أنا عندي مشكلة ومحتاجة الرد بأسرع وقت، أنا كنت متجوزة، وبعدين انفصل عني جوزي لأنه حصلت مشاكل كتيرة بيننا، وكانت الحياة بيننا مستحيلة بعد المشاكل دي. المهم.. أنا اتعرفت على واحد عن طريق النت وهو مش متجوز؛ بس هو عايز يتقدم لي ويتجوزني؛ على الرغم من إن عندي بيبي توأم، وهو عارف بكل اللي حصل لي؛ بس اللي أنا مستغربة منه إنه هو مش شافني، ولا عارف شكلي إيه، وهو حلف لي إنه بيحبني بجد، وإنه مش هيقدر يتنازل عن حبه ده. بس أنا خايفة لأن تجربتي الأولى كانت صعبة جداً، وخايفة أدخل في تجربة تانية؛ بس أنا اتأكدت إنه بيحبني، وإنه مش بيكلّم حد تاني غيري، وأنا عرفت ده بنفسي، وإنه مستعد يعمل أيّ حاجة علشاني؛ حتى إنه قرر ينقل الشغل بتاعه هنا في القاهرة علشان يكون قريّب مني. أرجوكم قولوا لي أعمل إيه؟ أنا فعلاً محتاجة حد يساعدني، ويرد عليّ بأسرع وقت، ومعلش طوّلت عليكم أوي؛ بس فيه حاجة معلش عايزة أعرفها: هو الحب والارتباط عن طريق النت ممكن ينجح؟ ولا بيكون فاشل وما فيش منه نتيجة؟ وشكراً ليكم جداً جداً. malak