حوت أوراق التحقيقات التي حصلت عليها "الوفد" في واقعة قيام فتاة بقتل والدتها بمعاونة عشيقها في بورسعيد، على اعترافات "حسين" المتهم الرئيسي في الواقعة البشعة والتي راحت ضحيتها الام بعدما تخلصةمنها القاتل وابنتها بدم بارد. اقرأ أيضاً: الوفد تنفرد بنشر نص تحقيقات جريمة العشق والدم وكشف المتهم خلال اقواله عن تفاصيل مروعة وهذا جانب من اوراق التحقيقات على اعترافات المتهم وعي كالآتي: متى وأين حدث ذلك ؟ يوم 2022/12/14 حوالي الساعة 9 بالليل في الشقة بتاعتها في عمارة 141 شقة 15 بحي الفيروز س / وما الذي دعاكما لارتكاب تلك الواقعة تحديداً ؟ ج / لأني انا ونورهان كنا بنحب بعض وامها كانت رافضة العلاقة دى . س / متى نشأت في ذهنكما فكرة التخلص من المجنى عليها / داليا سمير السيد قطب ؟ ج / يوم 2022/12/13 س / وما الذي دعاكم للتفكير في ازهاق روح المجني عليها ؟ لأننا يوم 2022/12/12 حوالي الساعة 4 الفجر طلعتلها البيت ونمت جنبها (نورهان) علي السرير وفضلنا نايمين لحد الساعة 6 الصبح لحد ما مامتها كانت جاية تصحيها وتصحي اخواتها فاتفاجئت بيا نايم جنبها فمامتها سالتها مين ده يا نورهان قالتلها معرفش فقالتلها انا هصحي ابوكي واقوله يجي يشوف ده مين بعد كدة ابوها صحي نورهان وفهمت آدم اخوها الصغير يقول لابوها ان هو اللي مطلعني وفتحلي البيت. وبعد عرفت من نورهان ان مامتها قعدت تسال اخوها الصغير وتتاكد منه اذا كان الكلام اللي نورهان قالته ده صح ولا لا وان ادم اللي فتحلي الباب وعرفت أن نورهان اللي فتحتلي مش آدم بعد كدة فضلت تضرب فيها وخدت منها الموبايل وقالتلها مفيش دروس لأخوات حسين علشان نورهان كانت بتدي دروس لاختي ابتسام وبنت عمتي نجاة ومنعتها انها تروح الكلية وتاني يوم 2022/12/13 نورهان بعتتلي جواب ويومها بالليل نورهان كلمتني بالتليفون وقالتلي امي ساقت فيها وهتفضحنا وتاني يوم اللي هو 14/2022/12 جتلي الصبح بدري حوالي الساعة 8 الصبح وهي رايحة الكلية بتاعتها واتكلمنا وقالتلي احنا لازم نقتل امي يوم اجازتها اللي هو يوم الاثنين اللي جاي وفضلنا نتفق هنعمل ايه وهنقتلها ازاي وهي قالتلي احنا ممكن نجيبلها سم ونحطهلها في الاكل وانا قلتلها او ممكن نخنقها بفوطة واتفقنا علي كدة . س / متى نشأت العلاقة بينك وبين المتهمة / نورهان خليل محمد عبدالله ؟ ج / من أواخر شهر يونيه عام 2022
