أيام رمضان غير باقي أيام السنة، كلنا بنبقى عايزين نعمل كل يوم أكل أحلى من اليوم اللي قبله، وعلشان ما تتعبيش في التفكير والاختيار، "بص وطل" هتقدّم لك كل يوم عزومة كاملة من العصير للسحور.. على سفرة النهارده هيكون موجود عصير التفاح بالكركديه، وسلطة خضراء بصوص الكريمة، وشوربة الشعيرية بالطماطم وطاجن البامية باللحمة وكرات جوز الهند، وعلى السحور بنقدّم لك بيض بالمايونيز.
عصير التفاح بالكركديه عصير التفاح بالكركديه المقادير: كوب ورق كركديه 4 كوب عصير تفاح 4 كوب ميه مية ورد سكر الطريقة: 1- اغلي أوراق الكركديه مع السكر والميه على النار، وبعدين سيبيه يبرد، وصفّيه، وبعد كده ضيفي عليه عصير التفاح ومية الورد ودخليه الثلاجة لحد ما يبرد، وبعدين قدميه مع الثلج.
سلطة خضراء بصوص الكريمة سلطة خضراء بصوص الكريمة المقادير: شريحة فراخ مقطّعة قطع صغيرة 2 ثمرة كابوتشا كبيرة مقطّعة شرائح صغيرة 2 ملعقة كبيرة سكر بني أو أبيض ملعقة كبيرة زيت زيتون عصير ليمونة رشة شطة مقادير الصوص: 1⁄4 كوب كريمة لباني 1⁄4 ملعقة صغيرة بصل مفروم 1⁄2 ملعقة صغيرة شبت مفروم 1⁄4 ملعقة صغيرة ثوم مفروم ملعقة كبيرة بقدونس مفروم 1⁄4 ملعقة صغيرة فلفل أسود كوب زبادي صغير 1⁄4 كوب خل كوب مايونيز فنجان لبن رشة شطة رشة ملح الطريقة: 1- لعمل الصوص؛ اخلطي المايونيز مع الكريمة اللباني والخل والزبادي واللبن، وقلّبيهم مع بعض كويس جدا، وبعدين ضيفي معاهم البصل والثوم والشطة والفلفل الأسود والملح والبقدونس والشبت، وقلّبيهم مع بعض كويس لحد ما الخليط يتجانس، وبعدين غطيها وشيليها في الثلاجة لمدة لا تقل عن 4 ساعات. 2- شوّحي قطع اللحمة أو الفراخ في الزيت، وبعد كده ضيفي عليها السكر البني وعصير الليمون والملح والفلفل والشطة وقلّبيهم مع بعض على النار لحد ما اللحمة تستوي. 3- شيلي الخليط من على النار وضيفيه لشرائح الكابوتشا وقلبيهم كلهم مع بعض. 4- طلعي الصوص من الثلاجة وصبيه على خليط الكابوتشا والفراخ، وقلّبي الخليط مع بعضه، وبعد كده اغرفيه في طبق التقديم.
شوربة الشعيرية بالطماطم شوربة الشعيرية بالطماطم المقادير: 1⁄2 كوب شعيرية محمّرة كيس صلصة طماطم 1⁄2 كوب بقدونس مقطّع قطع صغيرة 1⁄4 كيلو لحمة مقطّعة مكعبات صغيرة ثمرة فلفل أخضر مقطّعة قطع صغيرة 1⁄2 كوب كزبرة خضراء مفرومة 1⁄2 ملعقة صغيرة نعناع ناشف 2 ملعقة كبيرة زيت زيتون 5 كوب ميه أو شوربة ملعقة صغيرة كمون ثمرة بصل مفرومة ملح وفلفل أسود الطريقة: 1- شوّحي البصل والفلفل الأخضر في زيت الزيتون، وبعدين ضيفي عليهم اللحمة وسيبيها تتشوّح شوية، وبعد كده ضيفي عليهم البقدونس والكزبرة وقلّبيهم مع بعض، وبعد كده ضيفي صلصة الطماطم والميه والملح والفلفل الأسود والكمون. 2- غطّي الشوربة وسيبيها على النار لمدة 20 دقيقة، وبعد كده ضيفي عليها الشعيرية والنعناع وسيبيها على النار لمدة 10 دقائق، وقدميها.
