بمجرد صدور الحكم بالسجن 15 يوما على سوزان ثابت زوجة الرئيس السابق حسنى مبارك من قبل جهاز الكسب غير المشروع والأمر بترحيلها إلى سجن القناطر، حتى ذهب نشطاء الفيس بوك إلى تدشين صفحة لها بعنوان "سجن القناطر للجميع " وبخفه دم المصريين كان التعليقات الساخرة التى عرفت عنهم منذ اندلاع ثورة يناير وقام أحمد جمال بعمل قصيدة لها وهى : اهلا وسهلا شرفتي يا ماما سوزان ماما اللي عمرنا ما شفنا منها حنان عمرها ما كانت ماما وكنت انا غلطان طلعت شيطانه وجوزها طلع شيطان خلفوا أبالسه فسدوا وباعوا كل الأوطان العيلة كلها طلعت نصابة و حراميه سرقواالمكتبه والطفل ومحو الأمية البلد تجوع ما تلاقيش تمن الطعمية والدهب والمليارات في خزاينهم مرمية تستاهلي الاعدام علي كل أفعالك انت وجوزك المخلوع وعلاء وجمال اندالك تتعدموا وترجع للبلد أموالهم وأموالك إلهي ما تشوفي راحة أبدا ويتعكر بالك شرفي وتعالي ياماما سجن القناطر انتي برضه ماما وليكي عندينا خاطر ماما مرات بابا حسني الحرامي الشاطر ام اللي باعوا الميه و السد والقناطر ماراعوش ضميرهم ولا خافو من الفاطر انتي مهما كنتي برضك ماما سوزي اللي خلتينا نجوع وتعملي جاكوزي ماما اللي سرقت آثارنا ونشفت و بوزي طول عمر البلد تخسر وانتي تفوزي كنا فاكرينك ماما نكون خدامك لما تعوزي ماما سوزي اللي باعت كل المكتبات اللي استحلت قوتنا وسرقت المعونات ماما للي فسدت افكار الولاد والبنات ملايين بسببها ضاعوا عاشوا في الطرقات ماما اللي عمرها ما كانت لينا ماما كانت ام نتنياهو وبوش وكلينتون واوباما جوعتنا وعرتنا وعذبتنا وتعستنا ياما عذابكم في الدنيا هو الشنق والاعدام محدش يقول كفايه ارحموهم حرام ياما صدرت منهم علينا أقسي الاحكام عشنا في عهدهم نقاسي الهم والآلام تنام عيونهم ورب العرش عينه ما بتنام وأضاف محمد احمد تعليقا آخر مفروض تروح بورتو طرة ...............مش بتنادى بالمساواة ياجيمي ياشاطر أمك راحت القناطر سوزان مبارك بعد حبسها تتقدم للمجلس العسكرى بمسودة قانون لإنشاء سجن الأسرة.
