كلام مسئول

الجمعة 21/1/2011
محمد صلاح : يا مساء الخيرهوايه مشكلة الاقتصاد فى مصرعدت خلاص مشكلة الازمة الماليه العالمية وايه اسباب الفقر الاحوال الاقتصادية لسة متاثرة يعنى بضعف الاستثمارات الجديدة قلة الادخار كتر المشاريع اللى احنا فتحين فيها وشفطة القرشينات اية المشكلة .. اسئلة تحير الاكادة لو قلتوا ده اسباب فشكل الازمة او النتايج بيبان فى البطالة فى ضعف الخدمات فى التضخم ارتفاع الاسعار والغلاء ازمات بقى وانت ماشى كدة يعنى مش اقلها ازمة المرور طيب الاقتصاد المصرى واعد صاعد توقعات كثيرة بتقول انه من النمورالقادمة فى المنطقة شهادات كليه بتقول ان مناخ الاستثمار فى مصرهوالافضل والاقتصاد بينمو فى استثمارات كثيرة لكن مش حسنها علشان ما بتنزلش للناس والا الناس مش واصل ليها نتائج الالتحسن الاقتصادى كثير من رجالات الحكومة وزراء ومسئولين قالوا كده بكل صراحة .. احنا كمان بكل صراحة بنقول كدة برضه اللى ما وصلهاش بقى الفلتر مسدود ما بين الماتور وبين الحكومة ما بين الارقام الوردية وبين الناس والا عندنا شجرة فاكهة وماشية عكس قانون الجاذبية الثمرة مابتنزلش لتحت ارقام الداخل والخارج كويسة المؤشرات مرتفعة طب ليه الاسعار عاليه ليه الارقام كويسة وفى بطاله وفى شكوى من اسعار الخدمات والسلع وفواتير العلاج والتعليم يعنى حلاوة الارقام مش واصلة لبقاق الفقراء والطبقة المتوسطة ارقام فل لكن الاحصائيات عن رضى الناس مش ولابد عن الخطط وارقام العمليه الفاذة ومعاناة الناس هيكون لينا النهارده كلام مسئول
فاصل
مذيعة : تعرض الاقتصاد المصرى لازمات مرتبطة بالازمات الماليه فى العالم مما جعل النمو الاقتصادى يتراجع من 7% الى 7ر4% قبل ان يتعافى قليلا بان تداعى الى 5% هذا العام كما تراجع نصيف الفرد من الناتج المحلى المصرى من 5% الى 3ر2% ولازال معدل التضخم مرتفع عند حدود 10% ورغم ذلك حفظ الاقتصاد المصرى معدل السكان مع توافر السيولة الازمة للطلب على النقد الاجنبى عن طريق الاحتياطى المتوافر لدى البنك المركزى تامل الحكومة فى الاصول بمعدل النمو الى 6% العام الماضى ثم الوصول به الى 7% حتى يمكن ان يشعر به المصريون تؤكد المؤشرات ان النشاط الاقتصادى فى مصر بدأ فى العودة لكن التحديات والقيود مازالت قائمة وتتمثل فى استمرار ضعف الطلب الاوروبى والمنافسة من اقتصادات اسرع نموا وتراجع المعونات الخارجية والاستثمارات الاجنبية المباشرة يتفق المحللون المصريون وكذلك خبراء البنك الدولى على ان مصر تحتاج الى نمو اقتصادى على اساس العمل والانتاجية ليس فقط على اساس رؤوس الاموال يعد الاعتماد على العمل و الانتاجية شرط لكى يصل عائد التنمية الى الطبقات المتوسطة و الفقيرة مما يشعرنا بنتائج التنمية و تؤكد الحكومة ان النمو الاقتصادى المصرى يعمل لصالح الفقراء و كسر زيادة الفجوة بين الفقراء و الاغنياء يرى المحللون الاقتصاديون ان الطبقة الوسطى لم تندثر فحسب و لكنها اتسعت و يشيرون الى ارتفاع غير مسبوق فى اسعار السلع و اشتراكات الهاتف المحمولة و السيارات الجديدة و الثروات العقارية الخاصة تقول الحكومة ان نسبة الفقر و الفقراء فى انخفاض تدريجى و يبدأ حراك كبير فى دخول الافراد و الاسر و لكنها تعترف بأن الكل لن يستفيد بنفس الدرجة و لا يستفد المصريين كثيرا بالارقام و البيانات والمؤشرات الصاعدة وسط ارتفاع الاسعار و السلع و الخدمات و عدم قدرة الدفع لتلبية هذه الاحتياجات و الشكوى من تكاليف الحياة و التعليم و العلاج و الغذاء و الكساء و ندرة وظائف الابناء بعد رحلة تعليم مضنية
فاصل
محمد صلاح : وظيفة الحكومة انها تحسن مستوى المعيشة و الحياة و التحسين ده له شروط و مواصفات و له خارطة طريق امتى الناس بق ترتاح و تحس انها مش على طول هتعيش العمر كله فى ازمة صعبة و هتوصل فى يوم من الايام لحياة مرتاحة كويسة ليها و لولادها بعد كام سنة كده هيكون فيه دور فى نهاية النفق و ثمرة نازلة من شجرة و هيكون النهوض بالاقتصاد المصرى و رفع المعاناة عن الناس الدكتورة ماجدة قنديل المدير التنفيذى للمركز المصرى للدراسات الاقتصادية هيكون لينا معاها كلام مسئول ..نرحب بالمدير التنفيذى بالمركز المصرى للدراسات الاقتصادية الدكتورة ماجدة قنديل
محمد صلاح : منورة يا دكتورة
د/ ماجدة قنديل : متشكرة خالص وشكرا على الدعوة والاستضافة
محمد صلاح : دكتورة الاقتصاد هوعصب الحياة مش كدة وخبراء كثير بيقولوا ان الازمات السياسية قد تكون اهون من الازمات الاقتصادية الاقتصاد المصرى اخبارة ايه
د/ ماجدة قنديل : الاقصاد المصرى على مفترق طريق كان بخطى كبيرة قبل الازمة الاقتصادية العالمية وجاءت الازمة الاقتصادية العالمية هى طبعا بتتعرض لمخاطر حتى قبل الازمة كان الخطر الاساسى بالنسبة لاسعار الغذاء والوقود وكان ده له تاثير كبير على معدلات التضخم فى مصر من 25% فى 2008 على سبتمبر 2008 الاقتصاد العالمى ابتدى ينهار بعد احداث لمىد جدز بالولايات المتحدة الامريكية وتعرض الاقتصاد المصرى كما تعرضت اقتصاديات كثيرة حول العالم الى ضغوط بتمثل نوع من انواع التحدى بالنسبة الى دوافع النمو وخلافة وده تسبب فى ضعف القوى التصديرية فى انخفاض اسعار السلع الاساسية اللى بتصدرها مصر انخفاض معدلات التدفقات الراسماليه ضعف نشاط القطاع الخاص ضعف ثقة المستثمرين فى الاقتصاد وبعض التدفقات الخارجية الى الخارج كل ده شكل مخاطر كبيرة على عجلة النموفى مصر وكان الحكومة ملتزمة فى هذا الاطار ببرنامج تحديثى واثر هذا البرنامج انقذنا الاقتصاد المصرى من براثم الازمة العالمية اللى كانت اثرت تاثير كبير على اقتصاديات مختلفة لكن فى اطار التجربة المصرية استطاعت مصر انها تحقق معدلات نمو يعنى بتحصل عليها بخصوص معدلات النموالعالمية وخلافة كان 7ر4% بفضل البرامج التحديثية للحكومة حيث استطاعت انها تعوض عن تدهور وتباطئ نشاط القطاع الخاص فى خلال الازمة العالمية
