اتجاهات

الخميس 25/8/2011
مسعد ابو ليلة : اعزائى المشاهدين السلام عليكم ورحمة الله وبركاته اهلا بحضراتكم الى حلقة جديدة من برنامج اتجاهات سيناء مساحتها ثلث مساحة مصروتمتلك سيناء العديد من مقومات النهضة الزراعية والصناعية والسياحية ومع ذلك لا يتجاوز عدد سكانها 530 الف نسمة من مساحة اجمالية بتبلغ اكثر من 60 الف كيلو متر مربع فى حين وصل مجموع سكان القاهرة الكبرى اكثر من 13 مليون نسمة يعيشون علىمساحة 17 الف كيلومتر مربع الاهما ل اللى لحق بسيناء هو جزء من الاهمال اللى لحق بالوطن كلة فى ظل النظام السابق لذلك فان انشاء الهيئة العليا للتنمية بسيناء بيمثل ضرورة استراتيجية لحمايتها من الخطر كل ما نرجوة ان يخرج هذا الكيان حيز الانشاء والاقراض ومن مرحلة رفع الشعارات اللى عشناها فى العهد السابق الى واقع ملموس على الارض واللى نتج عنه تحويل سيناء بعد سنوات قليلة الى اضافة امنية واقتصادية الى مجتمع ما بعد الثورة اعزائى المشاهدين للحديث عن تنمية سيناء نلتقى مع ضيفنا وهو واحد من زعماء شيوخ قبائل سيناء من قبيلة البياضية من مركز بير العبد بشمال سيناء هو الشيخ سعيد موسى صباح اهلا بيك
الشيخ سعيد : اهلا يا افندم وكل سنه وحضرتك طيب
مسعد ابو ليلة : نلقاكم بعد الفاصل
مواطن : بالنسبة للاعمار فى سينا يعنى بصراحة انا اتمنى انشاء الله ان يتم تخصيص حتى اراضى للشباب الموجودة فى جماعات شبابية موجوده فى البلد فى شباب يقدر يعمل ويقدر ينجز فى مشاريع احنا بندعو كل الشباب تمام انها تشارك فى الموضوع دوت
مواطن : سيناء موضوع ليس له حل غير ان هو ياخذ حقة من ناحية التنمية تنمية زراعية تنمية صناعية تنمية بالمبانى
مواطن : يعنى رجال الاعمال الشرفاء لابد ان هما يعمروا سينا ويدوهم الارض اللى كانوا بيدوها لهشام طلعت بربع جنية وب خمسين قرش
مواطن : وانا قرات مقالة لمصطفى محمود قائل انا بعثت للرئيس مبارك السابق فى بداية حكمة قالة خلى مهمتك الاساسية تعمير سيناء ولرلاسف بعد 30 سنة لسة زى ما احنا
فاصل
مسعد ابو ليلة : نعود مرة ثانية اعزائى المشاهدين ومع ضيفنا الكريم الشيخ سعيد موسى صباح من قبيلة البياضية بمركز بير العبد بسيناء نرحب بيك مرة ثانية وسؤالنا فى البداية انطباع حضرتك على القرارالذى اصدرة مجلس الوزراء بانشاء هيئة عليا لتنمية سيناء وما تابعة من قرارات فى هذا الاطار
الشيخ سعيد : و الله احنا يعنى الحمد لله ده كرم كبير من المجلس العسكرى بقيادة المشير ومعالى رئيس الوزراء على الحلم اللى كنا بنحلم به وما نرجوه انه يبقى واقع ويتم التنفيذ مش يبقى المكاتب والقرارات وياريت وده امل كبير لينا يشارك فى اللجنة دى قيادات من القيادات الطبيعية من ابناء سيناء اللى هى ليها باع طويل وسينا مليئة بالشرفاء وبالمجاهدين يكونوا عيون للهيئة العليا زى ما كانوا عيوننا للقوات المسلحة اثناء حرب الاستنزاف واثناء حرب 73
مسعد ابو ليلة : ابرز ما جاء من قرارات
الشيخ سعيد : لغاية دلوقتى كله كله حلم انا نفسى اول حاجة قضية التنمية ونفسى بردوا ما نرجعش للناس اللى هما الاداريين اللى مفهومهم عقيم لسة يقول الفدان ب 10000 جنية والمتر بخمسة جنية انا عايز المتر فى التمليك لا يتعدى 25 قرش ل نصف جنية الفدان لا يتعدى 50 جنية كان ايام الله يرحمة اللواء منير شاش اعلن التمليك للفدان ب 50 جنية وفى ناس استغلوا هذه الفرصة واتملكوا انهادرة فى فى شمال سينا كانواعملوا قرار تمليك بنظام حق الانتفاع واتقسمت البلد فى منطقة العريش او الشيخ زويد او فى ضبعة ل3 مناطق منطقة أ ومنطقة ج ومنطقة د بيفكرونا بمعاهدة السلام منطقة أ ب 10 جنية منطقة ب بخمسة و3 و4 والقرى ب 2 جنية دى رسوم غير عادية
