دشن نشطاء مواقع التواصل الاجتماعى هاشتاج "الجنسية المصرية شرف"، ردًا على تنازل الإخوانى محمد سلطان نجل القيادى الإخوانى صلاح سلطان الصادر ضده حكم بالمؤبد فى القضية المعروفة إعلاميًا ب"غرفة عمليات رابعة"، عن جنسيته المصرية وترحيله للولايات المتحدةالأمريكية. وقال محمد ندا: "الجنسية المصرية فخر وكرامة، وأنا سافرت في بلاد كتير جدًا، ومهما كان البلد اللي أنا فيها عمري ما حسيت بكرامتي إلا وأنا في بلدي". وتابعت أهلاوية مدريدية:"الجنسية المصرية شرف كبير أوي ومحمد سلطان أخطأ لما اتخلى عنها إذا كان فيه ظلم فله نهاية، التخلي عن الجنسية ضعف واستسلام". وأضاف مصطفى حسين:"عاهات الوطن يسخرون من الجنسية المصرية شرف، الجنسية المصرية شرف فقط لكل مصري كريم العنصرين". وقال أسامة خيرالله: "الجنسية المصرية شرف، ناس مش عارفة معنى كلمة وطن مستنى منها إيه"، وتابع:"الجنسية المصرية شرف، مش عاوزها سيبها عشان البلد تنظف". وقال ناشط: "أعظم شرف الحفاظ على الجنسية والدفاع عنها وعن أرضها حتي الموت فخور بوطني وهندافع عنه ضد أي خاين". وأضاف ناشط باسم "ادعوا لمصر حبيبتى": "أكيد صحبه كان جنبه فى يوم واتقتل غدر، ماهرب ولا اتنازل عن جنسيته، أبناء المؤسسة العسكرية غير". وقالت ريري محمد: عرفنا ليه الإخواني بيكون معاه جنسية تانية، لأنه عارف إنه خاين وهيستخدمها ضد بلده في وقت الخيانة". وتابعت سالي سيد:"أيوه شرف ولو كان مات وهو مصرى كانت الناس هتتعاطف معاه وهيقولوا بيحب بلده ومستعد يموت عشنها لكن يتنازل عن الجنسية ليه". وكان المتهم محمد سلطان، نجل القيادي الإخواني صلاح سلطان، الصادر ضده حكم بالمؤبد في قضية غرفة عمليات رابعة، قد تم ترحيله إلى الولاياتالمتحدةالأمريكية، عقب تنازله عن الجنسية المصرية، بموجب القرار الجمهوري رقم 140 لسنة 2014.