اتجاهات

السبت/19-11-2011
محمد موافى :سلام من الله عليكم ورحمتة وبركاته * فى المنطقة عموما فيها احداث زى اللى بتحصل بس باختلاف يعنى مكنتش الثورات كان فى انقلابات كان فى تحركات ساعتها بيرم التونسى الله يرحمة قال ياشرق فيك جو منور والفكر ضلام فيك حرارة يا خسارة وبرود اجسام فيك 300 مليون زلمة لكن اخنام لا بالمسيح عرفوا مقامهم ولا بالاسلام بص على مصر وراح قايل لهم يامصرى وانت اللى همنى من دون الكل هزيل ويحسبك الجاهل عيان بالسل من جيل كيوف اللى اتصبر على حمل الذل ونمت والعالم صاحى قوم بس وطل النهارده ليه شاغبت وعمال تشاغب وحابب الفوضى حابب ناس منك كثير قوى الفوضى فى الوقت اللى العالم حتى اللى عملوا الثورات بدأوا فى تنظيم انفسهم ماذا حدث للمصريين لماذا تغيرت الصورة لماذا هذا المشهد الملتهب اليوم نحن على ابواب انتخابات تشريعية ربما هى الاكثر اهمية فى تاريخ مصر واليوم ايضا المشهد مشوه من جنوب مصر لشمالها من اسوان الى الاقصر من اسوان واحد مراكبى اتقتل على ايد الشرطة زى اتقال رجعنا تانى للاعتداء على مدريات الامن وعلى المقار الشرطية ننزل الاقصر واحد اسمة الحمبولى يعنى عامل فيها روبن هود وبيوقف عربيات ويقطع طريق لدرجة انه وقف عربية مليانة سجاير اجنبية وراح مفرقها على الناس علشان الناس تنبسط بفرق 3 جنية عن سعر السوق لسوهاج علية قبيلة فين اخلاق العرب محاصرة قبيلة وفى صواريخ محمولة على الكتف ايه ده احنا فى مصر والا فى انى حتة والمانيا وحوادث خطف كفر الشيخ وخناقات على سوق دمياط يعنى خلصنا من اجركون طلع لنا مبوكو دلوقتى المصنع وقف لأ المصنع يتهد ربما كلها يعنى تكون كلها مطالب بعضها مشروع وبعضها غير مشروع لكن ماذا حدث ويحدث هو بالتاكيد ليس نتيجة للثورة ولكنها حالة اصبحت تحتاج الى التفسير هل الثورة اخرجت افضل ما فينا وكشفت عن افضل مافينا كما هى ايضا كشفت عن بعض ما اسوأما فينا كما يردد البعض حلقة الليلة محاولة لتشخيص ورصد المتغيرات اللى طرات على الشخصية المصرية ومشهد العنف الحالى وطبعا اثرة على انتخابات البرلمانية اللى يارب تعدى وتم على خير حلقة الليلة محاولة لتشخيص ورصد هذه المتغيرات التى طرأت على الشخصية المصرية ارجوكم ابقوا معنا ..
فاصل
مواطن : دايما المصرى متهان فى كل حاجة فى بلدة وبره بلدة هنعمل ايه
مواطن :اى سلوك بشرى له مبرراتة وهو ان العنف الاقتصادى والحالة التى يعيشها المواطن والفروق الطبقية بين المواطنين هى التى تخلق من الانسان سلوكا عدوانيا للاخر
مواطن :لضيق ذات اليد برضه ماثر يبقى دخل الموطن ما بيكفيش اللى هو مطلوب منه هنعمل ايه
مواطن :الناس بكل اللى بتعمله ده هى عايزة تاكل عايزة تشرب عايزة حياة كريمة لما واحد يطلع ده سبب العصبية مفيش استقرار مفيش امان حضرتك خالص اساسا
مواطن : العيب مش فى الغلط العيب ان انا اعرف غلطى وما اصلحوش فا الثلاثين سنة دول واخد بالك معظم المناطق العشوائية بالذات ذائد 30 سنة شايفين قحط شايفين مرار
مواطن : فا كل الضغوط الموجوده دلوقت والعصيبية اللى موجود فيها البنى ادم والشعب المصرى اللى هو كان زاى مضحوك علية كل السنين اللى فاتت دى وازاى يعرف حقة فبقى دايما متوتر ودايماعصبى
مواطن : شئ طبيعى ان بعد الثورة فى عهد جديد بدأ فى قلق وخوف على مستقبل الناس يعنى هو مستقبل مصر بس هو بيتمثل فى مستقبل الناس او المواطنين كل واحد بيسال نفس السؤال اللى هو التقليدى ما بعد الثورة احنا رايحين على فين
مواطن : كل حاجة بيعملوها بيتحججوا بالثورة فكل واحد يجى يخرب ويعمل ويقول لك ده ماشى فى البلد انا تبع الثورة انا تبع الشبا ب وكده وعايزين نتغير وبتاع فكلة واخد الدنيا بالدراع وانزل واتعامل ومفيش حاجة
فاصل
محمد موافى :اهلا بحضراتكوا مرة ثانية شفنا التقرير وشفنا كلام بعض من حضراتكوا نبدا بمناقشة ايه اللى حصل فى الشخصية المصرية ايه اللى حصل فى سلوك الشخصية وفى السلوك الامنى وايه تاثيرة على الانتخابات القادمة انا بارحب بضيوفى وبضيوف حضراتكوا النهارده د/ احمد جمال ماضى ابوالعزايم
الرئيس السابق للاتحاد العالمى للصحة اهلا يادكتور
د/ جمال ماضى :اهلا بيك
محمد موافى :واللواء دكتورايهاب يوسف رئيس جمعية الشرطة والشعب اهلا يا افندم
اللواء/ ايهاب يوسف : اهلا بيك
محمد موافى :دكتور جمال ابو العزايم يعنى انا عايز ابدأ فى ناس بتقول ان هذه الثورة كما اظهرت افضل ما فينا وشفنا الصورة الرائعة على مدار18 يوم وفيما بعدها ربما لحد الاستفتاء هى ايضا اظهرت اسوأ ما فينا انا هقول السؤال بطريقة ثانية ايه اللى حصل فى الشخصية المصرية وهل هى دى حقيقتنا انا مش عارف
د/ احمد جمال ماضى ابو العزايم : بسم الله الرحمن الرحيم اولاطبعا الحمد لله هذا الشعب من الشعوب الاصيلة الذى يكتسب او اكتسب ثقافات عديدة فداخل كل انسان مصرى فى ثقافة بنسميها تراكمية عبر الاجيال فعنده الحكمة الضخمة ويمكن فى كثير من الاحيان كنا نسأل كاطباء نفسيين من اول مثلا متولد هو الشعب المصرى ده هيثور امتى من الثمنينات ولكن الشعب المصرى عنده القدرة ان هو يتعامل مع الازمات ويتعايش معها ويفكر ويعيش وهو حاطت فى دماغة انه فى حد ادنى من المصالح المشتركة نوقت الصعوبات الى انه اصبحت المصالح المشتركة الة الثورة وسبب رئيسى لنجاح الثورة نوكلة الى القيادة هل هناك استقلالية كاملة داخل كل واحد داخل على ميدان التحرير
محمد موافى :دى نقطة نثيرها بعد كدة ربما يكون ده السبب فى النجاح والسبب الرئيسى ايضا فى التعثر الان لكن خلينا نكمل
د/ احمد جمال ماضى ابو العزايم : هو السبب الرئيسى كان الاستقلالية كل واحد فى الداخل مصلحة هامة مصلحة مصراصبحت فى وضع حرج لازم يحصل التغيير بالاضافة الى انه كان فى اختلاف فى وجهات النظر كانت كل النخب السياسية العاقائدية وكل التخصصات موجوده فى الميدان وعندما يتم تبادل الافكار والاتفاق عليها فكان هناك فترات طويلة للاستماع او هناك فترات طويلة للنقاش على كيف يمكن انجاح هذه الثورة