محمد صلاح : ودلوقتى بقى الجو اخباره ايه ؟
د/ ماجدة قنديل : الجو الحالى النشاط الاقتصادى اللى شفناة خلال 2010 يبسر بكثيرمن التفاؤل لصادرات مصر الصادرات غير النفطية ابتدت تعاود النشاط السياحة وجدنا برضهالمؤشرات الاخير بتدل على تدفقات وايرادات السياحة ابتدت تعاود الكثير من النشاط ووجدنا المؤشرات ميزان المدفوعات بشكل عام اللى هو بيشمل تدفقات السياحة تدفقات العاملين من الخارج وتدفقات راس المال الاجنبى كل ده بيبش بالامل بان بالنسبة للقوى لمصراللى هى العصب الاساسى بالنسبة للاحتياطى من النقد الاجنبى ابتدت تعاود النشاط .. وبالفعل وجدنانتائج ايجابية على رصيد الاحتياط الاجنبى من العملة الاجنبية اللى بيحتفظ بيها البنك المركزى وتعتبر الركيز الاساسية لدعم الاقتصاد
محمد صلاح : وبالتالى بقى
د/ ماجدة قنديل :وبالتالى القطاع الخاص بدأ يعاود نشاطة وده طبعا نوع من انواع المخاطر ولا سيما اذا كان هناك ضعف فى الاقتصاديات العالمية الاساسية اللى بترتبط بيها مصر من خلال علاقات تسهيليه وخلافة
محمد صلاح :يعنى الناس ما كنتش حسة قبل الازمة الماليه العالمية رغم معدل النمو اللى كان يتخطى 7% يعنى الناس كانت تعبانة ولازالت طبعا جت الازمة الماليه العالمية والناس تعبت اكثر ومن كلام حضرتك يعنى ان الازمة لسة مصدرة شوية مشاكل فى الفترة المقبلة رغم التحسن يعنى وبالتالى الصورة لسة مش وردية يعنى الناس مامتخدش معدلات نمو ولا عاد يفرق معاها يعنى بيبقى ممكن ارقام وردية ارقام فيها تحسن فالناس تقراءها فى الجرائد فايسمعها المسئولين فى التليفزيونات فالناس تبتدى تشترى الحاجة فتلاقى الاسعارنار يعنى زى مستوى خدمات متدنى علشان خاطر مفيش انفاق على الخدمات علشان بتدى لهم خدما ت كويسة امتى المواطن المصرى والازمة الماليه العالمية والمجتمع الامريكى يعنى كان فى النهاية يعنى ازمة شوية كده ربنا يسهلها معاهم يعنى المواطن المصرى غرضة فى هذا
د/ ماجدة قنديل : المواطن المصرى لعب دور فى هذه اللعبة اذا كان الاقتصاد ينمو بمعدلات عاليه وتفهم حضرتك الارقام واخدنا الفترة بتاعت الازمة خارج نطاق تاريخ الاقتصاد الحديث ولما نبص للمؤشرات بتدل على ان فى معدلات نمو عاليه وهذه ركيزة اساسية ولكن مع حضرتك تماما ان الارقام دى لابد انهاتترجم الى واقع
محمد صلاح : معدل النمو
د/ ماجدة قنديل :ما يتعملش ايه اللى ناقص فى هذا الاطار اللى هو معدل التوصيف ومعدلات البطالة وللاسف فى الفترات اللى كان بينمو فيها الاقتصاد المصرى بمعدلات نموعاليه نحصل عليها لم يتجرم هذا النموالى عمالة وزيادة فى التوظيف
محمد صلاح : ايوه بس يا دكتورة هناك طبعا مشكلة البطالة وهنتكلم فيها مهمة بس حتى اللى بيشتغلوا مش عارفين يكلوا يعنى
د/ ماجدة قنديل :اه يعنى فى مشكلة الدخل المحدود والاقتصاد بينمو تعرض كما ذكرت ان فى ضغوط خارجية اثرت على الاسعار بشكل غير عادى 25% من التضخم مفيش اى سيولة
محمد صلاح : اه تخضم يعنى بالعربى كده العملة بتنزل 25%
د/ ماجدة قنديل :اه يعنى لو زودوا المرتب اى حاجة ب 10% يبقى انت 15%
محمد صلاح : بقى العمليه 15%
د/ ماجدة قنديل :15% من قيمته الحقيقة يعنى انت لما بتروح تشترى سلعة القيمة الحقيقة للقرش اللى معاك وادخل بتاعك قل بنسبة 25%
محمد صلاح : اه
د/ ماجدة قنديل : فده بيؤثرسلبا على مستوى المعيشة على قطاع من الشعب اللى هو قطاع لن يستطع ان هو يواكب دخله بمعدلات التضخم العاليه اللى كان جزء منها مفروض انه جز ء مرتبط
محمد صلاح : عجلة النمو والحاجات دى الناس ملهاش دعوة بالعجلة
د/ ماجدة قنديل :لأ عجلة النمو هقول لحضرتك يعنى النهارده بتروح تشترى سلع وخدما ت الاسعار بتعتها بتعكس يا اما اسعارعالمية لانها سلع مستوردة يا اما الطلب كقوة شرائية بتفوق المعروض بحيث ان بيحصل ضغوط تضخمية واعتقد اللى حصل يعنى جملة من الاثنين المعدلات التضخم فى المنطقة اما معدلات عاليه المعدلات العاليه دى بتبعث من القوة الشرائية القوة الشرائية مكنتش متوزعة توزيع عادل ولكن دى قوة شرائية بتبحث عن سلع وخدمات عند بعض الناس ده طبعا لمابيكون دخلك محدود ولكن انت عندك من القدرة ولا المرونه انت جواك اسعار بتحس بضغط المعيشة وانك المعيشة عند شخص منعدم المرونة انه يستطيع
محمد صلاح : الخدمات اللى هى ايه مابيبقاش دخولها محدوده دى وصلت الى مرحلة انه ...؟
د/ ماجدة قنديل :هو طبعا ده مطلوب حاجتين الحاجة الاولانية معدلات التضخم احنا بنحاول نوع من انواع التثبيت وبالفعل معدلات التضخم اللى شفناها خلال الازمة او قبل الازمة 25% النهاردهه بنتكلم على 10% نأمل ان يكون ده الدور بسبيل ان احنا نضغط اقل من كده ولكن خلينا واقعيين لو قنا 10% ده معدل متدنى بالنسبة لمعادلات اعلى بكثير
محمد صلاح : يعنى يبقى نجاح انه يثبت ل 10%
د/ ماجدة قنديل :لأ لواقترن ذلك بمعدلات نموعاليه بحيث ان احنا بنزود الانتاج وبنزود الانتاج بقدربيتمشى مع زيادة الانتاجية بحيث ان يكون هناك زيادة فى الدخل الحقيقى لان هو اهم حاجة انك انت تنمى الدخل بسرعة اعلى بسرعة تكلفة المعيشة وده مش هيكون الا لو كان فى زيادة الانتاجية انا النهارده لو استطعت
وزودت دخل حد لما يكون هناك سلع رئيسية
محمد صلاح : يعنى تضخم
د/ ماجدة قنديل :تضخم اواو اكثرمن كده اصلا اولوهو انت اديت لموظف زيادة والزيادة دى لا تقترنبالزياده فى الانتاجية بيحصل ان احنا بنخلق ضغوط تضخمية اضافية لان اللى بيحصل انهادة باخلق قوة شرائية وهمية مفيش اثر لقاعدة هذه القوة الشرائية طالما بياخذ الشخص ده الفلوس الزيادة وبيروح يصرفها انا باخلق قوة شرائية وهمية وعندى جانب العرض اللى هوالمنتج ما زدش وده بيخلق نوع من انواع الضغوط التضخمية وده اللى احنا عايزين نتفادها فى المرحلة المقبلة بحيث ان تكون زيادة الدخول مقترنه بزياده الانتاج
