كلام مسئول

محمد صلاح: يا مساء الخير بقول لحضارتكم من هنا يامساء الخير ولسة الناس هنا بتقول لبعض صباح الخير بكلم حضراتكم هنا من قلب العاصمة اليابانية طوكيو لما كان عندنا محمد على بانى نهضة مصر الحديثة كان فى نفس الوقت الامبراطور الميجى بيحاول اقامة الدولة الحديثة فى اليابان لما رجع رفاعة رافع الطهطاوى من بعثته فى الخارج من غرب فرنسا تحديدا كان فى خارج مصر كان فى نفس الوقت علماء ومفكرين رجعوا الى طوكيو ومدن اخرى لمحاولة اقامة هذه النهضة فى التنوير والثقافة بالضبط زى مصر لكن ايه اللى حصل بقى بعد كده؟ من يوم ما اتقدموا واحنا ما اتقدمناش باكلم حضراتكوا والدنيا بتمطر او الصبح بدرى جدا لكن كل الناس راحوا اشغالها احنا فى ناس لسة نايمة لانها متعودة بتروح يعنى اشغالها متأخرة شوية ايه اللى حصل يعنى بعد كده؟يوم ما اتقدموا يوم ما بقوا كده واحنا زى ما انتوا عارفين يعنى معايا نقول حروب طب ما جرى لاى شعب فى العالم زى هيروشيما ونجازاكى سحقت اليابان كلها سحقت فى الحرب العالمية الثانية نقول زيادة النسل يعنى اليابان 127 مليون احنا يا دوبك هنخطى ال 80 مليون نقول ايه ثانى اسباب ممكن نبرر بيها اللى حصل لنا ونشوف بيها لية هما بيها بقوا فين واحنا فين المساحة مساحة اليابان اقل مننا هل ممكن مايبقاش المساحة ممكن السهول والانهار هو فى زى نهر النيل ده ثلثين اليابان جبال طب ليه هما بقوا كده واحنا كده من قلب اليابان ومن قلب العاصمة اليابانية طوكيو ومن قلب الشرق هيكون لينا النهاردة كلام مسئول
تقرير
جذبتنا اليابان دائما بتقدمها الاقتصادى والصناعى وقدرتها على المنافسة ومزاحمة اوروبا والولايات المتحدة وشكلت المعجزة اليابانية لغزا حار كثيرا من المفكرون فى تفسيره دأب اليابان وببساطة واسرار استطاعت اقتحام العالم بتفوق تقنى غير مسبوق حولت اليابان نفسها من دولة دمرتها الحرب الى دولة حديثة متفوقة واذا كانت هى الدولة الاولى والوحيدة حتى الان التى تلقت قنابل ذرية فى هيروشيما ونجازاكى فانها حولت الدمار الشامل الى مدارس وجامعات ومصانع، الشغف باليابان حول الجميع الى راغبين فى معرفة السر الذى لخصه مفكرون من اليابان نفسها بأنه العمل الجماعى الاهتمام بالوقت الجدية فى العمل والتوفير وتقليل الاستهلاك والتحصيل العلمى والديمقراطية استحوذت الفنون المصرية الحديثة والقديمة على اهتمام من الشعب اليابانى الذى يجد فى رحلة الى مصر هدفا يستحق العيش من اجله وايضا عندما تقدم هذه الفنون والحضارات فى شكل معارض وعروض فنية كما تساهم اليابان بما يقرب من نصف تكاليف المتحف المصرى الكبير فى صورة قرض ميسر فيما يشاهد الشعب اليابانى على فترات متقطعة كنوز الحضارة المصرية فى هيئة معارض متتالية تعود العلاقات المصرية اليابانية الى النصف الثانى من القرن التاسع عشر حيث زارت بعثة الساموراى مصر وهى فى طريقها الى اوروبا عامي 1862 و 1864 وهى بعد كل هذه السنوات تزداد عمقا وتقديرا
فاصل