محمد موافى :وعدت الفترات ونجحت لكن ايه اللى حصل
د/ احمد جمال ماضى ابو العزايم : المشكلة انه كان الشعب المصرى لم يكن له قيادات موجودة يعنى نحاج الثورة لم يكن له قياده كقيادة لية لان كان هدف مشترك صفاء هدف واحد لكن الانظمة السابقة نجحت فى انها تلغى القيادات المحلية يعنى لغاية انه حتى الجمعيات النهارده اقل دول ا لعالم فيها جمعيات مصرلكن كان بيتم تحطيم فى ظهور اى قيادات فا صبحت اى وزارات مفيش فيها اى قيادات كان الوزير معاه مجموعة مستشارين وتحت كده مفيش الشعب القيادات المجتمعية اى قيادة مجتمعية تظهر تبقى مشكلة ما يقدرش يخش انتخابات فابتدت تظهر مساؤى التراكم وتملى الاراء على القيادات وظهر فى بديل لها التجمعات اللى لها مصالح والمصلحة الشخصية بتعتها لا يعلى عليها رغم انه كان محتاجة لان تكون مصلحة مصر اولا انها تنظم من تحت لفوق هرميا
محمد موافى :دكتور ا ستسمحك هنقف عند النقطة دى دقيقتين ونرجع تانى برضه ايه اللى حصل لان حضرتك فتحت اكثر من نقطة فى سبب تغيير المشهد دلوقتى لكن دكتور ايها ب يعنى من وجهة نظررجل الامن رجل امن متخصص له دراسا علمية ايه اللى اتغير فى الشخصية المصرية اللى شفناها فى المشهد الرائع ايام الثورة وحتى الان
اللواء/ ايهاب يوسف : المواطن المصرى شانة شان اى مواطن فى العالم ان هو بيتميز بمجموعه من الخواص الحميدة اللى يمكن دكتورأفضل منى فى تقيمها لكن هو فى الاخر شخص لا يقبل يميل للعمل تحت قيود وبالتالى المواكن عشان كده فى اى حتة فى العالم تلاقى الشرطة مكروهة لان الشرطة هى اللى بتفرض القيود او بتنفذ القيود على المواطن فالمواطن المصرى لما قدر ينجح ببراعة فى الثورة المصرية وحقق الناجاحات الكبيرة وتنحى الرئيس السابق ووو فقد الرؤية فى الهدف بعد كده وبقيت الضبابية فى الرؤية بالنسبة له هو يتصرف ازاى ولكن اللى حصل ان فى الوقت ده الشرطة كانت انهارت وبالتالى اصبح من ينفذ القانون فى الدولة غير موجود فاصبح المواطن بيعود لطبعة اللى هو انا اسف اذا كنت باشببه ممكن د/ يصلح لى بالاحساس بالانطلاق والحرية الاحدودية فا بيتصرف على ان مفيش حد بيقولة لأ اواه ان مفيش حد هنا فعلا فى الوقت الحالى قادر ان هو ينفذ القانون بالقوة وبالتالى يمكن حس مفيش قيد علية من لم يكن من نفسة رادع
ابتدأ هيعمل اللى هو عايزة وهيتحرك بطريقة عشوائية
محمد موافى :احنا اتكلما لما الناس هاجمت الشرطة فى النهاية قالوا ان الشرطة رجعت ورجعت بكامل قوتها وحصل دعم القوات المسلحة فا من المفترض لو فى رادع
اللواء/ ايهاب يوسف : لو هنقيم الوضع الامنى الوضع الامنى فى مصر لسة مش على المستوى المطلوب ونتمنى ان هويكون افضل وطبعا فى مرحلة الانتخابات محتادة رؤية اوسع كثير انا يعنى لو هنتكلم فى الموضوع اوسع اكثر باستفاضة لسة الامن ما ستعضش عفيتة ويمكن لسة فى شق نفسى مهم جدا فى عدم استعادة الامن لعفيتة وهى احساس الشرطى بهل هو بيقدم رسالة الى الوطن وبالتالى يقدر يشتغل فول تم قتلة هيبقى شهيد والا هو لا يشعر بالعزة فى العمل الذى يقوم به ومن ثم يؤدى العمل يؤدى عملا سلبيا بالتواجد وخلاص وده خطير جدا لان وجود الشرطى فى الشارع بدون تادية العمل بايجابية بيخلينا نبقى احنا
محمد موافى :دكتور دكتور حضرتك بتقول ان من ضمن الاسباب اوالسبب الرئيسى اللى حضرتك شيفة ان ليس هناك رادع حازم او منفذ ونفاذ للقانون
اللواء/ ايهاب يوسف : هناك سلطة لانفاذ القانون ودكتور
محمد موافى :دكتورجمال حضرتك بتقول ان المسالة ان مفيش كبير مفيش قيادات واضحة طب خلينا نكمل هل عدم وجود قيادات واضحة انا افهم ان هى تدفع الناس الى الفوضى الى مطالب غير سليمة الى وقفات احتجاجية زائد المطالب الفئوية لكن ما افهمش ان هى تعمل كل هذا السلوك الامنى يعنى فى اسوان فى الاقصر فى كفر الشيخ فى دمياط يعنى انا برضه ما افهمش
د/ احمد جمال ماضى ابو العزايم : خلينا نراجع الموقف من فى مصر يبحث ا لظواهر الاجتماعية السياسية الخطيرة مفيش جهاز لا توجد لدينا حتى الان
محمد موافى :احنا عندنا مراكز بحث كثيرة يا دكتور
د/ احمد جمال ماضى ابو العزايم : معندنا مركز بحث للصراعات .. كل حتة فى العالم عندنا مركز قومى للصراعات وبحث الصراعات هقول لك حاجة المخابرات المصرية اول اكبر من انشا مركز لحل الصراعات فى مصر
محمد موافى :عندنا مراكز عندنا مركز الاهرام وعندنا
د/ احمد جمال ماضى ابو العزايم : بحثية بحثية ولكن ليست بحث وضع حلول تنفيذ الولايات المتحدة الامريكية لما طلعت فيلم مجموعة من رجال الشرطة ضربوا زنجى موتوة طلع الزنوج دغدغوا الدنيا كلها فطلع ثانى يوم قرار بانشاء المجلس القومى الامريكى لحل الصراعات واول بيان اصدرة ان يقف الزنوج والبيض واقفين ماسكين ايديهم فى ايدى بعض يعنى قيم طلع قرار تنفيذى نفذه عمل خفض للتوتر رجع الحقوق للزنوج واصبحت لازم يكون هناك جهاز بحثى تنفيذى احنا عندنا فى كل موقع فى مصر اجهزة بحثية غير تنفيذية ولا تراجع تنفيذ الحاجات اللى عملتها يعنى تنز تعمل بحث تحتة فى الدرج
محمد موافى :الموقف الراهن معرفش
د/ احمد جمال ماضى ابو العزايم : ده فلول يعنى دايما بنبحث عن تبرير نبحث عن حلول لواقف حاصلة خلى بال سياتك انه نتيجة للانفلات الامنى اصعب انفلات امنى حصل هو انتشار المخدرات فى كل مكان ودون اى خطوات احناعندنا عدة جهات مسئولة عن قضية مكافحة المخدرات اول حاجة التعديات اللى حصلت فى وزارة الصحة ان الوزرات السابقة الغت الادارة العامة لعلاج الادمان فى وزارة الصحة ماتعرفش ا زاى يعنى
محمد موافى :بس ده مصلحة ليكوا يا دكتور يعنى
