الحلم: حلمت إني ماشية على كوبري رايحة للجامعة؛ بس كنت ماشية عليه بالليل وشايلة شنطتي وفي إيديا كشكول ومذكرتين، وبعدين وقفت على مكان من الكوبري قبل ما أوصل لنصّه، وكان معايا بنات أصحابي واقفين معايا وحطيت شنطتي والكشكول والمذكرات على الأرض، وقعت مذكرة منهم.. وبعدين مشهد الحلم اتغير ولقيتني راكبة قطر والقطر وهو ماشي نزل في حتة زي مطبّ رجّت كل الناس اللي في القطر وأنا كمان؛ بس اتمسكت بحيث إني ما وقعتش، وبعدها القطر اتعدل ومشي في سكته عادي، وبعدين وصل لمكان لقيت نفسي أنا اللي سايقة القطر، وكنت بامشي بيه مش على قضبان؛ لكن كنت في مبنى، كنت ماشية بيه في الطرقات وبانزل بيه السلالم عادي والركاب كلهم ورايا، وبعدين كان لازم أطلع بيه سلم وحاولت وطلعت لحد نص السلم بالقطر وبعدين حد كان واقف على السلم من فوق بيساعدني إني أطلّعه بالقطر، وأما وصلت لنص السلم قام شايلني من القطر ورفعني لحد فوق. حلمك معقّد ومقسم لجزأين في الجزء الأول ستمرين ببعض العقبات في دراستك، ومن الممكن ألا تؤدّي بشكل جيد في دراستك أو في بعض المواد، أما الجزء الثاني فهو خير إن شاء الله ويعني أنك ستشغلين منصباً عملياً جيد وستتمكنين من أن تصبحي ذات منصب مرتفع سريعاً.