حكايتها حكاية حب مجهولة مبتعديش كتير فى الكون و كل النور فى دنيتها عيال بيشيلوا نفس اللون و فى عنيها تلاقيها بترسم فرحة مجروحة فى وقت الزحمة و التوهة عشان تلقا الهموم ناسياك و على اديها بتنقش اسمك الغالى و تقفلها فى وقت اما تغيب عنها عشان دايما تكون حاضناك و مهما فى يوم هتعطيها هتلقاها اكيد سابقاك بتعطيك كل دنيتها و توهبلك سعادتها و حنية بقلب ملاك و فاكر لما غبت بعيد و سرقت دنيتك نفسك و كان فيه عيد و جالك صوتها بيعاتبك لقيت همسك مهوش طالع و حسيت بالهوى الضايع و حضن كبير مش وياك و لما زمان لمحت الهم فى عنيها و دمعك سال على الخدين و مسحت كفها دموعك و باست الخدود و العين عشان الحزن ده ينساك و هى تعيش تقاسى و تبقى فرحانة و تجرى و هى تعبانه تكون وياك عشان هى اكيد سندك و مهما تغيب تشيل تعبك و لو طالت تبيع الدنيا و تساعدك فعيش احمد كتير ربك عشان وهبك تراب الجنة على أرضك و جعله تحت أقدامها قَدَم أمك