د/ احمد جمال ماضى ابو العزايم : يعن مصلحة ازاى يعنى احنا فى مشكلة دلوقتى
محمد موافى :يعنى مصلحة شخصية يعنى
د/ احمد جمال ماضى ابو العزايم : بالعكس هذه الادارةالعامة هى الادارة اللى كانت مخولة للتعامل مع الجهات الاجنبية
محمد موافى :طب خلينا
د/ احمد جمال ماضى ابو العزايم : لان الجريمة النهارده تنادورى يعنى امشى فى الشارع الموضوع فى كل حته ياخذ برشام يضرب ياخذ حقة بايدية له فلوس عند حد يخطفة يحطة فى شقة يمضية غصب عنه اين التوجة واحنا اول حاجة عملناها 26 يونية بعد الثورة فى اول يوم عالمي لمكافحة المخدرات علمنا لقاء كبير مع الجهاز المركزى للتعبئة والاحصاء مع سيادة اللواء الجندى قلنا الثورة على المخدرات الدولة يجب ان تهتم بسرعة بانحصار المخدرات وعلاج الشباب وضرورة تغيير القرار بتاع الالغاء
محمد موافى :دكتور يعنى بينت سبب مهم
د/ احمد جمال ماضى ابو العزايم : جزء من المشكلة
محمد موافى :جزء وسبب مهم طب حتت الانفلات الامنى اللى حضرتك ترجع اسباب منها للمخدرات والترامادول والانتشار المريب دوت هذا الانفلات الامنى لو رحت للدكتور ايها ب .. الانفلات الامنى ده هل هو تقصير من الشرطة هل هو ترخى من الشرطة ام هل او ان الموقف الان اصبح اكبر من قوة الشرطة بشكلها الحالى
اللواء/ ايهاب يوسف : لأ انا اتخيل ان الشرطة المصرية على كفاءة عالية جدا بالرغم من انتقادات كثير بتتوجة ليها ولكن الشرطة المصرية ولو اتكلمنا بموضوعية جدا هنلاقى ان نسب التجاوزرات مكنتش بصورة مرعبة زى ما فى بعض التقارير قالت وهى فى الاخر شرطة مؤسسية لها قدرات وخبرات لا يستهان بها وانا اعتقد ان هما قادرين على اعادة الامن بصورة اوفى وقت سريع
محمد موافى :دكتوربنسمع عن حوادث حوادث خطف فى المانيا
اللواء/ ايهاب يوسف : انا مع حضرتك الوضع الامنى انا متاكد ان هو سئ جدا وفى خوف من المرحلة اللى جاية خوف عالى خصوصا مع الظروف الاقتصادية اللى مصربتمر بيها ولكن قدرة الجهازالامنى على مصر سيطرتة بالقانون على الربوع المصرية وتحرير الامن فيها انا متاكد ان هو قادر على تنفيذ ده ولكن ينقصة بعض الحاجات الهامة جدا اولا استراتيجية جديدة لوزارة الداخلية لان احنا ما ينفعش نشتغل باستراتيجية 24 يناير 2011
الناس مش متقبلة الشرطة 24 يناير معدش فى جهاز امنى فى الدولة معدش فى الهيبة بتاعت الشرطة وبالتالى احنا محتاجين معادلة جديده مطالبنا كثير بان يصاغ عقد امنى جديد بين المواطن والشرطة العقد الامنى الجديد ده لازم يصحبة اعتذار علشان الحته اللى كانت تفضل البيض والسود يحطوا ايديهم فى ايد بعض ده ينفع فى امريكا للظروف الواقعة هنا فى مصر لازم يحصل توافق على اللى حصل اثناء الثورة وما قبلها الشئ الثانى المهم جدا يجب ان يستعيد الشرطى احساسة بهيبتة وبمكانتة فى المجتمع
د/ احمد جمال ماضى ابو العزايم : انا عايز كلمة الهيبة
محمد موافى :اللى بدل
د/ احمد جمال ماضى ابو العزايم : ان الناس تحس بالاحترام لهذا الانسان لان الهيبة دى مفهوم قوة احنا مش عايزين قوة
محمد موافى :بس هو يادكتور حضرتك غيرت لنا الموضوع بس هو فعلا فى النهاية لازم يبقى فى هيبة يعنى لو مفيش هيبة
د/ احمد جمال ماضى ابو العزايم : هيبة انفاذ القانون
محمد موافى :ماهوكل الناس هتحترم هتحترم فى واحد هيخاف ما يختشيش يعنى المثل بيقول لنا كده يا دكتور
د/ احمد جمال ماضى ابو العزايم : اهو النهارده بقت المشكلة ان هو ما بيقدرش يتكلم مع حد يعنى مبقاش فرض احترام احنا عايزين الشرطة تفرض احترامها بانها تلبى احتياجات الناس والتعامل بتعها مع الناس تعامل حازم وعلى اعلى درجة من درجات الامانة والاخلاص ده مكنش موجود قبل كدة
محمد موافى :طب حضرتك دكتور ايهاب شايف ده لانه يستلزم استراتيجية جديده فى فكر الشرطة ايه راى حضرتك فى الكلام ده
د/ احمد جمال ماضى ابو العزايم : طبعا لاشك احنا النهارده بنشوف فى الافلام مثلا بتيجى المامور يقولة تعالى يا فلان انت تمسك لبسة الشارة انزل اشتغل معانا فى الشرطة طب احنا كل الكوادر بتاعت الفرق الشعبية اللى حصلت فى اثناء الانفلات الامنى
محمد موافى :الفرق الشعبية
د/ احمد جمال ماضى ابو العزايم : اذا لم تعين فى الاقسام بتعتها كمجموعة طورائ مجموعة حماية مجموعة توعية يعنى الناس دى موجودة ملهاش عمل حتى الان ليه النهارده القوات المسلحة بتفتح باب التطوع للجهود لية الشرطة ما تفتحش باب التطوع للشباب للعمل وسطاء
محمد موافى :طب نسمع بقية الاستراتيجية
اللواء/ ايهاب يوسف: انا مش عايز اناقش استرايجية لوزارة الداخلية لان فى ناس كثير قوى ناقشت استراتجيات وده ممكن يكون فى اجحاف من حق الخبراء الموجودين فى الامن انا باعتبرنفسى بافهم فى الامن مش عايز املى على حد حاجة لازم نسلط الضوء الى ان وزارة الداخلية لها استراتيجية جديدة الفيصل هو بناء عقد امنى جديد بين الشرطة وبين المواطن .. يتفق فية على الحدود والمسئوليات ايه صلاحياتك يا شرطة واية حدود مسئولياتك يا شرطة وبالتالى ما نلقيش ان واحد بيوقف واحد فى الشارع علشان يضبطة لانه بيرتكب جريمة او بيستوقفة الرخصة او او او والمواطن العادى يحتشد ضد الشرطى لان هو عندة انطباع ان الشرطى ده بينفذ حاجة غير مشروعة فلازم يحصل تصالح عن الفترة السابقة استراتيجية بتحدد الايجابيات والسلبيات والمسئوليات فى المرحلة اللى جاية ومن هنا يبتدى الشرطى سواء اعتبرناها هيبة او اعتبرناها احترام اواعتبرناها اى ان كان الهدف منها فى الاخر اه هو هينفذ ماعلية من التزامات تجاه المجتمع الذى يدفع له راتبة وبالتالى لو المجتمع اعترض على اى حاجة الشرطى بيعملها هو هيقف يقول له لآ انا باخذ راتب فى مقابل ده
محمد موافى :هل وقت تنفيذ عقد اجتماعى جديد وا لا الكلام ده مفروض بعد الحسابات البرلمانية والانتخابات الرياسية لما البلد يبان لها صاحب زى ما بيقولوا يعنى التعامل مع الوضع ده
