السلام عليكم أنا عندي مشكلة صغيرة، وهي أني مخطوبة لشاب كنا بنحب بعض، بقالنا 3 سنين وكام شهر، وواخدين على بعض. حصل منه كذا مرة تعليق على صوتي، أنا صوتي مش وحش ولا تخين ولا رفيع، ييجي مثلا يقول لي كلميني برقة وأنا باكلمه عادي، أنا ما باحبش إني أتكلم بطريقة ممكن تحرك حاجة جواه، باتكلم عادي زي أي بنت. لما باقول له كده يقول لي إنتي مش بتفهمي أساسا في الرقة، وأنا والله باعامله كويس جدا، وباحاول أكمل اللي ناقصني عشان أبسطه، ييجي يقول لي إنتي مش بتدلعيني، أنا باتكسف منه لو جه يكلمني بالراحة أو كده؛ بس مش معنى كده إنى باردة، أنا اللي بيضيّق خلقي إني مش بحب أكون باعمل حاجة وحد ييجي يقول لي إنتي مقصرة، ولما باضايق منه يقول لي إنتى عايزة تختميها نكد طيب ما أنت ضايقتني، أعمل إيه؟ هو الموضوع تافه، قولوا لي أتعامل معاه إزاي؟ ولا أرد أقول إيه؟ أنا لما بيقول لي كده مش باعرف أرد، ولو مقصرة فعلا حد يقولي. N.A