محمد صلاح : التاريخ بيقول ان احنا ابتدينا مع بعض احنا واليابان لكن الجغرافيا والمنطق والحقيقة بتقول انه حصل اختلافات بعد كدة فى المسارات احنا عارفين احنا واليابانيين عاملين ازاى واحنا كمان عارفين بقوا عاملين ازاى طيب نبحث فى الحكاية دى واحنا فى اليابان واحنا فى العاصمة طوكيو مع عدد من الشخصيات اللى هنقدر نتكلم معاهم ونوجه لهم اسئلة يمكن بتدور فى اذهان حضراتكوا ويمكن فى النهاية نوصل الى افق احنا ممكن نبقى زى الناس دى والا احناعجينة ثانية يعنى من قلب اليابان منهم السفير المصرى فى اليابان الدكتور وليد عبد الناصر هيكون لينا معاه انهارده كلام مسئول علشان اجاوب على سؤال بيدور فى اذهاننا جميعا لازم يعنى ليه احنا ما اتقدمناش وهما اتقدموا هلاقى الاجابة جايز عند السفير المصرى فى طوكيو الدكتور وليد عبد الناصر سعادة السفير احنا ليه فضلنا زى ما احنا وهما اتقدموا وبقوا كده يعنى عندك اجابة بقالك كذا سنة هنا يعنى ادينى اجابة
د. وليد عبد الناصر : طبعا فى كذا عنصر ساعد فى قيامهم من جديد انهم يبقوا كده يعنى لا ن كان فى البناء اللى حصل من سنه 1862 الى 1945 ترك اثارة فى حاجات كثيرة جدا من اهمها الموارد البشرية يعنى نجحوا فى الوصول لمعدلات تعليم عالية جدا نوعية تعليم مرتفعة نوعية تدريب مرتفعة جدا وبالتالى القاعدة البشرية موجوده وهى ثروتهم زى ما حضرتك عارف اليابان بلد فيها زلازل مافيهاش ثروات طبيعية جزيرة انما العامل البشرى كان عامل حازم فى النهضة واضاف له عوامل لازم ناخذها فى الاعتبار وهى بعد الحرب العالمية الثانية الحرب البارده كان اعتماد الولايات المتحده عليهم كبير جدا والنقطة الفارقة فى هذا المجال كانت الحرب الكورية يعنى الحرب الكورية لما قامت كانت الولايات المتحده وجدت انها مش هتقدر تبعث امدادات من امريكا للقوات الامريكية فى كوريا فقرروا بناء مصانع ضخمة جدا وكثيرة جدا هنا فى اليابات لدعم القوات الامريكية فى كوريا فده سجل طبعا استثمارات غير مسبوقة للولايات المتحدة فى اليابان ساهمت فى المرحلة الاولى بالذا بالاضافة الى زى ما قلت لحضرتك العامل البشرى او الكوادر البشرية المؤهلة بالاضافة الى الحقيقة المنظومة القيامية او مجموعة من القيم الموجوده هنا فى المجتمع اليابانى واعتقد انها نادرة طبعا بعضها مشترك مع بقية دول شرق اسيا او دول جنوب شرق اسيا لكن بعضها فريد جدا فى الحالة اليابانية اتقان العمل حب العمل العمل الجاد جدا نظام تقسيم العمل الدقة الشديدة جدا النظام الشديد العمل الجماعى
محمد صلاح : بس ده اجابة على نص سؤال لية هما بقوا كده سؤال محرج لو سألتك لية احنا فضلنا كده
د. وليد عبد الناصر : لأ ما هقول لحضرتك فى الفترة اللى هما فيها كانوا مثلا عندهم اكثر من 75 سنة استقرار وانتصار فى حرب مع روسيا حرب وحيده احنا كان بالنسبة لنا كان احتلال اجنبى وكفاح ضد الاحتلال الفترة الثانية لو حضرتك عاوز تقارن بعد الحرب العالمية الثانية هما قعدوا فترة استقرار تماما هما من الحرب العالمية الثانية مدخلوش اى حرب والانفاق العسكرى كان متدنى لانهم طبعا اليابان كانت تحت المظلة الامنية الامريكية ومنذ الحرب العالمية الثانية فكنا كل تركزيهم على الانفاق الاقتصادى والاجتماعى بالمقابل طبعا مصر فى هذه الفترة مرت بعدد كبير قوى من الحروب كلفتها كثير من الانفاق بعد الحروب دى ما انتهت فترة عدم الاستقرار فى المنطقة فى فترة السلام بين مصر واسرائيل فده طبعا كان عامل غير مشجع للاستثمارات مثلا او للسياحة او لعناصر ثانية هنا حضرتك بتلاقى سواء صغير سنا او كبير سنا اى شخص قطاع حكومى اوقطاع خاص فى اى مجال بيشتغل لوحدة فا ملتزم بهذه القيم فا منظومة القيم بتأثر او اثرت جدا على المجتمع اليابانى وممكن واتفضلت استلهام الكثير منها لان زى ما حضرتك اتفضلت جزء من الحضارة المصرية
