ناس بالشر معجونه وبفتنه الحرب مجنونه ولا بتندم صراخنا تاه ف الزحمه أخبارنا شايله غضب ملامحنا ومين يرحم يوم بعد يوم أرواح كتير ماتت وبلد ورا بلد بتتاخد و نتفرج على الخيبه ونبكى ونضحك ونتساهل ولاشوفنا فيوم وقفه ولاعرفنا فيوم راجل ************* ضاع وطنى وراح بيتى و ولدى ع الأرض متمدد رافع إيديه للواحد وموحد وبنصرخ من العتمه على عيون حكمنا وأنت يارب اللى شاهد ************** أنا و أنتم واقعين فى الفخ وعيونا شاهده ع اللى إيدهم بالدم بتتلطخ ومليون عربى و مليون أخ ماشين ف التوهه و ضايعين ف الفخ ***************** بنموت والدمع ف عنينا قدر ولا إتحكم علينا بنعيش نحلم ويدوب نصحى على غنوه حلم متكسر ولسه مش عايزين نفهم ولا نغير بنشجب ونعترض ونتخانق ونتجمع ونتفارق و إخوات قدام العالم بتتخانق و ده يسرق و ده ينهب و ده يهرب *************** بيحاولو ينسونا فلسطين والقضيه إسمها غزه وغزه تنسينا النيل والقدس لسه بيدنس والصمت رهيب من الأمه يا أمه عاله على الهمه يا ناس تفرس *************** كلام فاضى لا بيهش ولا بينش فى عدو عنيد لا بيخاف منه ولا بيكش يا وشوش بارده فين قوتنا فين عروبتنا فين محبتنا إتبدلت بوشوش بارده بندارى فيها كسفتنا ده يضرب و ده ينصب و ده يهرب وعلى مين يا ناس راح نعتب سمعنى نشيد الوحده والرجاله المجدع وقت الشدايد عمر النفوس ما بتخدع ************* ميت خساره يا ميت خساره يا أمه رمت ولادها لإيدين الظلم بحقاره اه يا زمن اه يا زمن اه يا أمه غداره