اتوضأ بالدم وضوءك غير وضوءنا آدِن الشياطين تتلَم آدانك اكيد غير آدانا لِم الجثث لِم ابنى مسجد غير مساجدنا اسجد لوسواسك واحنا لغيرالله ما سجدنا سبح بنزواتك وبسبحان الله تسابِحنا بسم مين قرآنك ؟ احنا بسم الله قرآنا إلآهك بلا رحمه والرحمن الرحيم إلَهنا إسلامك ما سَلِمنا منه ولا سلِم منك إسلامنا انشر موتك فى المداين واقتل اعمار ملك اللى خالِقها ازرع قنابلك فى كل مكان مُحال يرجع بيك الزمان واللى منا يموت شهيد وانت تعيش دايما جبان فى الدنيا وقود الغِل وفى الآخره للنار وقودها ملعونه الفتنه وملعون اللى يقودها قوم اغتسل من نجاسة القتل بدم الشُهدا وعرق خوف طيبينا