محمد صلاح : سعادة السفير احنا واقفين على ارض مصرية فى العاصمة طوكيو باعتبار ان السفارة المصرية هى ارض مصرية اسمح لى ان اقوم بجولة او بعض اللقاءات مع المسئولين المصريين المقيمين فى طوكيو والمسئولين عن سواء مجالات مختلفة يعنى الطيران السياحة التجارة الصناعة الاعلام ممثلين الوزارات المصرية هنا هناقشهم على ارض محايدة تسمح لى اناقشهم واقابل حضرتك على ارض محايدة ثانى
د. وليد عبد الناصر : يا ريت
محمد صلاح : اشوفك بخير بعد شوية يعنى
فاصل
د. وليد عبد الناصر : دايما انطباعاتنا لما نتابع اعلام الدول الاجنبية ان اعلام الدول الاجنبية بيركز على الامور السلبية طب الجماعة اليابانيين الطيبين اللطاف اللذاذ الهاديين قوى اعلامهم بيركز لما بيجى يتناول الاحداث فى مصر على امور سلبية والا على امور ايجابية طب لو بيركز على امورسلبية او بعض الامور السلبية مصر تواجه الكلام ده ازاى يعنى نشوف بقى مثلا الملحق الاعلامى بالسفارة المصرية هنا فى طوكيو الاستاذ وليد حجاج يمكن يكون عنده الاجابة يا استاذ وليد استاذ وليد ازيك اخبارك ايه
وليد حجاج: اهلا وسهلا
محمد صلاح : تمام
وليد حجاج: اهلا وسهلا
محمد صلاح : سمعت السؤال والا اعيدة عليك
وليد حجاج: لأ سمعتة يا افندم اتفضل
محمد صلاح : اولا الاعلام اليابانى بيركز على ايه فى مصر ؟
وليد حجاج: مبدئيا حضرتك الاعلام اليابانى بصفة عامة نظرتة لمصر مازالت ايجابية الاعلام اليابانى يختلف عن الاعلام الغربى والاعلام الامريكى تحديدا ان مفيش صحف فى وسائل الاعلام اليابانية لو ممكن نقول اجنده
محمد صلاح : اجنده سياسية مضادة يعنى يابانية
وليد حجاج: مفيش اجنده سياسية مضادة لمصر والتغطية الاعلامية اليابانية لمصر بتظل فى مجملها ايجابية وده بيعود لكذا سبب اولها طبعا الاهتمام اليابانى التقليدى الطويل المعروف بمصردولة تاريخية كبيرة فى الشرق الاوسط عندها حضارة فرعونية معروفة لكل اليابانيين ودى بتدى القارئ اليابانى او المستعمل اليابانى انطباع
ايجابى عن مصر وفى طابع تقليدى لمصر هذا لا يعنى ان مفيش تناول ايجابى للتطورات
محمد صلاح : زى ايه التطور الايجابى ده
وليد حجاج: فى تناول مباشر عن طريق المراسلين اليابانيين المتواجدين فى
القاهرة وفى التناول الاعلامى غير المباشر اللى هو بينقل طبعا وجهات النظر عن وسائل الاعلام الغربية بالتاكيد الموضوعات اللى بتتناولها بتتعلق بالاوضاع الداخلية الوضع السياسى مستقبل الوضع السياسى فى مصر موضوع الاقباط الى حد ما لكن
محمد صلاح : هى حدوتة الارهاب والتطرف الحدوتة دى خلاص خلصت يعنى تاريخ ماسوى فى حادثة الاقصر لكن الحكاية تم تجاوزها وده باين فى ارقام يعنى الشركة الوطنية مصر للطيران وكذلك عدد السياح اليابانيين
محمد صلاح : الجوانب بقى التى تتعلق بالاقباط التحرش بقى يعنى الجوانب السلبية اللى احنا عارفينها كويس جدا يعنى بتدور فى نفسنا بيجاوبوا عليها ازاى يعنى
وليد حجاج: هو ممكن اقول لحضرتك التناول اليابانى للموضوعات دى تناول اعتيادى زى ما باقول لحضرتك مفيش تعمد للاساءة الى مصر او انتقاد مصر هو بيتناول الموضوع بشكل مهنى وحرفى
بدون اجنده سياسية واحنا كمكتب اعلامى دورنا ان احنا نبرزالحقائق كما هى ونسعى
محمد صلاح : حتى لو سلبية
