغى الأصوات اللي تجى لي تروح لألف لا إنما أنا تنازلت هأدعمه بعد كده يبقى أنا عندي تنازل هرفع اسمه اللجنة هترفع اسمه من كشوف المرشحين ده اللي هتفعله بمنتهى البساطة بعد كده هتكون الأوراق بدأت تنطبع مش هيبقى فيه رفع للأسماء لكن سينوه أن هذا المرشح حتى انسحب بعد يوم 8 وسينوه على أبواب اللجان أن هذا المرشح قد انسحب عشان ما حدش يدي له صوته علشان ما نبطلش أصوات
حنان منصور: طب بالنسبة للرموز الرئاسية هيبقى شكلها إيه الرموز دى
المستشار/ حاتم بجاتو: ورقة الانتخاب اللجنة قررت إنها هتكون مكونة من الاسم واسم الشهرة ثم الرمز الانتخابي مرشحوا الأحزاب هياخدوا الرموز اللي أحزابهم نزلوا بها انتخابات مجلسي الشعب والشورى الأخيرتين وباقي المرشحين بحسب أولوية التقدم أولية التقدم هيختاروا الرموز بعد كده هتبقى صورة المرشح موجودة في الورقة أيضا يعنى كل مرشح صورته هتبقى موجودة بجانب اسمه وبجانب الرمز الانتخابي الخاص به
حنان منصور: سيادة المستشار هل تتوقع أن تحدث تحالفات ما يعنى تحرك مياه ما بحيث تجد اللجنة نفسها في موقف يعنى دقيق
المستشار/ حاتم بجاتو: اللجنة غير معنية بالوضع السياسي
حنان منصور: أنا بتكلم على توقعات
المستشار/ حاتم بجاتو: أنا لا أتوقع أنا ليس لدى طرف التوقع لأنني في هذا العمل يتعين أن أكون قضائيا فقط محايدا تماما لا أتوقع وما أتوقعه أحتفظ به لنفسي حتى لا أبوح به لزميل لي في الأمانة أو لعضو من أعضاء اللجنة
حنان منصور: ولكن هذا ليس طبعا من شأن اللجنة العليا
المستشار/ حاتم بجاتو: ليس من شأنها
حنان منصور: الكلام مع سيادتك قانونا وشروط الترشح والمعايير والضوابط يعنى يحتاج إلى وعى شديد جدا سيادتك ذكرت إن بعض القضايا اللي هتبحثوها ويتم يعنى رفعها للقضاء أو للنيابة هتبحثوا موضوع التعمد يعنى هل شعرت إن كان فيه تعمد لهذه الأخطاء أم كان هناك درجة من عدم الوعي للضوابط
المستشار/ حاتم بجاتو: لازم نفرق ما بين حاجتين بحث التعمد أو عدم التعمد هذا أمر للنيابة العامة أنا كنت بشرح بداية التزوير إنها جناية عمدية إنما بالنسبة للحفاظ على تكرار مثلا التصويت ، تكرار التأييد لأكثر من مرشح ، تكرار التأييد لأكثر من مرشح لا يكون إلا تعمدا لسبب بسيط جدا إن نموذج التأييد على ظهره مكتوب عليه نص المادة 42 مكررة من قانون تنظيم الانتخابات الرئاسية اللي بتقول إن اللي يؤيد أكثر من مرشح يعاقب بعقوبة الجنحة والعقوبة موجودة هتقولى لي الناس ما بتعرفش تقرا وتكتب من اللي بيؤيدوا في نموذج التأييد ذاته مكتوب إن أنا أقر بإن أنا لم أؤيد أكثر من مرشح وموظف الشهر العقاري بيتلو هذا الإقرار على المؤيد وبيبصره بحسب التعليمات اللي موجودة والمنشورة في الشهر العقاري بيبصره بعقوبة تأييد أكثر من مرشح
حنان منصور: يعنى التوعية هنا مطلوبة
المستشار/ حاتم بجاتو: المطلوبة والقرار الذي صدر من لجنة الانتخابات الرئاسية ألزم موظفي الشهر العقاري بتلاوة هذا الإقرار وألزمهم بتبصرة المؤيد بعاقبة تأييد أكثر من مرشح لما تقولى لي حضرتك واحد ميت واحد أخد بطاقته وعمل بها تأييد هتقولى لي مفيش تعمد
حنان منصور: لا فيه تعمد هنا والتعمد يستوجب عقوبة
المستشار/ حاتم بجاتو: مين اللي راح والموظف يعلم أو لا يعلم عشان يبقى مشترك أو غير مشترك هذه ليست وظيفة لجنة الانتخابات الرئاسية هذه وظيفة النيابة العامة وهى الأقدر والتي نثق أنها ستقوم بها بمنتهى الدقة كعادتها
حنان منصور: نعود للكلام عن الدستور هل تتوقع أن يتم إنجاز الدستور قبل الانتخابات الرئاسية
المستشار/ حاتم بجاتو: أنا لا أتوقع شئ
حنان منصور: من خلال المشهد العام
المستشار/ حاتم بجاتو: زى ما قلت لحضرتك أنا لا أقرأ المشاهد السياسية الواقع يضعنا أمام الاحتمالين قد ينجز أولا وقد تنتهي الانتخابات الرئاسية أولا الأمران سيان ويمكن حدوثهما هذا رهن بما سيحدث في الواقع ولا أستطيع
حنان منصور: أن تتوقع
المستشار/ حاتم بجاتو: أن أتنبأ ولا أريد أن أتنبأ
حنان منصور: التغيير سريع ، طب في النهاية يا سيادة المستشار بجاتو ماذا تقول للمستبعدين ال10 ماذا تقول لهم
المستشار/ حاتم بجاتو: أقول لهم أن اللجنة القضائية هي لجنة عملت بضمير وبحيدة القضاة أنه ليس هناك ولا يجوز أن يتصور أحد أن هناك أسباب شخصية أو أسباب غير موضوعية أثرت على اتخاذ القرار هذا حكم قضائي أصدره قضاة كبار متجردين من أي شئ إلا إعمال صحيح القانون من وجهة نظرهم وأن اللجنة ليست في خصومة مع أحد ولا ينبغي أن تكون في خصومة مع أحد ولا يفكر أحد أن اللجنة في وقت أو في آخر اللجنة ستكون في خصومة معه ونقول أن كل قرار اتخذته اللجنة لم تراع فيه إلا ضمائرها ولم تراقب فيه إلا المولى عز وجل
حنان منصور: طيب ده للمستبعدين ال10 في عجالة شديدة جدا تقول إيه للناس اللي بيسمعونا دلوقتى
المستشار/ حاتم بجاتو: أقول أن هذه لجنة آلت على نفسها من اللحظة الأولى أن تبذل أقصى جهد ممكن وأن تقدم لمصر بذرة واحدة من أنزه الانتخابات التي شهدتها أعتقد أننا سنبذل أقصى جهد وإذا حدث تقصير فهذا مرجوعه أنه عمل بشرى وجهد البشر مهما فعلوا قاصر والكمال لله وحده
حنان منصور: الكمال لله وحده ، سيادة القانون هي الصوت الأعلى في مصر الآن وده بيدينا أمل بنشكر شكرا جزيلا سيادة المستشار بجاتو الأمين العام للجنة الانتخابات الرئاسية شكرا جزيلا على هذا الحوار الصريح ، نشكركم سيداتي سادتي تنتهي هذه الحلقة من اتجاهات الأربعاء القادم موعدنا إن شاء الله إلى اللقاء