محمد صلاح :عايزاسال يا دكتورة الى مسالة توزيع الثروة فى اطار كلامك يعن يعنى بيبقى فى ناس عندها قوة شرائية عاليه وناس ثانية دخلهم عالى بشكل اوباخر يعنى و ان فى ناس يعنى القدرةالشرائية عندهم محدودة جدا امتى ممكن نوصل الى مرحلة انه يمكن يبقى فى توزيع عادل للثروة ان يعنى يبقى كل الناس معاها فلوس اه والناس التانية معاها فلوس تجيب شوية حاجات تاكل بيها عيش يعنى
د/ ماجدة قنديل :هو فى شقين لكن الشق ان عمليه النمو نفسها هو فى توليفة احنا عايزين نمو يكون مرتبط بتوزيع
محمد صلاح : شكلة ايه النمو ده يعنى ؟
د/ ماجدة قنديل : من الاول انا بانتج باشتغل فى مكان وبنتج وكلنا بنشتغل فى اماكن مختلفة وبننتج فكلنا بننتج فلما بننتج الزيادة فى الانتاج والزيادة فى الدخل على مستوى الاقتصاد انه الدخل ده ممكن يوزع على
الطلب الطلب ده ممكن يكون خارج فى شكل صادرات ممكن يكون محلى فى شكل استهلاكى محلى فى شكل استثمار هو ده المنتج بتعنا عندنا الوحدات دى وبنجمعها مع بعض
محمد صلاح :بتعمل معدل نمو
د/ ماجدة قنديل :بتعمل معدل نموالمشكلة بقى انه لما تيجى توزع معدل النموهنا الاقتصاد او المكان اللى احنا فية النهارده او المصنع كل واحد بيشترك فى عمليه الانتاج له نصيب انا لما بجمع حاجة على ماكينة مكتب انا صاحب المكان ده عائد الربح كل دى عوامل راجعة للانتاج لمابتيجى توزع العوائد عندك قاعدة عريضة من المنتجين وقاعدة العريضة د كلها شاركت فى علمية الانتاج كلنا بتتحصل على عوائد من النموواخشى ان تجربة النموفى مصرلم تقترن بتوزيع عوائد الانتاج العقارى
محمد صلاح : ليه بقى ؟
د/ ماجدة قنديل : نوعية النمو اوالجزئيات المخصة بهذا النمو لم تقترن بقيمة مضافة فى قطاعات معينة يشترك فيها قطاع عريض
محمد صلاح : خلينا نمتلك قيمة معينة
د/ ماجدة قنديل :النهارده اشترى حتة ارض وابيعها باعمل ربح العائد عليها انا اللى اخذتة انا لوحدى هروح اشترى عندى مرونه وعندى اسعار وعندى انت لما بتكررالمثل ده على قطاع معين او فئة معينة اى ان كان مستوى النهارده انت بتعمل ثروة الثروة دى بترجع عليها الزيادة وفى القيمة المضافة اللى هى ممكن تكون مقترنه بالنمو وممكن فى نفس الوقت اعوض لما اجيب مصنع ووظف ناس واجيب ناس وقعدهم على المكن وصنعوا حاجات كل الافراد اللى بيشتركوا فى عمليه الانتاج هيستفيدوا وانا هستفيد كا صاحب منشاة هاخذ ربح ولكن الربح بتاعى مقترن بعوامل انتاج مرتبطة بكل القوة اللى شاركت فى العمليه الانتاجية كلنا نشتغل لحد معين
محمد صلاح : يعنى اشتغل وعيش وخلى غيرك يعيش
د/ ماجدة قنديل : خلى غيرك يعيش ده اوالنظام ده قد يكون له بداية استمرار الا اذا اهتموا بمستوى الدخل وبمستوى المعيشة
محمد صلاح : مااحنا عندنا يا دكتورة
د/ ماجدة قنديل :النهارده انت كا صاحب راس مال يعنى حتى النظام ده اوالنموذج ده بيكون له بداية استمرار لو اهتمينا بتوزيع الدخل ومستو ى المعيشة وعمل مشروع لازم يكون فى قوة شرائية مرتبطة بالثمانين مليون اللى عايشين فى البلد هنا وابتدت القوة الشرائية تضعف لان الناس حاسة ان عوائد ما بتنكعسش على مستوى الدخل لان القيمة المضافة فى الحاجات اللى انا ذكرتها دى او خلافة دى هتكون الى زوال ومش هيستفاد منها وعلى هذا الاساس لازم يكون الاستثمارات مقترنة بالطلب والطلب ده يبقى محلى فى اوقات الازمة العالمية بس لما بنعتمد على الصادرات ده حتى لو كان عندناقوة تنافسية عاليه لظروف خارجة عن ارادتنا البلاد اللى احنا بنصدر لها بتاعنا ده معناه ان احنا لازم يكون عندنا نوع من انواع الاستمرارية على اساس الطلب
محمد صلاح : وعندنا مرونه كمان
د/ ماجدة قنديل : وعندنا مرونه فى بلاد كثير تتمنى ان يكون هناك قوة شرائية الولايات المتحده قعدت مدة طويلة اعتمدت على الطلب المحلى وفى هذه اللحظة
محمد صلاح :الطلب المحلى ما احنا نقول القوة الشرائية حوالى 6 مليون موظف حكومى الموظفون فى الارض يعنى
د/ ماجدة قنديل :لأ بس مش شايف اغلب الفئات بمعدل 2 – 3 – 4 – بقوا 20 – 18 يعنى فى 20 مليون قدراتهم الشرائية محدودة هو الموظف مرتبة كام يعنى وهيزيد كام يعنى
د/ ماجدة قنديل :هى المشكلة زى ما باقول لحضرتك احنا بنحاول ان احنا بنحاول ان احنا نعمل عمليه توجيه وبنوجة الطاقات دى هما كان جهاز الحكومة بيستوعب عدد كبير لكن فى المرحلة المقبلة اللى قدرنا نبتدى نوجة الاقتصاد ربما لجزء من الطاقة اللى موجوده
محمد صلاح : ليه الاقتصاد مش مش منتج يعنى عندنا
د/ ماجدة قنديل :احنا منتجين البلد بتنتج 7% احنا منتجين احنا ما بنقولش ان احنا مش منتجين
محمد صلاح : لكن منتجين مش قوى يعنى
د/ ماجدة قنديل :عوتنا النهارده فى حاجات زى ما قلت لحضرتك العائد علينا ما بيعمش على قاعده عريضة
محمد صلاح : يعم ازاى ؟
د/ ماجدة قنديل :يعم انك انت تبتدى تعمل نشأت نعمل قوى انتاجية نبتدى نجمع نبتد ننتج كل حاجة احنا
محمد صلاح : ليه ما بننتجش معوقات يعنى
د/ ماجدة قنديل :معوقات ممكن تكون معوقات هيكليه
محمد صلاح :هيكليه ازاى ؟
د/ ماجدة قنديل : هيكليه ما انا النهاردهه لما نشوف حد فى سوق العماله والعرض والطلب فى عندك فجوة كبيرة عندك المعروض ولا سيما من خريجى الجامعات ناس المفروض انها بتتمتع بالمهارات الصغيرين القادرين على الانتاج وشوف النهاردهه جزء كبير منهم فى بطالة وفى نفس الوقت
محمد صلاح :وفى نفس الوقت مش لاقية موظفين ؟
د/ ماجدة قنديل :بالضبط ودى فجوة كبيرة ما بين المعروض فى سوق العمل وبين الطلب ولاسيما القطاع الخاص اللى هو بيدع لاستقطاب المهارات النهاردهه زى ما حضرتك عارف ان فى دخول متفاوتة فى الشعب المصرى
محمد صلاح : اه
