طفلة بضفاير مُعجزة
محتاجه يحْبَل حِلمها
وتجيب خمستاشر أمل
أقصىَ اهتمام يوم عَندها
تمسِك عَروسة ف حضنها
وتحبها مهما حَصل
تحجِل بكعب الرحمة
فوق جِفن القَمر
وتوشوش الليل الجميل
من غير تعب أو غير ملل
وتسلّف الكون طُهرها
يا بختها ..ويا بخت من
حاول يبوس (...)
يا صاحبة الصون والعفاف
أنا قلبى شاف
أشكال كتير من جِنس حوّا
الحب فيهم عاش عِجاف
والاختلاف
بيينك وبينهم فيكِ جوّه
والرمش نوّه
بتهز قلبى بالحنين
تدينى قوة
ومنيش فُتوّة
يقدر على حسنك ولا
كنتش نبى ف عهد النبوة
أنا أبقى مين
علشان ف يوم
أقدر أعيش
ف البعد (...)
أشخاص تكيل بالمكيالين
ف الدنيا لاقيين حَظهم
ماشيين شمال ماشيين يمين
بينفذ الكون أمرُهم
ما تشوفشى منهم أى لين
والظلم تلميذ عندهم
لو أغلى آية من ياسين
ما تهز لحظة عرشهم
دا الغدر نُقطة ف بحرهم
والسم مسموم منهم
فيهم كُرَات سودة كتير
دايماً بتجرى ف (...)
ما حبتهاش
عشان أزعل
عليها ف يوم وأتأثر
ولا عشناش
دِقيقه حلوة نحكيها
ونتحسر
وإيه يشفع
لقلب ف يوم
عاهدنى ع الخداع وأكتر
دى ما بتنساش
حقوقها ف يوم
ولا بتشوف هُموم غِيرّها
ولا تِسّواش
حياتى عَندها حاجة
ولا كنتش ف يوم طِيرها
ولا بتحلاش
حياتها غير ف (...)
كل واحدة ليها طعم
إلا أنتِ فيك نبض الكون وسحره
فيكِ ألف وألف طعم !!
دمعتك.. سر ابتسامتك
رِقتك.. لحظة قساوتك
همستِك حتى ف صمتك
كلهم دايبين ف بعض
كل يوم صاينة عهودك
ياللى شملانى وعودك
واللى سحرانى بعودك
عمرى ما استحملت بُعد
شمس طاله من عيونك
بتحاوطنى (...)
بتشب فوق ضى القمر
ترسم طريقها الملتوى
واللى انتشر
م الغدر كان ضمن القدر
عَيّشنى ف الكون فوضوى
لا ف يوم بقيت سِيدنا الولى
أو حتى فارس مُنطوى
عارف يعيش معنى الوفا
وسط الخداع العبقرى
صار المصير
أوراق بتنزف فوق طريق
متشعطبة ف ديل الزمن
حتى الضمير
أصبح (...)
ليه أصبحت فينا الذمم
دايبة ف مستنقع رِمم
والنفس غرقانه ف ذنوب
غطت معالمها العِمم
والشوك خلاص ما بقاش يصيب
غير الحبيب.. غير القريب
نستقوىَ ع اللى يحبنا
حتى الشرف بقى شىء يعيب
والكدب يوٌلد ميت حقيقة
صار الشيطان شيخ الطريقة
والورد يدبل ف الندى
وإن (...)
طلعلك يا قلبى شهادة وفاة
بأيد اللى حبك وخلص عليك
فارقت بإرادتك معانى الحياة
لسوء اختيارك وطيبة عينيك
كعوب المحبة شقوقها كتير
مفيش ليها منصب ولا ليها جاه
ولو مرة جربت إنك تطير
تتوه جوه منك ف ألف اتجاه
مفيش مرة صادف حنينك حنين
يخبط ويدخل ويسكن (...)
وشال الهم عُكّازى
وصاحبنى وصار منحوت
ومستحمل
قساوة إيدى من صغرى
لحد ما أموت
وكان مغصوب على أمره
يساعدنى وأنا الهلفوت
ولا حاول يفارقنى
ولا اتمرد على طباعى
وعاش مجبور
يطبطب بس فوق كتفى يواسينى
ينام بين حضنى
ويملس على الحزن اللى مالينى
ويرصف جوه عينى (...)
لما تحاول تفهم ذاتك كل دقيقة
تقدر تبنى جوة خيوط الحلم حقيقة
تقدر تردم يأسك بين جدران اليأس
تقدر تغزل من افكارك فكرة جريئة
ازرع نخلة يطرح منها دهب وياقوت
تحبل ضِلة نورها ينور ف الملكوت
اكسر كل قواعد شاذة من أفكارك
فتش جوة طموحك تلقى الفرحة تسود
خربش (...)
عِرفّنا كل شىء فيها
ولكن برضه ما عرفناش
نعيشها وإمتى نِفّديها
وليه جوانا ما بتعلاش
دا مصر عروسة ف الزفة
ودايمًا فيها نتدفى
وليه متعطلة الدفة
وليه بنبيعها يوم ببلاش
وليه يا مصر محتارة
وتايهة ف دنيا دوارة
بتتعافى ويا خسارة
بتبكى علّى ما بيسواش
هنعرف (...)