اللواء/ ايهاب يوسف: تمام الوضع مش عاوز ابدو متشائم اكثر من اللازم ولكن النهارده احنا لوهنخش انتخابات كمان 14 يوم من غير مايكون عندنا شرطة قادرة على انفاذ القانون كلنا هنطمع لوانا نازل ادام سيادتك فى دائرة وانا ليا مؤيدنى وحضرتك لك مؤيدينك وارد جدا ان المؤيدين دول يشتبكوا مع بعض كمية السلاح بقت رهيبة وشفنا اللى حصل فى سوهاج واللى حصل فى دمياط فا لرادع الحكم او الى بيصفر بيقول لأ ده غلط ويحول على النيابة هو الشرطى
محمد موافى :المفروض ان اللى لابس بدلة ميرى
اللواء/ ايهاب يوسف : بالضبط يا افندم ول ده مخدش مكانتة واحنا مش عايزينة يبقى قوى
محمد موافى : ومش هيلحق ياخذ مكانته يا دكتور جما ل يعنى احنا بنتكلم عن 14 يوم او 13 يوم يمكن كما ن على الانتخابات يعنى هل بهذة الصورة من الانفلات السلوكى كما يسمية البعض اوكما يسمية البعض مصر قادرة على انفاذ هذه الانتخابات
د/ احمد جمال ماضى ابو العزايم : هو طبعا احنا دلوقتى شهر 11 يعنى بقلنا 11 شهر فى هذه الازمة مفيش اى افكار بتطلع يعنى 11 شهر مفروض الازمة ديت ان احنا كنا من زمان عملنا لكن هناك 10 ايام انت لو فى حرب ممكن تخلص الحرب وتدافع عن وطنك وتنتصر فيها ما احنا شفناها قبل كدة 10 ايام وقت طويل جدا لكن لازم يبقى فى مجتمع يقعد مع بعضة فى الحكومة كحكومة مطلع ثمنها الشعب محتاجة تاخذ جراة شوية انها توسع دوائر الحوار لان النهارده اطلاق الرقابة على الانتخابات وداخل الانتخابات الجماهير وكان المفروض الوزارة النهارده التفاوض الشرطة
محمد موافى :الحكومة يا دكتور
د/ احمد جمال ماضى ابو العزايم : كمؤسسة
محمد موافى :ده قرار حكومة مش الناس
د/ احمد جمال ماضى ابو العزايم : انت النهارده بتتخانق علشان الناس تقف تانى والمؤسسات يمكن بعض الجرائد ابتدت الفكرة وانطلقت وابتدى الشباب ينظم نفسة انه يقف يعمل حماية
محمد موافى :طب دكتور الحقيقة استاذنكوا بس معايا تليفون د/ اميرة ابو الفتوح الكاتبة المعروفة دكتورة مساء الخير اولا
د/ اميرة ابو الفتوح : اهلا بيكم وبالسادةالضيوف والسادة المشاهدين
محمد موافى :دكتور يمكن ندور عند حضرتك على وجهة نظرمختلفة يعنى هل فى ظل الانفلات الامنى الانفلات السلوكى اى ان كانت التسمية مصر قادرة على على تنفيذ وانفاذ هذه الانتخابات
د/ اميرة ابو الفتوح : والله انا اللى متاكدة منه وعلى يقين ان احنا قادرين على ان تقام الانتخابات فى موعدها وتكون انتخابات برضه انا على ثقة انها بنزهتها ويعنى اشعر ان لا داعى للخوف الشديد اللى متخوفين واللى بيحاولوا البعض يثيروة من خلال الاعلام من خوف بيخوفوا المواطن وبيخوفوا الشعب يعنى انا ثقة ان شعبنا عنده الوعى الكافى
محمد موافى :طب دكتور اسمحى لى حضرتك واشكرك على هذه النظرة لان انا شخصيا شايف الامور برضه افضل يعنى مصر مش بايظة خالص كده
د/ اميرة ابو الفتوح : لأ
محمد موافى :لكن حضرتك فى راس البريا دكتورة صح
د/ اميرة ابو الفتوح : طب هقولك ههه انا باكلمك وانا ايه تحت الحصار محاصرة فى راس البر مش عارفة اجى
محمد موافى :لألأ ازاى بقى
د/ اميرة ابو الفتوح : لكن مع ذلك فانا على ثقة
د/ احمد جمال ماضى ابو العزايم : محاصرة ازاى
محمد موافى :يعنى علشان نحاول نساعد
د/ اميرة ابو الفتوح : انا محاصرة ازاى ان انا ما اقدرش ا خرج من كنت هنا فى العيد باقضى اجازة العيد حصل اغلاق للطرق وبالتالى مفيش مش قادرةارجع القاهرة تانى ومش ا نا بس كلة محاصرين يعنى حتى ما نقدرش نروح دمياط يعنى احنا فى راس البر مااقدرش اروح دمياط
د/ احمد جمال ماضى ابو العزايم : خلاص خليكى يا دكتور الجو هناك
محمد موافى :يعنى حد طايل يقعد فى راس البر
د/ اميرة ابو الفتوح : نعم يا افندم
محمد موافى :يعنى محدش طايل يقعد فى راس البر
د/ اميرة ابو الفتوح : ايوا بريح اعصابى
محمد موافى :طيب برغم المشهد ده حضرتك متفائلة علشان الانتخابات
د/ اميرة ابو الفتوح : متفائلة جدا يعنى بجد يعنى انا عايزة اوصل رسالة ان انا يعنى على ثقة ان الشعب المصرى يحمل كل السمات الشخصية التناقض يعنى شفنا النبل كلة ايام الثورة اللى حصل ان العالم كلة افتخر بالنموذج المصرى بالانسان المصرى وقالوا ان الثورة علمت العالم انا شايفة ان احنا طلعنا فعلا انبل ما فى شخصية الانسان المصرى وبعدين بقى دلوقتى بنطلع الاسوأ لكن ساعة الجد وساعة الانتخابات الحقيقى هيطلع انبل مافى الشخصية المصرية
محمد موافى :يا رب يارب
د/ اميرة ابو الفتوح : المصرية يعنى لكن العنف ده جه كل ده نتيجة طبيعية لان يقولك الكبت يولد الانفجار كبت السنين مش هقول الثلاثين سنة بس الستين سنة اللى فاتت يعنى ما عشناش الحرية اللى هى المفروض الانسان المتحضر والمصرى ده انسان متحضر يعيشها فكل ده حصل الانفلات اللى احنا بنشوفة ده بس ده كلة
محمد موافى :هو دكتور جمال بيهز راسة يظهر موافق حضرتك
د/ اميرة ابو الفتوح : اه حاجات وقتية هتنتهى
محمد موافى :دكتورة اميرة ابو الفتوح المحاصرة الان فى راس البر شكرا جزيلا وتيجى بالسلام انشاء الله دكتور جمال يعنى احنا بقلنا 60 سنة زى ما دكتورة اميرة بتقول حضرتك قلت ان النظام السابق جرف كل الصف الثانى خلاص ما بقاش فية كبير لحد امتى احنا دلوقتى بنتكلم على اسبوعين على الانتخابات بنتكلم على فترة مفروض ان هى صغيرة علشان مصر تتنقل بقى لحد امتى هيفضل مفيش كبير عند الشخصية المصرية اللى كانت مكبوتة
د/ احمد جمال ماضى ابو العزايم : هو يعنى احنا لازم نتيح الفرصة للتجمعات الشبابية انها تشتغل اناكان فى تصورى ان الافضل البداية بالانتخابات المحلية الانتخابات المربعات السكنية الصغيرة اللى الناس عارفة بعضها هيتجمعوا علشان يختاروا من هم الامناء هما بيعرفوهم اللى هيخدموهم فعلا انت النهارده حتى على مستوى الاحياء النهارده بقت اربع خمس احياء ونازلة اعلانات بتاعت ناس حتى مهواش كاتب فى النسب بتاعت الاحزاب هو مين بيشتغل ايه يعنى اعرف انا 10 اتنين ما اعرفهمش
