نشر الفنان محمد أسامة الشهير ب اوس أوس صورة له برفقة زوجته، وجاء ذلك عبر حسابه الرسمي علي موقع تبادل الصور والفيديوهات الشهير انستجرام . إقرأ أيضًا.. شاهد .. أوس أوس يعلن عودته إلى العمل وعلق عليها قائلا: أنا مش محتاج ابرر وأحكى أى حاجه عن حياتى والست اللى قلبى إخترها، كنت ساعتها فى أول موسم لتياترو مصر كنا نتقاضى مرتبات مش ممكن تفتح بيت، وأول ما أتجوزت كنت أقعد فى بيت إيجار كمان، أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة الفلوس بتعمل أكتر من كده، الفلوس ممكن تشترى سرير بس ماتشتريش النوم !، ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدا من إمتى واإبهدل إزاى، ولولا وجود حد جنبه بيسنده ويدعمه ماكنش هيعرف يعدى من أى مشكلة نفسية او مادية فى حياته. وأضاف قائلًا: ومش معنى إنى بنزل أشتغل أو بتصور وأنا مبسوط ده معناه إنى هموت من الفرحه بس دى مهنتى واجبى ناحيه جمهورى، إنى أخرجه من أى حزن هو فيه كل ده بعمله على حساب حزنى وجرحى ووجعى أنا،.وفى الاخر بتشتم برضه ! أنا بقول الكلام ده ولن اسمح بأى تدخل فى حياتى الشخصية مره أخرى سواء بالخير او بالشر او دخول إسم مراتى فى أى كلمة من كلام المرضى النفسيين، مراتى اللى أخوها متوفى و إبنها متوفى وماصدقت أول مره أخرجها نروح مناسبه ودمرتوها نفسيا تانى بكلامكم المريض، .حسبى الله ونعم الوكيل فيكم.، حقك عليا ياست الكل، سكت كتير وكنت بعدى لكن مفيش فايدة.،كل واحد يركز فى حياته، الطموح حلم مشروع عند كل الناس إسعى وإتعب وكافح وربنا اللى بيكافئ مش البشر بدل ماتفضل تبُص فى حياة الناس . يذكر أن الفنان أوس أوس شارك مؤخرًا في بطولة مسلسل 2 في الصندوق، والمسلسل من تأليف لؤي السيد، وإخراج محمد مصطفى، وبطولة كل من حمدي المرغني، أوس أوس، أشرف الشرقاوي، محمود البزاوي، نهى عابدين، أحمد عبد الله محمود، محمود عبد الغفار، بيومي فؤاد، ياسر الطوبجي، محمود الشرقاوي، هايدي رفعت.