* خالد مختار حلقات مصلصة .... لالالا قصدي مسلسلة من مغامرات مدرس يقدمها لكم الأستاذ فالح طالع زكي أحب أعرفكم الأول بنفسي أنا اسمي فالح طالع زكي آه والله طالع زكي متعين مدرس مادة حاسب آلي في وزارة التربية والتعليم النهارده يا اخونا أول يوم ليا في الاسكول يعني المدرسة صحيت الصبح وانا متفائل وبقول يا له من يوما جميل .. قمت وشايف نظرة الفخر في عين امي .. ابنها كبر وبئا مدرس وجملة ابويا بترن في وداني وهو بيقول ليا ان فاتك الميري اتمرمغ في ترابه رايح المدرسة وكلي حماس لتعليم الطلبة لغة العصر وهو الكمبيوتر وطول الطريق براجع القواعد الأساسية اللي وضعتها لأسلوبي في التعليم داخل الفصل ومع الطلاب 1- عدم دخول الفصل بعصا يعني مفيش ضرب ابداا الضرب للبهايم بس 2- مفيش أي لفظ خارج يخرج من فمي يعني مفيش شتيمة لازم اكون قدوة 3- لا للصوت العالي لازم اسيطر علي الطلبة بصوت مهذب منخفض 4- الابتسامة تعلو وجهي دائما ...عشان الطلبة تحبني 5- قبل شرح أي درس شرح خلق من الاخلاق ..عشان تكون تربية وتعليم فعلا 6- استخدام اسلوب الترغيب قبل الترهيب ... اه عشان معلمش الطلاب الجبن ..الخوف يعني وصلت المدرسة ولاقيت حجرة مكتوب عليها الامن زكي :: السلام عليكم انا مدرس جديد لاقيته بيبص ليا بحسرة كأني صعبان عليه ببقول :: أتفضل اتفضل شئون الطلبة هناك افتكرت فيلم ريا وسكينة وجملة "اتفضلي يا شابه هنفرجوكي ونوروكي "" دخلت الحوش ولاقيت دوشه جامده وهيصه واتنين مدرسين مسكين خراطيم وبيجروا ورا الولاد فولد خبط فيا وبيقولي حاسب با اسطي !!!! المهم دخلت شئون العاملين اسلم جواب تعيني زكي : السلام عليكم زكي : تاني مره السلام عليكم وكيل شئون العاملين : وعليكم السلام يا سيدي .... أؤمر زكي : الأمر لله .... انا مدرس الكمبيوتر الجديد وكيل شئون العاملين : هي الإدارة بعتت لينا تقاوي مدرسين ولا ايه زكي : افندم وكيل شئون العاملين : با ابني شكلك كدا مينفعش مدرس هنا .... شكلك صغنطوط بص بئا انا هنصحك كام نصيحة وحطهم حلقة في ودانك 1- تروح تتعلم كونع فو أو مصارعة حرة 2- توصي ست الحاجه يعني مامتك تعملك اكله مغذية زي المحشي والمكرونات والكوارع عشان تكون جته وجسمك يكبر والعيال تخاف منك وتترعب 3- تربي شنبك وترسم التقشيرة علي وشك كداااا عشان يكون ليك هيبه 4- تروح تدور علي خرزانه وتجيب شريط لحام بتاع الكهرباء وتلفوا حولين الخرزانه 5- تقعد علي القهوه اللي في وسط السوق عشان معظم اولياء الامور بيقعدوا علي القهوه دي عاوزك لسانك يكون متبري منك كدااا عموما دي نصيحتي ليك لحسن الولاد هنا صيع اوووي ومبروك علي التعين وربنا معاك خرجت من عنده وكلمة صيع بذات رنه في وداني وانا مش فاهم حاجه هو انا رايح اشتغل مدرس ولا فتوه عموما نتقابل في المغامرة التانية واسمها 3/14 عشان لسه الكلام كتير كتير كتير