د/ ماجدة قنديل : وبتلاقى واحد بياخد كتير قوى وواحد ما بيخدش فالنهارده اصبحت هى دى ظاهرة صحيا من ناحية تنمية سوق العمل بالمهارات واصبحت الاجور مرتبطة ولكن اللى اهم من كده مش ان احنا نقعد ندور زى ابرة فى كوم قش على واحد علشان ندى له فلوس كتيرلان احنا بنتقرب من الشخص ده بحيث ان الطلب ينمو وفى نفس الوقت نستقطب عدد كبير من المهارات اللى هى متعطشة ربما كانت
محمد صلاح :يعنى هيفتح موضوعات اخرى ومشاكل اخرى يعنى ماهوالخريجين هو كان تعليم اللى موجود ده
د/ ماجدة قنديل :ماهو هنا هيبقى المرجع نراجع زى ما باقول لحضرتك الحاجات الهيكليه يعنى عموما هيكلى ما هو النهارده ما نقدرش نعمل سياسة النهارده ونغير الوضع القديم فى يوموليلة النهارده لازم تعمل خطة والخطة دى تكون مبنية على توجه ونظرة مستقبليه ايه القصور بتحدد المعالم اللى بتسوء
محمد صلاح :هو احنا معندناش خطة ولا حاجة ؟
د/ ماجدة قنديل :فى خطط انا هقول لك هقول لحضرتك انا التنفيذ لا يقترن بكثير من الخطط
محمد صلاح : عندنا نظريات وكلام
د/ ماجدة قنديل :عندنا نظريات وتحليل كويس قوى وبرنامج زى ده وغيرة وتسمع مسئولين كثير بيتكلموا بنية تنفيذ كل واحد فى مكانة بنية يعنى ان العمليه بتسير ببطء شديد جدا وكلنا عندنا وعى وعندنا قدرة ان احنا نحلل كويس وعندنا ونجادل
محمد صلاح :الجدل ؟
د/ ماجدة قنديل : الجدل اه طبعا هى بطبيعتها عموما ان مفيش حالة بتطبق فى كل زمان وفى كل مكان الاقتصاديين الاقتصاد ده علم بطبيعتة انك لازم تتحاور به وتستعمل نوع من انواع المرونه وتقول رايك فية النهاردهه تقول انا رايى كذا وبكرة هغير رايى لان فى حاجات مستهدفة ونبتدى نتحرك لان الموضوع عايز حركة وعايز قوى واراده فى التطبيق والسياسات وتحقيق خطواط معينة بحيث نحط مراحل والمراحل دى بتحدد المعايير اذا كانت معايير اداء ومعايير الاداء دى مرتبطة بالاداءوالا لأ نرجعها وان اتعلمنا من تجربة ثانية بس ما نبقاش نفضل فى مكاننا نتكلم عن نفس المشكلة ونعمل مجلدات يعنى هناك كميه من التفكير النظرى غير طبيعية فا يعنى عايزين ندفع العمليه للامام ويبقى فى رغبة فى التنفيذ بتقترن مع الافكار القيمة بس فى مشكلة الجهاز التنفيذى فى اى مجال وعلى اى مستوى بيفتقد القدرة على اتخاذ القرارات ويدفعهاللامام ويلتزم بيها
محمد صلاح : قلبتى عليا المواجع يا دكتورة خليكى معايا لسة الكلام ما خلسش
فاصل
محمد صلاح :معايا دكتورة ماجدة قنديل فى قصة انه بنتكلم كثير فى حاجات كدة وانه الناس عدت بقى الناس عدت واحناعمالين نتكلم وغير اللى بنتكلم فية بقالنا 7 الالاف سنة موضوع الدعم دكتورة معانا اراء لبعض المواطنين بتتكلم عن موضوع الدعم وارتباطهم بالاسعار نشوف التقرير ونعود لحضرتك نشوف موضوع الدعم ده اللى بنتكلم فية هنرجع لكم
مواطنة : بالنسبة للدعم فى حاجات كويسة وحاجات لأ يعنى بقالهم حوالى 5 اشهر الارز لا يطاق كلة بدرة تنخلة كده ما بيستعملش نهائى بالسبة للسكر السكر كويس بالنسبة للزيت اوقات الزيت حلو واوقات له ريحة مخزون فا مش كل الحاجة اللى فى الدعم مضبوطة يعنى
مواطن :مفيش دعم للمواطنين خالص يعنى كليو السكر بقى ب 7 جنية واسعار غريبة كده اسعار غريبة بتحصل مش عارف مش عارف اخرتها ايه
مواطن :انما بالنسبة للمعيشة كلها يعلم بيها ربنا مفيش حد مرتاح ولا فى اسعار ولا فى مواصلات لكن اهى عيشة
مواطن :طبعا بالنسبة للدخول دلوقتى بالنسبة للاسعار جامد جدا الاسعار مع دخل الحكومة ومع دخل الناس بالنسبة للعيشة ما ينفعش ما ينفعش طبعا لان النهاردهه المفروض ان الحكومة تاخد بالها من المواطنين وتاخد بالها من الموظفين والكلام ده كلة مش الموظفين بس هى تعبانة الناس كلها تعبانة
مواطن :هى المشكلة فى الدعم انه ما بيوصلش للنا س اللى يستحقوه هو بيتاخد من فوق فا تبص تلاقى الدعم على مابيوصل للناس بيبقى الناس ما بتطلهوش وبعدين الناس علشان تتحصل عليه بتعانى سواء حتى بطاقة التموين الناس بتروح تقف ادام بقال التموين وبعدين يقول لهم النهاردهه مفيش النهارده جه النهارده مجاش فالناس مفيش رقابة على اى حاجة مفيش اى رقابة من الحكومة
مواطن :معدش دلوقتى لافى دعم ولا فى تقييد فى اسعاركل حاجة دلوقتى بقت مولعة لو تبص حضرتك فى الوقت الحالى غير زمان زمان كان فى كل حاجة متوفرة ورخيصة والدعم كان متوفر بالنسبة للتموين كان كل شئ موجود يعنى ما بيحصلش اى شئ لكن دلوقتى صحيح كل حاجة موجودة لكن كل حاجة غليت
مواطن :بالنسبة للاسعار لابد ان الحكومة تتدخل لتنافس الناس المحتكرين والناس المستغلين لازم ترجع الجمعيات وبقوة الجمعيات الاستهلاكية ويبقى فى شبة شراكة ما بين القطاع الخاص والحكومة فى كثير من الحاجات او البضائع الحيوية اللى تمس المواطن وبالذات الطبقة المحدودةالدخل
مواطن : اللحمة غاليه والمصاريف غاليه كلها ولا الحكومة راضية تنزل الاسعار ولا أيته حاجة اواحد شغال ليل نهار وبرضه مش مكفيا خالص الواحد مش قادر يصرف على العيال ولا قادر يسد اللى عليه اللحمة غاليه والعيشة كلها غاليه
فاصل
محمد صلآح : محدش مستريح ايه رايك يا دكتورة ؟
د/ ماجدة قنديل :طبعا انا متوافقة تماما مع كل اللى سمعتة مش مستغربه تماما ده مهم ان احنا نعيده نزيده هو زى ما حضرتك قلت هو ايه المشكلة ؟ اعتقد احد التعليقات اللى سمعتها هنا الدعم لا يصل لمستحقية ده قصور كبير فى نظام الدولة الحقيقة اللى بيرهق الميزانية وبيحمل الحكومة جزء كبير وجزء كبير يهدر
محمد صلآح : على الفاضى ؟
د/ ماجدة قنديل :لأ انا هو لا يتماشى مع الهدف الاساسى للدعم الدعم ان يصل لمن يستحقة لما بتعمل دعوم سعرية وبيتم توزيعها بطريقة عشوائية وكل من يستحق او من لا يتسحق بيتحصل على السلعة بنفس السعر بيكون فى اصراف فى الاستهلاك
محمد صلآح : محتاجين قرارات قوية لكى يصل الدعم لمستحقية بجد .
