الاربعاء*7/3/2012 أشرف عبد الحليم:أهلا بكم في برنامج مساحة لرأي بنحاول من خلال برنامج مساحة للرأي إننا نعرض كل الآراء دونما تحيزأو تمييزالحقيقة كل الآراء في الصحف الصادرة في هذا اليوم بتتناول قضية اختياررئيس توافقي في مصرهذا الطرح ظهر مؤخرا على الساحة السياسية مع الإعلان عن فتح باب الترشيح لمنصب الرئيس ببعد 20 يوم من الآن كل الآراء تعددت وأجمعت على رفض هذه الفكرة واعتبارها درجة على طريق الديمقراطية بعد الثورة البعض رأى أن اختيار الرأي القادم بعد التوافق هو نوع من لتأمرعلى إرادة الشعب وإذا كان التوافق مطلوب حول الدستورفانه مرفوض في شان اختيارالرئيس إذا جاء الاتفاق والتوافق بين التيارات السياسية على شخص الرئيس فاتنها تكون قد شاركت في المؤامرة على وأد الديمقراطية في مهدها قضية الرئيس التوافقي نتناولها في حلقة اليوم مع الكاتبة الصحفية الأستاذة نورا راشد أهلا وسهلا بيكي ليه تظهر في التوقيت دا فكرة الرئيس التوافقي رغم عدم وجود اختلاف على اي شخص يرى في نفسه القدرة على الترشح للرياسة أ/نورا راشد:ماهو دا بعد طلب الشعب والجماهير بعد سيادة الرئيس حسني مبارك جت بعد كده تكررالاستمدادات والطلبات والتشتيت بين بعض التيارات وطرح بعض الأفكار وبعض لااراء اللي احنا مش عارفين ليها سبب لما يكون هناك رئيس توافقي طيب ماكان اتعمل من الأول بعد السيد الرئيس ماذهب وتخلى عن الحكم ودا كان هيوفر علينا مشاكل كتيرة جدا ولكن الساحة السياسية أو القادة السياسيين محسبوهاش صح أشرف عبد الحليم: حتى الفترة اللي باقية فترة بسيطة أ/نورا راشد:وبعدين النهارده الشعب أزاح النظام وأزاح الرئيس يبقى الشعب هو اللي يجيب الرئيس أشرف عبد الحليم: طيب ليه بقى التجاهل لرغبات المصريين والسعي لسلب إرادته أ/نورا راشد: هو دا التشويش دلوقتى عندي تشويش واستفزاز وتحرش بمصر من جميع الاتجاهات عندي تحرش استفزازي وإحباط بعض الآراء اللي هي مستنيرة وإحباط بعض الاقلامك اللي هي النهارده اقلام سوية وأقلام غير سوية وحضرتك تذكره بعد السادات لما اغتيل كان حصل إرباك سياسي على الساحة ساعتها واتلم الموضوع ساعتها عشان كان فيه نائب اللي هو برضه ما ادركش انه يحمي مصر ولا حمى نفسه يعني كمية الغرور هو والحاشية حواليه انه تخيلوا انه محدش يقدر يكسرهم ودا خلاهم يقعوا في الحفرة دى فانا النهارده على أساس أن إنا اطرح فكرة رئيس توافقي دا لحد معين أو تيار معين عايز يدخل ويكمل فكرته مهما حدث أشرف عبد الحليم:انا استاذنك إني اطلع نشوف التقريب اللي جاي على أهم ماتناولته الصحف فاصل (تقرير عن أهم ماتناولته الصحف ) عن المشهد السياسي الراهن يقول محمد غنيم : هذا زمن يشك فيه الكل في نيات الكل ، شباب الثورة يشكون في الحكومة والبرلمان والليبراليون يشكون في الإخوان وهم بدورهم يشكون في العلمانيين والمرشحون المحتملون للرئاسة يشكون في بعضهم بعضا إما احمد رزق في الوفد يقول الرأي التوافقي طرح جديد تم تدشينه وكأن البلاد يسودها حالة وفاق ووئام تستلزم مرشحا وحيدا