أنا عندي 23 سنة، فيه واحد كنت بحبه من 3 سنين. فاتت سنة وأنا معاه، وبعدين حصل مشاكل مع أهلي لأنهم عاوزين ارتباط رسمي. تملّي كان يقول لي ظروفي وإمكانياتي مش هتنفع دلوقتي، وبعدين سيبته سنتين، ومدة السنتين أنا ما نسيتهوش أبداً، وكان كل ست شهور أو سنة ممكن كان يسأل عليّ، أنا مش عاوزة ارتباط كده معاه؛ أنا عاوزة ارتباط رسمي علشان أنا كمان باستحرم الحب، وقلت أنا لازم أنساه علشان أنا مش هينفع أكلمه كده وبس. بس المشكلة إني مش عارفة أنساه ومستحرمة جداً أكلمه وبيفوت عليّ شهور وأنا مش باكلمه وبرضه مش ناسياه، على طول باعيط. أنا حتى لما باكون معاه باقول له تملّي الحب حرام، وخروجنا ده مش حلال؛ مع إني مش باخرج كتير معاه. أنا مشكلتي إني مستحرمة الحب وأنا بحب مع إن عمري ما عملت حاجة غلط أبداً تملي باراعي ربنا علشان يكرمني في حياتي. tata