بعيشه وأرض وإنت وسط الجوع والبرد تقدر تمشي عينك شايفه الطول والعرض تعرف حتي قيمة العِرض تعرف تحلم تقدر تصرخ كفاياكم ظلم هل بتصون الخال والعم ده احنا ماحدش عارف يابا إن كنا غلابا ولا ديابا سكوتنا طيابا ولا خيابا ولا قرود علي شجره في غابه وتقولي حتحلم تعرف تحلم تعرف تنسي تاريخ امجادك إوعاك تحكي يا واد لولادك ماهو عدي وفات حلمك مات عِلمك وطنك أرضك عَلمك بقوا ذكريات بكره يا صاحبي بتاعك ع الأرض فتات حلمك طلعلوا جناحات وتقولي حنحلم طب جرب تحلم ماهو حلمك ايه يتقالك بيه طيب ليه خليك في الحلم ما الحلم خيال كون في الحلم خالي البال ماهو حلم اناني ما فيهوش لله ماهو امتي بكيت علي طفل يتيم نايم موجوع امتي حلمت بلقمه كريمه لكل فقير تسد الجوع امتي حلمت بست كبيره خايفه الوحده بصوت مفجوع ولا حلمت بدوا لمريض ولا حلمت بعيله للقيط ولما يكونلك حق تطالب بيه بصوت مسموع غمض يلا واعمل نايم سيب مركب بكره في ضعفك عايم سيب أملك وسط سحاب ذنبك هايم وأوعي تفوق طمن إبنك قوله يروق ده خنق الحلم والله يفوت لكن الموت لو مات في قلبك لوطنك شوق ولو مات الشوق اوعي تقولي انا ليا حقوق اوعي تجيلي تصرخ تبكي تقول مخنوق تقولي حلمت وحلمك ضاع تقول اتالمت والدنيا صراع ما انت اللي كرهت ووطنك باع ومين يكره ارضه ويبقي عزيز زعلان علي حلم والحلم حياه بس في العلم وأمل في الله حلمت لنفسك بس ونسيت ناسك روح كمل نوم وخليك في أحلامك ما هي دنيتك يا بن بلدي وراك مش قدامك