وليد حجاج: حتى لو سلبية لكن مفيش موضوع بيبقى سلبى 100%بالتاكيد فى وجهات نظر اخرى بيعكسها هنا فى وسائل الاعلام اليابانية بشكل يدى المشاهد او المستمع اليابانى نظرة عادلة لما يحدث فى مصرفى مختلف الموضوعات المعنية وخلال عام 2010اطلقنا ما يعرف بالترويج الاعلامى لمصر فى اليابان ودى كانت سلسلة من الاحداث فى الفاعليات وفى الانشطة اللى ساهمت كلها فى ابراز صورة مصر فى الاعلام اليابانى بشكل منهجى وخطة متكاملة تحت رعاية وزير الاعلام وبدعم كامل من الهيئة العامة للاستعلامات ودى اظهرت مصر بمختلف جوانبها السياسية الحضارية والثقافية والاعلامية والسياحية على الساحة الاعلامية بشكل متكامل فاعتقد ان دى كانت تجربة كويسة جدا وابرزت الجانب الايجابى اللى احنا عاوزين نتواجد به على الساحة اليابانية الاعلامية واعتقد كان فى نجاح جيد مثل هذا النشاط
فاصل
محمد صلاح : زى ماعندنا فى القاهرة برج القاهرة فى مدينة طوكيو العاصمة اليابانية - طوكيو تور او - برج طوكيو- زى ما حضراتكوا شايفين اكثر من 300 متر ارتفاعة واليابان بتجهز علشان تعمل برج اخر اعلى منه تقريبا ضعف المسافة يفترض انه يفتتح السنه اللى جاية زى ما الشعب اليابانى بيحب يقبل على المزارارت السياحية بتعته بردوا احنا لما جينا هنا لقينا ان دهالموضوع مزهل جدا بس الشعب ده المقبل على السياحة فى مصر كمان محقق ارقام كبيرة محتاج جهد كبير محتاج عناصر تسويقية كثيرة لكن ايه العناصر التسويقية اللى ممكن نساعد بيها لما الناس دى عندها البرج المزهل ده والاماكن اللى شفنا بعضها لما نكمل جولتنا هيبقى عندى اسئلة كثيرة جدا خاصة بالسياحةالمصرية المستشار السياحى للسفارة المصرية الاستاذ ابراهيم خليل ازيك يا استاذ ابراهيم بتروق نفسك انت هنا جامد تحت ..
ابراهيم خليل: جميل المكان
محمد صلاح : جميل المكان ما احنا بردوا عندنا اماكن جميلة كثيرمش كده
ابراهيم خليل: كثير جدا
محمد صلاح : طب ممكن اقعد معاك كده ادير معاك حوار بعض الاسئلة كده استاذ ابراهيم لما سايح يابانى او مواطن يابانى فى الاول عنده اللى انا شفته خلال اسبوعين يخلى الواحد يعتقد بانة المواطن اليابانى ما يخرجش من بلده لان كل شئ جميل هنا اية اللى يجبرة انه يروح فى حته ثانية هيشوف مزارات سياحية مختلفة ايه اللى بيجذب اليابانيين لمصر
ابراهيم خليل: طبعا اهلا بحضرتك
محمد صلاح : اهلا بيك
ابراهيم خليل: بداية التاريخ والحضارة المصرية الشعب اليابانى معروف بولعة الشديد وحبة الشديد جدا للحضارة المصرية وتاريخ مصر يمكن من الاعمار الصغيرة ديت اللى شايفها بتدرس فى المدارس الابتدائى واحناعندنا عناصر كثير جدا عناصر كثير جدا متميزة قطعا بتجذب السائح اليابانى والسائح من اى حته فى العالم لمصر يعنى
محمد صلاح : ايه اللى دايما بيطلبة السائح اليابانى هل هو مختلف عن الاوربى مثلا مختلف عن السائح الامريكى
ابراهيم خليل: مؤكد السائح اليابانى مختلف تماما السائح اليابانى بيتطلب اعلى مستوى من الخدمات
محمد صلاح : بس عشان مستوى الخدمة عنده يعنى محصلتش
ابراهيم خليل: بالضبط الحقيقة مجتمع حلو مستوى الخدمات فية مرتفع جدا السائح كل اللى بيطلبة الالتزام الكامل بالبرنامج الموضوع
محمد صلاح : واحنا فى الالتزام عندنا احنا بعافية شوية فى الالتزام
