عاتب الإعلامي عمرو أديب، الرئيس عبدالفتاح السيسي، على الكلمة التي وجهها للمصريين على خلفية العمليات الإرهابية المتزامنة التي وقعت عصر الجمعة، وأسفرت عن استشهاد 30 ضابطاً ومجنداً بالقوات المسلحة، قائلًا: «أنا زعلان من الريس هو ما يعرفش المصريين ولا إيه؟،بعد كل الشهداء دول جاي تقولي نبقى مع بعض، إحنا مش مع بعض إحنا جوه قلوب بعض ياريس، لو وصلت إن كلنا هنشيل سلاح ونازلين الشارع معاك إحنا شايلين، إحنا ميليشيات مصر يوم ما يكون فيه حاجة». وأضاف «أديب»، خلال برنامجه «القاهرة اليوم»، على قناة «اليوم»، مساء السبت، قائلًا: « إحنا في المعركة دي للآخر مهما حصل ومُنتصرين، لازم تحس إننا جنبك رجالة وستات وأمهات بتشيل الجثث، اوعى لحظة يجيلك شك إن إحنا نفكر في جيشنا كده أو كده بعد دا كله دا أنا يتقطع لساني، إحنا تتقطع أيدينا كلنا يوم ما نكلم الجيش كده، إحنا عايزينكم تظبطوا كل حاجة وإحنا وراءكم».