محمد موافى :بس دى مشكلة هو
د/ احمد جمال ماضى ابو العزايم : ما هى النقطة ايه النقطة انه عدم المعرفة هتولد ديمقراطية ناقصة عايزين المرحلة اللى جاية تبقى بسرعة اللى هى الانتخابات المحليات اللى هى بتخدم الانسان فى الواقع بسرعة وبندى فيها حجم اكبر للشباب
محمد موافى :يا دكتور محدش بيدى حد فرصة يعنى اللى عايز ياخذ دور ياخذ دور
د/ احمد جمال ماضى ابو العزايم : ماهو المحليات ايه الافضل للشباب اللى هو يقدر يعرف بعضة داخل اماكن محدودةما تبقاش كبيرة مربعات سكنية صغيرة فنبتدى ان احنا نعمل ديمقراطية من تحت لفوق مش من فوق لتحت احنا ابتديناها من فوق من غير قواعد الاحزاب ملهاش قواعد الاحزاب النهارده قولى انت مين الحزب اللى عمل انتخابات علشان يطلع عضو مجلس الشعب زى ماكان مثل بيحصل فى فترات سابقة مفيش حزب عمل انتخابات
محمد موافى :مفيش حزب عمل انتخاب مجمع الحزب الوطنى
د/ احمد جمال ماضى ابو العزايم : معنديش مجمع انتخابى يعنى يعتبر ذو اهمية لانه يعتبر الدوائر منتشر عايزين نبتدى ان احنا احنا عندنا وزارة شباب
محمد موافى :مجلس قومى
د/ احمد جمال ماضى ابو العزايم : مجلس قومى للشباب عندنا وزارةبقت التضامن الاجتماعى
محمد موافى :ايو اكل اللى عليها خناقات
د/ احمد جمال ماضى ابو العزايم : ايوا وزارة الخدمة الاجتماعية اللى بتطور المجتمع عايزين النموذج الفكر الوزارات يعاد تنميةالمجتمع وبسرعة الشرطة يجب انه يتعمل دورات تدريبية كبيرة وسريعة للتفاوض الجزء الرئيسى من العمل الشرطى فى الازمات التفاوض مش ان هولما يسيبهم يضربهم لأ فى تفاوض ودى خبراتيدوها ساعة كل اسبوع تروح لهم كل اسبوع
محمد موافى :يا دكتور اسمحى كان السؤال للدكتورايهاب بس انا هخلى حضرتك تكمل ماكانوا بيقولوا ان من مصايب الشرطة قبل 25 يناير ان هى شغلها الاول والاخير التفاوض التفاوض مع المعتصمين التفاوض مع المضربين والحكومة مش شايفة شغلها وسايبة الشرطة عمالة تتفاوض مع كلة
د/ احمد جمال ماضى ابو العزايم : فى كل دول العالم الشرطة فى الازمات هى اللى بتتفاوض لما بيكون واحد مختطف واحد بيدى واحد بادارة متخصصة للتفاوض بيكون ماهواش شرطى اساسا بيبقى عالم اجتماع اوعالم نفس عنده دراسة متخصصة زائد ان هو سيكولوجية المختطف وسيكولوجية الخاطف سيكولوجيةالحشود عنده خبرة يقدر ان هويتولى وبعدين جهاز سريع يتم تكوينة عندنا جيوش من التخصصين الاجتماعيين والنفسيين اتخرجوا لمراقبة المناطق الملتهبة عندنا فى قرى ومناطق معروف فيها صراعات قبلية اواسرية او ازمات
محمد موافى :على فكرة دكتور حطيت ايدك على نقطة مهمة ان معندناش جهاز فى مصر بيرصد صراعات او بيعطى حلول جهاز استراتيجى لهذه المسالة .. طيب حضرتك ذكرت لى نقطة الادمان خلينا نرجع تانى للانتخابات المخدرات المنتشرة الترامادول منتشر دكتور ايهاب السلاح المنتشر السلاح اللى دخل مصر عبر ليبيا من هنا من هنا دلوقتى الطرح اللى بيتقال ان الشباب ياخذوا دورهم يعملوا لجان شعبية مرة ثانية هل ممكن هذه اللجان تهدى الموقف اوتعدى الانتخابات الشرطة والا مش هتبقى عادلة ان هنسمح لاى حد لان ممكن يبقى بعض اللجان متحيزة لطرف دون الاخر
اللواء/ دكتور ايهاب يوسف : كلام سياتك رائع جدا اللجان الشعبية اللى تكونت بعقد الثورة بعد الانهيار الامنى فى 28 لحد6 فبراير عادت نجاح لان مكنش فى امن وكان المواطن حاسس بنشوة الانتصار على النظام وبالتالى كان حتى عفوا يعنى البلطجية اللى كانوا فيهم قمة الاحترام مع النا سالى ان تحول الوضع بعديها باسبوع يرجع تانى لطبعة الطبيعى الامن حرفة ومهنة ولازم اصحابها هما اللى يعملوها الاستعانة بلجان شعبية علشان تامن الانتخابات بيعرض هذه اللجان او هؤلاء الشباب لاسطورة عالية احنا مش عايزينها او انا ما اشفش منها المصلحة العامة يمكن الشاب يبقى مراقب يبقى متابع انما مش عايزة انا مش عايزة يحمى لجنة لان ده بيعرض حياتة او صحتة لو حصل اى احتكاك بينه وبين الناس انا باشوف ان الافضل هنا ان احنا
محمد موافى :طب ايه الحل ما فى ناس بتقول
اللواء/ دكتور ايهاب يوسف : انا كنت اتمنى ان الوقت مازال باستثناء زى ما دكتورقال ممكن جدا يحصل فيهم توافق الانتخابات اللى جاية مهمة جدا لكل الاحزاب السياسية واى ان كان الاتجاه السياسى اللى مصر هتمشى علية فى المرحلة اللى جاية واى ان كان العدد اللى هيكسب او اللجان او او يهمهم الانتخابات تعدى على خير اتمنى ان قادة الراى والفكر فى مصر فى المرحلة اللى احنا فيها يتوافقوا على دعم الجهاز الامنى للقيام بكافة مهامة اثناء فترة الانتخابات وبالتالى لو شفنا حد لوشفنا شرطى بيضرب نار حتى كل اللى علينا ان احنا بنرصد ونبلغ ما نتعداش على حد لو شفنا شرطى بيتجاوز حتى مع حد نرصد ونبلغ وما نتعاداش على حد ويحصل توافق مجتمعى بين كل القوى السياسية على الاقل من 28 او من دلوقتى لان الوقت قذف من دلوقتى لحد ما نخلص الانتخابات التشريعية فى الحالة دى بعيدا عن التوافق النفسى يعنى وان حضرتك تكون شايف ان جهاز الامن تجاوز الانتخابات السابقة وانت مش راضى عنه محتاج اعادة هيكلة ومحتاج تطوير بس كلة ده فى ال 10 تيام مش هينفع والفترة اللى جاية مش هيبقى عندهم وقت ان هما ييدوا هيكلة الجهاز من انتخابات الاعادة لمارس هما مش فايقين لنفسهم بالضبظ اساسا اللى احنا محتاجينة فى الوقت الحالى ان احنا ندعم الجهاز الامنى وده طبعا محتاج توافق من القوى السياسية مع وزير الداخلية على ان احنا هنشتغل معاكوا بس حرفة الامن للامنيين لادارة المسلحين المدربين
محمد موافى :طب خلينا نقف على النقطة دى معانا بيتابعنا الكاتب الصحفى الاستاذ عصام جنيدى نائب رئيس تحرير الوفد استاذ عصام مساء الخير
