وجه نشطاء على موقع التواصل الاجتماعي "فيس بوك" رسالة للدكتور وجدى غنيم الداعية الاسلامي، رداً على تهكمه على وفاة البابا شنودة بابا الاسكندرية وبطريرك الكرازة المرقسية الذي وافته المنية يوم السبت الماضى، ووصفه بموت رأس الكفر، والذي لاقى انتقاداً كبيراً في الأوساط الإعلامية. عبر النشطاء في الرسالة عن رفضهم لما قاله الدكتور وجدي غنيم، مؤكدين على تمسك المصريين بالوحدة بين المسلمين والمسيحيين والذي أوصى بها الرسول - صلى الله عليه وسلم - وكذا احترام الأديان. ووصف الفيسبوكيون ما قاله الدكتور وجدي بأنه فتنة، لافتين إلى وقوف المسلمين والمسيحيين يداً واحدة في الثورة المصرية وسقوط شهداء من الجانبين. كان قد تقدم نبيل جبريال، رئيس منظمة نور الشمس للتنمية وحقوق الإنسان، أمس ببلاغ للنائب العام ضد الشيخ وجدى غنيم يتهمه فيه بازدراء الدين المسيحى والإضرار بالوحدة الوطنية والتمييز ضد طائفة من طوائف المجتمع. وكانت الرسالة التى وجهها النشطاء فى أبيات شعر كالآتى: حرام عليك يا شيخ وجدي متكسفناش .. سيب اللي مات لاصحابه واسكت متجرحناش البابا والشعراوي كانوا صحاب واخوات ... وادي مصر خسرتهم فيا ريت متخسرناش مع احترامنا ليك غلطت فينا قبلهم ... اللي انت قلته فظيع دول منا واحنا منهم ترضى تموت وحد يشتم فيك .. ترضيها على نفسك ... طب برضو بنحبهم حتى الرسول بعظمته لعن اللي قاد الفتنة ... ليه انت يا شيخنا تيجي على اخواتنا ديننا سلام ومحبة واحترام اديان .. ومستحيل انسان يقدر على فراقنا فكرك بترضي ربنا لما بتشتمهم .. والله انت جرحتنا وقربتنا منهم ماسكين في ايد بعضنا اه ومش هنفلتها .. مسلم على مسيحي محفورة في قلوبهم دول جيران واخوات واهل وعشرة مش لعبة .. واللي قلته بجد جهل والمرة دي صعبة ... صعبة عليك انت .. سهلة علينا احنا مش هنخضع للفتن .. مش هنحرق في الوطن ... وربنا محبة بقى عندنا حصانة من الفتنة وشيطانها ... قبل ما تيجي عندنا فلي لحظة نلعنها واقفين في حيطة سد ومش هنتفرق .. والمرة دي بجد دلوقتي نعلنها للاسف يا شيخ زعلتنا منك ... اخويا مينا قالي روّق يا واد دمك يلا الكلام ببلاش وربنا يسامحه .. قلتله يا مينا انسى ولا يهمك دم الشهيد عالارض من غير ديانة يا شيخ .. دول اللي ماتوا علشانا ودخلونا التاريخ منهم عماد عفت صحيح وبيشوي وغيره كتير بصراحة انت وبس تستاهل التوبيخ .. وفي النهاية انا مسلم وبعتذر ليهم واحنا اكبر من الكلام .. اللي انت قلته عليهم مصر اكبر مننا .. ايوة غصبن عننا .. وحبنا لبعضنا قبل ما يعيش فينا اصلا .. هو عايش فينا شاهد الفيديو http://www.youtube.com/watch?feature=player_embedded&v=YNTNFp6BJA4
