بقلم نادية حسن لم اصدق اذناى حينما اخبرتنى جلنار بان ابنه شاهيناز البالغه من العمر 12 عاما قد تقرأ فتحتها فى غضون ايام ...!!! انتى اكيد مجنونه هى الناس بتتقدم ولا بتتاخر ودى تفهم ايه فى اى حاجه دى يا دوب تعرف تنادى مامينا الحقينى ..!!! جواز ايه ولا خطوبه ايه ..؟؟؟ اصبرى بس واسمعى الحكايه اصل اللى حصل مع زيزا من 15 سنه شاهيناز مش قادره تنساه ... فاكره ماهينار بنت طنط اشرقت ,,,,,واحاول ان اعود بالذاكره ...اه اه تذكرتها ماهينار البنت اللى زى القمر و دى مالها دى ؟؟؟ مش دى كانوا عرسان البلد كلهم يتمنوا بس تقولهم هاى ,,,, صح بس بدل ما بقم يقولوا هاى بقم يقولوا باى ..!!! انتى عارفه انها متجوزتش بعد كل العرسان دول ,,,,!!! وانا غير مصدقه ...ايه ... معقوله ازاى ..؟؟ دى مكنش فيها عيب على الاقل واضح بالنسبه لنا ..... انا ااقولك لما اتقدم لها شاهان فرحوا به اوى ... لكن انكل مهران وخالها مطوان اعترضوا وقالوا لا الولد مش من مستوانا ,, بس انكل برهان قال الولد خريج جامعه وله مستقبل ايه المانع نساعده .... بس تدخل طنط زهورات برايها وان الكلام ده كلام فاضى وان اللى عايز يتجوز لازم يدفع دم قلبه عشان تبقى عروسته غاليه ... خلى اشرقت تقول فعلا ده كلا م سليم ورفضت العريس خالص ...!!! بعدها اتقدم نوران ونزاران وعقيل وكلهم العيله اختلفوا عليهم ..!!! مره واحد يطلع بخيل والتانى بتاع سهر وستات واللى يقولها ده مش وش مسئوليه واللى ساقط و مزور فى شهادته وبيعامل اهله وحش وسنه ورا سنه ما هينار بتكبر وفرصها بتقل وفى الاخر اشرقت قررت ان اللى هايتقدم لماهينار لازم يقدم كل اوراقه وتكون مختومه بختم البطه وراحت عامله اجتماع للعيله وقالت فيه انا عارفه ان ماهينار هى احلى بنات العيله وان بجوازها كل البنات هاتتجوز ولو قعدت بنات العيله هاتقعد ومهورهم هاتقل عشان كده انا اى عريس هايتقدم هاوزع عليكم كل المعلومات ومن غير مناقشه تبعتوا لى رايكم فى ظرف مقفول ولما افتحه هاعرف رايكم عشان انا تعبت من الخناقات والاه والاء,,,,,, ووافقوا ( ده انا اللى بسأل ) طبعا وتصورى ان العرسان عجبتهم الفكره لكن اللى عجبتهم اكتر عيله ماهينار لانهم كل يوم فى مكان ده غير الهدايا والمجاملات والسهر والذى منه ,,,, كل ده عشان يكتبوا فى الظرف اه ...!!! طبعا دى ماهينار مش اى حد ,,,, طيب كويس المهم لقت عريس فى الاخر ولا لاءه..!!! طبعا فى واحد معظم الظروف قالت اه ..!!! و ده خلى اشرقت تشك ازاى العيله فجاه تتفق على واحد بعينه ونفس الكلام يتقال فى كل ظرف وبدات تجمع معلومات لغايه ماعرفت ان العريس بهبهان عزم العيله كلها فى قصره واداهم هدايا وكمان نص الكلام اللى يتكتب ,,,,و زعلت اوى اشرقت وقالت ان الحل الامثل انها تنقى ولد صغير خام وتربيه على ايديها وتجوزه لماهينار ههههههههههههههههههههههه اما مجانين وده هاتلاقيه فين وهاتعزله عن العالم ولا ايه العالم فى الاصل شر ازاى يعنى ( ده انا اللى بقول ) هو ده اللى حصل واهو ماهينار بقى عندها 39 سنه وكهرمان بقى عنده 17 سنه وبرضه مش هاينفع لانه بيكذب وبيلعب بلاى استيشن وده ضد مبادىء العيله ,,,, عرفتى ليه بقى شاهيناز هاتخطب لبنتها اللى عندها 12 سنه والعريس يادوب عنده 5 سنين وهايتربى فى الفيلا عشان يضمنوا ان عليه اجماع .............. هههههههههههه دى كانت شطحه من بلاد ( شنغهاى مهماى لوسو ) فى اعاجبيهم فى جواز البنات ,,,,,,