ابراهيم خليل: والله احنا بنحاول احنا بنحاول جاهدين ولو هنتكلم بالتحديد عن السوق اليابانى يمكن الخدمات اللى بتقدم انهاردة للسائح اليابانى فى السوق اليابانى فى مصر قدمت على اعلى مستوى
محمد صلاح : كام سائح يابانى تقريبا بيتعرض على مصر سنويا ؟
ابراهيم خليل: اعلى رقم وصلنا له كان 2007 وصلنا لحوالى 37 الف سائح يابانى حصل دروب شوية نتيجة للازمة المالية العالمية لكن احنا ابتدينا الارقام مبشرة جدا السنة دى فى 2010 فى الفترة نهاية سبتمبر فى حوالى 37 % زياده عن نفس الفترة فى
محمد صلاح : السنة اللى فاتت
ابراهيم خليل: وده صحيح يمكن احد المشاكل اللى بنعانيها ان معظم الغالبية العظمى من السياح الواردين لمصر من كبار السن هى مشكلة
محمد صلاح : طب لية لية؟
ابراهيم خليل: هقول لحضرتك
محمد صلاح : عايز يعنى يختم حياتة يعنى ويشوف الفراعنة يعنى ؟ والاهرام والا ايه يعنى ؟
ابراهيم خليل: هقول لحضرتك هى دى الصورة اللى احناعايزين نغيرها
مش عايزين ان المسالة مجرد ان هو بينزل once in a life time لمصر بيعيش طول حياتة وبعدين بيختم بزيارة مصر يمكن العدد الكبير ده من كبار السن بيقلل شوية نسبة مكررى الزيارات
محمد صلاح : لانة خلاص ممكن يودع بعد ما ينزل مش كده ؟
ابراهيم خليل: الضبط كده
محمد صلاح : طب استاذ ابراهيم لما يكون احنا طبعا مش عايزنها طبعا تبقى رحلة العمر اورحلة نهاية العمر بالنسبة للسائح اليابانى عملتوا ايه علشان تقدر تقنع السائح اليابانى بانة فى برامج سياحية اخرى غير بطبيعة الحال الاثار الفرعونية يعنى
ابراهيم خليل: طبعا حضرتك هنا بنتحرك فى اتجاهين انا الاول لازم اقنع شركات السياحة واحط البرامج دى فى المناطق الجد يدة فى مصر ده بنسمية تحرك مهنى طبعا من خلال برامج معينة برامج اعلانية مشتركة بالنسبة لى انا برامج مخصوصة للرحلات دى الحقيقة الهيئة والوزارة بتدعمنا تماما فى دى بحيث ان ندعم اكبر عدد من الشركات انه يبتد ى يطرح البرامج دى كناحية جمالية احنا بنوجه جزء من الحملات الاعلانية اللى ينخصصها فى السوق لتنشيط الانماط الجديدة فى السوق بنزود شوية عدد الرحلات التعريفية والاعلامية اللى بتنزل مخصوص على البحر الاحمر وفى سينا بحيث ان احنا السائح اليابانى يعرف عن الانماط دى زى ما قلت لحضرتك الحمد لله بقت مطروحة فى كتالوجات فيها برامج للكلامده كلة والاستجابات ابتدت تبقى معقولة يعنى مش هقول الارقام لسة طبعا لكن احنا طبعا نبامل انه فى المستقبل الاعداد هتزيد شوية خلال الاقامات الجديده
محمد صلاح : مش قادر اختم اللقاء مع الاستاذ ابراهيم من غير ما اسئلة السؤال ده قولى الصراحة لما بيحصل مشاكل بين السائحين فى رحلة ما انت عارف بقى نوعية المشاكل اللى ممكن تحصل عندنا هى ايه نوعية المشاكل اللى ممكن تحصل للسائح فى مصر بصراحة اللى بيتفرج مصريين مش يابانيين يعنى
ابراهيم خليل: لأ بغض النظر هو ا لحقيقة المشاكل هى زى ما حضرتك قلت هى المسالة اساسا وعى سياحى ثقافة سياحية يمكن زى ما قلت لحضرتك وعى سياحى ثقافة سياحية يمكن زى ما قلت لحضرتك انا عندى اسواق ثانية كثير ان السائح اليابانى نتيجة لحياتة فى مجتمع طبعا شديد النظام شديد الانضباط شديد النظافة فا بيتطلب نفس مستوى الخدمات لكن معظم المشاكل اللى بتحصل واللى بتيحى اللى ابتدت تيجى مشفش مستوى الخدمات اللى كان متوقعها مستوى النظافة شوية ما بيعجبهمش فى بعض الاحيان
محمد صلاح : اذا كان مش عاجبنا احنا هيعجبهم هما
