النهارده هنعمل مع بعض بسكويت بالجبنة والأعشاب، والبسكويت ده ممكن ناكله على الفطار أو على العشاء أو حتى كطبق جانبي في الغذاء مع الطبق الرئيسي والشوربة. تعالوا نشوف الطريقة مع بعض.. المقادير: كوب دقيق. 1 معلقة كبيرة أعشاب طازجة مفرومة "ممكن بقدونس أو أي نوع تحبيه". 2 معلقة كبيرة جبنة مبشورة. 1/2 معلقة صغيرة بيكنج بودر. معلقة كبيرة ماء بارد. معلقة كبيرة زبد. بيضة. مكونات الحشو: جبن شيدر. ملح وفلفل. أعشاب طازجة مفرومة. الطريقة: 1- اخلطي الدقيق مع البيكينج بودر، والزبدة والجبنة المبشورة والأعشاب في وعاء عميق، لغاية ما يختلطوا كلهم مع بعض كويس. 2- ضيفي البيض والماء على الخليط السابق واعجنيهم كويس مع بعض لغاية ما تحصلي على عجينة متماسكة. 3- افردي العجين على سطح مستوٍ بحيث يكون سُمك العجينة حوالي نصف سنتيمتر، وبعدين قطعيه بقطاعة مستديرة أو بأي شكل على حسب رغبتك. 4- رصي البسكويت في صاج أو في صينية ودخليه في فرن ساخن وسيبيه لمدة 20 دقيقة أو لغاية ما تحسي إنه استوى تماماً. 5- اخلطي مكونات الحشو مع بعضها، وعند التقديم يُوضع كمية من الحشو بين طبقتين من البسكويت.. وبالهنا والشفا. ونتمنى إنكم تجربوا الوصفة وتبعتوا تقولوا لنا رأيكم فيها.. وكمان لو عندك أي وصفة عايزة تعرفيها ممكن تبعتي لنا وإحنا هنقدمها لك في أقرب وقت.
ولو عندك وصفة جامدة تكوني جربتيها قبل كده.. وعايزة تشاركي بها معانا.. وتنزل على باب صحة وجمال باسمك ابعتي على لينك... "ورينا شطارتك" وإلى اللقاء مع وصفة جديدة،،،