كي تستمر المسيرة وبدلا من انتخاب المرشح يتم الاستفتاء عليه وفي الشروق يصف المعتز بالله عبد الفتاح الريس القادم بأنه المؤسس لدولة مابعد الثورة والرائد في التزامه بالقانون والدستوروبشكة قلم في فيتو يقول عبد القادر شهيب " على مدار عام مضى كان لمصريون اختراعات سياسية كثيرة ومن هذه الاختراعات المرشح المحتمل وأخيرا فكرة المرشح التوافقي وفي صباح الحرية في الجمهورية يرى سعد سليم أن اتفاق القوى السياسية على مرشح يساندونه يضمن لهم الاستحواذ على المنصب وهذا مرفوض جملة وتفصيلا نص كلمة لأخمد رجب يوضح فيها أن الاتفاق على رئيس توافقي رده ديمقراطية فالحاكم من ألوف السنين يفرض على المصري فرضا وعندما جاءت الحرية التفوا حولها ببدعة اسمها التوافقي ولان الرئيس القادم سيكون في مهمة بناء مصر سياسيا واقتصاديا يقول دكتورزكي البحيري في الدستور " يجب أن يأتي الرئيس القادم عبر انتخابات حرة مباشرة تعكس صوت الجماهير" في روزاليوسف يقول حماد عبد الله معظم المتقدمين للرئاسة تتشابه برامجهم وتتفق في قدرتهم على إنقاذ البلاد من أزمتها الاقتصادية رغم أن بعضهم تولى مناصب وزارية وفشل في إدارتها في الماضي وعلى الطريق يقول محمد فؤاد في المساء" اختيار رئيس توافقي إهانة للشعب وضربة للديمقراطية وإخلال بتكافؤ الفرص بين المرشحين أقول لكم إبراهيم منصور" هناك حالة ارتباك في انتخابات الرئاسة أو أن يكون هناك مؤامرة وإطراف تلعب لأنها لا تريد الانتخابات ديمقراطية باختيار شعبي في "رأي" الأهرام المسائي" ربما تكون توقيتات نقل السلطة للمدنيين كافية لتحديد نهاية الفترة الانتقالية وذلك يعني انتهاء حم المجلس العسكري وحكومته شئون البلاد فاصل أشرف عبد الحليم:أهلا بحضراتكم من جديد يمكن يا أستاذة نورا تابعتي معايا كتبات كتابنا اللي اجمعوا على أن فكرة رئيس توافقي هو عبارة عن إهانة ورده ومؤامرة لكن لماذا جاء أ/نورا راشد:هما عايزين يعملوا زى اليمن لكن المفروض دا يتعمل من لا أول كان هيبقى شيك قوي وأم الدماء اللي عمالة تسيل من الشباب ولكن هما بيرموا كروت كنير ماهما عمالين يرموا كروت وشكوك وتخوين وإرهاصات حاجات فظيعة جدا حتى أنا مظلومة جدا من مجلس الشعب يعني انت النهارده المفروض انك تمثل الشعب المفروض انك تكون راقي ومهذب جدا انت بتمثل الناس كلها لكن بعض النواب أنا كأني مش في مجلس أنا في مدرسة المشاغبين يعني مش ممكن لا عندهم وعي ولا بيقرا يقولك إقالة النائب العام طيب يا سيادة النائب انت النهارده قريت في القانون عشان تقول انت عاوز تخلي الأرض سما والسما ارض مش عشان دخلت البرلمان بقيتوا انتم المفكرين ودا الخوف انه هما يقولوا أن كلنا مؤيدين لرئيس توافقي من داخل المجلس ودي تبقى الكارثة أشرف عبد الحليم:بس هي الأغلبية مش مؤيدة الحقيقة أ/نورا راشد: التأييد برضه هييجي ازاى؟ هل الشهب هيبتدي يعمل ثورة انت من ساعة ماجيت يا مجلس وانت في لاضطرابات فيه دايما توتر ليه أنا المفروض أن أنا حطيت أول سلمة المفروض انه يبقى فيه هدوء وازاي اسمح انه يبقى فيه نبذ ولمز للأعمدة السياسية يعني أنا النهارده عندي أعمدة في العراق باظ الجيش بتاعها وسوريا باظ احنا كمان عايزين الأمن الداخلي والجيش اللي هو عمودنا بفكره وثقافته النهارده ما يفرقش سين ولا ميم المهم أن أنا أعيش مستقرة وآمنة الله نزل على ستاير الكعبة "لإيلاف قريش* إيلافهم* رحلة الشتاء والصيف* فليعبدوا رب هذا البيت *الذي أطعمهم من جوع وآمنهم من خوف" صدق الله العظيم فانا النهارده المفروض أن انتوا بتقدموا صورة للناس اللي انتخبوكم فين رغيف العيش عمال تفكر في الرئيس مبارك اكتر من اللازم خلاص فترة مبارك دى انتهت خليني أبص للبناء أشرف عبد الحليم:تفتكري يا أستاذة نورا أن فكرة الرئيس التوافقي ممكن تخلي عند المواطن المصري شك وريبة في الانتخابات القادمة أ/نورا راشد: مفيش شك طبعا ماهو دجا لاخوف انه ببرمي الكارت دا ليه؟ يقوموا يشوفوا رد الفعل لإنه هما في دماغهم يخيل لهم انه بعض لأناس اللي ما بيحبوش مصر انه كل واحد عايز يمسك مصر ياجماعة حبوها هتحبكم يعني انت لو حبيت الشئ من قلبك هتحس بالخيانة أو بالغش واللي بيحصل دا إرباك سياسي في الحياة الاجتماعية السياسية وأنا عندي توتر في العلاقات العربية والاروربية وبعدين كل يوم افجر بالونة وبعدين دلوقتى عندك حاجة مصيبة جدا عنصر المفاجأة الأمن الوقائي لازم يخلي باله دلوقتى الأفاعي اللي عمالة تزحف بأفكارها على دماغ ولادي في المدارس والجامعات بتشويه صورة مصر وجيش مصر دا لازم تدرسوه جامد جدا من خلال الإعلام لما ألاقي وأنا جاية أطفال طالعة باليفط وكاتبة "احنا مش فرافير الاستفزاز المستمر عشان يوصلوا لهدف معين مفيش حساب ربنا هيحاسبكم عليه والله ربنا هيحاسب الناس اللي بتشوه الفكر وبتشوه البناء أنا النهارده بقدم إيه للشباب بقدم إيه ابني بدل ما يجي مرهق من المدرسة عايز ياكل وينام يطلع لي في الشوارع برة على كل أم تنتبه وعلى كل أب ينتبه وعلى كل مدرسة أنا ببعت رسالة للسيد وزير التربية والتعليم الدروس المستفيدة لولادي اللي هي التربية القومية اللي هي في حب مصر دا من اجل أحس أن أنا غرست بذور طيبة وليس بذور مسممة أشرف عبد الحليم:جريدة الأخبار الأستاذ احمد رجب قال أن ده رده على الديمقراطية كيف تكون رده على الديمقراطية أ/نورا راشد: تمام يعني احنا عملنا قمة الديمقراطية تونس النهارده لمت نفسها عشان قالت البلد مش هبص لرئيس سرق وعمل دى خليها سرق وعمل دا أخليها آخر حاجة يعني لو حج عزيز عندك توفى بتشوف ولادك والبيت ونمشي عجلة الإنتاج النهارده فيه أولويات المفروض الحكومة تاخدها اللي هي العيش كل ما الحاكم بعد عن الشعب سقطت هويته النهارده الأستاذ الكاتب الكبير احنا عندنا مساحة للديمقراطية احنا مشينا الحزب الوطني كان فيه زمان الاتحاد الاشتراكي وبعدين طلع الحزب الوطني دلوقتى عندنا كمية أحزاب وائتلافات طب ليه كل دا وكمية سلفيين وإخوان ليه كل دا وابتدت الأول بالفتن الطائفية ومسيحيين ومسلمين بعد كده دخلت على النبذ عشان استفزك وبعدين بنشمت فينا الناس بقى