لما الصغير تتمحى من وشه البسمه لما الغريب يفقد معالم الرسمه والدنيا رحايا تطحن فى الاتنين قول على الدنيا السلام لما النهار يرسل شعاعه حزين لما الليل يردد صداه الآنين واليوم يجر اليوم واحنا مطحونين قول على الدنيا السلام لما تزول العاطفه بين الابن وأبوه لما تنزرع القسيه بين الأخ وأخوه ويزول الآمان ويموت الحنين قول على الدنيا السلام لما الأصيل يتوه وسط الخيانه وتخرج من جحورها التعابين قول على الدنيا السلام لما يتكفّن الحب فى القلوب لما يتلوّن بلون السواد ع المكتوب ويندفن الأمل جوه جدران السنين قول على الدنيا السلام لما وسط القساوه يتوه الحنان و يدمر الخوف بمخالبه كل آمان مايبقى فى صدر الزمن غير اآنين قول على الدنيا السلام ما تيجوا نلملم جراح السنين ونجفف دموع الأسى والآنين ونرجّع زمان كنا فيه عايشين وقتها ما نقول على الدنيا السلام