ابراهيم خليل: فبعض الاحيان بيتعرض لمشاكل صحية نتيجة نوعيات معينة من الاكل وكده فاالكلام ده كلة مبرر فى النهاية فى اختلاف ثقافات فى اختلاف مستوى خدمات فى اختلاف مستوى ثقافى اختلاف مستوى اقتصادى الحمد لله ان المشاكل اللى بتيجى ما بتتعداش الحدود دى
فاصل
محمد صلاح : لما قال بيرم التونسى خلاص تنجن خلاص يا اخونا لية ما رحتش لندن والا باريس يمكن كانت الاوضاع مختلفة والظروف مختلفة بعد كام يوم كده فى اليابان انا قلت هتجن ياريت يا اخوانا ما روحتش طوكيو والاشيبوايا الميدان اللى فى وسط طوكيوبيفكرنا بالميدان اللى فى شارع طلعت حرب كده بس لحد نقد بقى هما عندهم قانون مرور واحد انما احنا عندنا قانون القديم وقانون المرور الجديد والقديم والجديد مش عارفين عمل ايه عندنا فى المرور يعنى مفيش اى حاجة خالص هنا قانون واحد بيطبق على الكل منظر مزهل عشرات مئات وفى الليل او فى الويك اند او فى الاجازات ربما بيعدوا الميدان فى وقت واحد العربيات كلها بتقف ووبعدين بعد كده العربيات كلها بتمشى وكل الناس تقف مكان ما هى نشوف مع بعض ومحدش يقول هتجن ياريت يا اخوانا ما رحتك طوكيو والا شيبونا
فاصل
محمد صلاح : اسهل حاجة ان احنا بندى انطباعات من غير ما يكون عندنا خلفيات اكيده يعنى طبعا اتكلمت مع اعضاء البعثة المصرية الدبلوماسية فى طوكيو واتكلمت مع مصريين مقيمين فى اليابان على مدى اسبوعين بس المهم متهيالى بردوا ان احنا لازم نتكلم مع يابانى واللطيف جدا انه يابانى بيعرف المنطقة العربية كويس جدا وبيتكلم كمان عربى يمكن العربى بتاعة لذيذ ولطيف ويطلع منه افهات كلنا كامصريين بنحبها ويمكن هو كمان بيطلع منه الافيهات المصرية قوى معايا فى اللقاء ده علشان نعرف انطباعاتة عن مصر وعن المنطقة العربية وعن العلاقات المصرية اليابانية وانطباعاتة عن الثقافة المصرية مستر هوتو هيرو اونو وهو عضو مجلس المستشارين زى عضو مجلس الشورى المصرى عن الحزب الديمقراطى الحاكم فى اليابان هندير معاه الحوار مستر اونو اهلا وسهلا بيك برحب بيك فى طوكيو اونو شكرا جزيلا
محمد صلاح : شايف المجتمع المصرى عامل ازاى بكل صراحة يعنى
مستر اونو: اعتقد سيادة حسنى مبارك اهتم بالتنمية الاقتصادية التنمية الحوارية التنمية الاجتماعية دائما عظيم كثير مصر ولكن حاليا
مستر اونو: عندنا باليابان عندنا حالة صعبة اقتصادية ولهذا انا طبعا ايه اذن ادارة اليابان بيستقطب العلاقات الموجوده بمصر هى تنمية الاقتصاد
محمد صلاح : يعنى انت شايف فى مصر تنمية العلاقات الاقتصادية المصرية ليست على المستوى الذى تتمناه بتتمنى انه يكون افضل كيف تكون افضل ؟
مستر اونو: بدرجة اقتصادية بدرجة تجارية بين مصر واليابان ليس كثير جدا مثلا لدول اوروبا والدول الامريكية وكمان الصين عندها علاقات اقتصادية كثير لكن اليابان انا اعتقد بنسبة 7او 8 ولكن عندنا العلاقات الاستراتيجية مع مصر مستمره لاكثر من 4مليون درهم ولكن بنسبة اقتصادية ليست بدرجة مصر لكن هى بتتبع مصر الاستراتيجية ليس سياسية ليس اقتصادية يعنى هناك علاقات
محمد صلاح : مستر اونو شايف ان العلاقات الاقتصا دية جيده ربما العلاقات الثقافية والاجتماعية جيدة بين مصر واليابان لكن العلاقات الاقتصادية ليست على المستوى اللى بيتمناه اطلاعك كيف تتطلع على الثقافة المصرية والفن المصرى لك علاقة بالثقافة المصرية ازاى
