1/10/2010 محمد صلاح: يا مساء الخير الكتاب الخارجى خلاص بقى زى المخدرات وزى ما الداخلية شادة قوى مع تجار الصنف كمان التعليم محاصرمكتبات الفجالة صاحب المزاج أوطالب الحاجة بيتصرف تليفونات بقى بين أولياء الأمور روح لفلان مكتبة كذا قولوا أنك من طرف فلان تاخد الكتاب فى شقة بالدورالتالت بوسط البلد على قهوة فى السيدة خلى بالك من الجرسون لو قالك تشرب أيه ؟ وأنت عايز كتاب فيزياء قوله واحد فيزياء وصلحه أو بدل ما تقوله كتاب كيمياء تقوله الكيمى كيمى كا الكيمى كيمى كو بالكيميا عملوا اللحمة والقشطة والجاتوه دا كلام دا أسلوب مش كفاية معاناة الأهالى أصلا مع الكتاب الخارجى وقبله بقى مصاريف المدرسة والباص إذا فيه باص والزى المدرسى والسنتر وترتيبات الدروس الخصوصية اللى بتتحجز من الصيف ومجموعات التقوية فى المدارس إذا كان فيه إذا وزارة التربية والتعليم عايزة تحارب الكتب الخارجية طب ما تشوف أيه اللى بيجذب التليميذ ليها؟ وتحطه فى كتاب الوزارة شرح زيادة نمازج إمتحانات إيجابات نموزجية ويبقى الموضوع بعد كده عرض وطلب محدش فى الأهالى غاوى قوى انه يدفع فى الكتاب الواحد لمادة واحدة لفصل واحد 25 جنيه دا فى مادة واحدة وبعد التحديث والتطوير فى الكتاب المدرسى أمنع بقى بعد الناشرين بيقولوا انه الوزارة مش مسألة ممانعة ولا يحزنون هى بس مزنوقة فى قرشين وعملت لنا كمين قدموا كتب هنديكم تصاريح نديكم تصاريح للطبع بس أدفعوا على كل كتاب حط التسعيرة من 300 ألف لكتاب لغاية 2 مليون وربع أو نص الجماعة الناشرين بيقولوا كمان لو سمعنا الكلام بتاع الوزارة أما إن أحنا هندفع كل اللى بنحصله أو هنضرب تمن الكتاب فى أتنين يعنى الكتاب أبو 40 جنيه هيبقى ب 80 جنيه ويبقى ضغط على أولياء الأمور أهى الدراسة شغالة والمشكلة مولعة ومجلس الشورى ناقشها وتحدى وقضايا ومحاكم وحبس والتهمة حيازة أو بيع كتاب خارجى عن الكتاب الخارجى هيكون لينا النهارده كلام مسئول . تقرير وجدت الأسرة المصرية نفسها مع بدء العام الدراسى الجديد فى مواجهة أزمة إختفاء الكتاب الخارجى وذلك بسبب الإختلاف بين وزارة التربية والتعليم وناشرى هذه الكتب تطالب الوزارة الناشرين دفع مبالغ مقابل الحقوق الفكرية للكتاب المدرسى حددته الوزارة بما لا يرضى الناشرين الذين رؤوا فيه إجحافا وضررا مباشرا لأوضاعهم فيما أكدوا أن دفع ما تطالب به الوزارة سيصل بسعر الكتاب الخارجى إلى أرقام فلكية بدأ أولياء الأمور البحث عن حلولا ذاتية لتدبير الكتاب الخارجى فى مواجهة قرار بيعه وكانت الفجالة مقصدا لغالبية الأهالى الباحثين عن الكتب الخارجية لأبنائهم الفجالة فى المنطقة الأقدم للمكتبات فى القاهرة ومعقل تجارة الجملة للأدوات المدرسية عموما ولكنها هذه الأيام تجيبوا بسماسرة طبع الكتب خفية وتوزيعها وبيعها بعيدا عن المكتبات فى شقة أومقهى أوحارة جانبية فتحت قضية بيع الكتب الخارجية الباب على مصراعيه للحديث على تطويرالمناهج الدراسية التى باتت قضية ملحة فى ظل التطورات العالمية الذى تستثمر الكثير فى التعليم مشكلة الكتاب الخارجى التى تبحث عن حل وتدخل فيها أطراف عدة تأتى على رأسها وزارة التربية والتعليم وأتحاد الناشرين وذلك بغية التوصل إلى حل ليأخذ بعين الإعتبار مصلحة ملايين التلاميذ فى المدارس وأولياء أمورهم . محمد صلاح: السنة الدراسية ما بدأتش فجأة لكن بدأت بمفجأة أولياء الأمور اللى بيعتمدوا على الكتاب الخارجى لفك طلاسم الكتب المدرسية لأولادهم دلوقتى هما نفسهم لما كانه تلاميذ كانه برضه بيعتمدوا على الكتب المدرسية يعنى زى ما يكون الكتاب الخارجى ده كيف فجأة ملقوش الكيف ده فيه مشكلة بقى بين دورالنشر اللى بتطلع الكتب دى وبين الوزارة رئيس إتحاد الناشرين المصريين الأستاذ محمد رشاد هيكون لينا معاه كلام مسئول ومن كلام الأستاذ محمد رشاد لن يتم القضاء على صناعة الكتاب الخارجى مالم تتطوركتب الوزارة الذى كان الناشرون سببا فى تطورها فى خلال السنوات الماضية لدخولهم مسابقات تأليفها .. الأزمة الأخيرة كشفت أن الوزارة تريد إلغاء الكتاب الخارجى وكان من الواجب عليها أن تعلن ذلك صراحة وفيه وقت مبكر ليقوم الناشرون بتوفيق أوضاعهم المادية والتحول من التجارة فى الكتب الخارجية إلى الكتب الثقافية .. الناشرون خسروا كثيرا لأنهم أشتروا ورق الطباعة منذ مارس الماضى وأصبحت عليهم ديون للمستوردين وكذلك المطابع كان عندنا فى وقت من الأوقات مبقاش موجود دلوقتى دى حنفية مصاريف ما بتتقفلش زيادة مصروفات المدارس زيادة إشتراكات باص زيادة الدروس الخصوصية غير الزيادة فى أسعار الكتاب الخارجى كلو زيادة كلو زيادة وحكاية بقى أزمة الكتب الخارجية دى لو أستمرت هيلجأ الناس لسوق السودا طب لو إتحلت والناشرين أزعنوا لوزارة هيرتفع تمنوا يعنى الناس بتقول نفتح الشباك ولا نقفله ؟ رئيس إتحاد الناشرين فى مصر الأستاذ محمد رشاد هيكون لينا معاه كلام مسئول . فاصل محمد صلاح: أرحب برئيس إتحاد الناشرين المصريين الأستاذ محمد رشاد منورنا يا أستاذ محمد أ/ محمد رشاد: أهلا بحضرتك أهلا بيك محمد صلاح: أستاذ محمد موضوع الكتب الخارجية مش الأمور كانت ماشية ؟ يعنى بقلنا 50 ، 60 سنة ماشين على موضوع الكتاب أيه أللى حصل السنادى ؟ أيه الضجة دى ؟ أيه الموضوع يعنى ؟ أ/ محمد رشاد: هو بداية كان فيه برضه سنة 82 أيام عهد الدكتور فتحى سرور كان برضه حصلت مشكلة زى كده وطلع قرار وزارى يلغى إن أى دار نشر بتصدر كتاب خارجى إن هى تتقدم للوزارة للحصول على ترخيص بحيث انه الوزارة بتقوم بتشكيل لجنة لمراجعة هذه الكتب للتأكد من مطابقتها للمناهج الدراسية الى هى بتقرها الوزارة وكان فيه رسوم الرسوم كانت 600 جنيه محمد صلاح: عن أيه ؟ أ/ محمد رشاد: مقابل فحص الكتاب لأن الوزارة بتكلف أساتذة فى الجامعة كانه بيعملوها وأستمر الوضع ده وعملوا ميثاق شرف أيامها مع الدكتور فتحى سرور الناشرين عندنا متقسمين فى ناشرين بينشروا الكتب الخارجية وفيه ناشرن بينشروا كتب خارجية وثقافية وعلمية يعنى مختلفين السنة دى حصل شيىء مختلف شوية إن هما كانه متعودين انه يقدموا كتبهم للفحص للحصول على الترخيص فى شهر مارس بحيث إن هوالزميل الناشرقداموا أسبوعين تلاتة شهرعقبال ما يردوا عليه ويقولوله كتابك صالح إذا كان فيه بعض الملاحظات وبعض التعديلات يلتزم بيها بحيث إن الوزارة تقرها ويكون كتابه جاهز وفة الفترة دى ناشرون الكتب الخارجية بيتعاقدوا مع مستوردين الورق ومع المطابع مقابل شيكات على أساس أنها تسدد بعد المبيعات وكانه بيبدأوا الطبع شهر مايو ويونيه ويوليه ويكون جاهزين فى أول شهر أغسطس السنادى حصل شيىء مختلف إن فيه قرار طلع اللى هو قرار 52 من سياد الوزير انه ألغى إن دور النشر تقدم كتبها مرة واحدة خلال شهر مايو وبعد ما يقدموا الكتب بعديها بشهر يحصلوا على نتيجة الفحص ونتيجة الفحص إذا كان فيه تعديلات يقدموها تانى بحيث إن هذا التوقيت ده يؤدى إن هما ما يقدروش يطبعوا إلا فى شهر 8 فبيبقى عندهم نوع من الضرر إلى حد ما الحقيقة أنا أستلمت رئاسة فى 26 مايو وأنا مش غريب عن الإتحاد فى شهر أبريل فى التوقيت ده الناشري فى شهر أبريل أعترضوا على هذا الموضوع وبعتوا مذكرات للوزارة الحقيقة لم ينظر فيها رجعوا تانى قدموا شكوى فأنا فى 28 مايو يعنى بعد إستلامى بيومين رحت وقابلت السيد المسئول فى الوزارة وشرحتله وقدمت مذكرة لسيد الوزير على إن دا هسيبب ضرر للناشرين وفى نفس الوقت أرتفعت القيمة بدل 600 جنيه إلى 2000 جنيه محمد صلاح: 2000 جنيه اللى هما لى أيه ؟ أ/ محمد رشاد: اللى هو الفحص كويس الوزارة بتقول أنا معنديش إستعداد أن ندعم الكتب الخارجية من ميزانية وزارة التربية ودا كلام مظبوط وقالوا أنهم فحصوا 1106 كتاب منهم 140 غير صالحين والباقى صالحين إذنا الوزارة فى ال1106 تقريبا يعنى غطت المبلغ اللى هى بتدفعه لأن هى بتقول أنا دفعت مليون جنيه مقابل الفحص ترتب على هذا الأمر إن هما قدموا ولم جم يستلموا الملاحظات ففجئوا بالأتى أولا علشان الوزارة تديلهم الكتاب الصالح فيه زى بيان صادر من الوزارة أورسالة موجهة من الوزارة للناشر كتابك فيه الملاحظات التالية بيعملوا تقييم للكتاب فيه موطن قوى الجزء دا قوى لأ هنا فيه ملاحظات لأ الصورة غير واضحة فيه أخطاء وكذا كذا وفيه الأخر بيديهم الإجازة معظم الكتب غير ال140 كتاب اللى أعترضت عليهم الوزارة معظمهم واخدين أرقام من فوق ال80 لغاية 99% كويس يعنى كل الكتب دى واخدة وفيه ما يثبت هذا مع دور النشر إن هما واخدين ورقة محمد صلاح: يعنى التعديلات بسيطة يعنى ؟ أ/ محمد رشاد: فيه تعديلات بسيطة يعنى مثلا فيه حاجات كانت بتتقال لأنها معايير أتحطت أتحكمت معايير على الكتب دى من غير ما يكون الناشين عندهم مسبقا إن هما يستلموا بهذه المعايير ماكنش أتقالهم هذه المعايير ولكن معظم الكتب واخدة ال85 ،90 ،95 فيه شرطين إن هو يعدل يعدل كتابه وبعد ما يعدل كتابه لازم يقدمه تانى فلما جه يحصل على الترخيص ففوجىء إن كل دار نشر فرضت عليها مبالغ خيالية من التركيبة بتاعة كش كل واحد واضح إن الوزارة قالت العام الدراسى فصلين دراسين فرضت على كل فصل دراسى فى الإبتدائى 300 ألف جنيه على العنوان محمد صلاح: على كل كتاب ؟ أ/ محمد رشاد: أه الكتاب فى الفصل الواحد 300 ألف جنيه محمد صلاح: أيا بقى كان الكتاب 300 صفحة 100 صفحة 20 صفحة؟ أ: محمد رشاد: أه فيه نقطة كمان خطيرة الكتاب بيبقى فصلين فلما يبقى كتابين يبقى 600 ألف جنيه الكتب الخارجية دايما بتدعم بالأنشطة ونمازج الإمتحانات فى كتيبات مستقلة الكتيب ده فى الحالة دى كأنه كتاب لوحده تفرض عليه 300 ألف كويس يعنى هو أساسى هما متعودين كده إن نمازج الإمتحانات بيعمل كتاب لوحديها فالكتاب مثلا كتاب معين ممكن يكون سنة تانية إبتدائى هو المفروض فصلين دراسين يبقى المفروض 600 ألف معاه كتابين تانيين نمازج إمتحانات دا فى الفصل الأولانى ودا فى الفصل الثانى بقوا 4 كتب فبيقفوا عليه بمليون و200 ألف جنيه طبعا لو أفترضنا إن هو ناشر واحد بيبقى فيه منطقية إلى حد ما ولكن كل عنوان أو كل كتاب أو كل مادة بتلاقى فى السوق أكتر من 10 ، 15 كتاب يعنى منافسة كبيرة جدا يعنى فيه كتب وصلت لى 2 مليون وربع وفيه كتب تتفرج عليها 450 ألف وكتب أتفرض عليها السنة اللى بعديها 800 ألف أو 600 ألف المهم حصيلة المبالغ دى الناشر اللى عليه 48 مليون واللى عليه 33 مليون واللى 19 واللى 9 طبعا الناس يعنى بدأوا يعموا إلتماسات للسيد الوزير ثما ألتجأوا لإتحاد الناشرين يلزم مجلس الإدارة الحفاظ على مصالح الناشرين إذا كان معاهم حق يعنى مش مسألة إن هما الحق يكون معاهم فألتجأوا لإتجاد الناشرين لما ألتجأوا لإتحاد الناشرين قال إلزام على إتحاد الناشرين إن هما يلتزموا بنشر الكتب الخارجية ويلتزموا بكل تعليمات الإتحاد لا داعى الخروج فى مهاترات صحفيه لا داعى للرد فى أى وسيلة إعلامية ويلتزموا ويقعوا معايا إتفاق أنا أعود للمفاوضات كرئيس الإتحاد مع الوزارة أول حاجة لابد الحرص على مصالح الوزارة أنا شخصيا مقتنع إقتناع كلى وجزئى إن سياد الوزير كان فى توجهه فى هذا الموضوع أنه يبحث على حصيلة تزود موارد وزارة التربية والتعليم وأحنا بنشد على أيديه لأن أحنا عندنا مشكلة التعليم هى التمويل يعنى كل اللى أحنا بنعمله فى السنوات السابقة دى كلها عملية تطوير التعليم التعليم أمر قومى مغيرناش الفكر لانه أساس التعليم هو التمويل لو خدنا التجربة الماليزية لقوا الدنيا كلها واقعة جابو من كل وزارة ميزانيتها خدوا منها نسبة لصالح التعليم هو دا الأساس ليه ؟ لأن حضرتك لو أنت بتكلم عن الدروس الخصوصية لأن الفصل فيه 60و 70 طالب لما تعمل مدارس زيادة بالفلوس يعنى أنا بقول لحضرتك إن هو كان ليه وجهة نظر محمد صلاح: من أحد أسباب ضرر التعليم فىه مصر الكتاب الخارجى ده ؟ أ/محمد رشاد: أنا معاك لأن هوالمفروض ميبقاش الكتاب الخارجى بالشكل اللى موجود ده المفروض يكون كتاب إثرائى بمعنى يكون كتاب موازى بيدى معلومات أكتر بيزود حصيلة الطالب بيزود طريقة التفكير أحنا فى الأخر مخرجات التعليم عندنا مش هى على المستوى العالمى أللى هو المطلوب اللى هو التفكير والإبداع والإستقرار لكن بيحاولوا ناشروا الكتب الخارجية من عام لأحر إن هما يطوروا محمد صلاح: بس هو بيطور محكوم برضه بالكتاب المدرسى ؟ أ/ محمد رشاد: طبعا هو الأساس بالنسبة له زى ما بقول لحضرتك إن أنا مقتنع ولغاية هذه اللحظة إن كان إتجاه الوزيرإن هو يعظم موارد الوزارة لانه فعلا مطلوب إن الوزارة مطلوب يكون عندها موارد علشان تقدر تصرف على العملية التعليمية كلنا نؤيد إن ميزانية وزارة التربية والتعليم المفروض تكون أكبر ميزانية علشان تطوير عملية التعليم بجدية فعلا لكن متبقاش عن طريق الناشرين محمد صلاح: لأن كده هيجبوه من الناس مش كده ؟ أ/ محمد رشاد: بالظبط كده لكن لو الحكومة جادة فعلا فى عملية تطويرالتعليم المفروض تقتص من ميزانية كل وزارة وعلى المواطن نفسه إن هو يتحمل هذا إذا كان فى الكهربا أستحمل هيقطع الكهربا 5 ، 6 ساعات فى اليوم أنا أستحمل علشان المخرجات بعدى محمد صلاح: كان فيه كلام من الوزير سمعناها إن الناشرين بيحققوا مكاسب ملايين وربما مليارات مكسب يعنى ياخد من وزارة الصحة هى ناقصة أو وزارة الكهربا ما الناس عمالة تجر يعنى لما ناخد شوية فلوس من الناشرين علشان نصلح التعليم ماشى أ/ محمد رشاد: طب أنا عايز أقول لحضرتك حاجة الناشرين دول مش فئة من فئات المجتمع ؟ أو قطاع من قطاعات المجتمع ؟ يعنى يكفى إن أحنا نفتخر إن السيد رئيس مصلحة الضرايب وقف فى مجلس الشعب وقال إن كل ناشرين الكتب بيسددوا ضرايبهم واللى بيطلع فى العينة العشوائية مخالف بيطبق عليه القانون أفرض انه هو بيكسب مليارات فدا كلام غير حقيقى يعنى لانه مش مظبوط أفرض إن هو بيكسب مليارات أنت زعلان إن هو بيكسب مليارات ؟ ما هو فاتح بيوت وموظف الناس بدل البطالة اللى عندك هو بيشغل ناس محمد صلاح: طب ما تقولى يا أستاذ محمد هو تقريبا الكتاب بيكسب قد أيه ؟ أ/ محمد رشاد: أولا أنا عايزأقول لحضرتك حاجة أنا لا أنشر كتاب خارجى محمد صلاح: الأستاذ محمد رشاد صاحب دار نشر معروفة وطبعا معظم كتبه فكرية وثقافية أ/محمد رشاد: ما بنشرش كتاب خارجى لكن المعطيات كلها اللى السيد الوزير قالها ما بقتش موجود عندى الكتاب الخارجى نسبة الربح اللى فيه بدليل العرض اللى أنا عرضته على وزارة التربية هى نسبة الربح بتترواح ما بي 17 لى 22 % دى نسبة الربح بتاعتهم بس عنده المؤلف وعنده وعنده فهو فى الأخر خالص بيبقى أنا عرضت حل المشكلة بعد عمل دراسات يعنى عملت دراسة مالية ب 3 طرق وال3 طرق دول وصلتنى إن حجم السوق بتاع الكتاب الخارجى 230 مليون جنيه يعنى حجم ما يباع والدراسة دى كانت تحت إشراف نائب رئيس جامعة القاهرة اللى كان عميد سابق لجامعة كلية التجارة لجامعة القاهرة وأعتمدت الدراسة على الأرقام الرسمية للجهاز المركزى للتعبئة والإحصاء وأخدت رقم التلاميذ من الموقع الإليكترونى بتاع وزارة التربية كله رسمى وطلعلتلى الدراسة بالشكل ده الوزارة قالت لأ دى دراسة مش مظبوطة الدراسة دى معمولة كده محمد صلاح: كده اللى هو أيه ؟ أ/ محمد رشاد: يعنى مقدمين أرقام كده وجهة نظر الوزارة انه حجم السوق مليار ونص كان الكلام ده مش مظبوط لأن فى الأخر أحنا صناعة نقدر نقول الصناهة بتاعتنا دى لما أجى أقول صناعة النشر دى ما يدور فيها أدهل فيها المؤسسات الصحفية وأدخل فيها دور النشر كله كله فالكلام دا مش مظبوط ويؤكد هذا الكلام انه الكتب الخارجية بتبقى على ورق جرايد الورق اللى بيطبع منه الصحف كل الصحف بتاعة المؤسسات القومية الأهرام والأخبار ما يستورد منه لأن الموجود هنا ما يصلحش ما يستورد بما قيمته 400 مليون جنيه ودا كلام رسمى المؤسسات الصحفية بتستخدم 60% منه هيتفضل 40 % 40% اللى هو بيتشغل عليها بس مش الكتب الخارجية حاجات تانية فالحقيقة الوزارة قالت لأ أنا طلبت منهم طيبا أحنا دراساتنا مش مظبوطة إدينوا الدراسة اللى موجودة عندكم قال لأ أنتم تجيبوا وأحنا ندرس ونقول أه أو لأ طب بناءا على أيه ؟ ساعات أنت بتفاجأ فى بعض الأحيان انه بعض المسئولين فى بعض المصالح الحكومية أو الوزارات وكانه حاجة خاصة بى ويصر على رأيه طيب أنا جيت وجهة رسمية وأنا بأمثل الناشرين وليس لى مصلحة شخصية غير أنى أنا أعمل توفيق بين اللطرفين فأنا قدمتلك دراسة أنت المفروض تطلع ورقة وتقولى لأ الدراسة كذا فى الأخر أفصحت الوزارة انه حجم السوق مليار ونص الكلام دا مش مظبوط ومن ضمن الدراسة اللى أحنا قدمناه علشان نحل المشكلة كان عندنا حلين إن أحنا كل ناشر يحصل على ترخيص ويدفع 2,5% من رقم مبيعاته بموجب الإقرار الضريبى اللى هو هيجيبوا من مصلحة الضرايب محمد صلاح: يعنى مش هيقدر يلعب باع 1000 كتاب هيدفع ال 2,5% ؟ أ/ محمد رشاد: هو جاب إقرارضريبى وفيه نفس الوقت ويكون ملزم أوا يقدم معاه شهادة من ضرائب الحسابات انه دا الرقم الصحيح مع قانون الضرائب الجديد ضرائب الحسابات المسئولية الجنائية زى مسئولية الممول مش هيجامل كويس دا الإقتراح 2،5 2،5 دى بتشكل حوالى 15% أو 17% من هامش ربح الناشر أنت خد من ربحه 15 ، 20 % كويس فالإدعاء انه الناشرين بيكسبوا بيكسبوا الكلام دا مش موجود الصناعة هنا فى مصر وفى العالم العربى صناعة ضعيفة جدا رفض هذا الكلام طلبنا حاجة تانية أى قرار يبقى فيه تبليغ للناس أبعت لدور النشر وأسألها أقولهم أنا هعمل كذا كذا كذا وأديها الفرصة يوفقوا أوضاعهم بمعنى أنى أنا طلبت فى الترم الأولانى أو الفصل الدراسى الأولانى يدفعوا المبلغ ده محمد صلاح: اللى هو كام ؟ أ/ محمد رشاد: اللى هو 2،5 والترم التانى يا رب تحسب على كل ناشر 100 ألف مليون أفرض الأرقام اللى أنت عايزاها محمد صلاح: اللى عايز يكمل يكمل أللى معندهوش يغنى ظالموه أ/ محمد رشاد: بالظبط كده الناس ما بتحققش الأرقام أحنا دراستنا على إن حجم السوق 50% ليه ؟ لأن فى نفس الوقت لو أنا عندى 16 مليون فى التعليم العام أعتمدت عليهم يبقى العليم الفنى أو التعليم الأزهرى ال16 مليون دول مش كله بيشتروا الكتاب الخارجى لأن تفشى فى الفترة الأخيرة ظاهرة الدروس الخصوصية محمد صلاح: اللى بيعملوا مذكرات كده صغيرة أ/ محمد رشاد: لأ مش صغيرة دلوقتى بيعمل كتاب والكتاب ده ممكن يبيعوا ب 300 ، 400 جنيه محمد صلاح: محدش دا دارى بيه خالص بقى أ/ محمد رشاد: محدش وأنت عارف إن أى سنتر فيه عدد طلاب كتير الوزارة بتقول إن الكتاب الخارجى الناشرين بيبيعوه ب 50 جنيه و60 جنيه مش هو دا دا بتاع مراكز الدروس الخصوصية فى بعض المدرسين يتفقوا مع بعضيهم ياخدوا كتاب فلان وده وده من الكتب المشهورة الى بيعتمد عليها الطلاب ويلخصوها ويعملوا كتاب واحد ويبعوه لطلاب يقوله أنت عندك كام طالب ؟ يقوله 100 ، 200 يطبعلهم 1000 أو 2000 نسخة ويبيعهم محمد صلاح: بقى فيه الكتاب المدرسى والكتاب الخارجى وفيه السوق التالت اللى هو بتاع السنتر أ/ محمد رشاد: وفيه سوق تانى اللى هو بتاع بير السلم فى بعض المحافظات محمد صلاح: أيه بير السلم ده ؟ أ/ محمد رشاد: حاجات بقى خيالية ياخد من هنا وياخد من هنا ويسمى أسماء كتب غريبة عمرك ما بتسمعها محمد صلاح: أمبراطور الفيزياء أمبراطور الكيمياء أ/ محمد رشاد: لأ دا بتاع الدروس الخصوصية وبيبيع المدرسة ب 300 ، 400 جنيه وكل أولياء الأمور النهارده مبيبقاش عندهم حافز أو أمل فى المستقبل غير انه يعلم أولاده أحسن تعليم فمستعد انه يقتطع من قوته الشخصى وإن هو يعلم أولاده كويس فقلنا دا بعيد عن حجم السوق أنتم بتقولوا 50 و 60 جنيه لأ فى كتب عليها من ضمن الدراسة اللى أحنا قدمناها قوائم أسعار دور النشر كتاب ب12 كتاب ب10 كتاب 15 قدمنا مجموعة واحدة بس فيها 4 كتب مع بازل مع علبة ألوان بيتباع ب 27 جنيه ومطبوع على ورق أبيض و4 لون والكلام دا كله يعنى دى الكتب اللى موجودة فى السوق المهم لما أحنا لمرحلة رفض هذا طلبنا إن أحنا نتفاوض فيه هذا الموضوع بحيث إن أحنا ننهيه فقلنا يودنا فرصة فصل دراسى يعنى 3 ، 4 تشهر لأن ليه بقى ؟ لأن فيه كل الناشرين معظمهم كانه طبعوا الكتب هما متعودين يطبعوا كل سنة ماكنش فى ذهنهم انه هيفاجأوا بهذا القرار واخد بال حضرتك محمد صلاح: المشكلة فين دلوقتى الوضع أيه بقى؟ أ/ محمد رشاد: الوضع الوزير حل المشكلة بذكاء يعنى من الضغوط بتاعة الرأى العام ومن الحزب ومجلس الشورى ومعظم الناشرين طبعوا الكتب الخارجية وعليهم إلتزامات وهيروحوا السجن لما أحنا قلنا معالى الوزير رفع أيده حضرتك بقى تدور على حقوق الوزارة وهما بقى يدافعوا عن مصالحهم كانه لغاية اللحظة دى قبل العيد بيوم أو يومين كانه ملتزمين لكانه رفعوا قضايا ولا كانه نزلوا كتاب فى السوق وماكنش عملوا أى حاجة وكان بيتوجه إليهم شتائم وسباب وإهانات ومصاصين دماء ومافيا وا وا وماكنش فيه حد بيرد خالص ولما نيجى نسأل أى مسئول يقول لأ دا الصحافة اللى حرفت الكلام ده تسأل الصحافة يقولك لأ هو قال وعندى التسجيل المهم يعنى أحنا جينا فى الفترة دى وقلنا خلاص إتحاد المناشرين شال أيده من هذا الموضوع ففى دارين نشر هما اللى ألتزموا و مطبعوش الكتب التانيين كان عليهم ضغط لأن أنا لما أجى أقول لحضرتك ساى مثلا هو مطلوب منه 43 مليون ولا 48 مليون ولا 20 مليون وهو ما بيبعش غير بنص الرقم دا يعنى يبيع ويدفع كمان فوقيه كان الكلام مش منطقى وبالتالى أحنا الإتحاد بعد هذا الموضوع وبدأوا الناشرين اللى هما ناشرين الكتب الخارجية فى الدخول فى محاولة إن هما يفرضوا تواجدهم بمعنى محمد صلاح: يعنى يستجيبوا للوزارة ؟ أ/ محمد رشاد: لأ ما إستجابوش فى الأول يعنى بعد ما الإتحاد أنسحب لأول مرة ما أستجابوش يعنى خرجوا وقالوا خلاص أحنا طالما حبينا نحل بالحل الودى أنا كمواطن من حقى أن ألتجأ للقضاء محمد صلاح: فلجأوا خلاص للقضية اللى هى فى 5 أكتوبر يتم الفصل فيها أ/ محمد رشاد: هما رفعوا قضيتين دا بعد الإتحاد بفض قرار 52 وقضية بتاعة هى كانت بدأت الحكاية بحكاية الملكية الفكرية وأحنا قلنا وأنا قلت لسيادة الوزير إن الوزارة ليست لها ملكية فكرية إلا فى حالة يتنقل نفس الكتاب محمد صلاح: كتاب الأيام لطاهة حسين وهكذا أ/ محمد رشاد: قلتله من أولى إبتدائى لى 3 إعدادى ليس لوزارة التربية الحق فى الملكية الفكرية لأن هذه الكتب لناشرين ومؤلفين الذين دخلوا مناقصات وأللى فازت واللى الوزارة خدتهم وعملت عقد إذعان بالنسبالهم بالتنازل عنها بأن هما يبيعوها حتى العقد مفيهوش حاجة أسمها يعنى أنا متخصص فيها شوية اللى هى الإشتقاق بمعنى أن الكتاب الخارجى إن الوزارة تقول هو مشتق من كتابى أنا فى العقد بتاعى مفيش حتة الإشتقاق فليس للوزارة حق إنما إذا أى كتاب واخد من كتاب الوزارة يعنى واخد المضمون بتاع كتاب الوزارة لو واخد نفس طريقة التعغبير لازم يدفع محمد صلاح: يعنى هو المشكلة انه الوزارة بتفهمكم أنتى دى رسوم حق الملكية ليها المهم إن هى حددت المبالغ وخلاص 300 ألف أ/ محمد رشاد: بس هو برده إحقاقا للحق سياد الوزير قال أيه ؟ أنا خلاص هنحى جانبا موضوع الملكية الفكرية طالما منظور فى القضاء فأصبحنا نتكلم فى الرسوم وهى نفس المبالغ محمد صلاح: أستاذ محمد كده هنتوه خليك معايا فاصل محمد صلاح: دا المشكلة معقدة جدا رسوم على حق ملكية فكرية فى النهاية الموضوع مادى يعنى أ/ محمد رشاد: تدفع النهارده خد الترخيص النهارده محمد صلاح: لكنها فى النهاية مرتبطة الناس مستنية الكتاب الخارجى ولغاية كذا سنة قدام لغاية ما يتم تطوير خليك معانا يا أستاذ محمد معانا تقرير لناس اللى بتدور على كتاب خارجى نشوف أحوالهم عاملة أزاى ؟ نشوف الناس اللى عمالة تدور على كتاب خارجى طلعان عينهم بقى تقرير مواطن: لو الوزارة عايزة تمنع الكتاب الخارجى أو تساعد أولياء الأمور ليه ما يكنش فيه تفكير إن أحنا نطور الكتاب الدراسى بحيث إن هو ينافس الكتاب الخارجى أنا كولى أمر أيه اللى يخلينى أروح أشترى كتب خاترجية مثلا ب 100 جنيه عندى 3 أو 4 أولاد أشترى كتب ب 300 جنيه لو كتاب الوزارة أصلا كويس ويغطى هيساعدنى فى كده مواطن: أنا جاى هنا من محافظة الأقصر بدورعلى كتب ملجهاش لا عندنا فى البلد و لاهنا فى الفجالة والمدرسين أصلا عايزين كتب خارجية علشان يكملوا بها الدراسة مع الأولاد مواطن: أنا أبنى لغاية دلوقتى ما أستلمش الكتب ينى فى سنة تالتة إعدجادى ولسه لغاية دلوقتى ما أستلمش الكتب فأحنا بندور وكل ما نيجى هنا نسأل يقولك لسه والكلام ده لسه ما جتش والتصاريح من الوزارة والكلام ده مواطن: الكتاب المدرسى تعبان جدا فيه غلطات إملائية وغلطات فى اللغة العربية وغلطات فى الحديث إذا كان فى الدين فى أحاديث محطوطة غلط فالأول يظبطوا الكتاب المدرسى وبعدين يبصوا للكتب الخارجية مواطنة: دا مش منهج الوزير ينزلوا للإبتدائى العيل مش فاهم فيه أى حاجة لازم نجيب الكتب الخارجية على أساس متخصرة ولا مدرسين عدلة بتعلم ولا مدارس عدلة أساسا فين بقى وزارة التربيية والتعليم ؟ مواطن: دلوقتى أنا ليا أختى فى تالتة إعدادى مسكت بعض الكتب بتاعتها أمبارح كتاب الدراسات الإجتماعية علشان أقرا فيه وأشوف النظام فيه أيه ؟ أقسم بالله أنا ما فهمت منه حاجة ومعايا ليسانس دا يعنى ليه ؟ محمد صلاح: الراجل معاه ليسانس مسك كتاب إعدادى بتاع الدراسات الإجتماعية قال مفهمش فيه حاجة والست بتقول لا تعليم عدل ولا دروس عدلة ولا مدارس عدلة هى ليه الناس فى مصر أرتبطت قوى بالكتاب الخارجى كده؟ أ/ محمد رشاد: أولا هو الكتاب الخارجى ظهر فى مصر عام 1940 كنوع من مساعدة بعض الطلاب لكن لو رجعنا أنا شخصيا محتفظ فى مكتبتى بكتب مدرسى اللى هى القديمة لى طه حسين فى رابعة إبتدالئى كانت الكتب طبعا بيبذل فيها مجهود كبير وكان العلماء والكتاب بيكتبوا فيها الفترة فيه جت فترة الوزارة أصبحت إن اللى موجودين فيها هما اللى بيألفوا مستشار مش عارف موجه بتاع اللى هى العملية أللى أنتم كلكم الكتب بتشتكوا منها انه فيه مثلا لو جينا نتكلم فى الشعر هتلاقى شعر منفر للتلميذ وليس محبب يعنى أنا كنت بدرس حافظ إبراهيم وأحمد شوقى فالمهم مع ضغط الإنفاق على الكتاب المدرسى الوزارة من سنة 60 هى اللى بدأت تألف الكتاب المدرسى تأليف الكتاب المدرسى بمنهجية خاصة وحسب تصورات القائمين عليه طبعا كان الكلام دا الناس كلها بتضج منه الحقيقة منذ 3 ، 4 سنوات بنتكلم بمنتهى الصدق انه فيه جدية لتطوير التعليم وبدأت تطوير المنهج لأن هو التعليم مدرس وفصل ومنهج خرجت الوزارة من موضوع التأليف وإستعانة بدور النشر لأن كل دور نشر عندها كتيبة من كبار الكتاب والمفكرين واساتذة جامعة ومن خلال المسابقات أنا بتنافس مع ده ودا بيتنافس مع ده ودا لصالح ولادنا ليه ؟ لأن كلنا بنتنافس طبعا أحنا دخلنا فى هذا الموضوع على اساس نصل للى موجود فى العالم بره واللى موجود فى لبنان والى موجود فى المغرب فى الأخر خالص انه الناشر هو اللى يتولى عملية نشر الكتاب وتوريده لوزراة والوزارة بتدعم المدارس إن هى بتقدملها الكتاب مجانا فكلنا ضحينا وصرفنا أرقام يعنى مش عايز أقولك أرقام خيالية على إن أحنا نوصل طبعا مازال الفكر تطور وتلاقى الناس فى الوزارة محمد صلاح: يعنى أنت عايز توصلنى لمرحلة انه تقريبا كده اللى بيعملوا الكتب الخارجية هما هما أو زيهم اللى بيعملوا الكتاب المدرسى لأن دا بيعمل كتاب ويقدموا للوزارة مش دا الصح ؟ هو ليه بقى ما بيتعملش زى الكتاب الخارجى؟ أ/ محمد رشاد: هو بس فيه مشكلة المشكلة دى راجعة لدولة إن التمويل نفسه ضعيف ليه ؟ أنا بيجى بيلزمنى فى الكتاب المدرسى بيقولى على الأقل ما تتجاوز عدد صفحات كتاب الرياضة ما تتجاوزش120 صفحة محمد صلاح: أه بتعمل الكتاب الخارجى 300 ؟ أ/ محمد رشاد:ال120 صفحة لا أقدر أدى تدريبات زيادة و أدى أنشطة ولا أدى نماذج إمتحانات مقدرش أعمل الكلام دا كله وفيه حاجة تانية يا أستاذ محمد إن الدولة تنفق أكتر هى عاملة ميزانية محددة لطباعة هذه الكتب محمد صلاح: الدولة معندهاش فلوس فتعمل يعنى على قد لحافك مد رجليك أ/ محمد رشاد: اللى فى التقرير بيقولوا أيه انه الوزارة تعمل كتاب ودا فعلا لو عملوا الوزارة كتاب الكتاب اللى عملاه الوزارة كتاب جيد جدا قايم على مواصفات ومعايير محددة من الوزارة أهم الأساتذة والتربويين والفنانيين أشتغلوا فيه وجابوا نمازج وأفكار الكتاب جيد جدا أنا واحد من الناس أنا أستغنى عن المدرس فى السنوات الأولانية أنا أستغنى عن المدرس أو الكتاب الخارجى بس المهم أنك تزودلى الإمتحانات لو الوزارة ميزانياتها زادت ماهى ملهاش ذنب لو الدولة زودت ميزانية وزارة التربية وبدل ما أنا بطبع الكتب ب 800 مليون جنيه بالتالى كولى أمر عندك تاب أنت بتاخده مجانا من وزارة التربية والتعليم وفيه كل المواصفات اللى موجودجه وفيه كتاب خارجى تانى وإن كنت أنا رأيى انه يبقى موجود كتاب الوزارة والكتاب الخارجى محمد صلاح: ما هو الوزير يا أستاذ محمد بيقول أيه ؟ وهى وجهة نظر برده انه الكتاب المدرسى بيترك فرص لطالب للإبداع والخلق والتفكير والبحث والتدوين يعنى يشغل دماغه يعنى والكتاب الخارجى بالشكل ده عبارة عن برشامة بس كبيرة شوية انه فى النهاية بيساعد الطالب على الحفظ وكلنا طبعا عارف الحفظ وصلنا لفين يعنى أو نظام التعليم بالحفظ ليه ما يكونش فيه توازن بين ؟ أ/محمد رشاد:دا يتوقف على الوزارة بمعنى أيه ؟ أنا لو بعمل كتاب خارجى ما أنا بشوف المنهج اللى أنت ماشى عليه فى المدرسى وبأشتغل عليه أنا بزود عليه بشرح أكتر بدى معلومات أكتر أنا بعمل تدريبات أكتر أنا معاك ممكن نقول حتة التفكير والإبداع اللى هى موجودة فى كتاب الوزارة اللى هى المفترض المؤلفين وهما بيشتغلوا بيسيبوا مساحة للتلميذ انه يفكر دا بناءا على معايير الوزارة حطاها أيه اللى يمنع انه الوزارة تبقى حاطة معايير لكتاب الخارجى بحيث إن هى يغنى العملية التعليمية ؟ محمد صلاح: يعنى بقى كده أنت رجعتنى لمشكلة يعنى دلوقتى تقريبا حصل أمبارح أو أول أمبارح إن مؤسسة نهضة مصر إلتزمت وسددت النسبة اللى محدداها الوزارة باقى دورالنشرعلشان الناس تعرف الكت هتنزل أمتى ؟ أ/محمد رشاد: إذنا مع أحترامنا للوزارة إذنا مش الكلام الى كان بيتقال فى الصحف ووسائل الإعلام والقنوات الفضائية أن الكتب الخارجيى دى كلها مخالفة للمناهج الدراسية لأن بها أخطاء علمية والكلام ده لأ لأن كل الناشرين بما فيهم دورين النشر الى خدوا تصاريح من يومين كلهم قدموا كتبهم وتم إجراء التعديلات عليها وواخدين موافقة بالصلاحية واخد بالك هى فلوس محمد صلاح: يعنى دلوقتى الباقى هيدفع ولا مش هيدفع الكتاب هيبقى موجود فى السوق ؟ أ/ محمد رشاد: هو طبعا دلوقتى بيتفاوضوا أن يتم معامتهم زى معاملة الدورين اللى خدوا محمد صلاح: دول أتعاملوا أزاى ؟ أ/محمد رشاد: دفعوا نسبة أو مبلغ معين محمد صلاح: حاجة تحت الحساب ؟ أ/محمد رشاد: لا لأ هو نفس الأتفاق اللى أحنا عملناه بس أحنا النسبة بتاعتنا كانت 2,5 أنا سمعت من رئيس لجنة التعليم فى مجلس الشورى انه السيد الوزير قال أنها 10 % ما هما دلوقتى زملائنا الناشرين اللى هما ما خدوش الترخيص بإعتبارا إن هما مخالفين لانه طبعوا محمد صلاح: أه طبعوا والكتب متلتلة عندهم أ/محمد رشاد: بيطالبوا الوزارة إن هى تعاملهم نفس معاملة دارين النشر وأعتقد انه الموضوع مبقاش تحدى وتربص ما بين الطرفين من الأخر المواطن هو اللى هيتعب محمد صلاح: ما شفنا الناس فى الفجالة طب أوريك كمان أحوال المكتبات ؟ تشوف حالتهم عارف حالتهم أ/ محمد رشاد: أه عارف حالتهم محمد صلاح:تعال نعرف أكتر بقى علشان اللى ما بيعرفش يعرف نشوف الناس فى الفجالة أصحاب المكتبات أخبارهم أيه ربنا يعينهم تقرير مواطن: هو بيحارب أكتر من 12 ، 15 ناشر على مستوى مصر ويمكن أكتر بيحارب أكتر من 60 ،70 ألف مكتبة على مستوى مصر وبيزيد على كده بيحارب كل أولياء الأمور حوالى 12 مليون تليميذ وتلميذة فى مراحل تعليم مختلفة من إبتدائى لغاية ثانوى واخد بال حضرتك أزاى أظبط الكلام ده هتجد وزارة سليمة هتجد تعليم سليم أنت هتعمل تطوير للتعليم صح إنما كده هو بيحارب بيحارب وهو معندهوش قاعدة لأ لازم يبقى فيه قاعدة مواطن: الدنيا واقفة والناس كلها واقفة وكل الناس بتسأل على كتب خارجية ومفيش كتب خارجية مش عارفين نعمل أيه ؟ أنا مش عارف انا من كتر سؤلات الناس كتبنا يافطة انه مفيش كتب خارجية زى ما أنت شايف كده نسبة الأقبال على الكتب الخارجية موت موت يعنى هو مش قادر أقولك السؤال مثلا لو بيسأل عن ميه أو شرب مش هيسأل زى الكتاب الخارجى مش قادر أقولك مشكلة على الفجالة كلها مش علينا أحنا بس بالنسبة للكتب الخارجية السوق واقف عندنا مش قادر أقولك يمكن مثلا 90 % مواطن :أزاى واحد ناشر مبتكر جديد هيقدر يدفع الرسوم اللى موجودة يعنى أنا لو ألفت كتاب جديدة أو أقترحت وسيلة لطالب هدفع أزاى ملايين الجنيهات علشان أطلعها لطالب يستفيد بيها فالقرار بصراحة أحنا بنؤيد القرارات وكل حاجة بس لازم تكون مدروسة يعنى قرار طالع قبل الدراسة بحوالى أسبوعين تلاتة لا الناشر عرف يطلع كتبه وخسر كتير جدا وأحنا كأصحاب مكتبات الكتاب الخارجى هو العمود الفقرى على مستوى الجمهورية مبعناش حاجة ولا عارفين نبيع ومسئولية ومساءلة وأحنا مش عايزين المساءلة دى خالص مواطن: أشمعنا السنادى ما كل سنة بتعدى والكتب كويسة وبنمشى بحال كويس معرفش السنادى فيه أيه ؟ يعنى أحنا دلوقتى لو شغالين شغالين على الأنتاج وبناخد حوافز على الأنتاج دلوقتى مفيش شغل أساسا هنجيب فلوس منين ؟ يعنى ربنا يسهل والحكومة تشوف لنا حل فى الموضوع ده أحنا بنطالب يشوف لنا شغل يشوف لنا بديل يعنى أحنا دلوقتى قعدنا فى بيتنا يشوف لنا بديل شغلونا مش عارف أقول أيه ربنا معانا محمد صلاح: أستاذ محمد أنت عندك دار نشر وإصدراتك كلها تقريبا ثقافية وعلمية وفكرية وأدبية الناس بتوع الفجالة والناشرين بتوع الكتب الخارجية دول بيعتبر شغلهم فى سبتمبر ويناير فى الفصل الدراسى الأول بكل صراحة كده أنه أللى بيكسب أكتر أنت ولا هما ؟ أنت ما بتعملش كتب خارجية أ/ محمد رشاد: هو مش مسألة مين اللى بيكسب أكتر لأن هو فى الأخر بيلتزم انه بيدفع ضرايب هو يمكن الكم عنده أكبر أو بمعنى انه ممكن يوزع من الكتاب 10 تلاف أنا مقدرش أوزع من الكتاب 10 تلاف وهو الحقيقة ظروفهم صعبة زى ما قلت لحضرتك هما مضوا شيكات ودا اللى خلاهم فى الأخر لما وصلوا لطريق مسدود إن هما خلاص قالوا نلتجأ للقضاء وندور على حقوقنا لأن علينا إلتزامات بالأضافة إن هما شايلين عبء كمان عن الدولة انه بيشتغل شهري ولا تلاتة فى السنة وعنده عمالة بيدفع لهم مرتبات يمكن حوالى نص مليون بيشتغلوا فى المهنة دى بالأضافة على مستوى الجمهورية من أسكندرية لأسوان حوالى 150 ألف مكتبة لأن المكتبات عايشة على هذا الموضوع وهى الحخقيقة دى صناعة قديمة بقالها 50 ، 60 سنة وزى ما قلت لحضرتك انه وصلنا فى الأخر يعنى والكلام اللى كان بيتقال الكتب دى مخالفة واللام ده لأ ما هو اللى دفع خد محمد صلاح: الكتب الفكرية بتكسب ولا لأ ؟ أ/محمد رشاد: محدش بيقولك مبتكسبش محدش يقولك ما بيكسبش وإلا ما بيكسبش لازم يقفل أنا بكلمك بصراحة بس هى تختلف إن هى لما يبقى فيه كتاب تطبع منه 1000 نسخة غير لما تطبع كتاب تطبع منه 5000 نسخة وعلى فكرة هى صناعة ضعيفة بس هى من الصناعات القوية جد فى العالم الغربى يعنى عايز أقول لحضرتك انه بما يعادل 250 مليار يورو فى السنة أحنا عايزين نقوى الصناعة وفى الأخر الناشر اللى هو بينشر كتاب خارجى فى بعضهم بينشر كتاب ثقافى يعنى أحنا عايزين نخش ميبقاش كله كتاب خارجى وممكن يدعم لنا هذ1ه الصناعة محمد صلاح: بس لو فيه إتفاق على قواعد يعنى ؟ أ/محمد رشاد: بالظبط كده علشان كده أحنا بنناشد الوزير رغم إن أحنا بنقول حصل ما حصل وحدث ما حدث وأنا الحقيقة كده وكأن إن أحنا بقى عندنا ثقافة فى المجتمع بدل ما أنشر ثقافة الديمقراطية ل المفروض أوا أنا أنشر ثقافة الإختلاف وجهات النظر المختلفة لمسئولين لأن بعض المسئولين يبقى أنت بتقول من وجهة نظر الأخر واخد بال حضرتك أو بتدافع عن مصلحة أنت صحفى لو أنت عندك مشكلة والنقيب دافع عنك يبقى النقيب ضده محمد صلاح: يعنى أنت حاسس إن فيه موقف شخصى كده ؟ أ/ محمد رشاد: حاسس كده يعنى محمد صلاح: زعلان منك الوزير ؟ أنت رئيس إتحاد الناشرين هتقف مع مين ؟ مع الوزير ؟ أ/ محمد رشاد:مش عارف بالظبط كده الحاجة التاني فيه مسئول بيقول كلام مش مظبوط أنا يتقال هذا الكلام أنا راجل بمثل ناس مش المفروض انه أنا أميل على مصالحهم إذا كان معاهم حق وأنا بقول انه الأستاذ الوزير قدربذكاء انه هو محمد صلاح: عجبتك الحركة أ/محمد رشاد: أه ملعوبة يعنى إن هو يعامل الناشرين كانه بيتعاملوا كأنهم تجار مخدرات مينفعش وبيتمسكوا هو خالف القانون يعنى لما هو يقفل النهارده ويبقى فيه بطالة نص مليون الدولة هتعمل فيهم أيه ؟ أنا يناشده إن هو يحل هذه المشكلة زى ما عامل دارين دفعوا نسبة هما أه خالفوا محمد صلاح: هو مش كله زى بعضه ولا أيه ؟ أ/ محمد رشاد: لأ الوزارة بتعتبر انه دى مخالفة محمد صلاح: مين اللى خالف الدارين ولا الباقيين ؟ أ/محمد رشاد: لا لأ الباقيين بس الدارين مش هتغطى إحتياجات المواطن من الكتب الخارجية محمد صلاح: خالفوا أيه ؟ أ/محمد رشاد: هما مش واخدين تصريح بالطبع هما واخدين ورقة فيها كل التعديلات يعنى كتبهم مفيهاش أخطاء لكن التصريح أللى هو بيبقى فيه أذن التصريح رقم كذا بتاريخ كذا محمد صلاح: ما ياخدوه أيه المشكلة مش هما عدله ؟ أ/ محمد رشاد: أه عدله محمد صلاح: طب ما يرحوا ياخده أ/محمد رشاد: ما هما راحوا قاللهم لأ يعنى الموضوع مش من مصلحتهم وأنا قلتله هذا الكلام لأن الناشر ده يحول مصرف الكتاب الخارجى لكتاب ثقافى أو كتاب دينى لأن المواطن عنده ثقافة معينة أتعلم فى كتاب عايز أبنه يتعلم فى نفس الكتاب بدون ذكر أسماء يعنى سألت سياد الوزير كذا مرة سيادك عايز تلغى الكتاب الخارجى؟ قلنا نبلغ الناس دى يوقفوا نشاطهم ويتجهوا لحاجة تانية قال لأ أنا مش عايز ألغى الكتاب الخارجى إذانا الموضوع أنا وجهة نظرى هو البحث عن حصيلة لوزارة التربية والتعليم هو الهدف نبيل بالنسباله لكن متبقاش بالكريقة دى وبعدين فى الأخر أحنا وصلنا اللى كان عليه 40 مليون يصل غلى 45 مليون جنيه رفع 10% يعنى أنت بتتكلم فى مليون 3 مليون يعنى لو كنا مشينا مع بعضينا أكميد أنا بعرض عرض حضرتك هتقولى العرض ده لأ إن شاء أله الوير هيستجيب للنداء محمد صلاح: أستاذ محمد أنت رئيس إتحاد الناشرين المصريين فيه مشكلة حصلت فى الكام يوم اللى فاتو أو مشكلتين الأولى تتعلق بمنع 35 عنوان لكتب مصرية فى المشاركة فيه معرض الكتاب فى الكويت وصدرت طبعا ردود فعل من زملائنا وأساتذتنا الكتاب والمبدعين المصريين بتعترض على هذا الموضوع الموضوع التانى تتعلق فى مشاركة مصر فى معرض الكتاب فى الجزائر يعنى حظنا مع مشكلتين كبار أطرافهم أو طرفيهما دولتين عربيتين موقف الأتحاد أيه فى المشكلتين ؟ أ/محمد رشاد: أولا بالنسبة لمشكلة الكويت أولا موضوع منع الكتب أو مصادرة الكتب أو وجود رقابة فى معرض الكويت ليس حكرا على معرض الكويت دى للأسف الشديد موجودة فى كل المعارض الدولية مفيش معايير دولية للممنوع والمسموح يعنى مثلا فى أوروبا لما نيجى نبعت فى أوروبا عارفين فيه معايير محددة ليه ؟ لأن الناشر اللى موجود بره بيستورد الكتاب المصرى قبل ما يجيى الكتب ونشحنهاله بيقدمها لوزارة الداخلية بتاعته لأن الرقابة غالبا بتون تبع وزارة الداخلية عندهم معايير كتب جنس مش عايزانها كتب عنف وأرهاب مش عايزانها أحنا معندناش معايير يعنى عندنا السلام الإجتماعى دى مشكلة كبيرة قوى الجنس ممكن كاتب رواية بيراقب الموضوع بشكل جيد أدب الأستاذ نجيب محفوظ الله يرحمه فى جنس بس متوظف بشكل راقى فميش معايير محددة ولذلك أحنا بنتمنى من خلال إتحاد الكتاب وإتحاد الناشرين المصريين والعرب انه مؤتمر قمة للثقافة القمة العربية الثقافية نتنمى انه على الأقل يحطولنا بس معايير فأنا كناشر عارف أيه المعايير أللى ممنوعة وأيه المعايير المسموح بيها الحاجة التانية أحنا أحيانا بنعمل خناقة من لا شيىء يعنى أنا لما حصل هذا الكلام سألت الناشرين سألونى لو عندكم أى حاجة انا خاطبت إدارة المعرض رسميا وقلتلهم انه فيه كتب أنتم منعتوها لا تستحق المنع برجاء الفحص مرة أخرى الحقيقة الناس إستجابوا وعلى ما أعلن مجلس الوزرا الكويتى أجتمع من يومين تقريبا وكان فيه زميل كويتى قال انه هيعيدوا فحص الكتب تانى لكن علينا عتب شوية أحنا مصر مينفعش كل يوم والتانى أعمل خناقة مع بلد عربى مينفعش يطلع بقى بعض الأقلام وضد رموز فكر مصر وضد مصر وكأن الدولة الفلانية دى متربصة بكتاب ومفكرين مصر وبالتالى هتكبر بقى وبعدين منساش كمان دور الكويت الثقافى فى الفترة اللى فاتت فى مجلة العربى وعالم المعرفة يعنى ليه نشاط ثقافى فيعنى موضوع الكويت ده أرجوا ما يخدش أكبر من حجمه لأن هتلاقى كتب للبنانين لعراقيين لتوانسة هتلاقى كتب ممنوعة محمد صلاح: والجزائر بقى ؟ أ/محمد رشاد: الجزائر دى مشكلة يعنى حاجة تضحك يعنى فى عالمنا العريى يعنى اللى عملوا المشكلة يعنى سبب المشكلة الكورة وبعدين الأعلاميين بتوع الكورة من كلا الطرفين ومحسبوش العواقب اللى هى ممكن تحدث أنا وجهة نظرى أمريكا بتحارب العالم كله وبتعمل ترسانات أسلحة علشان الإقتصاد بتدور على مصالحها فالسياسة لها مصالح إقتصادية دول بيلعبوا مع بعض وبيرحوا مع بعض والجزائريين بيجوا مصر والمصريين بيروحوا الجزائر بيلعبوا هنا فجأة كده دخلوا الثقافة اللى هى المفروض ملهاش جنسية ملهاش جنسية تتنقل من بلد إلى آخر دخاونا فى هذا الموضوع الحقيقة بدأت المشكلة انه هما ما بعتولناش الدعوة أنا بعت لمدير معرض الجزائر وقلتله أنت بعت لكل الناس مردش بعديها بيكلم قالى أنا لازم أرجع لبعض الجهات لأن الوضع الأمنى عند بعض الناس مش متظبط طب يعنى قالى هرد عليك المهم مردش عليا فوجئنا برده انه نفس المشكلة بتاعة الكورة انه ناس أختلقوا حديث واحد أختلق حديث على لسانى وأنا لم أراه من الجزائر صحفى من جريدة الخبر أختلق حديث معايا وحط الكلام ده وأنا كذبته على نفس الموقع أللى عليه أنجر إليه مدي المعرض فى الجزائر وبدأ يقول تصريحات عنترية أحنا أعتبرناه موقف غير لائق وأنتظرنا نشوف الدعوة هتجلينا ولا مش هتجيلنا بدأت عدة محاولات للمشاركة رمزية من خلال جناح إتحاد الناشرين العرب فى 50 متر أحنا كأتحاد ناشرين رفضنا لأن لا مكانة مصر و لاقيمة الكتاب لمصرى ولا قيمة الناشر المصرى انه يشارك مشاركة رمزية أحنا لما بنشارك المساحة بتاعتنا من 1200 لى 1500 متر لأكتر من 120 ناشر أحنا فى أى معرض أحنا أكبر جالية موجودة أنا مصر أنا بنتج أكتر من 40 % من حجم الأنتاج العربى يعنى فيه دول بقالها 30 ، 40 سنة بس بتنشر أنا عندى 60 أو 70 % من كتاب ومؤلفين العرب محمد صلاح: وعندنا الكتاب الخارجى بقى قولتلى العرب دايما هيختلفوا على حاجات بسيطة كده أ/ محمد رشاد: أحنا نتمنى إن موضوع الجزائر ده يعنى محمد صلاح: يتلم ؟ أ/محمد رشاد: أه يتلم محمد صلاح: ونتمنى برده موضوع الكتاب الخارجى يتلم وقال رئيس إتحاد الناشرين المصريين الأستاذ محمد رشاد كلامه معانا كان كلام جميل كلام معقول أكيد كان كلام مسئول خلص الكلام سلام نلتقى فى الحلقة المقبلة .