مسعد ابو ليلة : بس اكيد هيبقى فى ضوابط طبعا علشان
الشيخ سعيد : يعنى ضوابط لكن يراعى فيها السهولة وقلة المستندات الكثيرة يعنى كفاية بالحجة العرفية المعترف بيها كفاية باقرار المشايخ بالوحدة المحلية اى قسم الشرطة يعنى حاجات تبقى سهلة
مسعد ابو ليلة : وايضا للاستثمار حق التملك موجود للمصريين ايضا والشخصيات الاعتبارية المصرية
الشيخ سعيد : رسميا لازم يبقى فى زى المدن العمرانية الجديدة
مسعد ابو ليلة : ابناء سيناء
الشيخ سعيد : لألألأ هو فى التمليك والاستثمار لابناء سيناء انا ما باحبذش اى حد اجنبى يتملك فى سيناءالاستثمار لازم يبقى فية سهولة يعنى على سبيل المثال كانت اتعملت منطقة صناعية فى مركز بير العبد عمل فيها المرافق كهربة صرف صحى طرق وصلتها المية هل تعلم لهذه اللحظة مفيش ولا مستثمر جه ياخذ فيها موقع اية السبب حق الانتفاع اولا نمرة اثنين تكاليف المتر تعدت ال 60 - 70 جنية
مسعد ابو ليلة : انت تقصد كلام حضرتك عدم تملك الاجنبى وما اشار اليه القرار لكن لابناء سيناء وللمصريين
الشيخ سعيد : لألألأ لابناء سيناء والمصريين
مسعد ابو ليلة : الحكومة
الشيخ سعيد : اه
مسعد ابو ليلة : هو استاذ سعيد بالنسبة للقضايا اللى مازالت تمثل عقبة لانخراط السيناوى او تفاعلة مع قضايا مجتمعة هل مثلا الاحكام العرفية مازالت تمثل حساسية او تمثل عقبة ان هو ينخرط بروح اجابية فى عملية التنمية
الشيخ سعيد : لألأ هو موضوع
مسعد ابو ليلة : فى سبيلها للحل يعنى
س هو القضايا العرفية ديت امتداد طبيعى وده بيسهل عملية الامن فى المكان وده للقضايا اللى هى السهلة مش موضوع المشاكل الموجوده ديت مش مبرر لعدم التعمير او لعدم التنمية ولا المعوق
مسعد ابو ليلة : الاحكام الغيابية ايضا فى طريقها للحل
الشيخ سعيد : هو حضرتك الاحكام الغيابية احنا ناشدنا المشير اكثر من مرة واول امبارح كان فى لقاء مع قادة الجيش
فى العريش ومع شيوخ وقبائل على مستوى المحافظة وكانوا من اهم المطالب ديت للاحكام الغيابية اللى هى الظلم يعنى كان فى من رجال الشرطة فى النظام السابق كانوا بيعملوا محاضر ظلما وعدوانا للناس فدى وعد القادة العسكريين للمشير وانشاء الله يعنى انا حاسس عندى امل انه هيتم العفو عن الناس دى لان الناس انظلموا فعلا
اكيد اكيد لو انتظر الموضوع بتاعة الحق والجدية واتعرف وعلى فكرة المخابرات ليها باع كبير فى شمال سينا وفى جنوب سينا وبيعرفوا هل الراجل ده انظلم والا ما نظلمش وبتقرير منهم
مسعد ابو ليلة : ده صحيح ايضا مشكلة ثانية شيخ سعيد مشكلة الفوائد يعنى رغم ان مشكلة الفوائد والبنوك على القروض يعنى الزراعية بالذات بتعانى منها مصر كلها الا انها بتشكل ايضا المشكلة دى من سنة 85 فى سينا بمبلغ 10 ملايين جنية
الشيخ سعيد : 10 ملايين وصل انهادرة 130
مسعد ابو ليلة : 130 مليون هل تمثل هدف المواطن السيناوى
الشيخ سعيد : هو فى البداية الناس اخذت القروض دى على اساس انها هتزرع الاراضى على المياة الجوفية من خلال ابار
مسعد ابو ليلة : نعم
الشيخ سعيد : لما اخذوا القرض حصلت تقلبات فى الجمعية وحصلت تقلبات فى طبيعة العمل يعنى كنت انا اروح علشان اعمل عداد كهربا كان يقول ان الارض زمام الترع