مستر اونو: العلاقات المصرية واليابانية بالنسبة لى هى ثقافة جيدة كثير مصر المصريين يدروسوا اللغة اليابانية وكمان انا اعتقد اكثر من 10 الالاف يابانيين يزورا مصر فقط للاهرام
محمد صلاح : علشان الاثار الفرعونية تقريبا
مستر اونو: ايوا ليس ده فقط ولكن لحوارات شعبية
محمد صلاح : كيف يمكن يكونوا هناك حوار حضارى ما بين الشعب المصرى والشعب اليابانى ازاى
مستر اونو: بطريقة سياسية عندنا حوار مصرية يابانية كل خمس سنوات بواسطة سياسية حكومية ولكن لازم نوطد درجة ا لشعبية وحوار
اخبارية بين شعب مصر وشعب اليابان ليس موجودا
محمد صلاح : كيف يكون موجودا يعنى ؟
مستر اونو: انا اعتقد يعنى اولا عند مصر حضارة عظيمة جدا وعندها ثقافة كثير ولكن اليابانيون ليس كثير ولكن تعبر عن حارة مصرية حارة ثقافية
محمد صلاح : البيئة فى اليابان نظيفة جدا خلينى اسالة عن حكاية البيئة لان البيئة عندنا فيها شوية مشاكل يعنى ايه نوعية المشروعات البيئية اللى تتعلق بالبيئة اللى يمكن ان تسهم فيها اليابان علشان
تغير البيئة فى مصر وتكون افضل وتكون كما هى الحال حوالينا الان يعنى
مستر اونو: انا اتعاون بالبيئة مع مصر مشروع توليد الطاقة من الرياح لبيئة نظيفة
محمد صلاح : البيئة هنا نظيفة جدا الصراحة
مستر اونو: هههه اشكرك شكرا جزيلا
محمد صلاح : والله اشكرك على البيئة بتعتكم
مستر اونو: نظافة البيئة فى مصر 4 مليون دولا ر
فاصل
محمد صلاح : اجمل حاجة ان الواحد يعمل لقاء تحت المطر و الاجمل من كده كمان انه يبقى عارف انه هيعمل لقاء فى التوقيت تحت المطر لان الارصاد الجوية هنا بتحدد كل حاجة بمنتهى الدقة مش زى الارصاد فى حتت ثانية كده احنا ما نعرفهاش ولا حاجة يعنى تقول لك ان الدنيا حر فتلبس خفيف تتلج وانت ماشى او تقول لك الدنيا ثلج فتلبس صوف فا تولع وانت ماشى او تقولك مفيش سحابة سودا فاتمشى ما تشفش اثنين متر ادام اللى تردد على المطارات اليابانية وتحديدا مطار ناريتا على العاصمة طوكيوان فى كثافة على طائرة مصر للطيران بحقها اعداد كاملة ومن الصعب ان تجد مقعد على الطائرة مش مسالة غريبة شوية ان الطائرة شغالة كل يوم وكما فى طائرة الى لوزاكا تقريبا 4 ايام فى الاسبوع حنقدر نتعرف على تفاصيل هذه الكثافة فى الرحلات ما بين مصر وبين اليابان من المدير الاقليمى للشركة الوطنية للطيران فى اليابان وكوريا الاستاذ خالد بسيم استاذ خالد هو اليابانيين لية مقبلين لية كل يوم والثانى على السفر لمصر يعنى
خالد بسيم: من طبعا الانجازات اللى تمت ومن المجهود اللى بيتعمل المجهود الجماعى اللى بيحصل هنا بالاشتراك مع سيادة السفير والمستشار السياحى فى الطيران عمل جماعى دأوب وبقلنا فترة والحمد لله فى تخطيط هنا فى اليابان فى تخطيط للزياده دى حصلت وفى زيادات سعرية اتعملت وده ترويج سياحى
محمد صلاح : قولى هو الطيران اللى يبفيد السياحة والا السياحة هى اللى تفيد الطيران . يعنى الشركة الوطنية لما تعمل طائرة كل يوم للعاصمة طوكيو وتعمل طائرة اربع تيام فى الاسبوع الى اوساكا مش كده
خالد بسيم: اه
محمد صلاح : ده يزود السياحة والا ده لانه زاد الطلب على السياحة فا انتوا زودتوا عدد الطائرات
خالد بسيم: هى من الناحيتين بس طبعا كل ما كانت اعداد مقاعد اكثر ده
وبيتعمل لها تنشيط كويس ده بيؤدى الى زيادة عدد السياح لمصر وفى عوامل ثانية بردوا.