د/ ماجدة قنديل :اه
محمد صلآح : ولا الخوف من البعد الاجتماعى ده هو لازم نقف عند حد معين يعنى ؟
د/ ماجدة قنديل : طبعا فى جزء الناس لمجرد انك انت تتكلم عن انك انت هغير ا لنظام كل واحد يتهيأ له ان انت هتسلب له حقه
محمد صلآح : ما كل واحد بيوصل له حقه
د/ ماجدة قنديل :الضبط بيوصل له حقة ازاى ما هو انت دلوقتى وانت بتقولة انا هبتد اعمل نوع من انواع التدريب ولازم يبقى منهج تدريجى لان ما نقدرش النهاردهه حاجة بتكلف اكثر من القيمة اللى بنتداولها بكثير جدا ان احنا مرة واحده نرفع الاسعار لان بيبقى فى ضغوط تضخمية كبيرة على كل الناس النهارده لازم يكون فى منهج تدريجى لكى نصل خطوة للامام وبعدين فى نفس الوقت لازم وانت بتسلك هذا المنهاج التدريجى بتقدم نوع من انواع الضمانات لفئات انت بتحددها بتقول دول ما يقدروش يتعاملوا مع التغيير فى الاسعار بتقول ان انا عند تكلفتها واحسن ان انا هوفر لهم السلع اللى همابيستحقوها باسعار مدعمة بس هديها فى شكل عينى يتحصلوا على السلعة مباشرتا او هدى لهم مساعدات نقدية بلاش
محمد صلآح :احنا مرتبطين ببطاقة التموين والكترونية ممغنطة والا مش ممغنطة يعنى حاجات كده مهيش بشكل عملى يعنى
د/ ماجدة قنديل :ماهو حتى هذا النظام رغم القصور فيه بتجد النظام انابيب البوتاجاز ب 5ر2 جنية وعمليا محدش ب 5ر2
محمد صلآح :اه زى التعليم المجانى ويروحوا يصرفوا
د/ ماجدة قنديل :وعاملين مدارس فى البيوت اد كده فا النهارده احنا بنضحك على نفسنا بمعنى ان بناخد موارد الحكومة وموراد الحكومة دى موارد بدعم لانها جاية من فا النهاردهه انت لما بتاخد من محصل الضرائب وبعدين فى نفس الوقت بتلتزم بانفاق حكومى وجزء كبير منه بيدخل فى الدعم جزء كبير قوى من الدعم بيروح لمن لا يستحقة كان بيوصل الى 70% و 80 % وخلافة كان ممكن توفر هذه الفلوس وتدى تحسن من خدمات التعليم تحسن من خدمات الصحة توفر الكثير من المستلزمات الاساسية
محمد صلآح :داحنا قعدنا محتارين على موضوع العلاج على نفقة الدولة ولازم عن طريق عضو مجلس الشعب ولازم عن طريق مكتب مش عارف ايه اسهل حاجة ادى دعم للمستشفيات تعالج الناس بصورة دورية حاجة سهلة جدا يعنى
د/ ماجدة قنديل : ولا حاجة مش محتاجين اول حاجة يكون عندك الاحصاء واعتقد وزارة التضامن الاجتماعى بيحددوا الفئات محدودة الدخل الفئات دى بنبتدى نستغلها
محمد صلآح :لآ بالنسبة للشعب ما حنا لازم
د/ ماجدة قنديل : حتى لو كانت نسبة كبيرة بس مش كل الناس اللى تشترى البنزين بنفس السعر
محمد صلآح : اه
د/ ماجدة قنديل :مش كل الناس اللى تشترى البوتاجاز بنفس السعر ولا كل الناس اللى ممكن تشترى العيش بنفس السعر لان النهارده انت لما بتوفر سلعة ولكنا بنشتريها بنفس السعر سواء بنقدر ندفع اكثر والا ما نتدفعش اكثر احنا كده بناخد فلوس كثيرة ممكن نوفرها ونديها لمن يستحقونها فى شكل دعوم على الخدمات اللى هما يستحقونها وخدمات الحكومة دى مسئوليه الحكومة الاقتصاد عن التجارة الحديثة عن محتاجين
محمد صلآح : النمو ده معناه
د/ ماجدة قنديل :النمو ده محتاج جهازحكومى رشيد وجهاز حكومى قوى بمعنى يكون عنده ايرادات وعنده القدرة على انه ينفق على الاولويات الاساسية لهذا الاقتصاد علشان يساعد عمليه النمو لان دى حاجات القطاع الخاص عمرة ما هيعملها لان دى مسئوليه الحكومة وخدمات كثيرة قوى خدمات اجتماعية وتعليمية وصحية والقطاع الخاص عمرة ما هيعملها لان د مسئوليه الحكومة احنا النهاردهه بنرشد الانفاق الحكومى علشان نودية للاتجاهات الاساسية هو زياده الاسعار هى طبعا عادية لان النهارده فى ازمة عالمية وهنشترى الاسعار باغلى كل العالم بيتكيف مع هذه الازمات
محمد صلآح :كل العالم بيتكيف يا دكتورة عندى نموذج مثلا انه يعنى طبعا تسعيرة جبرية بقى غير زى جدوى دلوقتى احنا فى اقتصاد حر ومجتمع يعتمد الاقتصاد الحر وبالتالى التسعيرة الجبرية صعب انها تطبق او مستحيل يعنى انما بتبررى باية انه فى بعض الاحيان فى بعض الدول تظل الاسعار كما هى بمرور الزمن يعنى انا مثلا رحت الامارات من 20 سنة سعراللحمة هناك 25 درهم من 6 شهور كانت ب 25 درهم ايه القصة
د/ ماجدة قنديل :انت رحت الامارات وانا رحت الامارات كثير بلاقى الحقيقة الاسعار زادت جدا
محمد صلآح : احنا مش عايزين نغلى الحاجات اللى بتكلها الناس اللحمة الخضار الحاجات اللى طول عمرها بتضرب
د/ ماجدة قنديل : فى كثير دول اولا لازم نبتدى نحط الامور فى حجمها دى دول النفط الدول اللى عندها الفائض كبير جدا
محمد صلآح :اقول لك سر طب والله فى حد من الزملاء وبيشتغل معانا فى البرنامج بياكل لحمة من الكويت بقالة 3 سنين يعنى له اقارب فى الكويت فكل حد نازل 3 كيلو لحمة كده بيبعت هم له
د/ ماجدة قنديل :لأ لأ احنا مش
محمد صلآح : ومستوى الدخول شكلة عامل ازاى بس الحمة هناك ارخص ليه ؟
د/ ماجدة قنديل : الاهم هناك فى نوع دى تسعيرة دى تسعيرة بدون شك يعنى
محمد صلآح : طب امال ليه هناك فى تسعيرة ومعندناش هناتسعيرة
د/ ماجدة قنديل : لأ التسعيرة دى معناها ايه ان هو بيستود الحاجة ومعناها ان هما عارفين ان البلاد دى معتمدة على الاستيراد فى حاجات كثير ولاسيما الغذائية فالنهارده هو بيستورد الحاجات دى عنده ضغوط اسعار عالمية عنده ضغوط سعر الصرف وخلافة ولكن بيكتفوا بان هو يوفرها للمواطن بسعرمعين مين اللى بيتحمل الفرق الحكومة هل هما قادرين على ذلك
محمد صلآح : قادرين طبعا
د/ ماجدة قنديل :وعندهم سلعة نفطية هماعادوا اسعار النفط نزل دلوقتى اسعار النفط زادت بشكل عام الاحتياطيات الاجنبية عندهم الفائض المتحقق لهم بشكل مستمر بيجى عن طريق الثغرات وخلافة عوائد الحكومة من الايرادات النفطية عندهم الكثير من الفوائض بيحث انه بيضمن سياسة توظيف .. بيضمن سياسة للمرتبات بيضمن زيادة الرواتب .. بيدعم اسعار مختلفة الاساسية
محمد صلآح : يعنى بيدعم الحاجات اللى مش موجودة عندناهنا يعنى ؟
د/ ماجدة قنديل :موجوده عندنا بس ما نقدرش نعمل قياس على هذا السبيل لان كل واحد بيعيش فى حدود امكانياتة والحكومة فى الاخر بتحاول انهاتعادل الموارد فى حدود الايرادات وتعمل نوع من انواع التوزيع للانفاق العادل ولكن المشكلة ان سبل الانفاق حاليا بتشمل الكثير من البنود اللى يمكن ان ترشدها ويمكن ترشيدها فى ضوء العجزالدين الحكومى وفى ضوء المسئوليات الكبيرة والمعاناة الكبيرة اللى احنا شفناها فى التقرير السابق لان فى ناس كثير بتطالب انه يبقى فى نوع من انواع الراحة الراحة مرتبطة باسعار معينة يتعاملوا معاها ما اعتقدش ان الشعب المصرى كلة فى هذه الطائفة يمكن جزء عريض الحزء ده هو المفروض ان موارد الحكومة تكون موجهه لمساعدتة والمساعدة مش مجرد اعانات لان الدعوم مهما كان
محمد صلآح : هيخلصوهتيجى من هنا يغلوا الاسعار من هناظاتت .