طاجن البامية باللحمة طاجن البامية باللحمة المقادير: 1⁄2 كيلو بامية كيلو لحمة مقطّع مكعبات صغيرة 2 ملعقة كبيرة صلصة طماطم 2 ثمرة طماطم مفرومة 1⁄2 ملعقة صغيرة قرفة 2 ملعقة كبيرة زيت ملعقة صغيرة كمون ملعقة صغيرة كزبرة 5 فص ثوم مفروم ملح وفلفل أسود ثمرة بصل مفروم 2 كوب ميه الطريقة: 1- شوّحي اللحمة في الزيت شوية لغاية ما تنزّل الميه اللي فيها، وبعدين ضيفي عليها البصل وقلّبيهم مع بعض على النار لمدة دقيقة، وبعد كده ضيفي الثوم المفروم وقلّبيهم مع بعض لمدة دقيقة. 2- ضيفي عليهم الطماطم والصلصة والملح والفلفل الأسود والكزبرة والكمون والقرفة وقلّبيهم مع بعض لمدة دقيقتين، وبعدين ضيفي الميه والبامية، وسيبيها تاخد غلوة على النار. 3- حطّي البامية في الطاجن، واقفليه بالورق الفويل، ودخّليه الفرن وسيبيه لمدة ساعتين، وبعدين قدّميه.
كرات جوز الهند كرات جوز الهند المقادير: 1⁄4 كيلو جوز هند 3⁄4 كوب سكر بودرة ملعقة صغيرة فانيليا ملعقة كبيرة دقيق بياض 5 بيضات 1⁄4 كيلو سكر 1⁄4 كوب لبن رشة ملح الطريقة: 1- اخفقي البيض مع الفانيليا والملح لحد ما الخليط يتجانس، وبعدين ضيفي عليه السكر بالتدريج، مع الاستمرار في الخفق، وبعد كده ضيفي عليه اللبن واستمري في الخفق. 2- اخلطي السكر البودرة والدقيق وجوز الهند مع بعض كويس، وبعدين ضيفيهم لخليط بياض البيض وقلبيهم مع بعض لحد ما الخليط يتجانس. 3- وبعد كده حطي العجين في قرطاس الحلويات وشكّلي بيه العجين على شكل كرات في الصينية، ودخليها الفرن لمدة 15 دقيقة، وبعدين طلّعيها وقدّميها.
بيض بالمايونيز وصوص الفلفل بيض بالمايونيز وصوص الفلفل المقادير: 6 بيضة مسلوقة 2 ملعقة كبيرة مايونيز 2 ملعقة كبيرة جبنة كريمي 2 ملعقة صغيرة مستردة ملعقة كبيرة خل ملح وفلفل أسود خليط الفلفل: 1⁄4 كوب فلفل أحمر مقطّع حلقات 3 ملعقة كبيرة سكر 3 ملعقة كبيرة ميه الطريقة: 1- لتحضير صوص الفلفل؛ اغلي السكر مع الميه على النار، وبعدين صبّي الخليط على حلقات الفلفل وسيبيهم على جنب. 2- قطّعي البيض أنصاف، وشيلي منها الصفار وبعدين غطي بياض البيض وسيبيه على جنب. 3- اهرسي صفار البيض مع الجبنة الكريمي والمايونيز والملح والفلفل الأسود والمستردة والخل، لحد ما الخليط يتجانس، وبعدين حطي الخليط في قمع الحلويات وابدأي احشي بيه بياض البيض وزنيهم بحلقات الفلفل الأحمر، وقدّميهم. وبكده خلّصت عزومة النهارده.. مستنيين تجرّبي وتقولي لنا إيه رأيك.. واستنينا بكرة إن شاء الله مع عزومة جديدة.. نتمنى لكم صوما مقبولا وإفطارا شهيا بمشيئة الله.. سلااام،،،
