الاه بتصرخ جوايا ماليها حدود بعدك انتى تبقى الحياة سلاسل قيود الحلو راح خلاص و انتهت ريحة الورود و المر يفضل طعمه طول السنين موجود أعيشها من غير حضن الدفا المفقود ليوم ما ألقاكى تانى فى جنات الخلود حنسى الحنان حنسى الامان إزاى يعود كل المشاعر بقت آلام و دموع على الخدود هو اغلى منك يبقى مين مفيش ردود مكان البراح - مكان الفضا بقت سدود حلمى اللى كان قبلك اموت و ليكى الخلود كان اسمك أم الكرم و الجود كان كل همى تتباهى بيا وسط الحدود تخافى - تحاجى - تقفى علشانى قدام الاسود بقا النهار ألم و بقت الليالى عتمة و سواد معقولة جسم طاهر يفنى من التراب و الدوود بسهولة ماألقى البسمة و الفرح كان محدود ساكن معايا الحزن ملانى و أنا مولود من الخوف ليجى اليوم ما أسمعش صوت مردود كل الكلام حخلصه و لا أوفى حقك عمرى اللى جى حكرسه أرفع فيه إسمك ما إنتى ادتينى و لا يوم بخلتى بغالى فى اليوم تربى و تشقى و كمان سهرتى الليالى صورتك معايا فى قلبى و عقلى و فى خيالى حبك سكن فى دمى يا أغلى من كل غالى