أ/عصام جنيدى : اهلا بيك يا استاذ محمد
محمد موافى :يعنى حضرتك بتابعنا
أ/عصام جنيدى : اهلا بيك واهلا بضيوفك يا افندم
محمد موافى :يعنى استاذنا حضرتك شايف زى ما بتابع الحلقة يعنى كيفية انتاج الانتخابات فى خلال الاسبوعين الجايين وكيفية حماية مقار الانتخابات يعنى هل مصر قادرة شايفها قادرة ازاى ان هى تنفذ هذه الانتخابات
أ/ عصام جنيدى : والله يا استاذ محمد يعنى انا هكلم حضرتك على مصر كلها وهتكلم مع حضرتك على الصعيد على وجه التحديد لان انا واحد من ابناء الصعيد انا اعتقد انه انشاء الله رب العالمين احنا نامل ان الجيش يتفق مع الشرطة فى حماية الا نتخابات وخاصة تقسيم العملية الانتخابية الى ثلاثة مراحل اعتقد ده بيسهل الى حد ما مهمة تامين مقار اللجان الانتخابية كما ان شباب الثورة هنا حضرتك فى بعض المحافظات محافظات المرحلة الاولى زى القاهرة وكده اعتقد انه قادرين على المشاركة فى حماية الصناديق وحماية الجان الانتخابية ده يا افندم لو اتكلمنا بشكل عام
محمد موافى :دكتور ايهاب يوسف شايف ان لأ الدور مايبقاش المشاركة فى الحماية المشاركة فى المراقبة والمتابعة يعنى
أ/عصام جنيدى : يا استاذ محمد الاخطر من ده كلة من فضلك واللى انا عايز اكلمك عنه هو الصعيد الصعيد دلوقتى وانا واحد من ابناءة لو لاحظت ما يجرى الان فى وانا باكلمك من داخل الصعيد حاليا الصعيد بلا حكومة وبلا دولة الفوضى هى المسيطرة روح القبلية وروح التعصب هى المسيطرة قرى تخطف قرى بالكامل وتحاصرها كانها غزة طلقات الرصاص يا استاذ محمد والله وانت سمعت طلقات الرصاص يمزق سكون الليل تشعر كانك انت فى الارض المحتلة انا اعتقد ان نصف هذه الطلقات لو اطلقت على دولة اسرائيل لبات الاسرائيليوم فى ملاجئهم ايام وليالى الجو يا استاذ محمد لا تتخيلة بيوصل لاية السلاح الان بات الحصول علية افضل وايسر من الحصول على رغيف العيش فى الصعيد حاليا لا يوجد منزل صعيدى الا وبه سلاح آلى السلاح فى ايدى الصبية الصغار لذلك كل الخوف فى العملية الانتخابية فى الصعيد تحديدا فى حاجة حصلت ده فضل من عند ربنا كبير قوى رغم انك انت هتستغرب الكلام ده من واحد زى بيقولة الحكم الاخير بمشاركة الفلول العملية الانتخابية احنا كلنا زعلنا لما حصل الحكم ده لكن والله العظيم ما تتخيل الخير اللى بيعم على صعيد مصر من هذا الحكم لانه لو لم يصدر هذا الحكم انا شيفك مستغرب يا استاذ محمد من الكلام ده
محمد موافى :دا دى دعاية انتخابية يا استاذنا
أ/ عصام جنيدى : انت مستغرب ان انا اقول الكلام ده تحديدا
محمد موافى :لكن حضرتك لو انت واحد من ابناء الصعيد وعارف ماكان يمكن ان يحدث فى الصعيد من مجازر لوطبق هذا الحطم او استبعاد الفلول
محمد موافى :والله عارفين ومدركين يا استاذ
أ/عصام جنيدى : يا استاذ محمد دا انت لا تتخيل لذلك احنا كنا بنقول ايه نحن نرحب بقانون الغدر اللى هو قانون اللى بيحقق مع كل فاسد ويستبعد الفاسدين لكن قانو الغدر لا والف لا
محمد موافى :طب يا استاذ عصام اسمح لى بس يعنى دلوقتى حكم المحكمة الادارية العليا ابطل حكم محكمة المنصورة بمنع اعضاء الحزب الوطنى السابقين من الترشح يعنى كل واحد هيترشح وحضرتك حمدت الله على
هذا الحكم الاخير لكن مع شكرك لله على الموضع دوت والمشهد اللى انت شايفة هل يمكن اجراء الانتخابات فى هذه الصورة بتقولى مفيش حكومة
أ/ عصام جنيدى :لأ يا افندم الوضع فى منتهى الخطورة الوضع يا استاذ محمد فى منتهى الخطورة فى الصعيد لكن هذا الحكم انا اعتقد انه الى حد ما نزل كرم من عند رنبا لاهل الصعيد انا باقول لحضرتك هتتحول البلد لمجازر اهل القاهرة هنا يا استاذ محمد لا يدركوا هذه الحقيقة
محمد موافى :ما فى النهاية يا استاذ محمد ماهى امتداد للصعيد
أ/عصام جنيدى : لأ دا فى نقطة ثانية يا استاذ محمد انت تعرف هقول لحضرتك حاجة هتستغربها برضه
محمد موافى :اتفضل
أ/عصام جنيدى : الثورة المصرية العظيمة لم تصل حتى الان لصعيد مصر ادل على ذلك بشئ معين عندنا فى نجع حمادى عقد مؤتمر للفلول حضرة ما يقرب من 7 الالاف شخص
محمد موافى :مابلاش كلمة فلول دى وانت هناك
أ/ عصام جنيدى : نجع حمادى شباب نجع حمادى جاولوا يا استاذ محمد ثوار نجع حمادى بقى حاولوا يعملوا مؤتمرمناهض لهذا المؤتمر تخيل حضرة كام شاب
محمد موافى :كام
أ/عصام جنيدى : 17 شاب
محمد موافى :مشاء الله
أ/ عصام جنيدى : ادام شرطة نجع حمادى
محمد موافى :طيب خلينا حضرتك نقف هنا
أ/ عصام جنيدى : استاذ محمد الخطورة فى العملية الانتخابية
محمد موافى :يا دكتور سؤال امنى عن الصعيد بهذه الصورة هل يمكن اجراء الانتخابات بهذه الصورة فى الصعيد
اللواء دكتور/ ايهاب يوسف : ما احنا ما نقدرش نفصل الصعيد عن مصر كلها ما الصعيد نفس الحكاية فى بحرى
محمد موافى :لأ حجم السلاح
اللواءدكتور/ ايهاب يوسف : حجم السلاح فى بحرى مش اقل كثير من الصعيد يمكن بس
محمد موافى :طبيعة الشخصية مختلفة
اللواء دكتور/ ايهاب يوسف : لأ كلة بيتساوى
محمد موافى :لو رجعنا للتسعينات حوادث العنف فى الصعيد كانت مختلفة عن هنا خالص
اللواء دكتور/ ايهاب يوسف : ما اختلفناش انما فى النهاية دى كا ن لها ظروفها انما السلاح موجود فى قبلى وبحرى القدرة على استخدامة موجوده قبلى وبحرى ضعف الجهاز الامنى او عدم قدرة الجهاز الامنى فى الوقت الراهن على انفاذ القانون موجوده قبلى وبحرى ليه عندنا النهارده شارع مجلس ا لشعب مع القصر العينى فى بعض الموظفين معترضين على حاجة وقد يكون ده من حقهم فرشوا الملايات وقعدوا فى شارع القصر العينى
محمد موافى :الواحد دلوقتى لما بيخش شارع القصر العينى بياخذ حاجتة الشخصية معاة وبيحضر نفسة على انه يعدى يعنى بسلام
