يواصل ناشطون على موقع فيس بوك الاحتفالات بنجاح الثورة، بكتابة النكات على نظام الحكم المخلوع الذى ترأسه مبارك لمدة ثلاثين عاما. ومن هذه الكتابات الساخرة المتخيلة مدونة أظهرت مبارك لا يزال يتساءل: هو اللى حصل دا بجد و ولا أيه ؟ الوضع مستقر ولا هنصلى الجمعة المقبلة فى جدة؟ فيرد عليه وزير الداخلية السابق حبيب العدلى " عيب يا ريس الأوضاع مستقرة متقلقش، ويتدخل جمال مبارك معترضا "لاء يا بابا .. انا مش هسيب البلد دى من غير ما أحكم مليش دعوة انت وعدتنى، فيجيبه عز أمين تنظيم الوطنى السابق " متقلقش يا مفجر ثورة التحديث وبعدين لو باظت إحنا عملنا شوية فلوس نقدر نعمل بيها مصنع فى جدة. وهنا يباغت مبارك نجله وعز قائلا "أنا أستاهل اللى حصلى أنا مسكت البلد لشوية عيال .. خربتوها يا ولاد ... أنا هرجعك لأيام الفلكة يا جمال ، وانت يا عز تعدى عليا بكره ومعاك كم سيخ حديد علشان ..... وبعدين أيه الصورة اللى انت حاططها على بروفيك دى عاملى فيها سومة العاشق . ويتدخل في الحديث معمر القذافى ويتهكم من مبارك ويقول له " أنا قلت لك يا مبارك الديمقراطية يعنى ديمو كراسى يعنى داهم كرسيك ولا تتخلى عنه أبدا هذه ديمقراطية الجماهيرية الليبية . زين العابدين الرئيس التونسى السابق يقول مرتعشا " أنا أفهمكم الآن "، والملك عبدالله خادم الحرمين يحاول أن يعيد إليهم الطمأنينة بقوله " أبشر يا مبارك أطال الله عمرك ، فندق جدة فى انتظارك الله يحييك ، تعالى بس يا ريت تغير المهنة فى جواز السفر لو سواق يبقى كويس . يلتقط مبارك الدعوة ويقول "سواق سواق ياما سقنا الهبل"، وهنا يحاول نظيف مساعدة مبارك ويقول "المدام تحضر الملابس الجديدة يا ريس"، يرد مبارك "طول عمرك نظيف يا نظيف.. توكلنا على الله"، ثم يظهر فتحى سرور من شرفة النافذة "موافقة".