مسعد ابو ليلة : نعم
الشيخ سعيد : فا المبلغ ابتدأ يتراكم وبدا انا كنت اخذه على اساس ان انا اروح ازرع به بدأت اتعايش منه لانه كان فى بطالة فى شمال سينا بطريقة غير عادية يعنى على سبيل المثال فى فى العبد حوالى 5 الالاف خريج قاعدين
مسعد ابو ليلة : البطالة ليست يعنى فى ابناء سيناء فقط مشكلةعامة
الشيخ سعيد : ايوا انا باقصد ابناء سينا لية لان ملناش يعنى انا ممكن فى القاهرة ممكن اروح اشتغل فى العاشر ممكن اروح مدينة السادات ممكن اروح هنا هنا
مسعد ابو ليلة : فرص العمل ممكن تكون اكثر
الشيخ سعيد : اه الحاجة الثانية احنا كل الاعتماد هناك على الزراعة اللى ترتب علية ان القرض ده اتعمل له جدولة مرة واثنين وثلاثة اتعمل لهم قضايا وفى منهم مطاريد وفى منهم فى السجن فا ايه المانع انه الحكومة بقيادة المجلس العسكرى ايه المانع ان يتعفوا النا س دول الناس دول تعبوا احنا فى سينا عانينا الامرين يعنى ياريت دى تبقى مكافاة من المشير والمجلس العسكرى يعنى ده 130 مليون ده لاى حد الناس الحرامية يعنى ما يجوش كباية شاى
مسعد ابو ليلة : ده صحيح لكن من خلال لقاءات عديدة مع اعضاء المجلس الاعلى للقوات المسلحة وبما تم فى اللقاء الاخير كيف رأيتم يعنى ايجابية هذه المطالب ؟
الشيخ سعيد : والله فى تفاؤل شديد وانااامل ان التفاؤل ده يبقى حقيقة لان احنا حلمنا كثير وكنا بناخذ ووعودكثيرة ودى يمكن حسستنى باحباط من كثيرة الوعد اللى فاتت لكن احنا بعد 25يناير حاسين فى جدية حاسين فى اهتمام بسيناء لان لو مااتفعلش الاهتمام الموجود سينا هتضيع منا واحنا قلنا كثير سينا مستهدفة الموساد الاسرائيلى بيزرع فيها الشياطين بكل الامكانيات والقدر ان ابناء سينا الشرفاءالمحترمين ما اتسجلش منهم اى نوع من الخيانة اى نوع من الجاسوسية
مسعد ابو ليلة : ده صحيح
الشيخ سعيد : لكن اكنا عايزين نديهم فرصة عايزين رجال الاعمال الشرفاء ياخذوا قرض ويحذو حذو حسن راتب اللى دخل سينا فى فترة كان اهل سينا خايفين يخشوا الجبل ده الراجل ده يفضل يتعمل له تمثال رغم ان فى ناس هتختلف معايا لكن انا باعتبرة مثال للراجل المصرى النظيف خد الارض بمبلغ رخيص وكان ايامها احنا ايامها كنا عايزين حد ياخذها ببلاش
مسعد ابو ليلة : يستثمر وفرص عمل
الشيخ سعيد : اه عمل الاستثمارات دى وشغل 75%الموجودين فيها دلوقتى من ابناء سينا اذ كان فى المصانع والا فى الجامعة
مسعد ابو ليلة : نعم نعم شيخ سعيد بالنسبة لبعض شباب من ابناء سيناء هل تعيينهم علشان يحافظوا او يحموا الغاز براتب 1000 جنية فى الشهر ومع ذلك حدثت اعتداءات اكثر من مرة
الشيخ سعيد : هوالموضوع ده انا كنت احد اللجهة انا ورئيس المجلس المحلى والسكرتير العام الحدث ده كا ن لاول تفجير حصل فى العريش طلعنا من هنا لقينا المحطة على حوالى 4 فدان بامكانيات غير عادية فوجئنا ان عليها غفير قد والدى مش مسلح امكانياتة ضعيفة ماعندوش عربية فا من الطبيعى لو جه واحد ببندقية رش هيتعامل معاه وياخذها منه فا شيوخ القبائل اللى موجودين فى المنطقة ديت هى الحل علشان يتأمن المكان فقالوا لازم يكون تعيين غفر من الشباب يبقى فرصة للعمالة وفرصة لتأمين المكان اتفقنا مع الشركة لان المكان كبير ان احنا نعين عشرين وكان بالاول بيدوهم 300 جنية قلنا لهم ال 600 ما ينفعوش خليناهم 1000 جنية الغريب ان احنا اتفقنا معاهم ان لازم كل المحطات اللى على مستوى الخط من اول رمانة الخربة دير العبد المزار كل الخط ده