اللواء دكتور/ ايهاب يوسف : اللى عايز اقولة لحضرتك ان فى الاخر طبعا ممكن يكون اللى انا هقولة ده نوع من الخرافا ان احنا فى الانتخابات او بتاع ده مش هيحصل طبعا انمافكرة ان احنا نخش ا لانتخابات بالتصور اللى احنا فية دلوقتى ومش عايز اركب المواضيع على سياسة انما
النهارده احنا بنتكلم على وثيقة السلمى هتتعمل والا مش هتتعمل ولو مش هتتعمل طب احنا نازلين الشارع فاصبح الموا ضيع كلها السياسية والجنائية ملهاش ضابط امنى وضابط قانونى انا اللى يهمنى كمواطن فى الاخرعايز استفيد من الثورة اللى حصلت فى مصر
محمد موافى :تمام
اللواء دكتور/ ايهاب يوسف : استفيد منها ازاى احقق انجازات انجازات يجب ان تكون خاضعة للقانون
محمد موافى :بس خلينا فى النقطة دى علشان احنا بنتكلم فى الانتخابات تحديدا فى الصعيد وحضرتك ودتنا برضه بحرى طب دكتور استاذ عصام خليك معايا دقيقة واحدة بس دكتور جمال يعنى الاستاذ عصام بيقول الثورة المصرية العظيمة لم تصل الى الصعيد يعنى حضرتك لو موافق اوغير موافق انا عيزك تعلق لى على هذه الجملة دى
د/ احمد جمال ماضى ابو العزايم : يعنى هو الثورة المصرية العظيمة لم تصل الى كل انسان مننا داخلة
محمد موافى :تمام
د/ احمد جمال ماضى ابو العزايم : احنا عملنا التغيير بصفاءو بقوة
محمد موافى :حلو
د/ احمد جمال ماضى ابو العزايم :ان الاوان لكى نتغير الانسان يجب ان يكون لدية ادراك
محمد موافى :ان هى فى الصعيد لم تصل للباطن والظاهر يعنى ما وصلتش خالص فى نجع حمادى عملوا مؤتمر حضرة عدة الالاف وشباب الثور ة فى نجع حمادى عملوا مؤتمر حضرة 17 واحد
د/ احمد جمال ماضى ابو العزايم : يعنى هو الشرطة لما اتكسرت فى كل مكان المقاومة ما اتحركتش خالص مهياش محتاجة بقت فى توازن لكن فى عصبيات مفيش تعقل هنا احنا محتاجين لكل رجال الاحزاب قيادات الاحزاب تجتمع فى اجتماع عشاء مع بعض يظهروا للامة وحدة مرة اخرى يعنى حد ادنى من المصلحة المشتركة للبلد كل واحد عنده مصلحة شخصية فى انه ينجح وده شئ مقبول التنافس ولا اضاف الله الناس بعضهم للبعض ولكن لايجب ان يكون هناك حد ادنى للمصلحةالمشتركة يقعدوا مع بعض كل المتصالحين
محمد موافى :وهل ده ممكن توصل الثورة للصعيد
د/ احمد جمال ماضى ابو العزايم :لألأ توصل الرسالة الى الامة ان احنا لسنا فى معركة نحن فى خطوة اصلاح ولسنا فى معركة اصلاح المصالح مطلوبة للجميع لان اختلاف الافكار مطلوب تنوع القدرات مطلوب لكن فى مرحلة اصبحنا فاضل 10 ايام على الانتخابات وفى تصاعد للمشاكل يجب على مجموعات من المحافظات تلتقى مع بعضها تخرج الى الطريق العام تظهر المودة لبعضها البعض اصبحت حاجة ملحة لقادة هذا المجتمع فى كل مكان قبل ما نخش للمعركة الانتخابية المطلوبة ان يبقى فيها تنافس حر امن نخشها بمحبة ونقول لبعضنا كلنا لدينا مصالح مشتركة
محمد موافى :يعنى
د/ احمد جمال ماضى ابو العزايم :يعنى نفقد ا لمصلحة المشتركة
محمد موافى :نرجع
د/ احمد جمال ماضى ابو العزايم : انقاذ المصالح او الخلافات
محمد موافى :استاذ عصام انا عايز عايز فى نص دقيقة سريعا ارجوك يعنى بهذا المشهد خلينا برضه فى الصعيد
ماهو الحل حتى يتم اجراء انتخابات فى الصعيد فى هذه الفترة القليلة او القصيرة المتبقية ؟
أ/عصام جنيدى :والله يااستاذ محمد الحل طبعا تكثيف التواجد الامنى والشرطى واشتراك الجيش
محمد موافى :ادى واحد
أ/ عصام جنيدى :مع الشرطة بشكل حضرتك يعنى بشكل اكيد لانه لابد ان يقفوا الاثنين مع بعضهم لضمان الامن فى الصعيد ومن فضل ربنا انه مش الصعيد وبس
محمد موافى :ده دور الامن الاعلام بقى
أ/ عصام جنيدى :الاعلام حضرتك انه يحاول بقدر الامكان انه يفهم الناس ان يوعى الناس اللى هتطلع تصوت برضه حضرتك احنا قلة عدد
محمد موافى :بنتكلم عن الصعيد وحضرتك بتقولى الرصاص حواليا طب انا هطلع اصوت ازاى
أ/عصام جنيدى :لأ ماهو
محمد موافى :دا انا هطلع
أ/ عصام جنيدى :احنا عدينا على الكلام دوت يا استاذ محمد 2003 هذه الايام احنا فى الصعيد يا استاذ محمد هذه الاجواء ليست غريبة لكن الايام دى زادت قوى
محمد موافى :مش غريبة حضرتك الصورة مرعبة
أ/ عصام جنيدى :وده حقيقة اه الصورة دى حقيقة يا استاذ محمد لو انت جيت فى الصعيد هنا قرى بالكامل باقول لحضرتك محاصرة
محمد موافى :تمام
أ/ عصام جنيدى :لا يستطيع احد ان يخرج منها
محمد موافى :ما احنا عارفين قصة اولاد يحيى شكرا جزيلا استاذ عصام عبيدى نائب رئيس تحرير
د/ احمد جمال ماضى ابو العزايم :ماهو هتدى للامن برضه بحيث نتقل من مكان الى مكان
محمد موافى :استاذ يحيى احنا معانا تقرير قصير جدا عن اهم مشاهد العنف او الانفلات الامنى فى الصحافة المصرية نشوفها وسريعا نرجع تانى
فاصل
محمد موافى :طيب دكتور ايهاب احنا زى ما شفنا المانشتات دى بتحسسنا ان احنا فى شيكاغو مثلا او فى حاجة مرعبة لكن برضه خلينا نقول كلمة البعض يراها كلمة حق ماهو ده برضه كان مشهد موجود قبل الثورة يعنى كان الضرب موجود بين الصعيد السرقة موجودة موضوع عادى ومش جديد على دمياط الاغتصاب وقطع الطريق ما كانت كلها برضه حاجات موجودة
اللواء دكتور/ ايهاب يوسف : صح
محمد موافى :يعنى ايه اللى ضخم الامور كدة
اللواء دكتور/ ايهاب يوسف : خلينا نقول ان الشعب المصرى اللى كان موجود قبل يناير والامن المصرى هو الامن المصرى الفرق بس فى معدلات القوى والترتيب النفسية والقانونية زى ما حضرتك تفضلت كدة فى معدلات جريمة وشفنا قبل ا لثورة طبيب بيقطع واحد فى العيادة بتعتة
