أنا بنت عندي 18 سنة، وعلشان ما كنتش لاقية حنان في البيت دوّرت عليه بره، وحبيت بس في فترة مراهقتي، وعلشان ده سن مراهقة بقيت بحب أي حد عايز يكلمني؛ فكلمت كذا واحد وأنا في أولى ثانوي وتانية ثانوي وتالتة ثانوي، ودلوقتي أنا ندمااااااااااانة جدا على اللي كنت باعمله وباقول: إزاي بنت تكلم ولد؟ وعيب وحرام ومين اللي تسمح لنفسها إنها تكلم واحد دي، والمفروض إنها تستنى نصيبها لحد عندها. لكن عقلت بس ده مخليني صغيرة في نظر نفسي؛ بس مش عارفة أعمل إيه؟ الندم ده مش هيفيد بحاجة، ومش عارفة أطلّع الولاد دول من دماغي، ودلوقتي لما باشوفهم باقول بقى أنا كنت باكلم ده، وأضحك على نفسي. دي أول مشكلة. وتاني مشكلة أنا كنت بالبس اللي أنا عايزاه بناطيل وكل حاجة، ودلوقتي الحمد لله ربنا هداني فجأة، ونفسي أتنقب؛ بس قلت واحدة واحدة ألبس عبايات الأول على طول وأسيب لبسي ده خالص، وبعدين أتنقب ولا بلاش عبايات، وألبس جيبات واسعة. أنا الموضوع ده برضه شاغلني يا ريت تردوا عليّ في المشكلتين لأني محتاجة ردكم أوي. الحيرانة