النهارده هنعمل سلطة سيزر لكل أصدقائنا اللي بيعملوا دايت ونفسهم في وجبة شهية وخفيفة في نفس الوقت.. سلطة سيزر المقادير: صدر فرخة مقطّعة مكعبات 1⁄2 ثمرة خس كابوتشا مقطّعة مكعبات 2 ثمرة طماطم مقطّعة مكعبات 2 ملعقة كبيرة زيت زيتون 2 شريحة توست ملعقة كبيرة خل ملح وفلفل للصوص: 2 ملعقة كبيرة جبنة رومي مبشور 2 ملعقة كبيرة مايونيز لايت 3 ملعقة كبيرة عصير ليمون ملعقة صغيرة مستردة ملح وفلفل بابريكا زعتر الطريقة: 1- تبّلي قطع الفراخ بالملح والفلفل والخل واشويها على النار لمدة 10 دقائق وسسبيها على جنب لغاية ما تحضّري باقي المكوّنات. 2- شيلي الأطراف البنية من التوست، وقطّعيه مكعبات صغيرة، وضيفي عليه زيت الزيتون والملح والزعتر ودخّليه الفرن لحد ما يبقى لونه ذهبي. 3- حضّري الصوص بأنك تخلطي كل مكوناته مع بعضها. 4- قلّبي الخس مع الطماطم وضيفي قليل من الصوص وقلبيهم كويس، بعد كده ضيفي عليهم التوست وقطع الفراخ، وزيّني السلطة بباقي الصوص.. وبالهنا والشفا. خلصت وصفتنا النهارده.. استنونا كل يوم مع وصفات جديدة.. سلام،،،