عالم الطفولة عالم مختلف يحمل في طياته البراءة الجميلة ، واختلف مفهوم الطفولة فى هذا الزمن عن الأزمان السابقة ، وذلك لعوامل كثيرة ، منها التفتح على عالم التكنولوجيا وعالم الفضائيات فندرت الطفوله فى هذا الزمن كيف قصه بسيطه ولكنها تحمل معانى كثيره سنتعلم منها ماذا حدث لأطفال الألفية الجديدة . : فى محاولة من الأب حاول أن يسترجع عالم الطفوله مع إبنه ويتذكر طفولته ويشاركه اجمل اللحظات . في يوم من الايام جلس الاب مع طفله يحاول ان يدخل عالم طفولته طفولة الالفيه المختلفة كليا عن طفوله الاب الاب: عامل إيه يا حبيبى؟ الإبن: ازيك يا بابا خد دراع والعب معايا الاب: انت بتلعب ايه ؟ مصارعة؟؟ دي بتسبب العنف يا ابني الابن: ايه ده بجد يا بابا يعني اللي بيحصل في اسرائيل ده بسبب البلاي استيشن؟؟؟ الاب : فى حاله زهول"وشه احمر" : احم لأ هو مش بالظبط كده بس الالعاب دي عموما عنيفة قوي وميصحش الصغار يلعبوها الابن: خلاص خد العبها لوحدك وانا هشجعك بس الاب: بلاش خالص تعالي نتفرج علي كارتون قريب من جو المصارعة ده بس هادي شوية الابن: كارتون ايه يا بابا؟ الاب: كان فى ايامي كارتون جميل اسمه مازنجر بتفرج عليه هفرجك عليه وبعد ان شاهدوا كذا حلقة مع بعض الاب: ايه عجبك؟ الابن:اه بس عندي سؤال الاب: ايه يا حبيبي؟ الابن: طيب هم بيبعتوا وحش وحش ليه في تلاتين حلقة مثلا ميبعتوا تلاتين وحش وخلاص يخلصوا علي مازنجر ده في ربع ساعة ولا ايه؟ الاب: احم...ايه..اه..والله كلام معقول ومقنع خلاص هو فعلا كارتون اهبل فاكر زمان اما كنت بحكيلك الشاطر حسن ؟ الابن: الشاطر حسن؟ اه فاكر بس دي قصة قديمة قوي الاب: اه حكاية قديمة كده كنا بنسمعها زمان وفي تراثنا العربي الابن: ومفهمتش ابدا هو شاطر ليه بقي يا بابا؟؟ الاب: يعني ايه يا ابني؟ الابن: انت بتقول اسمه الشاطر حسن..عمل ايه يعني ؟؟ انجز في ايه يعني؟؟ خد قرض جامد مثلا ولا عنده عربية هامر؟؟ الاب: مين يا ابني اللي علمك الكلام ده؟؟ الابن: التليفزيون يا بابا الاب: الله يخربيتهم ..يا ابني هو شاطر لانه حب الاميرة وكده يعني الابن: ههههههههه ..طب وايه يعني ده انا افتكرته زي احمد عز مثلا ولا نجيب سويرس الاب: بلاش يا ابني القصة دي انتوا جيلكم يتحكيلوا مثلا قصة ام رجل مسلوخة الابن: ايه؟؟ الاب: ام رجل مسلوخة الابن: مامتك كانت بتحكيلك ام رجل مسلوخة؟؟ الاب: اه عشان انام الابن: تنام؟؟؟ طيب ما كانت تخرجلك امعائها قدامك اسهل او تجيبلك سفاح مثلا الاب: لا يا ابني دي قصة مسلية ومش مرعبة الابن: بالذمة مش يبقي البلاي استيشن المصارعة اخف واهدي من القصة المرعبة دي ؟ الاب: والله عندك حق يا بنى..العب براحتك المهم اما تكبر عايز اشوفك مهندس كبير الابن: مش مهم الكلية يا بابا الاب: يعني ايه يا بنى؟ الابن: قصدي يعني المهم ابقي مفتح والعب بالبيضة والحجر الاب: انت بتقول ايه يا بنى مين قالك الكلام الفارغ ده؟ الابن: ماما الاب: ماما؟؟ وقالتلك ايه كمان يا بنى الابن: قالتلي العب بالبيضة والحجر واشرب الناس الاونطة عشان ابقي جامد و متوكسش وكسة حضرتك الاب: لا وحضرتك ليه بقي ماتقولي يلا الابن: هههههههه لا عيب يا بابا مينفعش اقولك كده الاب: طيب يا ابني انت مش بتنتفرج ع التليفزيون ع برامج زي "البرلمان الصغير" مثلا كان علي ايامنا او اي برامج زي دي مش بس برامج اطفال الابن: اكيد بس انا بشوف البرلمان الكبير هي هي نفس الافكار يا بابا الاب: علي رايك يا معلم....انت اهلاوي ولا زملكاوي؟ الابن: انا تمراوي يا بابا الاب: خدتوا في المدرسة حاجة عن تاريخ مصر يعني سعد او مصطفي كامل ؟ الابن: لا يا بابا بس انا بمجهودي دونتهم عندي الأب: دونتهم؟؟ مشاء الله في كشكولك يعني؟؟ الابن: لا يا بابا حملتهم يعني..حملت قشطه يابا لمصطفي كامل والعنب لسعد ولم يجد الأب مفرا سوي أن يقلب الحوار القلية دي الأب: قشطه ..تاخد سيجارة؟ الابن: عنب يا برنس الليالي الأب:ولع ولع..إبنى إيه..؟؟؟ أنا اللي ابنك ...والله أنا اللي ابنك
