جالو كلم مصر جسمي انتفض ترعد والنبض زاد نبض لما بل الحزن ريجى لجتنى بتعصب من ضيجى جرى اللسان بالعادة يشتكي ويلعن أبو الهم فيكى شايفك مغصوبة وأنا المجبور الفكر متكسح و القلم مكسور لاعدنا بنفرح ولا بنربح و اللي واجع جلبى حالنا اللى بيجرح الجريب والغريب عاينهش فيكى ويعض عندي ليكى ألف كلمة وكل كلمه شايله من عمري سنين الحب والمودة اتبدروا ليك يَما من الحنين عمر جلبك ماكان جاسى الجسوة مش طبعك فين حنينك على ولادك اللى عم يرعوا في أرضك جالو كلم مصر عمر الكلام ما كان له سقف ولاحطيان ولاسند ولابيبان بس الحزن شد الرحاية على جلبى وعصر فى عصر جالو كلم مصر حلمت بيكى وفالحجيجه عايش كابوس على توبى عف ولزج السوس خايلونى وشبكونى فهمومى وخلونى على المبادئ أدوس جالو كلم مصر لأجل اللقمة خلونى عايش مسكور أوطى على الإيدين وأبوس ملكونى الخوف وعزفت على أوتار الكسوف جالو كلم مصر جولت نمرتها كام أصل الغشم عما العلام وسيدى البهلوان عايلعب مع الحاوى وإحنا ف العتمة بنتوضا من الميضا وبندعى يكون له لزمه الكلام جالو كلم مصر فى اللى زعلان منك وزعلان عليكى بننده بعلو الصوت بنحبك وامتى بس تحسى بينا هما اللى خانو انا ماخنت كنت لسه او ماكنت العيال السمر هما اللى هيرسوا بالسفينه بلاد الدنيا لو جاعت انت يايوما اللى تأكليهم ولو ولادك فى التوهه تاهت إنتى يَما هاترسى فى يوم بيهم