وبيحتة فى اكياس فى برلين يعنى العنف كان زايدalready فى المجتمع زاد علينا بعد الثورة عدم وجود جهاز امن ينفذ القانون على الناس المنظر ده مقلق بالنسبة للانتخابات الخوف منه ان احنا نكون بنحط القوات المسلحة كمان فى صدارة العملية الانتخابية ده هيرجعنا للمشاهد اللى حصلت فى ماسبيرو ملهاش يعنى لان القوات المسلحة مش مدربة على انها تقوم بالعمل ده ده دور الشرطة فا بنرجع تانى الفكرة ان العنف موجود اللى خلى الناس دى تزيد فى العنف وتتحرك بالصورة دى ان مفيش رادع قانونى موجود فى الشارع الكبير والرادع القانونى عدم وجود كانت برضه قبل الثورة ما بناشدش بنظام كان موجود او اى حاجة خالص لكن كان كنا محتاجين رواسخ نشتغل عليها كان فى كبير فىالعلية كان فى عضو مجلس شعب كان فى الحكومة فى الاخرفلو لا ده موجود ولا ده موجود ولا حد عايز ياخذ الصدارة ولا الشرطة عايزة تنفذ القانون وضع طبيعى جدا
محمد موافى :تمام مهواش مقلق لدرجة ان احنا نبقى مرعوبين لان ده ممكن يتم السيطرة عليه وباؤكد لحضرتك بجهاز امن قوى اكثر من شهر يقدر يسيطر علية وبقوة كل اللى احنا محتاجينة ده ان احنا نحط الناس على الخط السليم تمام دكتور يعنى حضرتك قبل التقديم بتقولى ان المفروض رؤساء الاحزاب الكبيرة القيادات تحط ايدها فى ايد بعض زى اللى حصل فى امريكا وينزلوا الصعيد ينزلوا هناهنا يطمنوا الناس يوجهوا رسالة لكن لما انا الاقى القيادات والكوادر والوجوه والنخبة هى اساسا متفتتة يعنى اذا كان رب ا لبيت بالدف ضاربا فشيمة الناس كلها ان تقطع بعض يعنى
د/ احمد جمال ماضى ابو العزايم :يعنى احنا محتاجين لشوية صفاء واخلاص وفى نفس الوقت برضه لازم واحنا بنتناقش على الوثيقة منناساش ان احنا لينا مصالح اخرى لينا افكار تنموية اخرى لازم يكون فى حد اكبرصحصح هنا فى انفلات امنى ولكن بالرغم من الانفلات الامنى النهارده مصر كلها ماشية وشغالة فيها بؤر موجودة كل شوية بتظهر بؤرة لكن مهواش السواد الاعظم فى اللى كان بيحصل كده النهارده المرور مفيش عساكر مرور تقريبا الزحمة هى الزحمة ما اختلفتش يمكن بقى فى اوقات تدفق غريبة الشكل بتحصل فى بعض الايام
محمد موافى :اه بس فى زحمة غير مبررة يا دكتور
د/ احمد جمال ماضى ابو العزايم :ماهى كانت موجودة برضه
محمد موافى :يعنى فى 40 واحد يقفوا فى شارع القصر العينى يوقفوا مصر
د/ احمد جمال ماضى ابو العزايم : ماشى لكن الامن عامة فى كل مكان هادئ رغم ان فى دوريات دلوقتى بتحصل لكن ولا تقدر تتصل بالامن يجى لك بسرعة لكن الامن عامة احنا اللى ملوش
محمد موافى :انا عايز الحل فى نطاق سمعنا قرأنا لكن الحمد لله انا واحد من الناس عادى بروح باليل متاخر بانزل بدرى يعنى الدنيا مش شايف
د/ احمد جمال ماضى ابو العزايم : انا عايز ان برضه القنوات انها تبتدى تشارك الناس فى رايهم هيعملوا ايه فى الصحة هيعملوا ايه ميبقاش الحكاية ان انا كويس والثانى وحش لأ كل واحد فى الفترة اللى جاية يتحدث عن احلامة لمستقبل الاحزاب عايزين نحس بالطمائنينة الناس الجاية كله تدخل الفلول يعنى بعض الاحيان بتتهم البعض الحركات السياسية تخلى المرشح اللى داخل ده يمكن مصلحتة الشخصية يحط جوا دماغة المصلحة العامة وهو بحث وليس عن مشكلة شخصية
محمد موافى :ايه رايك يا دكتور ان كل اللى داخل اوبيحاول يظهر هنا او هنا بدل مابيبص للمصلحة العامة او يبص لادام هوبيحاول يشوف العيوب فى الاخر يعنى بقى اللوم او التلاوم السمة الموجوده
د/ احمد جمال ماضى ابو العزايم :ما احنا يعنى هى دى طبيعى كل واحد بيقول لكن احنا النهارده عايزين ندفع هؤلاء المرشحين ان هما يظهروا كى يتحدثوا عن المستقبل يعنى نشوف بقى جانب اخر ما بقاش كل يوم بنعرض الاختلافات وثيقة السلم دى اخذت لها شهرين 3 كلام من غير نهاية نخلى دى على جنب ونطلع الاتفاقات كل واحد يتحدث عن قطاع واحد متخصص يطلع وكل واحد يتكلم عن حزب حتى البرامج اللى بتطلع فيها الاحزاب تتحدث عن نفسها بيتكلم على حاجات عامة ما بيتكلمش على برامج محلولة البرنامج بتاعى لمدة 3 سنين هو ده اللى هيطلع مصر والدراسات الاقتصادية 1-2-3-4 يا اما ماعندوش برامج فا عايزين برضه يبقى فى عقل مدبر من اجهزة الاعلام للبلد بعيدا عن التصادم لانه الصراع خسارة للطرفين والصراع دليل على حالة التغيير
محمد موافى :ده اكل عيش الاعلام على العموم انا ما باتكلمش على التليفزيون المصرى
د/ احمد جمال ماضى ابو العزايم :بيكلوا عيش بس فى المصلحة بتاعت
محمد موافى :اه للاسف
د/ احمد جمال ماضى ابو العزايم :الدولة اه هو برضه هيجيب الناس تختلف على برنامج تنمية سينا
محمد موافى :انا عايز كلمة اخيرة من حضرتك
اللواء دكتور/ ايهاب يوسف : انا باتمنى من ربنا سبحانة وتعالى ان القوى السياسية زى ماتفضل د/ قال تجتمع حوالية الرؤية فى ال10 ايام دولت لدعم الامن بالاتفاق مع وزير الداخلية وكل مواطن شريف فى ارض مصرشايف ان الشرطة هتؤدى رسالة فى المرحلة اللى جاية يقدم لهم نظرة فيها تقدير ا و فيها احترام لان احنا فى الاخر مش هنقدر نحقق حاجة من نجاحات الثورة اللى احناكلنا بنتطلع ليها لما يكون عندنا اقتصاد قوى محتاج امنى قوى يقدر يحميها
محمد موافى :دكتور ايهاب يوسف الامين العام لجمعية الشرطة والشعب بمصر د/ اللواء طبعا ايهاب يوسف شكرا جزيلا لحضرتك
اللواء دكتور/ ايهاب يوسف : شكرا
محمد موافى :دكتور احمد جمال ماضى ابو العزايم شكرا جزيلا لحضرتك مش محتاج ان انا اقول الرئيس السابق للصحة العالمية والكلام ده كلة شكرا جزيلا يا دكتور
د/ احمد جمال ماضى ابو العزايم : شكرا
محمد موافى :شكرا لحضراتكوا يمكن المشهد على الرغم من كل هذه الحصارات فى راس البر اوالرصاص فى الصعيد او الحوادث هنا او هنا لكن برضه فعلا مصر بامان ومصر بخير كما انحنا بنمشى فى شوارع وعمالين بنشوف وبنسمع انما الدنيا مش كدة المطلوب فعلا اللى بنخرج منة من هذه الحلقة ان الناس تبص بصة لادام كنت باقرأ فى كتاب اسمة نصيحة الملوك للمواردى بيقول ان ياتى على الناس زمان افضل اعمالهم التلاوم كل واحد يقعد يلوم اللى جنبه ومحدش يبص لادام اخشى ان يكون هذا هوالزمان حتى نلقاكم فى حلقة قادمة دمتم فى رعاية الله وامنه .