النهارده هنقدّم لك وصفة جديدة، هتساعدك إنك تجددي في وجبة الفطار أو العشاء اللي بتقدّميها لأطفالك، تعالي نشوف وصفتنا عبارة عن إيه... توست بالجبنة والطماطم والزعتر المقادير: * 1⁄2 كيلو جبنة أي نوع موجود عندك مقطّعة شرائح * 2 ثمرة طماطم مقطعة شرائح متوسطة الحجم * ملعقة كبيرة ريحان مجفف اختياري (هتلاقيه عند العطار) * توست (موجود في السوبر ماركت) * زعتر (هتلاقيه عند العطار) * 1⁄2 كوب زبدة * ملح وفلفل أسود الطريقة: 1- حطّي على كل شريحة توست شريحة جبنة وعليها شريحة طماطم، وبعد كده حطّي الزعتر ورشّي على الوش شوية ملح وفلفل أسود وريحان، وبعد كده حطّي شريحة توست تانية، واضغطي عليها بإيدك كويس. 2- ادهني كل جانب من جوانب التوست بملعقة صغيرة زبدة. 3- سيّحي الكمية المتبقّية من الزبدة في طاسة تيفال، وحمّري التوست لغاية لونه ما يبقى دهبي، وبعد كده حطّيه في أطباق التقديم.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،