النهارده هنقدّم لك طريقة تحضير أجنحة الفراخ المشوية بالصويا صوص، يلّا بينا على المطبخ نشوف الطريقة هتكون إزاي؟! أجنحة الفراخ المشوية المقادير: * كيلو أجنحة فراخ * بصلة كبيرة مقطعة قطع صغيرة * ملعقة كبيرة زعتر مجفف * 3 فصوص ثوم مفرومين * ملعقة كبيرة فلفل حار * ملعقة صغيرة سكر * ملح وفلفل أسود * ملعقة كبيرة صويا صوص "هتلاقيه في السوبر ماركت" الطريقة: 1- لتحضير تتبيلة الأجنحة؛ اضربي كل المقادير الموجودة عندك -ماعدا الأجنحة- مع بعضها في الخلاط. 2- انقعي الأجنحة في الخليط اللي حضّرتيه لمدة يوم كامل في التلاجة؛ علشان الأجنحة تتشرب من التتبيلة كويس. 3- هاتي صينية، ورصّي فيها الأجنحة ودخّليها الفرن على نار هادية لمدة ساعة، أو لغاية ما الأجنحة يبقى لونها دهبي، بعد كده رصّيها في طبق التقديم.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،،