عاوزني احتفل !!!! طب احتفل بايه وايه الي يخليني افرح واحتفل بيه افرح بدم الشهيد اللي لسه علي التراب ما نشفش ولا افرح بدموع امه وابوه لما تمر الايام ويلاقوا اللي قتل ابنهم لسه عايش وبيتمتع في كل حاجة في دنيته ولا افرح بعسكر حكمهم خانقني ومش بيتعاملوا مع الثورة علي انها ثورة ولا افرح لما الاقي كل صوت حر وشريف بيتحاكم محاكمات عسكرية ولا افرح بايه ولا ايه انا مش هحتفل ولا هفرح غير لما يرجع حق اللي مات عشان يعيشنا عصر الحرية وانا كنت قاعد في بيتي وهو في الشارع فاتح صدره عشان عاوز يشوف البلد دي احسن