حصلت الممثلة الأمريكية سكارليت جوهانسون على جايزة أفضل ممثلة عن دورها في فيلم «Her» للمخرج سبايك جونز واللي شارك مؤخرا في المسابقة الرسمية لمهرجان روما السينمائي الدولي اللي إختتم فعالياته إمبارح. وأخدت سكارليت الجايزة عن دورها في الفيلم اللي أدته بصوتها فقط بدون ما تظهر في أي مشهد، وشاركها في الفيلم جواكين فينيكس، إيمي آدمز، روني مارا، أوليفيا وايلد و كريس برات، وحكاية الفيلم بتدور حوالين كاتب بيطور نظام كومبيوتر و يقع في غرام صوت نظام التشغيل اللي بتأديه سكارليت جوهانسون.
وفاز ماثيو ماكونهي بجايزة أفضل ممثل في الدورة الثامنة من المهرجان اللي إفتتح فعالياته في 8 نوفمبر الحالي، وحصل على الجايزة عن دوره في فيلم Dallas Buyers Club واللي لعب فيه دور شخص مصاب بالإيدز.