انا اسف انا مقدرتش اوصلك ولا اوصل لتفكيرك بعادك عنى غيرنى و خلانى اشوف غيرك فى يوم جيتلك و حبيتك و لما قولتى مش رايدة محاولتش اعيد الحلم من تانى و صديتك و رديتك و عديت فوق بحور الوهم خبيتك و برده انتى صنتينى و قربتينى من قلبك و بقربك جرحتينى دبحتينى بقربك ليا و فرحك لما بتجينى لكنى كنت غبت خلاص و رحت لحضن يرضينى و كنت تملى راسم الفرحه على جبينى ليه هربتى و سيبتينى؟؟ عارفه !! برغم انى مليش وياكى ولا قصة و برده مش عارف فى يوم انسى ان هواكى قرب منى فى لحظة و انا اللى فى لحظة خبيته خليته كلام فى صفحة جوا كتاب و طويته و عشت حياتى وياها و عارف انى بهواها و بلقاها تقيدلى شموع الحب بحياتها و تتمنى الرضا منى و تبنيلى قصور الحب جوا القلب جواها لكنى فى لحظة لقيت الصفحة ادامى بعد ما كنت خبيتها فى اوراقى لقيتك كلمة فى كلامى و رجعت ليا نفس الصفحة من تانى لا انا عارف اغيب عنها ولا اشوفها فى احلامى لقيتنى بقول فى سرى يا ريت ايامى تنسانى يا ريت ايامى تنسانى