د/ ماجدة قنديل :يبقى هى العمليه عمليه دائرة مفرغه وبدل ما نفضل نلف حوالين نفسنا نرفع مستوى المواطن على ان يكون نموذج ويكون شريك فى عمليه النمو يبقى فى تنمية يبقى فى نهوض وتنمية يبقى بانهض بالعنصر البشرى فى نفس الوقت اللى انا دور الاقتصاد بوفر دخل للناس دى والدخل بيرتبط به الجميع باشغلهم وباديهم اجور والزياده بالاجور بتقترن بالزياده فى الانتاجية بارفع من مستوى العمل وهما بارفع من مستواهم
محمد صلآح : عارفة يا دكتورة فى ناس بتجيب ناس من برة ولا ايه ؟
د/ ماجدة قنديل :اه اه حاجة تضحك حاجة مسيئة حاجة مغذية فى بل فى اكبر مشكلة انا عندى دى مشكلة اكبر من مشكلة الاسعار بامانة
محمد صلآح : اه ليه بقى ؟
د/ ماجدة قنديل :لان انت عندك ولاد البلد اللى متعطشين لفرصة للعمل
محمد صلآح : اللى بيسافروا بطريقة غيرشرعية ويموتوا على سواحل اوروبا علشان ...
د/ ماجدة قنديل :بيعانوا لان الاسعار والدخول النهاردهه انا بدل ما اعمل نوع من انواع المهارات ان انا استقطبها وتبقى عنصر اساسى نستقطب فية راس المال الاجنبى المباشر او الاستثمارات المحليه بنيجى نقول عندنا عنصر بشرى يتمتع بالمهارة وفى نفس الوقت اجور متميزة عن بلاد ثانية كثير لان تكاليف المعيشة اقل من بلاد ثانية النهارده انت اخترت عنصر من عناصر الثقة فى كفاءة العنصر البشرى بدل ما تجيب الهنود والصينيين وخلافة ده نوع من انواع التدريب برامج تدريبية
محمد صلآح :يادكتورنتكلم بصراحة شوية القطاع الخاص مش هيوجع دماغة ويقعد يدرب وينمى مهارات الناس دى لما بيبقى عندها شغلانة الست الصينية بتشيل حاجات وبتمشى اكيد بتجيلك البيت
د/ ماجدة قنديل : بتجيلى وبتشيل حاجات
محمد صلآح : اه عايزين حد جاهز
د/ ماجدة قنديل :هوبدون شك انا ما بالمش القطاع الخاص انا فى زى ما قلت لحضرتك دى مسئولية الحكومة
محمد صلآح : اه
د/ ماجدة قنديل : فى موارد حكومية بدل ماهى ودى بدل ما بنحط تعليم وقواعد تعليم والانفاق التعليمى على قطاع عريض وفى نفس الوقت الخريجين مش لاقيين نديهم فرصة انهم يشتغلوا وبعدين نلاقى مهارات ثانية كثير ممكن بشئ من التدريب والتنظيم والتوعية والتنسيق ممكن نستقطب جزء كبير وناس كثير مستعدة يعنى تتنازل حتى على انها بتشتغل بالشهادة الجامعية وانها تتعلم حرفة وتاخذ
محمد صلآح : لازم نصلح بقى اسلوب التعليم عشان انا برضه مش مفيد قوى انه ياخد ليسانس حقوق والا بكالوريوس علوم سياسية وبعدين يجى حد ماكان من الاول خالص درس حاجة تنقعة فى الشغلة اللى هيشتغلها
د/ ماجدة قنديل :يبقى احنا بقى طالما معندناش نوع من انواع التعليم ان احنا بنوعد جيل بالوظائف وفى نفس الوقت فى تشكيك فى حتى فى نوعية الشهادات وقمة التقصير اللى بيتحصلوا فيها شوف احنا بنهدر هذه الموارد وممكن هذه الموارد ان احنا نعتنى بالقدارات ونمى القدرات اللى احنا محتاجنها فى مجالات معينة ونحددها ونبقى للحكومة اللى هو نوع من انواع التقصيربنعمل مكاتب ونشوف القطاع الخاص ايه ومحتاج ايه ايه اللى بيجيب من الصين ده النهارده وزارة
محمد صلآح : ما بيعرضوا ناس برضه صينى .
د/ ماجدة قنديل :لأ اكيد مافيا بيخدوا حاجات ثانية وبعدين يبتدوا يعملوا حاجات ثانية مش مرتبطة بعقود العمل اللى جم بيها خالص علشان يتصرفوا ودى فى دمه ممكن يشتغلوا بيها
محمد صلآح :فى ذمة قوى .
د/ ماجدة قنديل :يعنى هما بيشتثمروا هنا وبيصدروا هنا وبيشتغلوا هنا يعنى فاضل ايه هما انا مش هتلكلم عن الصين طبعا الصين الصين اجتهدت ووصلت الى هذا الحد النهاردهه الاقتصاد على مستوى العالم اجتهدوا وهناك مستوى الفرد فى المعيشة مش مرتفع بس دى بلد السكان بتعها كثيرين ولو ما كانوش عملوا كده ولو ما استمروش ينموا بمعدلات 10% ممكن يجوعوا
محمد صلآح :عندنا يا دكتورة كده كام حد من ابناءنا بس انت تعاطفتى مع التقريرالى فات كده
د/ ماجدة قنديل :اه
محمد صلآح : تخدى واحد تقرير
د/ ماجدة قنديل : اخذ واحد تقرير ثانى
محمد صلآح :اه تقرير للدكتورة بتتفاعل مع التقرير
فاصل
مواطن : والزحمة زى ما انت شايف واقتصاد البلد زى ما انت شايف مفيش شغل فى البلد اولا انا عندى 8 عيال والواحد يجى يطلع شغل عشان يجيب لقمة عيش
مواطن :هوفى محدش ينكر ده فى فرص للشباب طبعا عن الاول فى مصانع كثير بتتبنى
مواطن : تصور ان فى مشكلة كمان ان لما بيبدأ مشروع استثمار تبص تلاقى الامور رجعت تانى والناس مشيت وما كملتش المشاريع ده اللى بيعمل دروب اكثر من الاول
مواطن : ولا فى فرص عمل ولا فى اى حاجة فين هى فرص العمل انا انامعاياسياحة وفنادق من سنة 80 فين هى فرص العمل دى فين هى فرص العمل دى شغال عامل اهو
مواطن : اه طبعا فى فرص عمل بس الشباب هوبيعتمد على ايه بيعتمد على الوظيفة الحكومية اللى بيتخرج النهارده عايز مكتب يقعد عليه وعايز مرتب وخلاص لكن فى فرص عمل اللى بيسعى بيلاقى
مواطن :لا فى فرص عمل حتى زيارة الريس الاخيرة للخليج هى البحث عن فرص استثمار ومشروعات يعنى فى فرق بين 2010 و2000 سنه 80 كانت البنية الاساسية مفيش مجارى عشان تتصل من القاهرة يعنى وانت بتتصل من باب الشعرية مشكلة يجى الخط وما يجيش لكن وانت قاعد تتصل بدبى خلال ثانية يجى لك الخط فقطعا فى تنمية طبعا ودى تحسب للمسئولين يعنى
مواطن :الفرص هنا ما تتناسبش مع الشباب يعنى دلوقتى الواحد بردك بالوظيفة الواحد 450 جنية ده اقصى حاجة مش هتعمل حاجة للشباب واحد شاب اتعلم وبيكون نفسة متعملش اى حاجة يعنى
مواطن :والله ده كل ده وارد يعنى يعنى حتى اللى معاه قرش فى ركود والبلد واقفة وفى ركود جامد بالنسبة لاقتصاد البلد فى ركود جامد
مواطن :والله هقول لحضرتك على حاجة هو فى فرص عمل بس دلوقتى انت دلوقتى لمابتشتغل المرتب اللى بتاخده ما بيمشيش مع الحياة اللى انت عايشها يعنى دلوقتى مثلا ابمارح كيلو السكر ب 6 جنية مرتبك اد ايه علشان تجيب كذا كيلو سكرفى الشهر عندك مثلا طفلين عندك اسرة عندك اد ايه الاسرة دى كام مرتبك اد ايه فى فرص عمل اه بس هتاخد كام واخد بال حضرتك فا تلاقى المرتب مش ما يجبش فى الحياه