مسعد ابو ليلة : الخط الغازى
الشيخ سعيد : الخط الغازى المكان كله مثلا 5 كليواو عشرة كيلو فى محطة وفيها المحابس كله لازم يتعمل عليها اكثر من غفيرالشركة رفضت ومعملتش طبعا الموساد الاسرائيلى هو ورا الحاجات دى مش يعنى الناس متخيلة ان دى اوحد لالالالأ هما الموساد الاسرائيلى غرضها الانفلات الامنى يفضل فى سينا علشان يطردوا علينا الفلسطينيين فى منطقة رابعة والشيخ زويد وتبقى سينا زى ما هما بتكلموا عليها والاغراب من كده الهجوم على قسم شرطة العريش كان قائد المخابرات الاسرائيلية قال انه خلال ايام هتحصل فتنة بين القبائل هتحصل مشاكل هتحصل وهتحصل
مسعد ابو ليلة : بيسبق يعنى
الشيخ سعيد : ثالث يوم او ثانى يوم حصل الهجوم على القسم ونحمد ربنا ان فى الهجوم ده بعد ما تم دبح العديد من الناس مفيش حد من سينا
مسعد ابو ليلة : لكن المخطط مفضوح واهالى سيناء نفسهم اول من
الشيخ سعيد : عرفينه كويس
مسعد ابو ليلة : يعرفوا ازاى يتعاملوا معاهم
الشيخ سعيد : ايوا طبعا
مسعد ابو ليلة : طيب استاذ سعيد يعنى حضرتك تحدثنا عن ايه مشكلة الزراعة يعنى التنمية الزراعية فى سيناء ايه العقبات
الشيخ سعيد : هى ممكن
مسعد ابو ليلة : او ممكن ايه الحل يعنى
الشيخ سعيد : اول عقبة اول عقبة المناطق شمال سينا منتشرة والارض خصبة هو كان اتكلمنا على سبيل المثال فى دير العبد ان يتعمل عداد كهرباء مؤقت بيزرع على ماسورة لا تتعدى قطرها 3 بوصة حوالى عشرة متر بيزرع فدانين بيتعايش منهم المحافظة تقول الكهربة تبع التعمير التعمبير يقول ارض زمام الزمام تبع الجهاز يفضلوا يمطوحوا فى المزايده ما يقدرش يزرع فى مناطق ثانية زى مثلا فى الوسط ليه الميه على 3000 متر محتاجة ابيار عملوا مجموعة ابيارولكن ما فدهومش المشروع فى الحدود من رفح لطابا ارض سهلة وكانت البير فيها بيتعمل ب 100000 بيزرع حوالى 25 فدان وال 25 فدان هيعيشوا 5 خرجين باسرهم زائد هيأمنوا الحدود
مسعد ابو ليلة : نعم لكن فرضا الشركة خدمة لعملية التنمية يعنى انتم مع الراى القائل بضرورة وجود او انشاء محافظة ثالثة لسيناء هى محافظة وسط سيناء
الشيخ سعيد : والله انا مع الفكرة دى والفكرة دى هتبقى من دير العبد مع الحسن ومخن وخصوصا ان قبل 67 كانت الحسنة دى تبع دير العبد لان الثقافة اللى فى دير العبد
مع كثرة السكان فيها مع قرب المسافة مع الحسنة كانت 50 كيلو ده هيدى فرصة ان ابناء دير العبد هيروحوا مع ابناء دير الحسنة هيبقى فى اندماج مع ابناء وادى النيل خصوصا ان مركز دير العبد كلة عاش فترة الهجرة فى محافظة البحيرة فى الشرقية وفى الاسماعيلية وكان له نصيب الاسد من التعليم زائد ان ثقافة دير العبد تختلف عن جميع انحاء المحافظة حتى فى ايام الثورة كانت دير العبد مثال للحفاظ على ممتلكات الدولة وممتلكات البشر
مسعد ابو ليلة : يعنى انت مع الراى
الشيخ سعيد : اه انا باؤكد على وعمل محافظة ثالثة بوسط سينا ويضم اليها دير العبد
مسعد ابو ليلة : مرة ثانية نتوجة بالشكر للشيخ سعيد موسى صباح من قبيلة البياضية مركز دير العبد بشمال سيناء شكرا شكرا استاذ سعيد
الشيخ سعيد : انا باتوجه بخالص الشكر للمجلس العسكرى بالقوات المسلحة بقيادة المشير ولمجلس الوزراء بقيادة رئيس الوزراء على الاهتمام الجيد بتنمية سينا ومزيد من العمل والله الموفق والسلام عليكم
مسعد ابو ليلة : شكرا شيخ سعيد وشكرا لكم اعزائى المشاهدين على وعد بلقاء فى حلقات قادمة من اتجاهات الى اللقاء