محمد صلاح : ايه هى ؟ عوامل ثانية دى احنا عندنا نقلة فى مصر
خالد بسيم: هو فى طبعا عندنا المطار الجديد فى مصر ده حاجة تشرف جدا بتجلنا هنا جوابات شكر واعجاب بالمطار الجديد t.b.3 كنقطة محورية
محمد صلاح : مبنى الركاب رقم 3 علشان كانت كنقطة محورية مبنى الركاب احنا بنبعث لبيند كايرو لبلاد ما وراء كايرو وعامل ثانى الطيارة الجديدة اللى هى البيونج تربل 7 اللى هى 3 هاندرد دى طبعا نقلة حضارية هنا كبيرة
محمد صلاح : كبيرة تاخد كمية اد ايه يا استاذ خالد
خالد بسيم: تاخد 347 راكب 49 راكب بيزنس كلاس - وبتاخذ 297 راكب -كونامى كلاس - ودى كانت نقلة بنركب اليابانى له معاملة خاصة احنا بنبعث لبيند كايرو -
محمد صلاح : هو اصلة مرتاح فى بلده قوى يعنى فلازم يستريح لما يروح حته ثانية مش كده
خالد بسيم: هو راكب انا باعتبرة جوهرة هو بالنسبة للسياحة وبالنسبة لمصر للطيران راكب نظيف راكب منظم راكب غالى علينا يعنى
محمد صلاح : انت يا استاذ خالد الشئ الغريب انه مفيش خط طيران من لجان اخرى الشركة اليابانية مش مشغلة خط يومى مثلا ده بالنسبة لك خطوة تسويقية يعنى ده بيحقق لك دخل اكبر بيحقق لك اعداد اكبر والا العكس
خالد بسيم: لأ لأ لأ بالعكس هنا طبيعة الشعب اليابانى لو فى شركة يابانية موجوده هيساعد اكثر لزياده اعداد الركاب والسياحة فى مصر يعنى انا وجود شركة يابانية تشيل لمصر ده ما يضرنيش وانا فى سوق منافسة يعنى فى السوق لازم يبقى فى منافسة الفترة اللى فاتت ابتداءا من شهر 9 اللى فات احنا بدأنا الديلى فلايت وبدأنا
محمد صلاح : الرحلات اليومية
خالد بسيم: الرحلات اليومية ماعدا يوم الخميس 6رحلات بكاباسكتى اعلى تضاعفت ثلاث مرات المعروض من الاماكن وعملنا لها خطة مسبقة بسياسات سعرية من ابريل المرحلة الاولى 2009 وكنا مستعدين ليها و المرحلة الثانية ربنا وفقا وفى اعداد تضاعف الاعداد
محمد صلاح : يعنى ممكن توصل مرحلة تعمل طائرتين فى اليوم
خالد بسيم: والله يعنى احنا فى شغل الطيران بتعنا عندما كنا عندى 6 رحلات او 78 رحلات وفى نسبة امتلاء عالية وفى اعداد كبيرة ان انا ممكن بنعمل بلان فى خلال سنه خلال سنتين why not ان احنا نعمل الدبل ديلى فلاى - رحلتين فى اليوم من اليابان اليابان بتصدر فى اليوم 16 مليون سائح احنا لمصر حوالى 130 الف اعلى حاجة لية لأ 250 الف 300 سائح 300 الف لو فى خطة وفى شغل ايه المانع لو فى شغل بس خارج طوكيوكمان فى ناجويا فى كاكوجيما وفى بلاد برة طوكيو شغل الانشطة الساحية لمصر
محمد صلاح : انا وانا جاى فى مضيفين ومضيفات يابانيات انا ما شفتهاش على اى خط اخر
خالد بسيم: عندنا احنا هنا من فترة كبيرة
محمد صلاح : عشان اللغة والا ايه؟
خالد بسيم: اه علشان اللغة اساسا علشان اللغة اليابانية اساسا
محمد صلاح : هتعيط والست هتعيط علشان تقدم لك كل حاجة انت عايزها يعنى نفسك فى ايه يعنى
خالد بسيم: ما هما اليابانيين يعنى هما كده بيئتهم وبيؤدوا عملهم
محمد صلاح : بطريقة زياده خالص مش كده
خالد بسيم: اه اه اه
محمد صلاح : شكلهم مريح
خالد بسيم: هى تخطيط
محمد صلاح : فظيع
خالد بسيم: وده اللى خلانا نقدر نتعامل معاهم علشان عندهم تخطيط
فاصل
محمد صلاح : من الملاحظات المهمة جدا فى طوكيو هنا زيادة الراغبين فى تعلم اللغة العربية الدكتور مصيلحى رجب رئيس البعثة التعليمية والمستشار الثقافى فى السفارة المصرية ده لية الحكاية دى يا دكتور