وبتنفّس ف حضرة طيفك انتِ وبس ف بُعدك عمر قلبي ما حس بدنيا عايشها من غيرك أنا النسيان ف تفكيرك وأنا الفكرة اللى مولوده ما بين حرفين يحبوكِ انا الأوتار .. بتتسابق علي الألحان وطول اليل يغنوكِ انا الشمس اللى ما بتشرق بغير ضحكة عينيكِ السود يا موجوده ف تكوينى أنا فيكِ بقيت مفقود ومش طايل سما ولا أرض ب أصلّي الفرض .. وأدعيكِ يا أجمل دعوة بتمناها تحصلّي يا حلم حلمته وموافق أفارق كل أحلامي وهوَ لواحده يفضلّي ! انا عاشق بشكل مُحال يكونله مثيل انا الواقع لفيلم جميل وكل العاشقين جواه يا دوب كومبارس وعبلة وعنتر اللى زمان وقيس ليلى اللي جاله جنان ف عشق حبيبته وهواها و كلمة حب بين قلبين و كل حكايه بين اثنين و لسه الدنيا فاكراها يادوب صفحة على الهامش من العشق اللي جوايا ولاكل الكلام يقدر يوصل معنى لهوايا بحبك شئ أقل كتير ودايب بردو مش تعبير باقيلى ف وصف حبك شئ لكن مش قادر أوصله بحاول أوصفك لكن ف قلبى ألف شئ ساكن بيرفض إنه يتكلم يخاف لو قال كلام عنك كلامه بذاته يتظلّم صحيح الوصف كان شفاف وقد ما حب قد ما شاف لكن حاسس كده بتقصير أقولك سر يبقى ف بير؟ انا مغرم من الآخر إلى الآخر وحبك نوع من الفاخر ويلزمله طقوس مخصوص ولجل ده كله بحكيلك بإن الدنيا من غيرك سراب ف عذاب انا عارف هأكون كداب ف عين كل اللى شاف النَص وم الأول لحد النُص كلام مرسل أوى وعادى ومن نُص الكلام طبعا ً لحد كلامي ف الآخر بحاول إنى أعبرلك و أقولك ع اللي جوايا لكن سامحينى مش قادر ! هأقولك شئ وحيد عارف بإنه كتير سبق و إتقال أكيد الصمت فى وجودك يفوق كل الجمال ب جمال