فاصل
محمد صلآح : يعنى هو فى تيابين فى كلام الناس حوالين فرص العمل اللى موجوده واللى مش موجوده بس فى اتفاق حتى لو موجوده المرتبات ما بتكفيش
د/ ماجدة قنديل :طبعا دى مشكلة بس المشكلة الاول ان فى اللى بيشتكوا وهما فى سن صغيرة ولسة خريجين وكلهم امال ويشتركوا فى العمليه الانتاجية وبعدين بيحصل احباط فا بيلجاوا الى اى حاجة سواء القدرات بتاعتهم والا كلمهم لمجرد ان هو يتحصل على دخل اعتقد انه هو المشكلة اساسية وما نقدرش النهاردهه تتصور النمو بتعنا ده احنا حققناة وبنسعى الى تحقيقة هيمستمر مع هذه النماذج المتكررة النهارده لو هو محتاج
محمد صلآح : يعنى الهرم نزل النمو نزل ؟
د/ ماجدة قنديل : ما النهارده انا باحتاج يا صادرات يا استهلاك محلى النهارده لو انت ما بتصدرش البلاد اللى بتصدر لها عندها مشاكل النهارده الائتلاف المحلى فئة معينة هى اللى بتقدر تواكب الاسعار وعندها دخول مستمرة النهارده القاعدةالعريضة دى انت اللى محتاجها علشان تضمن يبقى فى استثمارات وتبتدى تستمر فى عمليه التصنيع والتجهيز وخلافة النهاردهه الدول الغربية بستوعب الناتج بتعنا لو ابتدينا نشكك فى سلامة الاقتصاد ده قدرة الناس انها تواجة الغلاء وانها تجد حتى الدخل بالجزء اللى هو تعامل به علشان خاطر حتى ان هما يعيشوا فى مستوى لائق طبعا يجد حد نهائى لتجربة النمو وتجربة النمو بتقتضى اولوية اساسية بالنسبة للمرحلة اللى جاية احنا فى ظل التوظيف وسياسة ان احنا ازاى ننهض بمستوى المعيشة ومش عن طريق ان احنا بنخلق دخول وهمية
محمد صلآح : دخول حقيقية الناس دى بتشتغل وتنتج سلع
د/ ماجدة قنديل : علشان اللى بيشتغل ويجى ويستثمر فى مشروع ثانى
محمد صلآح :دورالانتاج فى المجتمع المصرى هل هى الصناعات الثقيلة والا الصناعات الاستهلاكية والا الصناعات اللى بتخدم الاثنين ولا الثلاثة مع بعض
د/ ماجدة قنديل :اه الثلاثة مع بعض محدش الصناعات الاستهلاكية طبعا من ناحية المجازفة فيها من ناحية الاستثمار فيها اقل لان دى نوع من انواع الصناعات اللى بتستمر بشكل او باخر طبقا للحد الادنى اللى هو مرتبط بالغذاء والكساء وخلافة فدى بتبقى صناعات اساسية الصناعات الثقيلة مهمة ولكن طبعا جزء كبير منها محتاج مهارات ويعنى جزء كبير محتاج راس المال وجزء محتاج معدات ربما ما كناش ان احنا نقدر نوجهها بهذا الشكل من غير تعاون اجنبى علشان القدرات الاجنبية لكن البنية الاساسية والتحتية نحطها قبل الصناعات الثقيلة لان انت بالشكل ده مش هتقدر تعمل صناعة ثقيلة
محمد صلآح : فى بنية اساسية
د/ ماجدة قنديل :فى بنية اساسية ومهمة واساسية علشان خاطر توفر الخدمات توفر الصناعات الاساسية بل بيتدى بقى النهج المنهجى هل انت عندك المقومات الاساسية للصناعات الثقيلة وبتشمل العنصر البشرى وبتشمل المعرفة بتشمل التكنولوجيا مواد الانتاج وممكن مواد الانتاج تكون مش موجوده
محمد صلآح :طبعا
د/ ماجدة قنديل :احنا بنستورد حاجات كثير ما انت مش عايز باى شكل تحط حاجة هنا لمجرد ان انت تحطها اللى انا صنعتها فى مصر بتكلفك اكثر من التكلفة الخارجية
محمد صلآح :بالضبط
د/ ماجدة قنديل : فده ما بيحققش الهدف الاساسى لان انت بترسخ الموارد بتعتك فى الاتجاهات اللى هى بتتميز بيها ميزه نسبية وده بناءا على الموارد لان ده زى ما قلت فى عنصربشرى بيعمل ثروة لبلادنا ولكن للاسف
محمد صلآح :العنصرالبشرى ثروة
د/ ماجدة قنديل :ثروه بس حضرتك العنصرالبشرى
محمد صلآح : اه الهند والصين
د/ ماجدة قنديل :الهند والصين تركيا البرازيل
محمد صلآح :اندونيسيا
د/ ماجدة قنديل : كل دى بلاد
محمد صلآح : اندونسيا ماليزيا
د/ ماجدة قنديل : كل د ى بلاد ما انت البلاد اللى بتعانى البلاد اللى معندها ش عنصر بشرى متوفر الوحدة اللى
محمد صلآح : عندنا البشركثير
د/ ماجدة قنديل :عندنا البشركثير
محمد صلآح : اه
د/ ماجدة قنديل :وانا مش علشان مصرية باعتبر الانسان المصرى عنده الكثيرمن المهارة والمرونه ان هويتعامل وحضرتك شوف النهاردهه لما بتاخد الانسان المصرى وتحطة فىمكان صح
محمد صلآح :شغال نار
د/ ماجدة قنديل :شغال وعنده البديهة وعنده القدرة وعنده الفطنة ان هو يتعامل مع ظروف صعبة انا شفت واتعاملت مع جنسيات ثانية وباشوف ازاى بيبقوا متحجرين
محمد صلآح : خالص
د/ ماجدة قنديل :وتقولة مثلا اى حاجة يعرف يصرفها فدى مثلا ادى حاجة جميلة بس لازم تحطها فى قواعد صح ونقول ان احنا ندعم القوة دى طب محدش هياخد ونحط مؤسسة ورا مؤسسة تشمل التدريب وتشمل سلوكياتنا لسة مازلنا فى قصوربنشوف شعوب مثلا سلوكيات ثانية بالتزام فى نظام
محمد صلآح :عندنا الحكاية دى بقى
د/ ماجدة قنديل : يعنى الفهلوة ما بتسيبناش دلوقتى حتة الالتزام فالمفروض ان احنا نطالب الصينيين الهنود ازاى بيتصرفوا ازاى بيلتزموا الالتزام والنظام كل ده بيبقى اساسى
محمد صلآح : فى جدال كده مثار حوالين موضوع الطبقة المتوسطة بيقال ان الطبقة اندثرت تماما وفى ناس
بتقول انها بالعكس اعرضت وفى ناس بتدلل على بعض ملامح النمومثلا فى الانفاق انه كام شقة بتتباع والساحل الشمالى اتقفلت خلاص بقى الناس اخذتة والناس اخذتة والتجمع الخامس الفلل والشليهات والحاجات الابهه ديت وطبعا 6 اكتوبروالمنتجعات اللى فيها اعداد مبيعات السيارات الموبايل والهواتف النقالة يعنى انتى مع النظرية دى والا مع انى نظريه يعنى
د/ ماجدة قنديل : فى قوة شرائية فى البلد القوة الشرائية دى
محمد صلآح :الطبقة المتوسطة اخبارها ايه ؟
د/ ماجدة قنديل :الطبقة المتوسطة دى يعنى تعريف الطبقة المتوسطة بتتكلم على الطبقة المتوسطة جزء عايش على معاش والدخل محدود مفيش قدرة فى ان هو دخلة يتواكب مع ان هو معدلات التضخم بدون شكك ان الطبقة دى فى حالة متدهورة انما النهاردهه الاقتصاد مع النمو اصبح من مصادر الدخل وربما كانت مصادر دخل غير رسمية