احنا الدول الأوربية هي تبقى مستقرة واحنا متوترين دا عاجب السلفيين والإخوان بتنزعوا منا هويتنا السلفيين دورهم النهارده التقويم الديني وأنا النهارده كلنا متدينين وكلنا كل واحد مش هيقول علاقته بربنا إيه لكن أنا النهارده بيتشكك في الإخوان والسلف6يين والمسيحيين والمجلس والحكومة طيب انت ازاى تعيش وانت شاكك في بيتك تبقى انت مريض لان أنا النهارده لما ربنا يدينا مساحة من الديمقراطية والناس دى سامعة شتيمتها وساكتة دا مش ضعف دا قمة القوة لان أنا مش هدك هدفك لا احنا دلوقتى زى مازحنا رئيس في 18 يوم قال مشي الراجل في 18 يوم المجلس قاله ما تطولش اكتر من كده عشان الوضع النهارده بقى نجيب رئيس باختيارنا ونهدى عشان نعرف نختاره صح وانت ايش عرفك أن الناس تاني يوم يضربوه بالطوب أشرف عبد الحليم:فيه مرشحين للرياسة واغلبهم تقريبا رفضوا فكرة الرئيس التوافقي هل دا معناه أن مرشحي الرياسة على دراية أن هناك مرشحين جدد ربما يكونوا فرسان في سباق الانتخابات القادمة أ/نورا راشد:شوف عني انتا أنا مرتحتش لواحد فيهم لان أنا كلمت بعض منهم كان مشغول وطاير لآني عايزة أجسه مقدرش اتكلم عن واحد إلا لما أشوفه يعني أنا النهارده لو عايزة أرشح نفسي لرئيس جمهورية أشوف شارع ارصفه واحد غليان أحط وادي في حضني أشوف مشاكلهم إيه وأقعدهم كده لكن كله عايز الشعبية عايز يجري والناس كلها تسقف له هل واحد منهم طرح مشكلة وراح للبرلمان قاله أنا عايزك تناقش في أول جلسة كمواطن أشرف عبد الحليم:فيه منهم مشترك في المجلس الاستشاري أ/نورا راشد:فين الحنكة والحكمة يوم ماحصل موضوع بورسعيد ما اتلمش حتى سياسيا بدبلوماسية وهو دا موقفك دايما الشوشرة والزحمة ما تخلكش تفكر أشرف عبد الحليم:هل كل الأسماء المطروحة الآن على الساحة ولا غير مقتنعة بيها أ/نورا راشد:لا أنا عاوزة واحد يشدني يخليني انزل وأقول هو دا رئيسي الكاريزما أشرف عبد الحليم:هل دا بيبان دلوقتى ولا عند مرحلة الدعاية أ/نورا راشد:هو بيبان من أول لحظة أو يمكن فيه حد تاني مستخبي وهيطلع من أول لحظة بيتفرج على المشهد ولسه ماظهرش ولد لازم يطلع ولد ابن بلد واحد تحس أن فيه قبول الرياسة ولاسن ما يفرقش معايا المهم الخبرة المهم انك انت تدخل قلبي لو نزلت الرياسة أنا هنتخبك لانك نازل في الشارع هو لازم يكون عندك شهادات ودكتوراه أنا خدت من الدكتوراه إيه من الرتب خدت إيه منها أنا عايزة الغذاء الروحي السياسي أن أنا اقدر انه الشاب دا مرتاح انه اختارني كرئيسة دولة ليه هو دا ودي ربنا بيهب لمن يشاء الملك بتلاقي في سماته كده بتلاقي النهارده أعطاهم الملك ومكانوش بس احنا عايزين حتة الأدب حضرتك تذكر قارون وقاله " اذهب إلى فرعون انه طغى" سيدنا موسى برضه وصفه على انه اشد جدالا وبيجادل ربنا بس شوف ربنا كان رحيم قاله اذهب إلى فرعون انه طغى قاله لا هب لي من هارون أخي فقاله بس قوله قولا لينا يعني عايزين نتعلم اللين في القول يعني انت بتحاكم ما انتش نبي ولا ربنا ماهو برضه دليل التجريح دا انه ضعيف انه عايز يهمش الموجودين وهو اللي كويس؟ يعني انت لما تجرح تبقى مريض مفيش حد عاجبك القضاء مش عاجبك القوات المسلحة مش عاجباك والشرطة دا منظر انه ييجي مجلس البرلمان يعني حتى لو ليك معاتبة دا وزير داخلية مصر لما ييجي رئيس جمهورية هيتعمل فيه إيه لو سعادتك تذكر الولاد كسرت منهم الهيبة راحوا عملوا اقتحام على وزارة الداخلية لما بلاقي واحد أنا بأهينه يبقى مفيش هيبة ليه ما ينفعش لازم يكون فيه إستراتيجية سياسية بين المجلس والحكومة وازاي الطلبات بتاعتها وتشوف الأولويات كمان هي عمالة تجري في حاجات كتيرة جدا انتوا ناسيين أن دى حكومة إنقاذ وطني يعين زى ما تنكون بيتك فيه صدمة زوجة توفت وجايب خالة الولاد تعمل بتعمل اللي هي عارفاه تاكلهم وتنيمهم وتوديهم المدرسة لكن انتوا عاوزين الحكومة دى تعملك إيه ياولادي أنا بكلم ناس مثقفة حتى الطفل اللي في سنة ستة دا عاقل على فكرة أشرف عبد الحليم: يعني حضرتك بتمثلي إحدى المواطنات المصريات اللي خايفين على البلد وهمهم على البلد أستاذة نورا تشوفي خطوط حمرا تتوافر في برنامج الرؤساء القادمين أو المرشحين لمنصب الرئيس بمعنى انه خطوط حمرا لا يجب تعدي هذه الخطوط أ/نورا راشد:لا طبعا مين قال كده دا رئيس دولة عندك سلطة وصلاحية زى التاني ماكان عنده كل الصلاحيات وكان السادات عنده كل الصلاحيات ازاى أكون رئيس دولة ومعنديش صلاحيات أشرف عبد الحليم:يعني إذا تحدثنا عن السياسة الخارجية وهي سياسة الأمن القومي المصري دايما كان يقال إنها خط احمر أ/نورا راشد:لا يافندم بص حضرتك الكلام دا مين اللي قال برضه احنا برضه سامعين دى الدول كلها جاتلنا وكانت بتتحايل علينا وبتتمنى تيجي جنبنا ولما عمل معاهدة السلام السادات طب ماهو اللي عمل كامب ديفيد وسينا النهارده مين اللي حررها مش السادات بقدرته وبتعاون الشعب أشرف عبد الحليم:النهارده لو جينا نقول سيادة القانون خط احمر حرية الصحافة خط احمر حرية الإعلام بشكل عام خط احمر يجوز أن احنا نضع خطوط حمراء أ/نورا راشد:لا طبعا بس فيه احترام أنا أشوف الجو بتاعي إيه يعني أنا في العلام أنا في أيدي اخلي الناس تحبك والناس تكرهك لو أنا إنسانة سوية هعمل بما يرضي الله لو أنا ليا أغراض معينة هشوه فيك وهجيبلك الناس اللي تشتمك وتهزأك وأنا مبسوط وكسبت شعبية من المشاهدين بالعكس فيه ناس محترمة جدا بتقدر وبتقيم الأداء أشرف عبد الحليم:سؤال اخيرلو كنت رئيسة للجمهورية أول قرار تاخديه أ/نورا راشد أول قرارمش هخلي واحد قاعد في الشارع فقير أشرف عبد الحليم: هتقدري أ/نورا راشد: اه هقدر أن شاء الله وبالتعاون العربي المشترك والأوربي ليه بقى لآني أنا هروح عند عدوي واسلم عليه ومخليش حد عدوي أهم حاجة إني ما اخليش حد عدوي الحب هو أساس مفتاح الفرج الحب والسلام أشرف عبد الحليم:والسياسة ممكن يكون فيها الحب دا أ/نورا راشد:لازم نعمله ونتدرب عليه أشرف عبد الحليم: شكرا للكاتبة الصحفية الأستاذة نورا راشد كنت ضيفة عزيزة علينا وشكرا لحضراتكم وغدا لقاء جديد ومساحة للرأي إلى اللقاء
