تحدث وليد سليمان لاعب النادي الأهلي، عن مشاركته في مباراة الأهلي والهلال في كأس العالم للأندية ورد فعل جماهير القلعة الحمراء. بعد تتويج الأهلي ببرونزية العالم.. موسيماني يتفوق على جوزيه لأول مرة وقال وليد سليمان خلال تصريحات تليفزيونية " بعد مشاركتي بثلاث دقائق في مباراة الهلال دموعي نزلت ومكنتش متوقع ردود الأفعال تكون كده وفيه علاقة تربطني بجمهور الأهلي وأنا اللاعب الوحيد اللي الجمهور نادى له وانا بلعب ضد الأهلي ". وأضاف " مهما عملت مش هوفي جمهور الأهلي واللي عمله معايا طول مسيرتي وبشكره وبشكر مجلس الإدارة والجهاز الفني وكل اللي عملت معاهم وعمال النادي، وراض عن كل اللي عملته". وواصل تصريحاته " فيه حاجات غيرت دماغي، وروحت منتخب مصر قبل انتقالي للأهلي وخدت احسن لاعب في مصر قبل ما العب للأهلي، والمسئولين قالولي انت لاعب كويس وعايزين نجيبك لينا كام سنة ". وأتم وليد سليمان تصريحاته "كنت عايز أعمل تاريخ ورصيد ومن الحاجات اللي فرقت وخلتني عايز أعمل رصيد جوه النادي زي اللعيبة الكبار السابقين والناس في الملعب بتهين نفسها في التدريب وكان لازم ابقى زيهم واتحمل المسئولية وفيه ثوابت غيرت تفكيري خالص وخلتني ابص لقدام زي اللعيبة الموجودة".