محمد صلآح : وغير مرصودة ؟
د/ ماجدة قنديل : وغير مرصودة
محمد صلآح :وغيرمرئية والواحد شغال برضه مش كده
د/ ماجدة قنديل :اه ما هو حاجات كثير واصبحت مستويات مختلفة
محمد صلآح : يعنى الكناس مثلا اللى لابس بتاع
د/ ماجدة قنديل :ممكن يكون عنده فلوس كويس
محمد صلآح :يعنى المفروض له مرتب من المحافظة بس شغال على الكوبرى بقى الله ينور
د/ ماجدة قنديل :بالضبط
محمد صلآح :الجماعة الجداد دول عارفة الركنة
د/ ماجدة قنديل :اه طبعا انت النهارده علشان تسيب له العربية وتروح وتيجى خلاص
محمد صلآح :وترجعى تلاقيها مخبوطة
د/ ماجدة قنديل :اه بالضبط بالضبط مفيش اى مسئولية ده النهارده فى ضغوط كثيرة غير مقننة ومش فى القطاع الرسمى لو جمعت كل دى بتعمل يعنى انا لو عندك واحد بتاع اقتصاد للعرض والطلب ولقيت الاسعار بتلع بمفهوم بسيط يعنى ماهو انت طالما فى ناس بتشترى وقادرة على مواظبة الاسعار فى قوة شرائية انا ما بانكرش ان فى قاعدة عريضة برضه بتعانى لان معندها ش من المرونة فى الدخل ولا الاساليب المختلفة اللى احنا بنتكلم عليها انها تتحصل على الدخول عن طريق الزكاة ى عن طريق الفنانه عن طريق الشطارة عن طريق المعرفة عن طريق الكثير من الوسائل اللى بتخلى نوع من انواع الصراع اللى حضرتك اشرت له بنشوف ناس كثير قاعدة عريضة بعدما كان الهدف قوضة والا شقة حجرتين ومعرفش ايه واجهزهم واعملهم بتلاقى عنده فى الساحل وعنده فى العين السخنة عنده اية وتلاقى النهارده الضواحى الجديده وعمرهم ما طلعوا برة مصر وعمرهم حتى ما راحوا
محمد صلآح :على فكرة فى ناس ثانية عملت ده
د/ ماجدة قنديل : ماعملوا اللى اناباتكلم عليه ان فى ناس بتتحصل على دخول ومن جوا البلد والاحصائيات اللى عندنا بتقول الادخاروالادخار الشخصى عالى فى مصر المشكلة ان الاستثمار هو اللى ضعيف
محمد صلآح : الناس بتحوش يعنى
د/ ماجدة قنديل : بالضبط يعنى فى سيولة
محمد صلآح : يعنى ما بنستثمرش يعنى ؟
د/ ماجدة قنديل :لأ او ده بيشغل الفلوس بتروح فين فى ناس بتحطها فى القطاع المصرفى والقطاع المصرفى مفروض ان هويعمل انواع من انواع اللى هما الوساطة مين اللى محتاج ويسلفها علشان يبقى فى مستثمر هناك طلب على الائتمان بس الطلب ده بيضعف بيكون الاقتصاد ضعيف ولابد فى نفس الوقت النهاردهه انت لوصاحب بنك بتلاقى نفسك فى نوع من انواع المخاطرة يعنى انا مثلا
محمد صلآح :عشان اللى حصل فى الائتمان قوى الاقتصاد
د/ ماجدة قنديل :بالضبط قلة فالنهارده بحاولوا يتجنبوا عنصر المجاذفة هل فى بديل والنهارده علشان تعمل
الحكومة الحكومة جهاز بيقترض وده بيعمل نوع من انواع المزاحمة ولو ضمنية اه صحيح فى سيولة زائده انما النهاردهه انت بتختار اساليب من القطاع المصرفى ان هو يستعمل هذه الفلوس علشان يسلف الحكومة والحكومة تشكل الاقتصاد فى نواحى ثانية احنا بنقول ان العجزالحكومى ده راجع للاقتصاد لانه بيقلص الاقتصاد انه ينمو بطريقة طبيعية بمعنى ان الحكومة استلفت عشان تنفق على الدعم مش هتقدرتقدر توفر وظائف للناس اللى احنا كنا بنتفرج عليهم انهار ده سياسة التعيين والقوى العاملة من ناحية وخلافة من ناحية مش موجوده من ناحية ثانية ناس كثير تقولك انامش عايزه اتحصل على دخل او يروحوا يشتغلوا فى القطاع الخاص الدخل اكبر يكون عندى مرونة يكون عندى حرص على ان انا انتج انمى قدراتى
محمد صلآح : رجعت للسؤال يا دكتورة بداية السؤال فى ضوء فى نهاية النفق ده والا مفيش ضوء
د/ ماجدة قنديل :الضوء ان احنا ماشيين فى اتجاه وان احنا بنقول الاقتصاد قطع شوط كبير احنا مش هنتحزب فى الاتجاه الاقل فى الاول احنا كنا بنحسن الاقتصاد بالفعل قطع شوط كبير فى اصلاح اقتصادى اسفر عن تحسن فى جبهات كثيرة والعالم الخارجى انما النهاردهه المسئوليه الاساسية ازاى ننهض بمستوى المعيشة احنا نخلق قاعدة عريضة الشعب المصرى نكون شركاء فى عمليه ان ويتحصل العائد
محمد صلآح : ليك فى السكة دى يعنى ؟
د/ ماجدة قنديل :ايوه السكة دى محتاجين دور اكبر للقطاع الخاص ومحتاجين ان الحكومة توفر مواردها لدعم مشروعات القطاع الخاص ونقلل مصروفات الحكومة اللى هو بيترتب عليه عجز
محمد صلآح :اه الاصراف الحكومى ده برضه
د/ ماجدة قنديل :مشكلة كبيره تقليص الاقتصاد تقليص الموارد اللى ممكن تكون متاحة زى القطاع الخاص من ناحية توفير الاولويات الاساسية للانفاق الحكومى بتشمل قاعده عريضة بحيث بنخلق نوع من الناس وقاعدة عريضة من الناس بيكونوا شركاء فى عمليه الانتاج وبياثر على عوائد على عمليه الانتاج وعلى المشاركة فى عمليه الانتاج هل انت لو نجحت تعمل كده هتبتدى تلاقى ان الوظائف بتنمو وعائدات وحيبقى فى استمرارية انما غير كده لو قعدنا نقول الاقتصاد الارقام اللى حضرتك قلتها
محمد صلآح :اه
د/ ماجدة قنديل :لو احنا ساهمنا بالارقام ال 6وال 7 ال 6 وال 7 دى لازم نحللها القطاعات اللى بتساهم القطاعات اللى بتساهم ب 6% و7% كام واحد استفاد من عوائد الانتاج فى مصر فئة محدوده يبقى احنا معملناش حاجة لو معدل البطالة فضل على ماهو عليه 9 % او 10 % دى مشكلة اللى يكون واحنا بنسعى ان نزود ان يكون 9% لأ ما نقلل ال 9% ونوصلها 8% 7% عشان خاطر نحس الناس سعيده وبتشتغل وبتتحصل على ناتج الانتاج وبيعتبروا مساهمين فى نواه العائد على الانتاج وعشان يرفعوا مستوى المعيشة ايضا ونضمن استمرارية هذا ان التنمية
محمد صلآح : ان شاء الله
د/ ماجدة قنديل :ان شاء الله
محمد صلآح : وصلنا للنهاية ان النمو النمو ممكن تكون مسالة صماء بالنسبة للناس
د/ ماجدة قنديل : انت النهارده السكان بتوعك بيزيدوا محتاج على الاقل زياده عددالسكان علشان مستوى معيشة الفرد فى مصر
محمد صلآح : لو كل ده بقى حصل هتلاقوا انشاء الله ضوء فى نهاية النفق وقالت الدكتورة ماجده قنديل كلامها معانا النهارده كان كلام جميل كلام معقول اكيد كلام مسئول خلص الكلام سلام . اه فيه بس اكرر مش اد له تصريحات يجيب الثانى و الثالث والرابع