لما نقول الإحساس لما نقول أعز الناس لما نقول الإخلاص لما نقول الحب أساس لما نقول نبع الحنان لما نقول بر الامان لما نقول دول و دول تبقى أكيد حنان الكون أمى أمى يا أغلى من دمى أمى يا شايله همى أمى يا كل عمرى أمى يا أجمل هديه من ربى العزيز عليا يا أمى يا أمى أنا ماشى بدُعاكى يا أمى أنا روحى فداكى طول منتى راضيه عنى أكتر من كده إيه أتمنى يا أمى أنا نفسى أحضنك الغربه بعدتك عنى لكن مكانك عينى إنتى منى يا أمى نفسى أعود ليكى مشتاق نفسى أبوس إيديكى مشتاق يا ست الحبايب مشتاق يا قمرى اللى غايب مشتاق يا أمى لحضنك يوم سفرى بكيتى ياما هرجعلك بالسلامه بخاف على نفسى علشانك عارف شوقك وحنانك ولهفتك عليا إنتى عندى بالدنيا ديا حملتينى 9 شهور وضعتينى فى يوم كله نور أنام وكنتى تسهرى أصرخ تحزنى كبرت على إيديكى من قلبى وروحى وعينى سلامى ليكى علمتينى الكلام علمتينى الأكل إزاى علمتينى إزاى أنام علمتينى وعلمتينى خيرك وفضلك ف نن عينى من قلب شاب متغرب وحشانى ونفسى والله أقرب من قلب شاب مشتاق يمحى أيام العذاب أيام يا أمى وهرجعلك أدق الباب أترمى فى حضنك وأشكى ليالى العذاب بلمس إيدك على خدكى أنسى كل الأسباب أنسى كل شىء المهم عندى إنك جمب منى ربنا يحفظك ويراعاكى وف عيدك أقدملك روحى فداكى دى أقل هديه ل أجمل وأطيب ما خلق ربى من قلب شاب متغرب يا أمى نفسى أقرب