لما تكون قاعد بتتفرج على التليفزيون على مسلسل إنتاجه ملايين وييجى الفاصل الإعلانى اللى بيتعرض فيه إعلانات كلفت ملايين وفجأة يتعرض لك إعلان من اللى يوجعوا القلب بيطالبوك فيها بالتبرع ويحسسوك إن فيه ناس حياتها متعلقة على تبرعك انت ..ما تبقاش عارف تضحك واللا تبكى ، تضحك على السفه والتبذير اللى بقينا فيه لما فى شهر واحد فقط يتعرض لك أكثر من 30 مسلسل وبرامج مقالب وإعلانات ميزانيتها مليارات الجنيهات ..واللا تبكى على منظرنا لما التسول والشحاتة بقوا عادى وعينى عينك كده فى التليفزيون ، ساعتها بس تقدر تقول لنفسك وللى حواليك : " مرحباً بكم فى بلاد السقه والتسول "