تضامنا مع ضحايا كنيسة القديسين بالاسكندرية ووسط مشاعر الحزن والغضب الذى اجتاحت المجتمع المصرى مسلميه ومسيحيه أطلق شباب مسلمون عبر "الفيس بوك" عدة حملات لمناصرة الأقباط وأعلنوا انهم سوف يقدمون أنفسهم كدروع بشرية فى قداس عيد الميلاد . وتحولت أغلب صفحات الفيس بوك الى مساحات للتعبير عن العزاء والتعاطف مع ضحايا وشهداء الحادث الاليم وقد استبدل معظم رواد الموقع صورهم الشخصية بصورة الهلال مع الصليب. وقال احد الشباب القبطى محذرا الشباب الاقباط بأن لا يخرجوا فى أي مظاهرة أيا كان الداعي لها فقد يتم دس عناصر غريبة عليها تقوم باي فعل تخريبي أمام أي مسجد وسيقال وقتها ان الأقباط أخذوا بالثأرعلاوة على صورتنا في الإعلام الخارجى التي تقول أننا نحنالذين نقاوم السلطة ونخرب البلد كونوا حكماء. وأضاف آخر يا جماعه العدو بيلعب على الجانبين مش جمب واحد الكنيسة أدامها جامع في قلب شارع متقابلين و اللي راحوا ولاد بلدنا مش مسيحين ومسلمين بيقولوا فتنة و خلاص صابتنا بس صوت العقل فين؟ وقد قدم أيضا التعازى مسيحيو العراق الذين طلبوا من الرب أن تزول عن شعبي العراق ومصر بمسيحييه ومسلميه هذه الغمة السوداء وأن يديم أبناء الوطن الواحد من مسلمين ومسيحيين أخوة أحباء.وذكر احد الاعضاء انه يجب على الامن سرعة القاء القبض على الجناة ومعاقبتهم باشد العقاب لان الذى يحدث ظلم واضطهاد ليه دا كله دا احنا عايشين فى بلادنا ؟؟!! هاقولكم ليه !! علشان الحكايه بقى سهله وبنتقتل وبيتدبح فينا زى الفراخ ومفيش حد يحمينا واول لما تحمونا وتقبضوا على المجرم يطلع مختل عقليا او مجرم وسايبينه زى الكمونى وامثاله ومفيش حكم بناخد تأجيل فى تأجيل فى تأجيل لحد لما الناس تنسى وانا بقولكم كدا خلاص حقنا ضاع فى بلادنا واستنوا شهدا جداد كل عيد او مناسبه حلوه بتفرحنا . وقالت شيماء هاشم أحد الاعضاء احنا كلنا ايد واحده بجد مش كلام مهما حاولوا يفرقونا المصيبه مصيبتنا كلنا واللى ماتوا اخوتنا واهلنا بندعى لهم فى كل صلاه لان ربنا قال بسم الله الرحمن الرحيم( لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبرون) وكلام ربنا امر مفيش نقاش فيه اللى بيحولوا يخربوا علينا حياتنا ايه هدفهم من كده وعايزين مننا ايه ومين هما بالظبط ده االلى المفروض نفكر فيه ونبقى ايد واحده وندور عليه عشان نقوله متحولش مش هنسمح لك بده ربنا يرحم شهدائنا ويسكنهم فسيح جناته بالله عليكم أسئلكم الدعاء ليهم فى كل صلاه ربنا يثبتنا ويقدرنا ع اللى جاى كلنا مع بعض اخوه حتى تقوم الساعه . يذكر ان الحادث الماساوى الذى قام به ارهابيون بتفجير كنيسة القديسين فى الساعات الاولى من العام الجديد قد القى بظلاله على جميع طوائف الشعب المصرى وخلف حالة عامة من الحزن الغضب التى اصابت الشعب المصرى ككل.